ບົດລາຍງານລະບຸວ່າ: ມາເລເຊຍ ໄດ້ເລີ່ມດຳເນີນການສະເໜີຊື່ອຸທິຍານດັ່ງກ່າວເຂົ້າບັນຊີລາຍຊື່ມໍລະດົກໂລກຂອງອົງການ UNESCO ໃນປີ 2013. ໂດຍໃຫ້ຂໍ້ສັງເກດວ່າອຸທິຍານດັ່ງກ່າວເປັນສະຖານທີ່ທີ່ມີເອກະລັກສະເພາະ ແລະ ເປັນສ່ວນໜຶ່ງຂອງຄວາມພະຍາຍາມເພື່ອຟື້ນຟູລະບົບນິເວດປ່າຝົນເຂດຮ້ອນຂະໜາດໃຫຍ່ທີ່ເກົ່າແກ່ ໂດຍຜ່ານການປູກຕົ້ນໄມ້ໃໝ່ໃນພື້ນທີ່ຂຸດຄົ້ນບໍ່ແຮ່ກົ່ວເກົ່າ.
ຂໍ້ລິເລີ່ມດັ່ງກ່າວໄດ້ກໍານົດມາດຕະຖານລະດັບສາກົນ ໂດຍປະສົບຜົນສໍາເລັດໃນການສ້າງລະບົບນິເວດທີ່ມີລັກສະນະຄ້າຍຄືກັບປ່າຝົນເຂດຮ້ອນຕາມທໍາມະຊາດ ຊຶ່ງອຸດົມສົມບູນໄປດ້ວຍພັນໄມ້ຫຼາກຫຼາຍຊະນິດ ແລະ ຄວາມຫຼາກຫຼາຍທາງຊີວະນາໆພັນໂດຍລວມ.
FRIM ລະບຸວ່າ: ອຸທິຍານແຫ່ງນີ້ ສະທ້ອນໃຫ້ເຖິງຄວາມພະຍາຍາມໃນບຸກເບີກ ແລະ ການຟື້ນຟູປ່າໄມ້ ຊຶ່ງປ່ຽນແປງທີ່ດິນແຫ້ງແລ້ງໃຫ້ກາຍເປັນປ່າດົງດິບທົ່ງພຽງທີ່ອຸດົມສົມບູນໄດ້ສຳເລັດ, ສະແດງໃຫ້ເຫັນເຖິງການຟື້ນຟູລະບົບນິເວດໃນໄລຍະທຳອິດ ແລະ ການຖົມດິນແບບຍືນຍົງ.
ທັງນີ້, ການຂຶ້ນທະບຽນຫຼ້າສຸດໄດ້ເຮັດໃຫ້ມາເລເຊຍມີຈຳນວນມໍລະດົກໂລກຂອງ UNESCO ເພີ່ມຂຶ້ນເປັນ 6 ແຫ່ງ.
ຄໍາເຫັນ