ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ໄດ້ຕ້ອນຮັບການເຂົ້າຢ້ຽມຂໍ່ານັບ ຂອງທ່ານ ເມິງຄ໌ບາທາຣ໌ ລັກຄະວາ ຮອງປະທານສະພາຄູຣານໃຫຍ່ມົງໂກລີ ພ້ອມຄະນະໃນວັນທີ 14 ພະຈິກນີ້ ທີ່ຫໍປະຊຸມສະພາແຫ່ງຊາດ ນະຄອນຫຼວງວຽງຈັນ ໃນໂອກາດທີ່ຄະນະຜູ້ແທນດັ່ງກ່າວ ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ລະຫວ່າງ ວັນທີ 6-14 ພະຈິກ 2023 ນີ້.
ໂອກາດນີ້, ທ່ານ ໄຊສົມພອນ ພົມວິຫານ ກໍໄດ້ຕາງໜ້າໃຫ້ສະພາແຫ່ງຊາດ ແຫ່ງ ສປປ ລາວ ສະແດງຄວາມຍິນດີຕ້ອນຮັບ ທ່ານ ເມິງຄ໌ບາທາຣ໌ ລັກຄະວາ ພ້ອມດ້ວຍຄະນະ ທີ່ມາຢ້ຽມຢາມເຮັດວຽກ ແລະ ເຂົ້າຮ່ວມການມອບ-ຮັບຜ້າພົມຂອງສະພາຄູຣານໃຫຍ່ມົງໂກລີ ໃຫ້ແກ່ສະພາແຫ່ງຊາດລາວ ໃນຄັ້ງນີ້ ຊຶ່ງເປັນການປະກອບສ່ວນເສີມຂະຫຍາຍສາຍພົວພັນມິດຕະພາບ ອັນເປັນມູນເຊື້ອ ແລະ ການຮ່ວມມືທີ່ດີ ລະຫວ່າງ ສປປ ລາວ ແລະ ມົງໂກລີ ກໍຄື ລະຫວ່າງ ສອງອົງການນິຕິບັນຍັດ ໃຫ້ໄດ້ຮັບການເສີມຂະຫຍາຍ ແໜ້ນແຟ້ນຍິ່ງໆຂຶ້ນ. ພ້ອມນີ້, ກໍໄດ້ກ່າວຊົມເຊີຍຕໍ່ການພົບປະ ລະຫວ່າງ ຮອງປະທານສະພາແຫ່ງຊາດລາວ ແລະ ຮອງປະທານສະພາຄູຣານໃຫຍ່ມົງໂກລີ ທີ່ໄດ້ຮັບໝາກຜົນສໍາເລັດຢ່າງຈົບງາມ ໄດ້ມີການປຶກສາຫາລື ແລະ ແລກປ່ຽນຄຳເຫັນນຳກັນຫຼາຍບັນຫາ ໂດຍສະເພາະແມ່ນການຊຸກຍູ້ ແລະ ສົ່ງເສີມການພົວພັນຮ່ວມມືສອງຝ່າຍທີ່ດີຢູ່ແລ້ວນັ້ນ ໃຫ້ໄດ້ຮັບການເພີ່ມພູນຄູນສ້າງຂຶ້ນໄປເລື້ອຍໆ. ພ້ອມກັນນີ້, ສອງຝ່າຍໄດ້ສໍາເລັດການ ມອບ-ຮັບ ຜ້າພົມຢ່າງເປັນທາງການ ຊຶ່ງເປັນຂອງຂວັນທີ່ມີຄວາມໝາຍອັນສຳຄັນ ຂອງສະພາຄຸຣານໃຫຍ່ມົງໂກລີ ໃຫ້ແກ່ສະພາແຫ່ງຊາດລາວ.
ທ່ານປະທານສະພາແຫ່ງຊາດລາວ ຍັງໄດ້ຝາກຄວາມຢື້ຢາມຖາມຂ່າວ ອັນອົບອຸ່ນ ໄປຍັງ ພະນະທ່ານ ຊັງຕັງຊາທາຣ ກອມບໍຈາວ ປະທານສະພາຄູຣານໃຫຍ່ ແຫ່ງ ມົງໂກລີ. ພ້ອມດຽວກັນນີ້, ກໍອວຍພອນໃຫ້ທ່ານ ເມິງຄ໌ບາທາຣ໌ລັກຄະວາ ພ້ອມດ້ວຍຄະນະ ຈົ່ງມີສຸຂະພາບແຂງແຮງ, ມີຄວາມຜາສຸກ ໃນຊີວິດສ່ວນຕົວ ແລະ ຄອບຄົວ ແລະ ມີຜົນສຳເລັດໃໝ່ໃຫຍ່ຫຼວງກວ່າເກົ່າ ໃນໜ້າທີ່ອັນມີກຽດສະຫງ່າ ຂອງບັນດາທ່ານ ແລະ ເດີນທາງກັບປະເທດດ້ວຍຄວາມສະຫວັດດີພາບທຸກປະການ.
ໃນໂອກາດດຽວກັນ, ທ່ານ ເມິງຄ໌ບາທາຣ໌ລັກຄະວາ ກໍໄດ້ກ່າວສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນ ແລະ ກ່າວລາຍງານຜົນການມາຢ້ຽມຢາມ, ເຮັດວຽກຢູ່ ສປປ ລາວຂອງຕົນພ້ອມຄະນະ ແລະ ກ່າວສະແດງຄວາມຂອບໃຈ ທີ່ ສປປ ລາວ ໄດ້ມອບເປັນຂອງຂວັນ ໃຫ້ແກ່ສະພາຄູຣານໃຫຍ່ ກໍຄື ໂຕະຕັ່ງ ຈຳນວນ 50 ຊຸດ ແລະ ໄດ້ສົ່ງໄປມົງໂກລີ ແລ້ວຈຳນວນໜຶ່ງ.
(ຂ່າວ: ສຸກສະຫວັນ, ພາບ: ສະພາແຫ່ງຊາດ)
ໂອກາດນີ້, ທ່ານ ໄຊສົມພອນ ພົມວິຫານ ກໍໄດ້ຕາງໜ້າໃຫ້ສະພາແຫ່ງຊາດ ແຫ່ງ ສປປ ລາວ ສະແດງຄວາມຍິນດີຕ້ອນຮັບ ທ່ານ ເມິງຄ໌ບາທາຣ໌ ລັກຄະວາ ພ້ອມດ້ວຍຄະນະ ທີ່ມາຢ້ຽມຢາມເຮັດວຽກ ແລະ ເຂົ້າຮ່ວມການມອບ-ຮັບຜ້າພົມຂອງສະພາຄູຣານໃຫຍ່ມົງໂກລີ ໃຫ້ແກ່ສະພາແຫ່ງຊາດລາວ ໃນຄັ້ງນີ້ ຊຶ່ງເປັນການປະກອບສ່ວນເສີມຂະຫຍາຍສາຍພົວພັນມິດຕະພາບ ອັນເປັນມູນເຊື້ອ ແລະ ການຮ່ວມມືທີ່ດີ ລະຫວ່າງ ສປປ ລາວ ແລະ ມົງໂກລີ ກໍຄື ລະຫວ່າງ ສອງອົງການນິຕິບັນຍັດ ໃຫ້ໄດ້ຮັບການເສີມຂະຫຍາຍ ແໜ້ນແຟ້ນຍິ່ງໆຂຶ້ນ. ພ້ອມນີ້, ກໍໄດ້ກ່າວຊົມເຊີຍຕໍ່ການພົບປະ ລະຫວ່າງ ຮອງປະທານສະພາແຫ່ງຊາດລາວ ແລະ ຮອງປະທານສະພາຄູຣານໃຫຍ່ມົງໂກລີ ທີ່ໄດ້ຮັບໝາກຜົນສໍາເລັດຢ່າງຈົບງາມ ໄດ້ມີການປຶກສາຫາລື ແລະ ແລກປ່ຽນຄຳເຫັນນຳກັນຫຼາຍບັນຫາ ໂດຍສະເພາະແມ່ນການຊຸກຍູ້ ແລະ ສົ່ງເສີມການພົວພັນຮ່ວມມືສອງຝ່າຍທີ່ດີຢູ່ແລ້ວນັ້ນ ໃຫ້ໄດ້ຮັບການເພີ່ມພູນຄູນສ້າງຂຶ້ນໄປເລື້ອຍໆ. ພ້ອມກັນນີ້, ສອງຝ່າຍໄດ້ສໍາເລັດການ ມອບ-ຮັບ ຜ້າພົມຢ່າງເປັນທາງການ ຊຶ່ງເປັນຂອງຂວັນທີ່ມີຄວາມໝາຍອັນສຳຄັນ ຂອງສະພາຄຸຣານໃຫຍ່ມົງໂກລີ ໃຫ້ແກ່ສະພາແຫ່ງຊາດລາວ.
ທ່ານປະທານສະພາແຫ່ງຊາດລາວ ຍັງໄດ້ຝາກຄວາມຢື້ຢາມຖາມຂ່າວ ອັນອົບອຸ່ນ ໄປຍັງ ພະນະທ່ານ ຊັງຕັງຊາທາຣ ກອມບໍຈາວ ປະທານສະພາຄູຣານໃຫຍ່ ແຫ່ງ ມົງໂກລີ. ພ້ອມດຽວກັນນີ້, ກໍອວຍພອນໃຫ້ທ່ານ ເມິງຄ໌ບາທາຣ໌ລັກຄະວາ ພ້ອມດ້ວຍຄະນະ ຈົ່ງມີສຸຂະພາບແຂງແຮງ, ມີຄວາມຜາສຸກ ໃນຊີວິດສ່ວນຕົວ ແລະ ຄອບຄົວ ແລະ ມີຜົນສຳເລັດໃໝ່ໃຫຍ່ຫຼວງກວ່າເກົ່າ ໃນໜ້າທີ່ອັນມີກຽດສະຫງ່າ ຂອງບັນດາທ່ານ ແລະ ເດີນທາງກັບປະເທດດ້ວຍຄວາມສະຫວັດດີພາບທຸກປະການ.
ໃນໂອກາດດຽວກັນ, ທ່ານ ເມິງຄ໌ບາທາຣ໌ລັກຄະວາ ກໍໄດ້ກ່າວສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນ ແລະ ກ່າວລາຍງານຜົນການມາຢ້ຽມຢາມ, ເຮັດວຽກຢູ່ ສປປ ລາວຂອງຕົນພ້ອມຄະນະ ແລະ ກ່າວສະແດງຄວາມຂອບໃຈ ທີ່ ສປປ ລາວ ໄດ້ມອບເປັນຂອງຂວັນ ໃຫ້ແກ່ສະພາຄູຣານໃຫຍ່ ກໍຄື ໂຕະຕັ່ງ ຈຳນວນ 50 ຊຸດ ແລະ ໄດ້ສົ່ງໄປມົງໂກລີ ແລ້ວຈຳນວນໜຶ່ງ.
(ຂ່າວ: ສຸກສະຫວັນ, ພາບ: ສະພາແຫ່ງຊາດ)
ຄໍາເຫັນ