ທ່ານ ທອງລຸນ ສີສຸລິດ ປະທານປະເທດ ໄດ້ໂອ້ລົມພະນັກງານບຳນານ-ພະນັກງານຫຼັກແຫຼ່ງ ແລະ ອົງການປົກຄອງບ້ານ ໃນນະຄອນ-ຫຼວງພະບາງ ຢູ່ຫ້ອງວ່າການແຂວງ ໃນວັນທີ 7 ຕຸລາ ຜ່ານ ມາ, ໂດຍທ່ານ ວຽງທອງ ຫັດສະຈັນ ເຈົ້ານະຄອນ-ຫຼວງພະບາງ ໄດ້ລາຍງານຜົນສຳເລັດການພັດທະນາເສດຖະກິດ-ສັງຄົມ ວ່າ: ພື້ນຖານທ່າແຮງບົ່ມຊ້ອນຂອງນະຄອນ-ຫຼວງພະບາງ ມີຫຼາຍດ້ານ, ໃນນັ້ນ, ຢູ່ໃນເຂດຕົວເມືອງ ແມ່ນເນັ້ນໃສ່ສົ່ງເສີມການພັດທະນາການບໍລິການ ຕິດພັນກັບການທ່ອງທ່ຽວ ເປັນທ່າແຮງຫຼັກ ຊຸກຍູ້ການເຕີບໂຕຂອງເສດຖະກິດ ແລະ ສ້າງວຽກເຮັດງານທຳ ໃຫ້ປະຊາຊົນ ໂດຍມີການວາງຜັງເມືອງ, ຈັດສັນຕົວເມືອງ, ແບ່ງເຂດພັດທະນາຊັດເຈນ.
ສຳລັບຢູ່ເຂດນອກຕົວເມືອງ ແມ່ນເນັ້ນໃສ່ສົ່ງເສີມການຜະລິດກະສິກຳ ປູກຝັງ-ລ້ຽງສັດເປັນຕົ້ນແມ່ນການລ້ຽງສັດໃຫຍ່ ແລະ ປູກຕົ້ນໄມ້ອຸດສາຫະກຳ ສົ່ງອອກຕ່າງປະເທດ, ພ້ອມທັງສົ່ງເສີມການປູກພືດຜັກສະອາດ ປອດສານພິດ ສົ່ງເຂົ້າການບໍລິການການທ່ອງທ່ຽວ ຊຶ່ງເຫັນວ່າມີການຂະຫຍາຍຕົວເພີ່ມຂຶ້ນ ແລະ ເປັນຂະບວນການຫຼາຍຂຶ້ນ ໂດຍມີການກຳນົດເປັນເຂດຈຸດສຸມ ແລະ ຈັດຕັ້ງເປັນກຸ່ມການຜະ ລິດ. ອົງການປົກຄອງນະຄອນ-ຫຼວງພະບາງ ຖືສຳຄັນການປົກປັກຮັກສາມໍລະດົກໂລກໃຫ້ຄົງຄຸນຄ່າ-ຍືນຍົງ, ປັດຈຸບັນມີອາຄານອະນຸລັກ 611 ຫຼັງ ແລະ ໜອງນໍ້າອະນຸລັກ 183 ໜອງ, ມີການປົກປັກຮັກສາ ແລະ ປະຕິບັດຮີດຄອງປະເພນີ, ວັດທະນະທໍາອັນດີງາມຂອງຊາວລາວບັນດາເຜົ່າ ພິເສດແມ່ນການຈັດງານບຸນປະເພນີ ແລະ ການກໍ່ສ້າງ-ບູລະນະວັດວາອາຮາມ, ເອົາໃຈໃສ່ຄຸ້ມຄອງການກໍ່ສ້າງຢູ່ໃນເຂດມໍ ລະດົກ ແລະ ເຂດກັນຊົນ ໃຫ້ຖືກຕາມລະບຽບການຄຸ້ມຄອງມໍລະດົກໂລກ, ຄະນະຮັບຜິດຊອບ ປະຕິບັດເປັນປະຈຳ, ເອົາໃຈໃສ່ວຽກຮັກສາຄວາມສະອາດ, ຄວາມເປັນລະບຽບຮຽບຮ້ອຍຂອງຕົວເມືອງ, ຄວາມປອດໄພ, ຄວາມສວຍງາມ, ສະຫວ່າງ ແລະ ສີຂຽວຂອງຕົວເມືອງ, ພັດທະນາພື້ນຖານໂຄງລ່າງ ສິ່ງອຳນວຍຄວາມສະດວກຕ່າງໆ ພິເສດແມ່ນການກໍ່ສ້າງທາງເບຕົງເຂົ້າບ້ານ ໂດຍທຶນສົມທົບຂອງປະຊາຊົນ ແມ່ນມີຄວາມຄືບໜ້າດີ.
ໂອກາດນີ້, ທ່ານ ທອງລຸນ ສີສຸລິດ ໄດ້ມີຄຳເຫັນເນັ້ນໃຫ້ການນຳຂອງແຂວງ, ນະຄອນ-ຫຼວງພະບາງ ພ້ອມກັນສຶກສາອົບຮົມລູກຫຼານໃຫ້ຮັບຮູ້ໄດ້ແນວທາງຂອງພັກຢ່າງເລິກເຊິ່ງ, ຫຼີກເວັ້ນການບໍລິ ໂພກຂ່າວສານທີ່ບິດເບືອນແນວທາງຂອງພັກ-ລັດ ອອກແຮງໃນການພັດທະນາເສດຖະກິດ-ສັງຄົມ ໃຫ້ມີຄວາມເຂັ້ມແຂງ, ຊຸກຍູ້ສົ່ງເສີມຄອບຄົວທີ່ຍັງທຸກຍາກ ໂດຍນຳໃຊ້ທ່າແຮງບົ່ມຊ້ອນ ເພື່ອໃຫ້ເຂົາເຈົ້າມີຊີ ວິດການເປັນຢູ່ທີ່ດີຂຶ້ນ.
ພາຍຫຼັງສຳເລັດການໂອ້ລົມ, ທ່ານ ທອງລຸນ ສີສຸລິດ ພ້ອມດ້ວຍຄະນະ ໄດ້ໄດ້ຢ້ຽມຢາມ ບ້ານຫັດຖະກຳຊ່າງຄ້ອງ ຊຶ່ງປະຊາຊົນສ່ວນໃຫຍ່ໄດ້ຢຶດຖືອາຊີບການຕໍ່າຫູກ ທໍໄໝແບບດັ່ງເດີມ ແລະ ການຜະລິດເຈ້ຍສາ ເປັນຂອງທີ່ລະນຶກຈຳໜ່າຍເປັນສິນຄ້າ ຕື່ມອີກ.
ຂ່າວ :ນະຄອນຫຼວງພະບາງ, ພາບ: ນັກຂ່າວ ຫສພ
ສຳລັບຢູ່ເຂດນອກຕົວເມືອງ ແມ່ນເນັ້ນໃສ່ສົ່ງເສີມການຜະລິດກະສິກຳ ປູກຝັງ-ລ້ຽງສັດເປັນຕົ້ນແມ່ນການລ້ຽງສັດໃຫຍ່ ແລະ ປູກຕົ້ນໄມ້ອຸດສາຫະກຳ ສົ່ງອອກຕ່າງປະເທດ, ພ້ອມທັງສົ່ງເສີມການປູກພືດຜັກສະອາດ ປອດສານພິດ ສົ່ງເຂົ້າການບໍລິການການທ່ອງທ່ຽວ ຊຶ່ງເຫັນວ່າມີການຂະຫຍາຍຕົວເພີ່ມຂຶ້ນ ແລະ ເປັນຂະບວນການຫຼາຍຂຶ້ນ ໂດຍມີການກຳນົດເປັນເຂດຈຸດສຸມ ແລະ ຈັດຕັ້ງເປັນກຸ່ມການຜະ ລິດ. ອົງການປົກຄອງນະຄອນ-ຫຼວງພະບາງ ຖືສຳຄັນການປົກປັກຮັກສາມໍລະດົກໂລກໃຫ້ຄົງຄຸນຄ່າ-ຍືນຍົງ, ປັດຈຸບັນມີອາຄານອະນຸລັກ 611 ຫຼັງ ແລະ ໜອງນໍ້າອະນຸລັກ 183 ໜອງ, ມີການປົກປັກຮັກສາ ແລະ ປະຕິບັດຮີດຄອງປະເພນີ, ວັດທະນະທໍາອັນດີງາມຂອງຊາວລາວບັນດາເຜົ່າ ພິເສດແມ່ນການຈັດງານບຸນປະເພນີ ແລະ ການກໍ່ສ້າງ-ບູລະນະວັດວາອາຮາມ, ເອົາໃຈໃສ່ຄຸ້ມຄອງການກໍ່ສ້າງຢູ່ໃນເຂດມໍ ລະດົກ ແລະ ເຂດກັນຊົນ ໃຫ້ຖືກຕາມລະບຽບການຄຸ້ມຄອງມໍລະດົກໂລກ, ຄະນະຮັບຜິດຊອບ ປະຕິບັດເປັນປະຈຳ, ເອົາໃຈໃສ່ວຽກຮັກສາຄວາມສະອາດ, ຄວາມເປັນລະບຽບຮຽບຮ້ອຍຂອງຕົວເມືອງ, ຄວາມປອດໄພ, ຄວາມສວຍງາມ, ສະຫວ່າງ ແລະ ສີຂຽວຂອງຕົວເມືອງ, ພັດທະນາພື້ນຖານໂຄງລ່າງ ສິ່ງອຳນວຍຄວາມສະດວກຕ່າງໆ ພິເສດແມ່ນການກໍ່ສ້າງທາງເບຕົງເຂົ້າບ້ານ ໂດຍທຶນສົມທົບຂອງປະຊາຊົນ ແມ່ນມີຄວາມຄືບໜ້າດີ.
ໂອກາດນີ້, ທ່ານ ທອງລຸນ ສີສຸລິດ ໄດ້ມີຄຳເຫັນເນັ້ນໃຫ້ການນຳຂອງແຂວງ, ນະຄອນ-ຫຼວງພະບາງ ພ້ອມກັນສຶກສາອົບຮົມລູກຫຼານໃຫ້ຮັບຮູ້ໄດ້ແນວທາງຂອງພັກຢ່າງເລິກເຊິ່ງ, ຫຼີກເວັ້ນການບໍລິ ໂພກຂ່າວສານທີ່ບິດເບືອນແນວທາງຂອງພັກ-ລັດ ອອກແຮງໃນການພັດທະນາເສດຖະກິດ-ສັງຄົມ ໃຫ້ມີຄວາມເຂັ້ມແຂງ, ຊຸກຍູ້ສົ່ງເສີມຄອບຄົວທີ່ຍັງທຸກຍາກ ໂດຍນຳໃຊ້ທ່າແຮງບົ່ມຊ້ອນ ເພື່ອໃຫ້ເຂົາເຈົ້າມີຊີ ວິດການເປັນຢູ່ທີ່ດີຂຶ້ນ.
ພາຍຫຼັງສຳເລັດການໂອ້ລົມ, ທ່ານ ທອງລຸນ ສີສຸລິດ ພ້ອມດ້ວຍຄະນະ ໄດ້ໄດ້ຢ້ຽມຢາມ ບ້ານຫັດຖະກຳຊ່າງຄ້ອງ ຊຶ່ງປະຊາຊົນສ່ວນໃຫຍ່ໄດ້ຢຶດຖືອາຊີບການຕໍ່າຫູກ ທໍໄໝແບບດັ່ງເດີມ ແລະ ການຜະລິດເຈ້ຍສາ ເປັນຂອງທີ່ລະນຶກຈຳໜ່າຍເປັນສິນຄ້າ ຕື່ມອີກ.
ຂ່າວ :ນະຄອນຫຼວງພະບາງ, ພາບ: ນັກຂ່າວ ຫສພ
ຄໍາເຫັນ