 |
ທ່ານ ນາງ ພຽງໃຈ ມໍລະຄາສຸກ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງ ໄດ້ຜ່ານມະຕິຕົກລົງຂອງຄະນະເລຂາທິການສູນການພັກ ວ່າດ້ວຍການຕົກລົງປະດັບຫຼຽນກາລະນຶກ 70 ປີ ວັນສ້າງຕັ້ງພັກປະຊາຊົນປະຕິວັດລາວ (22 ມີນາ 1955 - 22 ມີນາ 2025) ໃຫ້ສະມາຊິກພັກ ຢູ່ເມືອງປາກກະດິງ ທີ່ມີຜົນງານ, ຄຸນງາມຄວາມດີໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ຕະຫຼອດໄລຍະຜ່ານມາ. ຊຶ່ງມີສະມາຊິກພັກບຳນານ 34 ສະຫາຍ ຍິງ 6 ສະຫາຍ ແລະ ສະມາຊິກພັກ ປະຈຳການ 32 ສະຫາຍ, ລວມທັງໝົດ 66 ສະຫາຍ.
ທ່ານເລຂາຄະນະບໍລິຫານງານພັກເມືອງ ໄດ້ປະດັບຫຼຽນກາລະນຶກ 70 ປີ ໃຫ້ສະມາຊິກພັກ ທີ່ມີຜົນງານ, ຄຸນງາມຄວາມດີ ໃນພາລະກິດ ປົກປັກຮັກສາ ແລະ ສ້າງສາພັດທະນາປະເທດຊາດ ຕະຫຼອດໄລຍະຜ່ານມາ ຢ່າງສົມກຽດ.
 |
ທ່ານ ຄຳປາດຖະໜາ ສີສຸລາດ ຕາງໜ້າໃຫ້ອະນຸກຳມະການຂະບວນການຍ້ອງຍໍ ກໍໄດ້ຂຶ້ນຜ່ານມະຕິຕົກລົງເຈົ້າເມືອງປາກກະດິງ ວ່າດ້ວຍການຕົກລົງເຫັນດີຍ້ອງຍໍສັນລະເສີນ ໃຫ້ແກ່ຜູ້ທີ່ມີຜົນງານດີເດັ່ນປະກອບສ່ວນເຂົ້າໃນກອງປະຊຸມໃຫຍ່ ຄັ້ງທີ VIII ຂອງອົງຄະນະພັກເມືອງປາກກະດິງ ຈຳນວນ 337 ສະຫາຍ. ໂດຍມີຕາງໜ້າແຕ່ລະຂົງເຂດຂຶ້ນຮັບໃບຍ້ອງຍໍ, ເປັນກຽດຂື້ນມອບໃບຍ້ອງຂັ້ນເມືອງໂດຍທ່ານ ແກ້ວວົງທອງ ກົມມະແສງ ຮັກສາການເຈົ້າເມືອງປາກກະດິງ. ຈາກນັ້ນ, ທ່ານ ສຸເມດ ວົງວິໄລ ຮັກສາການຫົວໜ້າຫ້ອງການພາຍໃນເມືອງກໍ່ໄດ້ຂື້ນຜ່ານຂໍ້ຕົກລົງ ເຈົ້າເມືອງປາກກະດິງ ວ່າດ້ວຍການອະນຸມັດໃຫ້ພະນັກງານ-ລັດຖະກອນ ເຂົ້າຮັບອຸດໜູນບຳນານ.
(ຂ່າວ: ແສງທອງ)
ຄໍາເຫັນ