ກອງພັນໃຫຍ່ 302 ກອງພົນທີ 3 ໄດ້ຈັດພິທີປະກາດເລື່ອນຊັ້ນໃຫ້ນາຍທະຫານຂຶ້ນໃນວັນທີ 23 ເມສານີ້ ທີ່ສະໂມສອນກອງພັນໃຫຍ່ 302 ໂດຍການເປັນປະທານຂອງສະຫາຍ ພັນໂທ ຄຳອ້ວນ ວຽງສະຫວັນ ຮອງເລຂາຄະນະພັກ ຫົວໜ້າການເມືອງ ກອງພັນໃຫຍ່ 302, ມີຄະນະພັກ-ຄະນະບັນຊາກ່ຽວຂ້ອງເຂົ້າຮ່ວມ.
ສະຫາຍຮ້ອຍເອກ ພຸດ ພອນມະນີ ຫົວໜ້າຂະແໜງພະນັກງານກອງພັນໃຫຍ່ 302 ໄດ້ຂຶ້ນຜ່ານຂໍໍ້ຕົກລົງຂອງ ກະຊວງປ້ອງກັນປະເທດ ເລກທີ 2352/ກປທ, ລົງວັນທີ 2 ເມສາ 2024 ວ່າດ້ວຍການເລື່ອນຊັ້ນໃຫ້ນາຍທະຫານຢູ່ກອງພັນໃຫຍ່ 302, ອີງຕາມກົດໝາຍນາຍທະຫານກອງທັບປະຊາຊົນລາວ (ສະບັບປັບປຸງ) ພາກທີ II ໝວດ 3 ມາດຕາ 22 ແລະ ມາດຕາ 23 ວ່າດ້ວຍການເລື່ອນຊັ້ນນາຍທະຫານຢູ່ໃນຖັນແຖວກອງທັບ, ໃນນີ້ກະຊວງປ້ອງກັນປະເທດຕົກລົງເລື່ອນຊັ້ນໃຫ້ນາຍທະຫານຢູ່ກອງພັນໃຫຍ່ 302 ຈາກຊັ້ນຮ້ອຍເອກຂຶ້ນພັນຕີຈຳນວນ 3 ສະຫາຍ, ຊັ້ນຮ້ອຍໂທຂຶ້ນຮ້ອຍເອກຈຳນວນ 7 ສະຫາຍ, ຊັ້ນຮ້ອຍຕີຂຶ້ນຮ້ອຍໂທ 9 ສະຫາຍ, ເລື່ອນທຽບຊັ້ນຮ້ອຍໂທຂຶ້ນຮ້ອຍເອກ 1 ສະຫາຍ, ທຽບຊັ້ນຮ້ອຍໂທໃຫ້ນັກຮຽນທີ່ຮຽນຈົບຊັ້ນປະລິນຍາຕີ, ຊັ້ນສູງຈຳນວນ 2 ສະຫາຍ.
ໂອກາດນີ້, ສະຫາຍ ພັນໂທ ຄຳອ້ວນ ວຽງສະຫວັນ ໄດ້ໃຫ້ກຽດໂອ້ລົມ ພ້ອມທັງຮຽກຮ້ອງໃຫ້ຜູ້ທີ່ໄດ້ຮັບການເລື່ອນຊັ້ນໃໝ່ໃຫ້ເອົາໃຈໃສ່ຄົ້ນຄວ້າເຊື່ອມຊຶມກໍາແໜ້ນແນວທາງແຜນນະໂຍບາຍຂອງພັກ, ລະບຽບກົດໝາຍຂອງລັດ, ບັນດາມະຕິ, ຄໍາສັ່ງຕ່າງໆຂອງພັກ-ລັດ ແລະ ໜ້າທີ່ການເມືອງຂອງກົມກອງຢ່າງເລິກເຊິ່ງ, ເອົາໃຈໃສ່ເຮັດວຽກງານສຶກສາອົບຮົມການເມືອງ-ນໍາພາແນວຄິດ ຕິດພັນກັບຂະບວນການວຽກງານຕົວຈິງ, ຍົກສູງນໍ້າໃຈຮັບຜິດຊອບຕໍ່ໜ້າທີ່ການ ເມືອງທີ່ໄດ້ຮັບມອບໝາຍ, ເພີ່ມທະວີຄວາມສາມັກຄີພາຍໃນໃຫ້ເປັນປຶກແຜ່ນແໜ້ນໜາ ຕິດພັນກັບການປັບປຸງແບບ ແຜນນໍາພາວິທີເຮັດວຽກໃຫ້ສອດຄ່ອງ, ຕັ້ງໜ້າປະກອບສ່ວນເຂົ້າໃນການປັບປຸງກໍ່ສ້າງກົມກອງໃຫ້ມີຄວາມໜັກແໜ້ນເຂັ້ມແຂງຂຶ້ນເທື່ອລະກ້າວ. ແຫຼ່ງຂ່າວ: ຂປລ
ສະຫາຍຮ້ອຍເອກ ພຸດ ພອນມະນີ ຫົວໜ້າຂະແໜງພະນັກງານກອງພັນໃຫຍ່ 302 ໄດ້ຂຶ້ນຜ່ານຂໍໍ້ຕົກລົງຂອງ ກະຊວງປ້ອງກັນປະເທດ ເລກທີ 2352/ກປທ, ລົງວັນທີ 2 ເມສາ 2024 ວ່າດ້ວຍການເລື່ອນຊັ້ນໃຫ້ນາຍທະຫານຢູ່ກອງພັນໃຫຍ່ 302, ອີງຕາມກົດໝາຍນາຍທະຫານກອງທັບປະຊາຊົນລາວ (ສະບັບປັບປຸງ) ພາກທີ II ໝວດ 3 ມາດຕາ 22 ແລະ ມາດຕາ 23 ວ່າດ້ວຍການເລື່ອນຊັ້ນນາຍທະຫານຢູ່ໃນຖັນແຖວກອງທັບ, ໃນນີ້ກະຊວງປ້ອງກັນປະເທດຕົກລົງເລື່ອນຊັ້ນໃຫ້ນາຍທະຫານຢູ່ກອງພັນໃຫຍ່ 302 ຈາກຊັ້ນຮ້ອຍເອກຂຶ້ນພັນຕີຈຳນວນ 3 ສະຫາຍ, ຊັ້ນຮ້ອຍໂທຂຶ້ນຮ້ອຍເອກຈຳນວນ 7 ສະຫາຍ, ຊັ້ນຮ້ອຍຕີຂຶ້ນຮ້ອຍໂທ 9 ສະຫາຍ, ເລື່ອນທຽບຊັ້ນຮ້ອຍໂທຂຶ້ນຮ້ອຍເອກ 1 ສະຫາຍ, ທຽບຊັ້ນຮ້ອຍໂທໃຫ້ນັກຮຽນທີ່ຮຽນຈົບຊັ້ນປະລິນຍາຕີ, ຊັ້ນສູງຈຳນວນ 2 ສະຫາຍ.
ໂອກາດນີ້, ສະຫາຍ ພັນໂທ ຄຳອ້ວນ ວຽງສະຫວັນ ໄດ້ໃຫ້ກຽດໂອ້ລົມ ພ້ອມທັງຮຽກຮ້ອງໃຫ້ຜູ້ທີ່ໄດ້ຮັບການເລື່ອນຊັ້ນໃໝ່ໃຫ້ເອົາໃຈໃສ່ຄົ້ນຄວ້າເຊື່ອມຊຶມກໍາແໜ້ນແນວທາງແຜນນະໂຍບາຍຂອງພັກ, ລະບຽບກົດໝາຍຂອງລັດ, ບັນດາມະຕິ, ຄໍາສັ່ງຕ່າງໆຂອງພັກ-ລັດ ແລະ ໜ້າທີ່ການເມືອງຂອງກົມກອງຢ່າງເລິກເຊິ່ງ, ເອົາໃຈໃສ່ເຮັດວຽກງານສຶກສາອົບຮົມການເມືອງ-ນໍາພາແນວຄິດ ຕິດພັນກັບຂະບວນການວຽກງານຕົວຈິງ, ຍົກສູງນໍ້າໃຈຮັບຜິດຊອບຕໍ່ໜ້າທີ່ການ ເມືອງທີ່ໄດ້ຮັບມອບໝາຍ, ເພີ່ມທະວີຄວາມສາມັກຄີພາຍໃນໃຫ້ເປັນປຶກແຜ່ນແໜ້ນໜາ ຕິດພັນກັບການປັບປຸງແບບ ແຜນນໍາພາວິທີເຮັດວຽກໃຫ້ສອດຄ່ອງ, ຕັ້ງໜ້າປະກອບສ່ວນເຂົ້າໃນການປັບປຸງກໍ່ສ້າງກົມກອງໃຫ້ມີຄວາມໜັກແໜ້ນເຂັ້ມແຂງຂຶ້ນເທື່ອລະກ້າວ. ແຫຼ່ງຂ່າວ: ຂປລ
ຄໍາເຫັນ