ຕອບສະໜອງຕາມຄໍາເຊື້ອເຊີນຂອງ ສະຫາຍ ໄຊສົມພອນ ພົມວິຫານ ກຳມະການກົມການເມືອງສູນກາງພັກປະຊາຊົນ ປະຕິວັດລາວ ປະທານສະພາແຫ່ງຊາດ ແຫ່ງ ສປປ ລາວ, ສະຫາຍ ເວືອງ ດິງ ເຫວ້ ກຳມະການກົມການເມືອງສູນກາງພັກກອມມູນິດຫວຽດນາມ ປະທານສະພາແຫ່ງຊາດແຫ່ງ ສສ ຫວຽດນາມ ພ້ອມດ້ວຍຄະນະຜູ້ແທນຂັ້ນສູງສະພາແຫ່ງຊາດ ສສ ຫວຽດນາມ ໄດ້ເດີນທາງມາຮອດສະໜາມບິນສາກົນວັດໄຕ ນະຄອນຫຼວງວຽງຈັນ ສປປ ລາວ ເຊົ້າວັນທີ 4 ທັນວາ ນີ້ ຊຶ່ງໄດ້ຮັບການຕ້ອນຮັບທີ່ສະໜາມບິນໂດຍ ສະຫາຍ ນາງ ສູນທອນ ໄຊຍະຈັກ ຄະນະເລຂາທິການສູນກາງພັກ ຮອງປະທານສະພາແຫ່ງຊາດ ແຫ່ງ ສປປ ລາວ.
ການເດີນທາງມາຄັ້ງນີ້ ຂອງ ສະຫາຍ ເວືອງ ດິງ ເຫວ້ ພ້ອມດ້ວຍຄະນະຜູ້ແທນຂັ້ນສູງ ກໍເພື່ອຢ້ຽມຢາມ, ເຮັດວຽກ ແລະ ເຂົ້າຮ່ວມກອງປະຊຸມສຸດຍອດລັດຖະສະພາ ກຳປູເຈຍ, ລາວ, ຫວຽດນາມ (CLV) ຄັ້ງທີ 1 ໃນລະຫວ່າງວັນທີ 4-7 ທັນວາ 2023 ນີ້ ຊຶ່ງບໍ່ພຽງຈະເປັນການປະກອບສ່ວນສຳຄັນໃນການຮັດແໜ້ນ ແລະ ເສີມຂະຫຍາຍການພົວພັນຮ່ວມມື ລະຫວ່າງວຽກງານລັດຖະສະພາຂອງ 3 ປະເທດ ລາວ, ຫວຽດນາມ ແລະ ກຳປູເຈຍ ໃນການປະຊຸມ ສຸດຍອດລັດຖະສະພາ (CLV) ຄັ້ງທີ 1 ເທົ່ານັ້ນ, ເວົ້າລວມ ແມ່ນການສືບຕໍ່ສາຍພົວພັນການຮ່ວມມືຂອງ 3 ປະເທດເຮົາທີ່ມີມາແຕ່ດົນນານ ນັບແຕ່ໄລຍະການຊ່ວຍເຫຼືອ ແລະ ສະໜັບສະໜູນ ຊຶ່ງກັນ ແລະ ກັນ ໃນການຕໍ່ສູ້ກູ້ຊາດ ເພື່ອໃຫ້ແຕ່ລະປະເທດ ມີເອກະລາດ ແລະ ຜືນແຜ່ນດິນອັນຄົບຖ້ວນຂອງປະເທດໃຜລາວ ແລະ ມາໃນໄລຍະປັດຈຸບັນ 3 ປະເທດກໍໄດ້ສືບຕໍ່ສາຍພົວພັນ ແລະ ການຮ່ວມມືນັບມື້ນັບເພີ່ມພູນຄູນສ້າງ; ເວົ້າສະເພາະ, ລາວ - ຫວຽດນາມ ກໍຍິ່ງໝັ້ນຄົງຂະໜົງແກ່ນ ແລະ ແຕກດອກອອກຜົນ ນັບມື້ນັບເບັ່ງບານສົດໃສຂຶ້ນກວ່າເກົ່າ.
ສຳລັບ ລາວ - ຫວຽດນາມ ແລ້ວ, ການເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ຂອງ ສະຫາຍ ເວືອງ ດິງ ເຫວ້ ພ້ອມດ້ວຍຄະນະຜູ້ແທນຂັ້ນສູງ ຄັ້ງນີ້ ແມ່ນໄດ້ເປັນການປະກອບສ່ວນຢ່າງຕັ້ງໜ້າເຂົ້າໃນການເສີມຂະຫຍາຍ ແລະ ເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດລາວ - ຫວຽດນາມ ໃຫ້ໝັ້ນຄົງຂະໜົງແກ່ນຕະຫຼອດກາລະນານ ເວົ້າລວມ, ເວົ້າສະເພາະ ແມ່ນສອງລັດຖະສະພາ ກໍຄື ສະພາແຫ່ງຊາດ ແຫ່ງ ສປປ ລາວ ແລະ ສະພາແຫ່ງຊາດ ແຫ່ງ ສສ ຫວຽດນາມ ໄດ້ຮັດແໜ້ນຄວາມສາມັກຄີ, ຮັດແໜ້ນສາຍພົວພັນການຮ່ວມມືສູ່ລວງເລິກ ຊຶ່ງນັ້ນກໍແມ່ນ ການທີ່ສອງລັດຖະສະພາ ລາວ - ຫວຽດນາມເຮົາ ໄດ້ມີການພົບປະສອງຝ່າຍ ໃນໂອກາດນີ້ອີກດ້ວຍ.
ການເດີນທາງມາຄັ້ງນີ້, ສະຫາຍ ເວືອງ ດິງ ເຫວ້ ພ້ອມດ້ວຍຄະນະ ຍັງຈະໄດ້ຢ້ຽມຂໍ່ານັບ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດ ແຫ່ງ ສປປ ລາວ ແລະ ເຄື່ອນໄຫວຢ້ຽມພົບປະກັບ ການນໍາ ແລະ ອະດີດການນໍາຂັ້ນສູງຂອງລາວ.
(ຂ່າວ-ພາບ: ສຸກສະຫວັນ)
ການເດີນທາງມາຄັ້ງນີ້ ຂອງ ສະຫາຍ ເວືອງ ດິງ ເຫວ້ ພ້ອມດ້ວຍຄະນະຜູ້ແທນຂັ້ນສູງ ກໍເພື່ອຢ້ຽມຢາມ, ເຮັດວຽກ ແລະ ເຂົ້າຮ່ວມກອງປະຊຸມສຸດຍອດລັດຖະສະພາ ກຳປູເຈຍ, ລາວ, ຫວຽດນາມ (CLV) ຄັ້ງທີ 1 ໃນລະຫວ່າງວັນທີ 4-7 ທັນວາ 2023 ນີ້ ຊຶ່ງບໍ່ພຽງຈະເປັນການປະກອບສ່ວນສຳຄັນໃນການຮັດແໜ້ນ ແລະ ເສີມຂະຫຍາຍການພົວພັນຮ່ວມມື ລະຫວ່າງວຽກງານລັດຖະສະພາຂອງ 3 ປະເທດ ລາວ, ຫວຽດນາມ ແລະ ກຳປູເຈຍ ໃນການປະຊຸມ ສຸດຍອດລັດຖະສະພາ (CLV) ຄັ້ງທີ 1 ເທົ່ານັ້ນ, ເວົ້າລວມ ແມ່ນການສືບຕໍ່ສາຍພົວພັນການຮ່ວມມືຂອງ 3 ປະເທດເຮົາທີ່ມີມາແຕ່ດົນນານ ນັບແຕ່ໄລຍະການຊ່ວຍເຫຼືອ ແລະ ສະໜັບສະໜູນ ຊຶ່ງກັນ ແລະ ກັນ ໃນການຕໍ່ສູ້ກູ້ຊາດ ເພື່ອໃຫ້ແຕ່ລະປະເທດ ມີເອກະລາດ ແລະ ຜືນແຜ່ນດິນອັນຄົບຖ້ວນຂອງປະເທດໃຜລາວ ແລະ ມາໃນໄລຍະປັດຈຸບັນ 3 ປະເທດກໍໄດ້ສືບຕໍ່ສາຍພົວພັນ ແລະ ການຮ່ວມມືນັບມື້ນັບເພີ່ມພູນຄູນສ້າງ; ເວົ້າສະເພາະ, ລາວ - ຫວຽດນາມ ກໍຍິ່ງໝັ້ນຄົງຂະໜົງແກ່ນ ແລະ ແຕກດອກອອກຜົນ ນັບມື້ນັບເບັ່ງບານສົດໃສຂຶ້ນກວ່າເກົ່າ.
ສຳລັບ ລາວ - ຫວຽດນາມ ແລ້ວ, ການເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ຂອງ ສະຫາຍ ເວືອງ ດິງ ເຫວ້ ພ້ອມດ້ວຍຄະນະຜູ້ແທນຂັ້ນສູງ ຄັ້ງນີ້ ແມ່ນໄດ້ເປັນການປະກອບສ່ວນຢ່າງຕັ້ງໜ້າເຂົ້າໃນການເສີມຂະຫຍາຍ ແລະ ເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດລາວ - ຫວຽດນາມ ໃຫ້ໝັ້ນຄົງຂະໜົງແກ່ນຕະຫຼອດກາລະນານ ເວົ້າລວມ, ເວົ້າສະເພາະ ແມ່ນສອງລັດຖະສະພາ ກໍຄື ສະພາແຫ່ງຊາດ ແຫ່ງ ສປປ ລາວ ແລະ ສະພາແຫ່ງຊາດ ແຫ່ງ ສສ ຫວຽດນາມ ໄດ້ຮັດແໜ້ນຄວາມສາມັກຄີ, ຮັດແໜ້ນສາຍພົວພັນການຮ່ວມມືສູ່ລວງເລິກ ຊຶ່ງນັ້ນກໍແມ່ນ ການທີ່ສອງລັດຖະສະພາ ລາວ - ຫວຽດນາມເຮົາ ໄດ້ມີການພົບປະສອງຝ່າຍ ໃນໂອກາດນີ້ອີກດ້ວຍ.
ການເດີນທາງມາຄັ້ງນີ້, ສະຫາຍ ເວືອງ ດິງ ເຫວ້ ພ້ອມດ້ວຍຄະນະ ຍັງຈະໄດ້ຢ້ຽມຂໍ່ານັບ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດ ແຫ່ງ ສປປ ລາວ ແລະ ເຄື່ອນໄຫວຢ້ຽມພົບປະກັບ ການນໍາ ແລະ ອະດີດການນໍາຂັ້ນສູງຂອງລາວ.
(ຂ່າວ-ພາບ: ສຸກສະຫວັນ)
ຄໍາເຫັນ