ນີ້,ໂດຍການເປັນປະທານຂອງສະຫາຍ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດ, ມີສະຫາຍ ບຸນໂຈມ ອຸບົນປະເສີດ ເຈົ້າແຂວງສະຫວັນນະເຂດ,ມີຕາງໜ້າບັນດາກົມໃຫຍ່, ຫ້ອງວ່າການກະຊວງປ້ອງກັນປະເທດ,ກົມທີ່ກ່ຽວຂ້ອງ, ແຂກຖືກເຊີນຈາກພາກສ່ວນຕ່າງໆ, ຄະນະພັກ-ຄະນະບັນຊາກອງພົນທີ 4, ກົມກອງອ້ອມຂ້າງ ແລະ ພະນັກງານຫຼັກ ແຫຼ່ງເຂົ້າຮ່ວມ.
ໃນພິທີ, ສະຫາຍ ພົນຈັດຕະວາ ວົງແກ້ວ ວົງພິລາ ຫົວໜ້າກົມປືນໃຫຍ່ໜ້າດິນ ກົມໃຫຍ່ເສນາທິການກອງທັບ ໄດ້ລາຍງານຫຍໍ້ກ່ຽວກັບຕົ້ນກຳເນີດຂອງກອງພັນປືນໃຫຍ່ໜ້າດິນ 619 ແລະ ວຽກງານກະກຽມຄວາມພ້ອມດ້ານຕ່າງໆ ເພື່ອຍົກລະດັບເປັນກອງພັນໃຫຍ່ປືນໃຫຍ່ໜ້າດິນ 619.ຈາກນັ້ນ, ສະຫາຍ ພັນເອກ ບຸນເພັງ ເທບພະພອນ ຮອງຫົວໜ້າກົມກຳລັງພົນ ກົມໃຫຍ່ເສນາທິການກອງທັບ ໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດວ່າດ້ວຍການຍົກລະດັບ ກອງພັນນ້ອຍປືນໃຫຍ່ໜ້າດິນ 619 ກອງພົນທີ 4 ຂຶ້ນເປັນກອງພັນໃຫຍ່ປືນໃຫຍ່ໜ້າດິນ 619 ເອກະລາດ, ພາຍໃຕ້ການຊີ້ນໍາ-ນໍາພາ ໂດຍກົງຮອບດ້ານຈາກກະຊວງປ້ອງກັນປະເທດ ແລະ ກົມໃຫຍ່ເສນາທິການກອງທັບ, ລະບົບການຈັດຕັ້ງ ດ້ານວຽກງານການເມືອງແນວຄິດ, ວຽກງານພັກ-ພະນັກງານແມ່ນຂຶ້ນກັບກົມໃຫຍ່ການເມືອງກອງທັບ, ດ້ານວຽກງານເຕັກນິກວິຊາສະເພາະ, ວຽກງານປັບປຸງກໍ່ສ້າງກໍາລັງ ຂຶ້ນກັບກົມປືນໃຫຍ່ໜ້າດິນ ກົມໃຫຍ່ເສນາທິການກອງທັບ, ດ້ານວຽກງານພະລາທິການ, ງົບປະມານ ແລະ ເງິນເດືອນຂຶ້ນກັບກົມໃຫຍ່ພະລາທິການກອງທັບ ເປັນຫົວໜ່ວຍງົບປະມານເອກະລາດ ແລະ ດ້ານວຽກງານເຕັກນິກຂຶ້ນກັບກົມໃຫຍ່ເຕັກນິກກອງທັບ.
ກອງພັນໃຫຍ່ປືນໃຫຍ່ໜ້າດິນ 619 ມີພາລະບົດບາດໃນການເປັນກຳລັງແຮງຕົ້ນຕໍທາງດ້ານກໍາລັງໄຟໜ້າດິນ ຂັ້ນຍຸດທະບັ້ນຮົບ-ຍຸດທະສາດໃຫ້ແກ່ກະຊວງປ້ອງກັນປະເທດ. ພ້ອມດຽວກັນນີ້, ຍັງໄດ້ປະກາດການແຕ່ງຕັ້ງຄະນະບັນຊາກອງພັນໃຫຍ່ປືນໃຫຍ່ໜ້າດິນ 619, ເຊິ່ງປະກອບມີສະຫາຍ ພັນເອກ ແສງຟອງ ທິບທິລາດ ເປັນຫົວໜ້າການເມືອງ; ສະຫາຍ ພັນໂທ ແສງວັນ ເກີດທະບູລີ ເປັນຫົວໜ້າການທະຫານ; ສະຫາຍ ພັນໂທ ບຸນມາ ແກ້ວເກີດມີ ເປັນຮອງຫົວ ໜ້າການເມືອງທັງເປັນຫົວໜ້າພະແນກການເມືອງ; ສະຫາຍ ພັນໂທ ພູສອນ ໄຊຍະບົວສີ ເປັນຮອງຫົວ ໜ້າການທະຫານ ທັງເປັນຫົວໜ້າພະແນກເສນາທິການ; ສະຫາຍ ພັນໂທ ດວງປີດາ ເລົາແສງດາວ ເປັນຮອງຫົວໜ້າກອງພັນໃຫຍ່ທັງເປັນຫົວໜ້າພະແນກພະລາທິການ; ສະຫາຍ ພັນໂທ ແສງສຸລິນ ໄຊສົມບູນ ເປັນຮອງຫົວໜ້າກອງພັນໃຫຍ່ທັງເປັນຫົວໜ້າພະແນກເຕັກນິກ ແລະ ປະກາດການແຕ່ງຕັ້ງຂັ້ນຫົວໜ້າພະແນກ, ຮອງຫົວໜ້າພະແນກ, ຂະແໜງ, ພະນັກງານຊ່ວຍວຽກ, ກອງພັນ ແລະ ກອງຮ້ອຍເອກະລາດທີ່ຂຶ້ນກັບກອງພັນໃຫຍ່ປືນໃຫຍ່ໜ້າດິນ 619 ພ້ອມກັນນັ້ນ, ໄດ້ປະກາດການສ້າງຕັ້ງຄະນະພັກກອງພັນໃຫຍ່ ແລະ ບົ່ງຕົວແຕ່ງຕັ້ງຄະນະບໍລິຫານງານພັກກອງພັນໃຫຍ່ປະກອບມີ 9 ສະຫາຍ. ໃນນັ້ນ, ສະຫາຍ ພັນເອກ ແສງຟອງ ທິບທິລາດ ເປັນເລຂາຄະນະບໍລິຫານງານພັກ; ສະຫາຍ ພັນໂທ ແສງວັນ ເກີດທະບູລີ ເປັນຮອງເລຂາ; ສະຫາຍ ພັນໂທ ບຸນມາ ແກ້ວເກີດມີ ເປັນປະທານກວດກາພັກ; ສະຫາຍ ພັນໂທ ພູສອນ ໄຊຍະບົວສີ; ສະຫາຍ ພັນໂທ ດວງປີດາ ເລົາແສງດາວ; ສະຫາຍ ພັນໂທ ແສງສຸລິນ ໄຊສົມບູນ; ສະຫາຍ ພັນໂທ ຄຳສອນ ສີລິສັກ; ສະຫາຍ ພັນໂທ ເຂັມພອນ ໂຂງພູມີ ແລະ ສະຫາຍ ພັນໂທ ບຸນທອມ ແກ້ວປະເສີດ ເປັນກໍາມະການຄະນະພັກ.
ໂອກາດນີ້,ສະຫາຍ ພົນເອກ ຈັນສະໝອນ ຈັນຍາລາດ ໄດ້ມີຄໍາເຫັນໂອ້ລົມຫຼາຍບັນຫາສໍາຄັນບາງຕອນໄດ້ເນັ້ນໃຫ້ຄະນະພັກ-ຄະນະບັນຊາກອງພັນໃຫຍ່ກໍາແໜ້ນແນວທາງນະໂຍບາຍຂອງພັກ-ລັດ, ໜ້າທີ່ການເມືອງຂອງກອງທັບ, ພາລະບົດບາດ, ໜ້າທີ່ຄວາມຮັບຜິດຊອບຂອງຕົນ ແລະ ເຄື່ອນໄຫວໃຫ້ຖືກຕ້ອງ, ເພີ່ມທະວີຄວາມສາມັກຄີເປັນເອກະພາບຢູ່ພາຍໃນ, ຕັ້ງໜ້າປັບປຸງກໍ່ສ້າງກົມກອງໃຫ້ໜັກແໜ້ນເຂັ້ມແຂງໃນທຸກດ້ານ, ເອົາໃຈໃສ່ວຽກງານກໍ່ສ້າງພັກ-ກໍ່ສ້າງພະນັກງານ ໃຫ້ຖືກກັບທິດນໍາ ແລະ ຫຼັກການຂອງພັກ, ຕັ້ງໜ້າປະຕິບັດຕາມທິດນໍາເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງຕາມເງື່ອນໄຂ ແລະ ຄວາມສາມາດຂອງກົມກອງພ້ອມທັງເອົາໃຈໃສ່ປະຕິບັດແນວທາງການຕ່າງປະເທດຂອງພັກ ໂດຍສະເພາະເພີ່ມທະວີການພົວພັນຮ່ວມມືກັບບັນດາປະເທດເພື່ອນມິດຍຸດທະສາດ ແລະ ສາກົນ ເພື່ອຍາດແຍ່ງເອົາການສະໜັບສະໜູນ, ບົດຮຽນ ແລະ ປະສົບການຕ່າງໆ ຕາມການຕົກລົງຂອງຂັ້ນເທິງ ພ້ອມນັ້ນ, ກໍຮຽກຮ້ອງໃຫ້ອໍານາດການປົກຄອງທ້ອງຖິ່ນ, ກົມກອງກໍາລັງຫຼວງ-ກຳລັງທ້ອງຖິ່ນຈົ່ງຊ່ວຍເຫຼືອ ແລະ ອໍານວຍຄວາມສະດວກໃຫ້ກອງພັນໃຫຍ່ 619 ໄດ້ພັດທະນາກົມກອງ ໃຫ້ມີຄວາມເຕີບໃຫຍ່ເຂັ້ມແຂງ ແລະ ເຮັດສຳເລັດໜ້າທີ່ທີ່ຂັ້ນເທິງມອບໝາຍໃຫ້.
ຫຼັງຈາກນັ້ນ,ສະຫາຍ ລັດຖະມົນຕີກະຊວງປ້ອງກັນປະເທດ ພ້ອມດ້ວຍຄະນະໄດ້ຢ້ຽມຊົມໂຮງງານຜະລິດນໍ້າດື່ມ ກອງພົນທີ 4 ແລະ ຢ້ຽມຊົມ ເຂດເຕັກນິກ ຂອງກອງພັນໃຫຍ່ 619 ຕື່ມອີກ.
(ຂ່າວ: ສະຫວັນ)
ຄໍາເຫັນ