ໂອກາດນີ້ ທ່ານ ຄຳຜອຍ ວັນນະສານ ໄດ້ແຈ້ງໃຫ້ຊາບເຖິງຈຸດປະສົງຂອງການລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງອັດຕະປື ໃນຄັ້ງນີ້ ແມ່ນເພື່ອຕິດຕາມ ແລະ ຊຸກຍູ້ການຈັດຕັ້ງປະຕິບັດວຽກງານກຳມະບານຮອບດ້ານ ໃຫ້ມີຄວາມເຂັ້ມແຂງ ແລະ ໜັກແໜ້ນ, ເພື່ອໃຫ້ຄະນະປະທານສະຫະພັນກຳມະບານແຂວງ ສຸມໃສ່ການສຶກສາອົບຮົມການເມືອງ-ແນວຄິດ ໃຫ້ແກ່ສະມາ ຊິກກຳ ມະບານ ແລະ ຜູ້ອອກແຮງງານ ໃຫ້ກຳແໜ້ນແນວທາງນະໂຍບາຍຂອງພັກ ແລະ ກົດໝາຍຂອງລັດຢ່າງເລິກເຊິ່ງ, ພ້ອມທັງເລັ່ງປັບປຸງກົງຈັກການຈັດຕັ້ງ ແລະ ຂະຫຍາຍຮາກຖານກຳມະບານເຂົ້າສູ່ບັນດາຫົວໜ່ວຍການຜະລິດ ແລະ ວິສາຫະກິດທັງພາກລັດ-ເອກະຊົນ, ເພືີອປົກປ້ອງສິດ ແລະ ຜົນປະໂຫຍດອັນຊອບທຳຂອງຜູ້ອອກແຮງ ງານ ໂດຍສະເພາະແມ່ນການຕິດຕາມການປະຕິບັດສັນຍາແຮງງານ, ລະບົບສະຫວັດດີການ ແລະ ຄວາມປອດໄພໃນການເຮັດວຽກ ເພື່ອຮັບປະກັນຄວາມຍຸຕິທຳໃນສັງຄົມ, ທັງໝົດນັ້ນຕ້ອງຕິດພັນຢ່າງສະນິດແໜ້ນກັບການຊຸກຍູ້ຂະບວນການແຂ່ງຂັນ "5 ເປັນເຈົ້າ" ໃຫ້ກາຍເປັນຂະບວນການຕົວຈິງ ທີ່ສາມາດສ້າງຜົນງານອັນພົ້ນເດັ່ນ ເພື່ອຂໍ່ານັບຮັບຕ້ອນວັນສຳຄັນຕ່າງໆຂອງພັກ ແລະ ຂອງຊາດ. ພ້ອມນີ້, ທ່ານຍັງໄດ້ເນັ້ນໜັກໃຫ້ກຳມະບານແຂວງ ຍົກສູງບົດບາດການເປັນເສນາທິການທີ່ດີໃຫ້ແກ່ຄະນະພັກແຂວງ ໃນການຄຸ້ມຄອງ ແລະ ພັດທະນາກຳ ລັງແຮງງານ ໃຫ້ກາຍເປັນກຳລັງຫຼັກໃນການຂັບເຄື່ອນເສດຖະກິດ-ສັງຄົມຂອງແຂວງອັດຕະປື ໃຫ້ມີທ່າກ້າວໃໝ່.
ໃນໂອກາດດຽວກັນ, ທ່ານນາງ ມີນາພອນ ໄຊສົມພູ ກໍໄດ້ກ່າວສະແດງຄວາມຕ້ອນຮັບ ແລະ ຊົມເຊີຍຕໍ່ການລົງມາເຄື່ອນໄຫວຊີ້ນຳຂອງຄະນະຜູ້ແທນສູນກາງສະຫະພັນກຳມະບານລາວໃນຄັ້ງນີ້, ຊຶ່ງຖືເປັນໂອກາດອັນດີໃນການຖອດຖອນບົດຮຽນ ແລະ ປັບປຸງການເຄື່ອນໄຫວວຽກງານກຳມະບານພາຍໃນແຂວງ ໃຫ້ມີໃບໜ້າໃໝ່ທີ່ເຂັ້ມແຂງ, ສາມາດຕອບສະໜອງໄດ້ຕາມຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລ ຍະໃໝ່ຢ່າງມີປະສິດທິຜົນ ແລະ ຈະນຳເອົາເນື້ອໃນຈິດ ໃຈການໂອ້ລົມໃນຄັ້ງນີ້ ໄປຜັນຂະຫຍາຍເຂົ້າໃນວຽກງານຕົວຈິງ.ຂ່າວ: ເພັດທະນົງສອນ
ຄໍາເຫັນ