ທ່ານ ຄໍາພັນ ພົມມະທັດ ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກປະທານຄະນະກວດກາສູນກາງພັກປະທານອົງການກວດກາແຫ່ງລັດ ແລະ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ພ້ອມດ້ວຍຄະນະ ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຄຳມ່ວນ ໃນວັນທີ 16 ມັງກອນຜ່ານມາ ໂດຍການຕ້ອນຮັບຂອງ ທ່ານ ວັນໄຊ ພອງສະຫວັນ ກໍາມະການສູນກາງພັກ, ເລຂາພັກແຂວງ ເຈົ້າແຂວງຄຳມ່ວນ ພ້ອມດ້ວຍຄະນະ.
ໃນໂອກາດເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຄຳມ່ວນໃນຄັ້ງນີ້, ທ່ານ ຄໍາພັນ ພົມມະທັດ ພ້ອມດ້ວຍຄະນະ ໄດ້ລົງເບິ່ງວິທີການເຮັດແຈ່ວປາແດກແຊບແມ່ພອນທິບ ຢູ່ບ້ານໂພນສະໜາມ ເມືອງທ່າແຂກ ແລະ ໄປຢ້ຽມຊົມຮ້ານຂາຍຜະລິດຕະພັນສິນຄ້າຂອງແມ່ຍິງແຂວງ ຢູ່ສະຫະພັນແມ່ຍິງແຂວງຄຳມ່ວນ.
ພ້ອມນັ້ນກໍໄດ້ເຮັດວຽກຮ່ວມກັບຄະນະປະຈໍາພັກແຂວງ, ທ່ານ ວັນໄຊ ພອງສະຫວັນ ໄດ້ລາຍງານສະພາບລວມ, ການຈັດຕັ້ງປະຕິບັດວຽກງານອັນພົ້ນເດັ່ນ ໃນໄລຍະຜ່ານມາ, ດ້ານຄົງຄ້າງ ແລະ ທິດທາງແຜນການຈຸດສຸມໃນຕໍ່ໜ້າ ຊຶ່ງໃນປີ 2023 ເສດຖະກິດຂອງແຂວງ ຍັງສືບຕໍ່ຂະຫຍາຍຕົວດ້ວຍບາດກ້າວທີ່ດີພໍສົມຄວນຢູ່ໃນລະດັບ 5,88% (ມະຕິສະພາ 5,90%), ລວມຍອດຜະລິດຕະພັນພາຍໃນ ບັນລຸໄດ້ 16.593 ຕື້ກີບ ເທົ່າກັບ 111,43% (ມະຕິສະພາ 14.891 ຕື້ກີບ) ທຽບໃສ່ປີຜ່ານມາ ເພີ່ມຂຶ້ນ 18,39%; ລາຍຮັບສະເລ່ຍຕໍ່ຫົວຄົນ ເທົ່າກັບ 36,56 ລ້ານກີບ/ຄົນ ຫຼື ເທົ່າກັບ 1.979 ໂດລາ ( ມະຕິສະພາ 1.985 ໂດລາ) ທຽບໃສ່ປີຜ່ານມາ ເພີ່ມຂຶ້ນ 122 ໂດລາ; ອັດຕາເງິນເຟີ້ສະເລ່ຍຢູ່ໃນລະດັບ 40,62% ທຽບໃສ່ປີຜ່ານມາ ເພີ່ມຂຶ້ນ 20,88%.
ໃນປີຜ່ານມາ ສາມາດລະດົມແຫຼ່ງທຶນເພື່ອການພັດທະນາໄດ້ 4.696,00 ຕື້ກີບ ກວມ 28,30% ຂອງ GDP, ເທົ່າກັບ 132,87% ຂອງ (ມະຕິສະພາ 3.534,28 ຕື້ກີບ). ໃນນີ້ ການລົງທຶນຂອງລັດ 191,76 ຕື້ກີບ ກວມ 1,16% ຂອງ GDP ເທົ່າກັບ 4,08% ຂອງການລົງທຶນທັງໝົດ (ລວມທັງຮ່ວງເກີນແຜນ 20,00 ຕື້ກີບ); ການລົງທຶນຕ່າງປະເທດ (ODA) 223,05 ຕື້ກີບ, ກວມ 1,34% ຂອງ GDP ເທົ່າກັບ 4,75% ຂອງການລົງທຶນທັງໝົດ; ການລົງທຶນເອກະຊົນພາຍໃນ ແລະ ຕ່າງປະເທດ 3.562,65 ຕື້ກີບ ກວມ 21,47% ຂອງ GDP ເທົ່າກັບ 75,87% ຂອງການລົງທຶນທັງໝົດ ແລະ ລະບົບສິນເຊື່ອທະນາຄານ 718,54 ຕື້ກີບ ກວມ 4,33% ຂອງ GDP ເທົ່າກັບ 15,50% ຂອງການລົງທຶນທັງໝົດ ແລະ ຮັບຟັງວຽກງານອື່ນໆ.
ຈາກນັ້ນທ່ານ ຄໍາພັນ ພົມມະທັດ ກໍໄດ້ມີຄໍາເຫັນ ໃຫ້ທິດຊີ້ນໍາຕໍ່ຄະນະປະຈໍາພັກແຂວງຄໍາມ່ວນໃນບາງດ້ານຕື່ມອີກ.
ຂ່າວ-ພາບ: ກອງຄໍາ
ໃນໂອກາດເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຄຳມ່ວນໃນຄັ້ງນີ້, ທ່ານ ຄໍາພັນ ພົມມະທັດ ພ້ອມດ້ວຍຄະນະ ໄດ້ລົງເບິ່ງວິທີການເຮັດແຈ່ວປາແດກແຊບແມ່ພອນທິບ ຢູ່ບ້ານໂພນສະໜາມ ເມືອງທ່າແຂກ ແລະ ໄປຢ້ຽມຊົມຮ້ານຂາຍຜະລິດຕະພັນສິນຄ້າຂອງແມ່ຍິງແຂວງ ຢູ່ສະຫະພັນແມ່ຍິງແຂວງຄຳມ່ວນ.
ພ້ອມນັ້ນກໍໄດ້ເຮັດວຽກຮ່ວມກັບຄະນະປະຈໍາພັກແຂວງ, ທ່ານ ວັນໄຊ ພອງສະຫວັນ ໄດ້ລາຍງານສະພາບລວມ, ການຈັດຕັ້ງປະຕິບັດວຽກງານອັນພົ້ນເດັ່ນ ໃນໄລຍະຜ່ານມາ, ດ້ານຄົງຄ້າງ ແລະ ທິດທາງແຜນການຈຸດສຸມໃນຕໍ່ໜ້າ ຊຶ່ງໃນປີ 2023 ເສດຖະກິດຂອງແຂວງ ຍັງສືບຕໍ່ຂະຫຍາຍຕົວດ້ວຍບາດກ້າວທີ່ດີພໍສົມຄວນຢູ່ໃນລະດັບ 5,88% (ມະຕິສະພາ 5,90%), ລວມຍອດຜະລິດຕະພັນພາຍໃນ ບັນລຸໄດ້ 16.593 ຕື້ກີບ ເທົ່າກັບ 111,43% (ມະຕິສະພາ 14.891 ຕື້ກີບ) ທຽບໃສ່ປີຜ່ານມາ ເພີ່ມຂຶ້ນ 18,39%; ລາຍຮັບສະເລ່ຍຕໍ່ຫົວຄົນ ເທົ່າກັບ 36,56 ລ້ານກີບ/ຄົນ ຫຼື ເທົ່າກັບ 1.979 ໂດລາ ( ມະຕິສະພາ 1.985 ໂດລາ) ທຽບໃສ່ປີຜ່ານມາ ເພີ່ມຂຶ້ນ 122 ໂດລາ; ອັດຕາເງິນເຟີ້ສະເລ່ຍຢູ່ໃນລະດັບ 40,62% ທຽບໃສ່ປີຜ່ານມາ ເພີ່ມຂຶ້ນ 20,88%.
ໃນປີຜ່ານມາ ສາມາດລະດົມແຫຼ່ງທຶນເພື່ອການພັດທະນາໄດ້ 4.696,00 ຕື້ກີບ ກວມ 28,30% ຂອງ GDP, ເທົ່າກັບ 132,87% ຂອງ (ມະຕິສະພາ 3.534,28 ຕື້ກີບ). ໃນນີ້ ການລົງທຶນຂອງລັດ 191,76 ຕື້ກີບ ກວມ 1,16% ຂອງ GDP ເທົ່າກັບ 4,08% ຂອງການລົງທຶນທັງໝົດ (ລວມທັງຮ່ວງເກີນແຜນ 20,00 ຕື້ກີບ); ການລົງທຶນຕ່າງປະເທດ (ODA) 223,05 ຕື້ກີບ, ກວມ 1,34% ຂອງ GDP ເທົ່າກັບ 4,75% ຂອງການລົງທຶນທັງໝົດ; ການລົງທຶນເອກະຊົນພາຍໃນ ແລະ ຕ່າງປະເທດ 3.562,65 ຕື້ກີບ ກວມ 21,47% ຂອງ GDP ເທົ່າກັບ 75,87% ຂອງການລົງທຶນທັງໝົດ ແລະ ລະບົບສິນເຊື່ອທະນາຄານ 718,54 ຕື້ກີບ ກວມ 4,33% ຂອງ GDP ເທົ່າກັບ 15,50% ຂອງການລົງທຶນທັງໝົດ ແລະ ຮັບຟັງວຽກງານອື່ນໆ.
ຈາກນັ້ນທ່ານ ຄໍາພັນ ພົມມະທັດ ກໍໄດ້ມີຄໍາເຫັນ ໃຫ້ທິດຊີ້ນໍາຕໍ່ຄະນະປະຈໍາພັກແຂວງຄໍາມ່ວນໃນບາງດ້ານຕື່ມອີກ.
ຂ່າວ-ພາບ: ກອງຄໍາ
ຄໍາເຫັນ