ປະຊາກອນຜູ້ອາຍຸສູງຂອງຍີ່ປຸ່ນ ເພີ່ມຂຶ້ນເປັນ 29.4%

12:48 19/09/2025

ຂ່າວຕ່າງປະເທດລາຍງານໃນວັນທີ 14 ກັນຍາ ຜ່ານມາວ່າ: ກະຊວງກິດຈະການພາຍໃນ ແລະ ສື່ສານຂອງຍີ່ປຸ່ນລາຍງານວ່າ, ອັດຕາສ່ວນປະຊາກອນຍີ່ປຸ່ນ ທີ່ມີອາຍຸ 65 ປີຂຶ້ນໄປ ມີທ່າອ່ຽງເພີ່ມຂຶ້ນ 0.1 ຈຸດ ເປັນປະມານ 29.4% ຂອງປະຊາກອນທັງໝົດ ຊຶ່ງຖືວ່າສູງສຸດແບບບໍ່ເຄີຍມີມາກ່ອນ.

ກະຊວງດັ່ງກ່າວຄາດຄະເນວ່າ: ຈຳນວນຜູ້ອາຍຸສູງຂອງຍີ່ປຸ່ນມີເຖິງ 36.19 ລ້ານຄົນ ເມື່ອນັບຮອດວັນທີ 15 ກັນຍາຜ່ານມາ ຊຶ່ງກົງກັບວັນເຄົາລົບຜູ້ອາຍຸສູງຂອງປະເທດ. ໃນນັ້ນ, ເປັນເພດຊາຍ 15.68 ລ້ານຄົນ ແລະ ເພດຍິງ 20.51 ລ້ານຄົນ, ເຮັດໃຫ້ຈໍານວນແມ່ຍິງຫຼາຍກວ່າ 4,83 ລ້ານຄົນ.

ໃນຂະນະດຽວກັນ, ຜົນການສໍາຫຼວດແຮງງານຂອງກະຊວງດັ່ງກ່າວຊີ້ໃຫ້ເຫັນວ່າ: ມີຜູ້ອາຍຸສູງເຮັດວຽກໃນປີ 2024 ຈຳນວນ 9.3 ລ້ານຄົນ, ເພີ່ມຂຶ້ນ 160,000 ຄົນຈາກປີ 2023 ຊຶ່ງສູງແບບບໍ່ເຄີຍມີມາກ່ອນ ໂດຍອັດຕາການຈ້າງງານສໍາລັບຜູ້ອາຍຸ 65 ປີຂຶ້ນໄປເພີ່ມຂຶ້ນ 0.5 ຈຸດ ຢູ່ທີ່ 25.7%.

ອັດຕາສ່ວນການຈ້າງງານສໍາລັບຜູ້ທີ່ມີອາຍຸ 65-69 ປີ ແມ່ນ 53.6%, ຜູ້ທີ່ມີອາຍຸ 70-74 ປີ ແມ່ນ 35.1%, ແລະ ຜູ້ທີ່ມີອາຍຸ 75 ປີຂຶ້ນໄປ ແມ່ນ 12%.

ກະຊວງດັ່ງກ່າວລະບຸວ່າ: ບັນຫາການຂາດເຂີນແຮງງານ ແລະ ການຂະຫຍາຍອາຍຸບໍານານໄດ້ເຮັດໃຫ້ເກີດການຈ້າງງານຂອງຜູ້ອາຍຸສູງເພີ່ມຂຶ້ນ ຊຶ່ງກາຍເປັນການຂະຫຍາຍໂອກາດຂອງຜູ້ອາຍຸສູງໃນການເຮັດວຽກ ແລະ ເຮັດໃຫ້ຈຳນວນຜູ້ອາຍຸສູງທີ່ເຮັດວຽກມີທ່າອ່ຽງເພີ່ມຂຶ້ນຢ່າງຕໍ່ເນື່ອງ.

ຄໍາເຫັນ

ຂ່າວຕ່າງປະເທດ

ສະວິດ ສົ່ງອອກສິນຄ້າໄປ ສະຫະລັດ ອາເມຣິກາ ເພີ່ມຂຶ້ນໃນເດືອນກັນຍາ

22/10/2025 16:03

ຂ່າວຕ່າງປະເທດລາຍງານວ່າ: ຫ້ອງການພາສີ ຂອງສະວິດ ປະກາດໃນວັນທີ 21 ຕຸລາ ຜ່ານມາວ່າ, ການສົ່ງອອກສິນຄ້າໄປສະຫະລັດ ອາເມຣິກາ ຊຶ່ງບໍ່ລວມຄໍາ, ເພີ່ມຂຶ້ນ 43% ໃນເດືອນກັນຍາ ເມື່ອທຽບກັບເດືອນສິງຫາ, ໃນຂະນະທີ່ການສົ່ງອອກໂດຍລວມເພີ່ມຂຶ້ນ 3.4% ຊຶ່ງຊີ້ໃຫ້ເຫັນວ່າຄວາມຕ້ອງການສິນຄ້າຂອງສະວິດຍັງແຂງແຮງ ເຖິງວ່າຈະມີຜົນກະທົບຂອງອັດຕາພາສີ 39% ຂອງລັດຖະບານ ທ່ານ ໂດໂນ ທຣໍາ ຕໍ່ການນໍາເຂົ້າສິນຄ້າຈາກສະວິດ.

ແຮງງານອົບພະຍົບ ມີບົດບາດສຳຄັນຕໍ່ເສດຖະກິດອີຕາລີ

22/10/2025 16:01

ຂ່າວຕ່າງປະເທດລາຍງານ ໃນວັນທີ 21 ຕຸລາ ຜ່ານມາວ່າ: ມູນນິທິ Leone Moressa ທີ່ນະຄອນເວນິສ ປະເທດອີຕາລີ ໄດ້ເປີດເຜີຍບົດລາຍງານເສດຖະກິດທີ່ຂັບເຄື່ອນໂດຍແຮງງານອົບພະຍົບ ລະບຸວ່າ: ແຮງງານອົບພະຍົບສືບຕໍ່ມີບົດບາດສຳຄັນໃນເສດຖະກິດ ແລະ ປະຊາກອນຂອງອີຕາລີ ໃນປີ 2024 ເນື່ອງຈາກຈໍານວນຜູ້ປະກອບການຊາວຕ່າງປະເທດເພີ່ມຂຶ້ນຢ່າງຕໍ່ເນື່ອງ.

ການສົ່ງອອກຂອງຍີ່ປຸ່ນ ໃນເດືອນກັນຍາ ເພີ່ມຂຶ້ນ 4.2%

22/10/2025 16:00

ຂ່າວຕ່າງປະເທດລາຍງານວ່າ: ກະຊວງການເງິນຍີ່ປຸ່ນປະກາດໃນວັນທີ 22 ຕຸລານີ້ວ່າ, ການສົ່ງອອກໃນເດືອນກັນຍາໄດ້ເພີ່ມຂຶ້ນ 4.2% ເມື່ອທຽບໃສ່ໄລຍະດຽວກັນຂອງປີກາຍ ຊຶ່ງໄດ້ຟື້ນຕົວຄືນຫຼັງຈາກຫຼຸດລົງ 4 ເດືອນຕິດຕໍ່ກັນ ຍ້ອນການເຕີບໂຕທີ່ເຂັ້ມແຂງຂອງການສົ່ງອອກໄປອາຊີ ແລະ ສາມາດຊົດເຊີຍການຫຼຸດລົງຂອງການສົ່ງອອກໄປຍັງສະຫະລັດ ອາເມຣິກາ.

ຈີນ ແລະ ປະເທດຄູ່ຮ່ວມ “ໜຶ່ງແລວໜຶ່ງເສັ້ນທາງ” ຍົກສູງການຮ່ວມມືດ້ານກະສິກໍາ

22/10/2025 15:01

ຂ່າວສານຊີອາໄອລາຍງານວ່າ: ງານຕະຫຼາດນັດຜະລິດຕະພັນກະສິກຳສາກົນຈີນ ຄັ້ງທີ 22 ໄດ້ຈັດຂຶ້ນຢູ່ນະຄອນທຽນສິນຂອງຈີນ ຫວ່າງມໍ່ໆມານີ້. ຂ່າວລະບຸວ່າ: ຫໍວາງສະແດງສາກົນຂອງງານຕະຫຼາດນັດຄັ້ງນີ້ໄດ້ເຕົ້າໂຮມ 66 ວິສາຫະກິດ ທີ່ມາຈາກ 19 ປະເທດ ແລະ ເຂດແຄວ້ນຂອງ 5 ທະວີບ ຊຶ່ງລວມມີໄທ, ບຣາຊິນ, ອີຕາລີ, ມາເລເຊຍ, ນູແວນເຊລັງ, ອູກັນດາ ແລະ ປະເທດອື່ນໆ, ໂດຍໄດ້ສະແດງໃຫ້ເຫັນເຖິງຜົນງານການຮ່ວມມືດ້ານກະສິກຳລະຫວ່າງປະເທດຄູ່ຮ່ວມ “ໜຶ່ງແລວໜຶ່ງເສັ້ນທາງ”.

ຫວຽດນາມ ກະກຽມຈັດກອງປະຊຸມໃຫຍ່ແຂ່ງຂັນຮັກຊາດທົ່ວປະເທດ ຄັ້ງທີ XI

22/10/2025 14:24

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 20 ຕຸລາ ຜ່ານມາ ຢູ່ສຳນັກງານລັດຖະບານ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ປະທານສະພາແຂ່ງຂັນ - ຍ້ອງຍໍ ສູນກາງ ໄດ້ເປັນປະທານກອງປະຊຸມຄັ້ງທີ 14 ຂອງສະພາແຂ່ງຂັນ.

ສູນຝຶກຄົນພິການເປັນສ່ວນໜຶ່ງທີ່ສຳຄັນທາງສັງຄົມ

21/10/2025 13:32

ຄົນປົກກະຕິທຸກຄົນອາດຈະຂາດບາງຢ່າງໃນຊີວິດມັນກໍເປັນເລື່ອງທຳມະດາ ແຕ່ສິ່ງທີ່ຄົນພິການບໍ່ເຄີຍຂາດຄື “ຄວາມຝັນ ແລະ ກຳລັງໃຈ” ໃນໂລກທີ່ເຕັມໄປດ້ວຍອຸປະສັກ ແລະ ຄວາມບໍ່ເທົ່າທຽມ ຄົນພິການຫຼາຍຄົນກໍຍັງຢືນຢັນວ່າ “ຄວາມພິການ” ບໍ່ແມ່ນກຳແພງກັ້ນຄວາມຝັນ ແຕ່ເປັນພຽງບົດຮຽນທົດສອບໃນຊີວິດທີ່ເຮັດໃຫ້ພວກເຂົາເຂັ້ມແຂງກວ່າເກົ່າ. ລັດຖະບານຈີນ ໄດ້ຖືບັນຫານີ້ເປັນສິ່ງສຳຄັນໃນການເອົາໃຈໃສ່ດູແລຄົນພິການຢ່າງສະເໝີຕົ້ນສະເໝີປາຍ.

ຊາວແຄລິຟໍເນຍ ຫຼາຍກວ່າ 10 ລ້ານຄົນ ຝຶກຊ້ອມຮັບມືກັບແຜ່ນດິນໄຫວ

21/10/2025 13:21

ຂ່າວຕ່າງປະເທດລາຍງານຫວ່າງມໍ່ໆມານີ້ວ່າ: ຊາວຄາລິຟໍເນຍຫຼາຍກວ່າ 10 ລ້ານຄົນ ໄດ້ເຂົ້າຮ່ວມການຝຶກຊ້ອມກຽມພ້ອມຮັບມືກັບແຜ່ນດິນໄຫວໃນທົ່ວປະເທດ ປະຈຳປີ 2025 ເພື່ອເພີ່ມຄວາມຮັບຮູ້ ແລະ ເພີ່ມຂີດຄວາມອາດສາມາດໃນການຮັບມືກັບແຜ່ນດິນໄຫວຂະໜາດໃຫຍ່.

ເກີດເຫດລັກຊັບສິນ ຢູ່ຫໍພິພິທະພັນສິລະປະລູຟ

21/10/2025 13:18

ຂ່າວສານຊີອາໄອລາຍງານວ່າ: ໃນວັນທີ 19 ຕຸລາ ຜ່ານມາ ຢູ່ຫໍພິພິທະພັນສິລະປະລູຟ ທີ່ນະຄອນຫຼວງປາຣີ ປະເທດຝຣັ່ງ ໄດ້ເກີດເຫດລັກລອບຊັບສິນ, ລວມມີເຄື່ອງປະດັບເພັດ 9 ຢ່າງ ທີ່ “ບໍ່ສາມາດປະເມີນມູນຄ່າທາງປະຫວັດສາດໄດ້” ຖືກລັກລອບ. ຜູ້ຕ້ອງຫາ “ນຳໃຊ້ລິບຂຶ້ນລົງຈາກທາງນອກເຂົ້າໃນຫໍພິພິທະພັນລູຟ”, ເພື່ອເຄື່ອນໄຫວລົງມືກໍ່ເຫດໂດຍໃຊ້ເວລາພຽງ 7 ນາທີເທົ່ານັ້ນ.

ການສົ່ງອອກລົດຂອງ ສ ເກົາຫຼີ ເພີ່ມຂຶ້ນສີ່ເດືອນຕິດຕໍ່ກັນ

21/10/2025 13:14

ຂ່າວຕ່າງປະເທດລາຍງານໃນວັນທີ 20 ຕຸລາ ຜ່ານມາວ່າ: ກະຊວງການຄ້າ, ອຸດສາຫະກຳ ແລະ ພະລັງງານຂອງສ ເກົາຫຼີ ເປີດເຜີຍວ່າ, ການສົ່ງອອກລົດຂອງ ສ ເກົາຫຼີ ໄດ້ເພີ່ມຂຶ້ນ 16.8% ໃນເດືອນກັນຍາຜ່ານມາ ເມື່ອທຽບໃສ່ໄລຍະດຽວກັນຂອງປີກາຍ ເປັນ 6.41 ຕື້ໂດລາ ຊຶ່ງເປັນການເພີ່ມຂຶ້ນເປັນເດືອນທີ 4 ຕິດຕໍ່ກັນ. ການເຕີບໂຕນີ້ໄດ້ຖືກຂັບເຄື່ອນໂດຍຄວາມຕ້ອງການທີ່ເຂັ້ມແຂງຈາກເອີຣົບ ແລະ ອາຊີ, ເຊັ່ນດຽວກັນກັບຄວາມຕ້ອງການຂອງຍານພາຫະນະທີ່ເປັນມິດກັບສິ່ງແວດລ້ອມ ຊຶ່ງຊົດເຊີຍຄວາມຕ້ອງການທີ່ຫຼຸດລົງຈາກສະຫະລັດ ອາເມຣິກາ ຍ້ອນການເກັບພາສີ ຂອງລັດຖະບານ ທ່ານ ໂດໂນ ທຣໍາ.

ກອງປະຊຸມຄົບຄະນະຄັ້ງທີ 4 ຂອງຄະນະກຳມະການສູນກາງພັກກອມມູນິດຈີນ ສະໄໝທີ 20

21/10/2025 13:12

ຂ່າວສານຊີອາໄອລາຍງານວ່າ: ໃນຕອນເຊົ້າຂອງວັນທີ 20 ຕຸລາ ຜ່ານມານີ້, ກອງປະຊຸມຄົບຄະນະຄັ້ງທີ 4 ຂອງຄະນະກຳມະການສູນກາງພັກກອມມູນິດຈີນ ສະໄໝທີ 20 ໄດ້ເປີດຂຶ້ນຢູ່ນະຄອນຫຼວງປັກກິ່ງ ຂອງຈີນ.

ເພີ່ມເຕີມ