 |
ທ່ານ ຄອນພະຈັນ ໄຊຍະສຸກ ໃຫ້ສຳພາດວ່າ: ຂໍສົ່ງແຮງເຊຍ ເພື່ອເປັນກຳລັງໃຈໃຫ້ທັບນັກກິລາຄົນພິການລາວທຸກປະເພດກິລາ ໂດຍສະເພາະ ນັກກິລາຍົກນໍ້າໜັກຄົນພິການທີມຊາດລາວ ຈົ່ງພ້ອມກັນສູ້ຊົນຢ່າງສຸດຄວາມສາມາດ ຍົກສູງຈິດໃຈຊາດ ສ້າງຜົນງານຄວ້າໄຊຊະນະ ສ້າງກຽດ ແລະ ຊື່ສຽງມາສູ່ປະເທດຊາດ.
ປະທານສະຫະພັນຍົກນໍ້າໜັກຄົນພິການແຫ່ງຊາດລາວ ຍັງໄດ້ບອກອີກວ່າ: ເພື່ອເປັນກຳລັງໃຈໃຫ້ທັບນັກກິລາຍົກນໍ້າໜັກຄົນພິການລາວ ສ້າງຜົນງານໃນງານດັ່ງກ່າວ ຫາກສາມາດຍາດໄດ້ຫຼຽນຄຳ, ທາງສະຫະພັນ ພ້ອມຈະສະໜັບສະໜູນ ໂດຍຫຼຽນຄຳ 20 ລ້ານກວ່າກີບ (30,000 ບາດ ສະກຸນເງິນໄທ), ຫຼຽນເງິນ 13 ລ້ານກວ່າກີບ (20,000 ບາດ) ແລະ ຫຼຽນທອງ 6 ລ້ານກວ່າກີບ (10,000 ບາດ) ສ່ວນຄູຝືກແມ່ນ 3 ລ້ານກວ່າກີບ (5,000 ບາດ).
ສຳລັບກິລາຍົກນໍ້າໜັກຄົນພິການລາວ ໄດ້ສົ່ງນັກກິລາເຂົ້າຮ່ວມແຂ່ງຂັນພຽງແຕ່ 2 ຄົນ ໃນຮຸ່ນນໍ້າໜັກດຽວກັນ 41 ກິໂລກຣາມ ນາງ ລັດສະໝີ ສີປະເສີດ ຈາກແຂວງໄຊຍະບູລີ ແລະ ນາງ ແດງມະນີ ສີບຸນເຮືອງ ຈາກແຂວງເຊກອງ ເຂົ້າຮ່ວມແຂ່ງຂັນ ແລະ ຈະລົງສະໜາມແຂ່ງຂັນໃນເວລາ 11:10 ໂມງ ໃນວັນທີ 21 ມັງກອນ 2026 ຝາກເປັນກຳລັງໃຈເຊຍທັບນັກກິລາຄົນພິການລາວເຮົາດ້ວຍ ລາວສູ້ໆ.
ຂ່າວ: ສົງການ ພັນແພງດີ
ຄໍາເຫັນ