ເນື່ອງໃນໂອກາດສະເຫຼີມສະຫຼອງວັນສ້າງຕັ້ງອົງການໄອຍະການປະຊາຊົນແຫ່ງສປປລາວຄົບຮອບ 34 ປີ (9 ມັງກອນ 1990 ຫາ9 ມັງກອນ 2024) ໃນຕອນເຊົ້າວັນທີ 9 ມັງກອນນີ້, ການນຳ ອອປສ ພ້ອມດ້ວຍຄະນະໄດ້ວາງກະຕ່າດອກໄມ້ຢູ່ຕໍ່ໜ້າຮູບປັ້ນຫຼໍ່ອະນຸສອນສະຖານປະທານ ໄກສອນ ພົມວິຫານ ຊຶ່ງນຳໂດຍສະຫາຍ ໄຊຊະນະ ໂຄດພູທອນ ກໍາມະການສູນກາງພັກເລຂາຄະນະບໍລິຫານງານພັກຫົວໜ້າອົງການໄອຍະການປະຊາຊົນສູງສຸດ (ອອປສ), ມີບັນດາຄະນະພັກ-ຄະນະນຳອົງການ ອອປສ, ອົງການໄອຍະການປະຊາຊົນພາກກາງ-ນະຄອນຫຼວງ ແລະ ອົງການໄອຍະການປະຊາຊົນເຂດ 4 ເຂດ, ມີ 3ອົງການຈັດຕັ້ງມະຫາຊົນ ພ້ອມດ້ວຍພະນັກງານອົງການກ່ຽວຂ້ອງເຂົ້າຮ່ວມ.
ການວາງກະຕ່າຄັ້ງນີ້, ເພື່ອເປັນການເຄົາລົບ, ລະນຶກເຖິງຄຸນງາມຄວາມດີອັນປະເສີດທັງເປັນແບບຢ່າງທີ່ດີທົ່ວພັກ, ທົ່ວລັດ, ທົ່ວກຳລັງປະກອບອາວຸດ ແລະ ທົ່ວປວງຊົນລາວທັງຊາດ ທີ່ທ່ານໄດ້ອຸທິດຊີວິດສຸມທຸກສະຕິປັນຍາ ແລະ ຄວາມຮູ້-ຄວາມສາມາດຂອງຕົນເຂົ້າໃນພາລະກິດປົດປ່ອຍຊາດ ກໍຄືພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃຫ້ມີຄວາມຈະເລີນຮຸ່ງເຮືອງ, ມີຄວາມເຂັ້ມແຂງຕະຫຼອດມາ. ພ້ອມທັງສະແດງເຖິງຄວາມເຄົາລົບຮັກ, ຄວາມກະຕັນຍູຮູ້ບຸນຄຸນຕໍ່ຜົນງານອັນໃຫຍ່ຫຼວງຂອງປະທານໄກສອນ ພົມວິຫານ ທີ່ໄດ້ນຳພາປະຊາຊົນລາວທັງຊາດ ລຸກຮືຂຶ້ນຕໍ່ສູ້ຕ້ານພວກຈັກກະພັດຕ່າງດ້າວຈົນໄດ້ຮັບໄຊຊະນະ ແລະ ນຳເອົາຄວາມຢູ່ເຢັນເປັນສຸກມາສູ່ປະຊາຊົນລາວບັນດາເຜົ່າຕະຫຼອດໄລຍະທີ່ຜ່ານມາ. ຍາມໃດປະທານກໍອຸທິດຕົນເພື່ອຊາດ, ເພື່ອປະຊາຊົນດ້ວຍນໍ້າໃຈບໍລິສຸດ, ມີນໍ້າໃຈເດັດດ່ຽວກ້າຫານ,ດຸໝັ່ນ, ປະຢັດ, ມີທັດສະນະມະຫາຊົນສະເໝີຕົ້ນສະເໝີປາຍ, ທັງນຳພາດ້ານທິດສະດີ, ນັກວິທະຍາສາດທີ່ມີວິໄສທັດກວ້າງໄກ ສາມາດຕີລາຄາຊັ່ງຊາສະພາບການທັງພາຍໃນ ແລະ ສາກົນໄດ້ຢ່າງແມ່ນຍຳ ແລະ ໄດ້ກາຍເປັນຜູ້ນຳທີ່ດີເດັ່ນ ແລະ ເປັນວິລະບູລຸດຂອງຊາດລາວ ທີ່ໄດ້ນຳພາປວງຊົນບັນດາເຜົ່າຍາດໄດ້ໄຊຊະນະ ແລະ ສະຖາປະນາສາທາລະນະລັດ ປະຊາທິປະໄຕ ປະຊາຊົນລາວ.
ໃນໂອກາດນີ້,ຄະນະພັກ, ຄະນະນໍາ ອອປສ ຍັງໄດ້ໃຫ້ຄຳໝັ້ນສັນຍາຕໍ່ທ່ານປະທານ ໄກສອນ ພົມວິຫານທີ່ວ່າ: ຈະຕັ້ງໜ້າຮໍ່າຮຽນເອົາແບບຢ່າງທີ່ດີ ແລະ ເຕັມໄປດ້ວຍຄຸນສົມບັດ, ສິນທໍາປະຕິວັດ ແລະ ຜ່ານຜ່າທຸກຄວາມຫຍຸ້ງຍາກໃນການຕໍ່ສູ້ກູ້ຊາດອັນຜ່ອງໃສຂອງປະທານ ພ້ອມກັນເດີນຕາມແນວທາງນະໂຍບາຍຂອງປະທານຕັ້ງໄວ້ຢ່າງບໍ່ມີວັນປ່ຽນແປງ.
(ຂ່າວ-ພາບ: ວັນເພັງ)
ການວາງກະຕ່າຄັ້ງນີ້, ເພື່ອເປັນການເຄົາລົບ, ລະນຶກເຖິງຄຸນງາມຄວາມດີອັນປະເສີດທັງເປັນແບບຢ່າງທີ່ດີທົ່ວພັກ, ທົ່ວລັດ, ທົ່ວກຳລັງປະກອບອາວຸດ ແລະ ທົ່ວປວງຊົນລາວທັງຊາດ ທີ່ທ່ານໄດ້ອຸທິດຊີວິດສຸມທຸກສະຕິປັນຍາ ແລະ ຄວາມຮູ້-ຄວາມສາມາດຂອງຕົນເຂົ້າໃນພາລະກິດປົດປ່ອຍຊາດ ກໍຄືພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃຫ້ມີຄວາມຈະເລີນຮຸ່ງເຮືອງ, ມີຄວາມເຂັ້ມແຂງຕະຫຼອດມາ. ພ້ອມທັງສະແດງເຖິງຄວາມເຄົາລົບຮັກ, ຄວາມກະຕັນຍູຮູ້ບຸນຄຸນຕໍ່ຜົນງານອັນໃຫຍ່ຫຼວງຂອງປະທານໄກສອນ ພົມວິຫານ ທີ່ໄດ້ນຳພາປະຊາຊົນລາວທັງຊາດ ລຸກຮືຂຶ້ນຕໍ່ສູ້ຕ້ານພວກຈັກກະພັດຕ່າງດ້າວຈົນໄດ້ຮັບໄຊຊະນະ ແລະ ນຳເອົາຄວາມຢູ່ເຢັນເປັນສຸກມາສູ່ປະຊາຊົນລາວບັນດາເຜົ່າຕະຫຼອດໄລຍະທີ່ຜ່ານມາ. ຍາມໃດປະທານກໍອຸທິດຕົນເພື່ອຊາດ, ເພື່ອປະຊາຊົນດ້ວຍນໍ້າໃຈບໍລິສຸດ, ມີນໍ້າໃຈເດັດດ່ຽວກ້າຫານ,ດຸໝັ່ນ, ປະຢັດ, ມີທັດສະນະມະຫາຊົນສະເໝີຕົ້ນສະເໝີປາຍ, ທັງນຳພາດ້ານທິດສະດີ, ນັກວິທະຍາສາດທີ່ມີວິໄສທັດກວ້າງໄກ ສາມາດຕີລາຄາຊັ່ງຊາສະພາບການທັງພາຍໃນ ແລະ ສາກົນໄດ້ຢ່າງແມ່ນຍຳ ແລະ ໄດ້ກາຍເປັນຜູ້ນຳທີ່ດີເດັ່ນ ແລະ ເປັນວິລະບູລຸດຂອງຊາດລາວ ທີ່ໄດ້ນຳພາປວງຊົນບັນດາເຜົ່າຍາດໄດ້ໄຊຊະນະ ແລະ ສະຖາປະນາສາທາລະນະລັດ ປະຊາທິປະໄຕ ປະຊາຊົນລາວ.
ໃນໂອກາດນີ້,ຄະນະພັກ, ຄະນະນໍາ ອອປສ ຍັງໄດ້ໃຫ້ຄຳໝັ້ນສັນຍາຕໍ່ທ່ານປະທານ ໄກສອນ ພົມວິຫານທີ່ວ່າ: ຈະຕັ້ງໜ້າຮໍ່າຮຽນເອົາແບບຢ່າງທີ່ດີ ແລະ ເຕັມໄປດ້ວຍຄຸນສົມບັດ, ສິນທໍາປະຕິວັດ ແລະ ຜ່ານຜ່າທຸກຄວາມຫຍຸ້ງຍາກໃນການຕໍ່ສູ້ກູ້ຊາດອັນຜ່ອງໃສຂອງປະທານ ພ້ອມກັນເດີນຕາມແນວທາງນະໂຍບາຍຂອງປະທານຕັ້ງໄວ້ຢ່າງບໍ່ມີວັນປ່ຽນແປງ.
(ຂ່າວ-ພາບ: ວັນເພັງ)
ຄໍາເຫັນ