 |
ຜ່ານການຈັດຕັ້ງປະຕິບັດຕົວຈິງມາຮອດປັດຈຸບັນສາມາດປູກເຂົ້າ (ນາລວມ) ໄດ້ 40,586 ເຮັກຕາ ຫຼື ເທົ່າກັບ 43.74% ຂອງເນື້ອທີ່ແຜນການທັງໝົດ. ໃນນັ້ນ, ນາຫວ່ານປະຕິບັດໄດ້ 26,047 ເຮັກຕາ ເທົ່າກັບ 28.07%, ນາດໍາປະຕິບັດໄດ້ 14,540 ເຮັກຕາ ເທົ່າກັບ 15.67%. ສ່ວນການຕົກກ້າມາຮອດປັດຈຸບັນແມ່ນໝົດແນວເຂົ້າປູກໄປແລ້ວ 4,965 ໂຕນ ຫຼື ເທົ່າກັບ 89.19% ຂອງແນວປູກທັງໝົດ. ສໍາລັບເມືອງທີ່ມີເນື້ອທີ່ແຜນການປູກເຂົ້ານາປີຫຼາຍ, ແມ່ນເມືອງໜອງບົກ, ທ່າແຂກ, ມະຫາໄຊ, ໄຊບົວທອງ, ຫີນບູນ, ຍົມມະລາດ ແລະ ເມືອງເຊບັ້ງໄຟ. ການປູກເຂົ້າຂອງຊາວນາໃນແຕ່ລະເຂດຂອງແຂວງຄໍາມ່ວນນັ້ນສ່ວນຫຼາຍແມ່ນສຸ່ມໃສ່ນາຫວ່ານ ເນື່ອງຈາກວ່າມີຂໍ້ດີຫຼາຍຢ່າງເປັນຕົ້ນແມ່ນປະຢັດແຮງງານ, ປະຢັດຕົ້ນທຶນການຜະລິດ ແລະ ປະຢັດເວລາ. ສໍາລັບການປູກເຂົ້າເນີນສູງສໍາເລັດໃນເນື້ອທີ່ 288 ເຮັກຕາ, ມີຢູ່ 2 ເມືອງຄື: ເມືອງບົວລະພາ 136 ເຮັກຕາ, ເມືອງນາກາຍ 152 ເຮັກຕາ.
(ຂ່າວ-ພາບ: ແດງສະຫວັດ ແສນພານິດ)
ຄໍາເຫັນ