SK Hynix ຄາດຄະເນການຂາດແຄນຊິບຈະແກ່ຍາວໄປຈົນຮອດປີ 2030

11:21 20/03/2026

ຂ່າວຕ່າງປະເທດລາຍງານໃນວັນທີ 17 ມີນາ ຜ່ານມາວ່າ: ທ່ານ ເຈ ແທວອນ ປະທານບໍລິສັດ SK Hynix ໄດ້ເປີດເຜີຍໃນວັນທີ 16 ມີນາ ຜ່ານມາວ່າ, ການຂາດແຄນຊິບໜ່ວຍຄວາມຈຳມີທ່າອ່ຽງທີ່ຈະສືບຕໍ່ໄປຈົນຮອດປີ 2030 ເນື່ອງຈາກຄວາມຕ້ອງການດ້ານປັນຍາປະດິດ (AI) ເພີ່ມຂຶ້ນຢ່າງຫຼວງຫຼາຍ.

ຂ່າວລະບຸວ່າ: ໃນໄລຍະ 3 ປີຜ່ານມາ, SK Hynix ໄດ້ຮັບຜົນປະໂຫຍດຈາກຄວາມຕ້ອງການຊິບເພື່ອຮອງຮັບ AI ທີ່ເພີ່ມຂຶ້ນຢ່າງຕໍ່ເນື່ອງ. ໃນຂະນະດຽວກັນ, ລາຄາຊິບໜ່ວຍຄວາມຈຳທີ່ເພີ່ມຂຶ້ນຍ້ອນການສະໜອງທີ່ຈຳກັດກໍເປັນອີກປັດໄຈໜຶ່ງທີ່ຊ່ວຍຊຸກຍູ້ປະສິດທິພາບຂອງບໍລິສັດ.

ຂໍ້ມູນຈາກ Counterpoint Research ຊີ້ໃຫ້ເຫັນວ່າ: ລາຄາຊິບໜ່ວຍຄວາມຈຳສຳລັບເຊີບເວີເພີ່ມຂຶ້ນ 60% ຫາ 76% ໃນໄຕມາດທີ 4 ຂອງປີ 2025 ແລະ ມີທ່າອ່ຽງຈະສືບຕໍ່ເພີ່ມຂຶ້ນໃນໄຕມາດທຳອິດຂອງປີ 2026.

ທ່ານ ເຈ ໃຫ້ສຳພາດກັບນັກຂ່າວຢູ່ນອກກອງປະຊຸມ GTC ຂອງ Nvidia ທີ່ເມືອງຊານໂຮເຊ ລັດແຄລິຟໍເນຍ ສະຫະລັດ ອາເມຣິກາ ໂດຍລະບຸວ່າ: ບໍລິສັດກຳລັງພິຈາລະນາຄວາມເປັນໄປໄດ້ໃນການຈົດທະບຽນຫຼັກຊັບຕ່າງປະເທດໃນ ສະຫະລັດ ອາເມຣິກາ.

ນອກຈາກນັ້ນ, SK Hynix ອາດຈະເປີດເຜີຍແຜນການທີ່ຈະຊ່ວຍຮັກສາສະຖຽນລະພາບລາຄາຊິບ DRAM ທ່າມກາງການສະໜອງທີ່ຈຳກັດທີ່ເກີດຈາກຄວາມຕ້ອງການ AI.

SK Hynix ແມ່ນໜຶ່ງໃນຜູ້ຜະລິດຊິບໜ່ວຍຄວາມຈຳທີ່ໃຫຍ່ທີ່ສຸດໃນໂລກ ແລະ ເປັນຜູ້ສະໜອງໜ່ວຍຄວາມຈຳແບນວິດສູງ (HBM) ທີ່ສຳຄັນໃຫ້ແກ່ Nvidia.

ທ່ານ ເຈ ກ່າວວ່າ: ຄວາມຕ້ອງການ HBM ທີ່ເພີ່ມຂຶ້ນຢ່າງຫຼວງຫຼາຍຈາກອຸດສາຫະກຳ AI ກຳລັງເຮັດໃຫ້ເກີດການຂາດແຄນເວເຟີ ແລະ ບໍລິສັດຕ້ອງໃຊ້ເວລາຢ່າງໜ້ອຍ 4-5 ປີ ໃນການເພີ່ມກຳລັງການຜະລິດ.

ທັງນີ້, ຮຸ້ນຂອງ SK Hynix ເພີ່ມຂຶ້ນຫຼາຍກວ່າ 2% ໃນ 17 ມີນາ ຜ່ານມາ.

ຄໍາເຫັນ

ຂ່າວຕ່າງປະເທດ

ນາຍົກນູແວນເຊລັງເຕືອນ ຂໍ້ຂັດແຍ່ງທີ່ຍືດເຍື້ອ ອາດກະທົບການສະໜອງນໍ້າມັນທົ່ວໂລກ

20/03/2026 11:55

ຂ່າວຕ່າງປະເທດລາຍງານ ໃນວັນທີ 19 ມີນາ ຜ່ານມາວ່າ: ທ່ານ ຄຣິສໂຕເຟີ ລູຊອນ ນາຍົກລັດຖະມົນຕີນູແວນເຊລັງ ໄດ້ເຕືອນວ່າ: ຂໍ້ຂັດແຍ່ງທີ່ຍືດເຍື້ອໃນຕາເວັນອອກກາງອາດຈະສົ່ງຜົນກະທົບຕໍ່ການສະໜອງນໍ້າມັນທົ່ວໂລກ ແລະ ລັດຖະບານນູແວນເຊລັງ ກຳລັງພິຈາລະນາເພີ່ມມາດຕະການຕອບໂຕ້ໃນອາທິດໜ້າ.

ຣັດເຊຍ ເປີດສູນທົດສອບ ຫຸ່ນຍົນ ແລະ ລະບົບຂັບຂີ່ອັດຕະໂນມັດ

20/03/2026 11:54

ຂ່າວຕ່າງປະເທດລາຍງານຫວ່າງມໍ່ໆມານີ້ວ່າ: ທ່ານ ເຊີເກ ໂຊເບຍນິນ ເຈົ້າຄອງນະຄອນຫຼວງມົສກູ ໄດ້ປະກາດວ່າ, ຣັດເຊຍ ໄດ້ເປີດສູນທົດສອບເຕັກໂນໂລຊີຫຸ່ນຍົນ ແລະ ລະບົບຂັບຂີ່ອັດຕະໂນມັດຢ່າງເຕັມຮູບແບບແຫ່ງທຳອິດຂອງຣັດເຊຍໃນນະຄອນຫຼວງມົສກູ ຊຶ່ງອອກແບບມາເພື່ອທົດສອບເຕັກໂນໂລຊີດັ່ງກ່າວທັງໃນດ້ານໂລຈິສຕິກ, ການຂົນສົ່ງ, ການກໍ່ສ້າງ ແລະ ການເຝົ້າລະວັງ.

ຈີນ ຮຽກຮ້ອງໃຫ້ທົບທວນຄືນຄຳໝັ້ນສັນຍາໃນການຊຸກຍູ້ ແລະ ປົກປ້ອງສິດທິມະນຸດ

20/03/2026 11:53

ຂ່າວສານຊີອາໄອລາຍງານວ່າ: ເມື່ອບໍ່ດົນມານີ້, ກອງປະຊຸມຄັ້ງທີ 61 ຂອງສະພາສິດທິມະນຸດອົງການສະຫະປະຊາຊາດ ໄດ້ຈັດກອງປະຊຸມອະພິປາຍທົ່ວໄປກ່ຽວກັບບັນຫາສິດທິມະນຸດຂອງປະເທດຕ່າງໆ, ທ່ານນາງ ຫຼີຊ້ຽວເມີຍ ຮອງຫົວໜ້າຄະນະຜູ້ແທນຈີນໄດ້ກ່າວຄຳປາໄສໂດຍເນັ້ນໜັກວ່າ: ວັນທີ 15 ມີນາ ແມ່ນວັນຄົບຮອບ 20 ປີທີ່ສະມັດຊາໃຫຍ່ອົງການສະຫະປະຊາຊາດໄດ້ຮັບຮອງເອົາມະຕິວ່າດ້ວຍການສ້າງຕັ້ງສະພາສິດທິມະນຸດ, ແຕ່ປັດຈຸບັນ ລັດທິຫຼາຍຝ່າຍ ແລະ ວຽກງານສິດທິມະນຸດທົ່ວໂລກກຳລັງຜະເຊີນໜ້າກັບສິ່ງທ້າທາຍທີ່ບໍ່ເຄີຍມີມາກ່ອນໃນປະຫວັດສາດ, ສະຖານະການຂອງພາກພື້ນໄດ້ສົ່ງຜົນກະທົບຕໍ່ສັນຕິພາບ ແລະ ຄວາມໝັ້ນຄົງສາກົນຢ່າງເລິກເຊິ່ງ ແລະ ໄດ້ສ້າງໄພພິບັດດ້ານສິດທິມະນຸດ ແລະ ມະນຸດສະທຳ.

ນາຍົກລັດຖະມົນຕີຫວຽດນາມ ສະເໜີ ກາຕາ ຍູ້ແຮງການຮ່ວມມືພະລັງງານ

20/03/2026 11:52

ວິທະຍຸກະຈາຍສຽງຫວຽດນາມ ລາຍງານວ່າ: ຫວ່າງມໍ່ໆມານີ້ ຢູ່ສຳນັກງານລັດຖະບານ, ທ່ານ ຟ້າມມິງຈິງນາຍົກລັດຖະມົນຕີ ຫວຽດນາມ ໄດ້ໃຫ້ການຕ້ອນຮັບທ່ານ ຄາລິດ ອາລີ ອັບດູລາ ອາເບນ ເອກອັກຄະລັດຖະທູດ ລັດ ກາຕາ ປະຈຳ ຫວຽດນາມ.

ວິກິດການໃນຕາເວັນອອກກາງ ເຮັດໃຫ້ລາຄານໍ້າມັນເຊື້ອໄຟເຮືອບິນສູງຂຶ້ນ

20/03/2026 11:22

ຂ່າວຕ່າງປະເທດລາຍງານໃນວັນທີ 18 ມີນາ ຜ່ານມາວ່າ: ສາຍການບິນທົ່ວໂລກກຳລັງຄ່ອຍໆຂຶ້ນລາຄາໂດຍສານ ແລະ ຫຼຸດຖ້ຽວບິນໃນບາງເສັ້ນທາງ ຫຼັງຈາກລາຄານໍ້າມັນເຊື້ອໄຟເຮືອບິນເພີ່ມຂຶ້ນສູງ ຍ້ອນຂໍ້ຂັດແຍ້ງລະຫວ່າງສະຫະລັດ ອາເມຣິກາ, ອິສຣາເອນ ແລະ ອີຣານ ສ້າງຄວາມກົດດັນຢ່າງຫຼວງຫຼາຍຕໍ່ຄ່າໃຊ້ຈ່າຍໃນການດຳເນີນງານຂອງອຸດສາຫະກຳການບິນ.

UN ເຕືອນວ່າ ໂລກກຳລັງປະເຊີນກັບວິກິດການອຶດຫິວເພີ່ມຂຶ້ນ

20/03/2026 11:20

ຂ່າວຕ່າງປະເທດລາຍງານວ່າ: ອົງການມະນຸດສະທຳຂອງສະຫະປະຊາຊາດ (UN) ໄດ້ເຕືອນໃນວັນທີ 17 ມີນາ ຜ່ານມາວ່າ, ຈຳນວນປະຊາກອນທົ່ວໂລກທີ່ປະເຊີນກັບຄວາມອຶດຫິວຢ່າງຮຸນແຮງອາດຈະເພີ່ມຂຶ້ນອີກຫຼາຍສິບລ້ານຄົນ ທ່າມກາງຄວາມພະຍາຍາມຮຽກຮ້ອງໃຫ້ມີການແກ້ໄຂທາງການທູດຕໍ່ສະຖານະການໃນຕາເວັນອອກກາງ.

ສີລັງກາ ເລີ່ມໃຊ້ລະບົບເລກທະບຽນພາຫະນະ ຄູ່ - ຄີກ ເພື່ອເຕີມນໍ້າມັນ

20/03/2026 11:09

ຂ່າວຕ່າງປະເທດລາຍງານໃນວັນທີ 18 ມີນາ ຜ່ານມາວ່າ: ທ່ານ ມາຍູຣາ ເນທິກຸມາຣາເກ ຜູ້ອຳນວຍການຝ່າຍບໍລິຫານຂອງບໍລິສັດນ້ຳມັນເຊລອນ (Ceylon Petroleum Corporation) ໄດ້ເປີດເຜີຍວ່າ: ສີລັງກາ ໄດ້ເລີ່ມບໍລິການຂາຍນ້ຳມັນເຊື້ອໄຟໂດຍອີງໃສ່ລະບົບເລກທະບຽນຍານພາຫະນະ ຄູ່-ຄີກ ໃນວັນທີ 18 ມີນາ ຜ່ານມາ, ໂດຍພາຫະນະທີ່ມີເລກທະບຽນລົງທ້າຍດ້ວຍເລກຄູ່ ຫຼື ສູນ ສາມາດຊື້ນ້ຳມັນເຊື້ອໄຟໃນມື້ທີ່ມີເລກຄູ່ ແລະ ພາຫະນະທີ່ມີເລກທະບຽນເລກຄີກ ສາມາດຊື້ນ້ຳມັນເຊື້ອໄຟໃນມື້ທີ່ມີເລກຄີກ.

ຈີນ ຈະສືບຕໍ່ປະຕິບັດນະໂຍບາຍການເງິນທີ່ຕັ້ງໜ້າກວ່າເກົ່າໃນປີ 2026

20/03/2026 11:07

ຂ່າວສານຊີອາໄອລາຍງານໃນວັນທີ 18 ມີນາ ຜ່ານມາວ່າ: ປີນີ້ແມ່ນປີເລີ່ມຕົ້ນປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 15, ຈີນຈະສືບຕໍ່ປະຕິບັດນະໂຍບາຍການເງິນທີ່ຕັ້ງໜ້າກວ່າເກົ່າ. ຕົ້ນຕໍຈະສຸມໃສ່ສະໜັບສະໜູນການສ້າງຕະຫຼາດພາຍໃນປະເທດທີ່ເຂັ້ມແຂງ; ສະໜັບສະໜູນການເລັ່ງການບົ່ມເພາະ ແລະ ການຂະຫຍາຍຕົວຂອງຕົວຂັບເຄື່ອນການເຕີບໂຕ, ປະຕິບັດການເຄື່ອນໄຫວການພັດທະນາທີ່ມີຄຸນນະພາບສູງຂອງຕ່ອງໂສ້ການຜະລິດທີ່ສຳຄັນຂອງອຸດສາຫະກຳການຜະລິດຕາມລຳດັບ, ຈັດຕັ້ງປະຕິບັດຕົວເມືອງທົດລອງຊຸດທີ 3 ສໍາລັບການຫັນເປັນເຕັກໂນໂລຊີແບບໃໝ່ໃນອຸດສາຫະກຳການຜະລິດ, ສືບຕໍ່ປະຕິບັດນະໂຍບາຍໃຫ້ລາງວັນ ແລະ ໃຫ້ການອຸດໜູນດ້ານການເງິນຕໍ່ວິສາຫະກິດຂະໜາດກາງ ແລະ ນ້ອຍທີ່ມີຄວາມຊ່ຽວຊານ, ມີຄຸນນະພາບສູງ ແລະ ມີຫົວຄິດປະດິດສ້າງ.

ຫວຽດນາມ ພັດທະນາເຕັກໂນໂລຊີຍຸດທະສາດ ຕິດພັນກັບຍຸດທະສາດພັດທະນາປະເທດຊາດ

20/03/2026 11:06

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 18 ມີນາ ຜ່ານມາ ຢູ່ສຳນັກງານສູນກາງພັກ ທີ່ນະຄອນຫຼວງຮ່າໂນ້ຍ, ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ໄດ້ເປັນປະທານກອງປະຊຸມກ່ຽວກັບເຕັກໂນໂລຊີຍຸດທະສາດຂອງຄະນະຊີ້ນຳສູນກາງ ແລະ ການພັດທະນາວິທະຍາສາດ, ເຕັກໂນໂລຊີ, ນະວັດຕະກຳ ແລະ ການຫັນເປັນດີຈີຕອນ. ເຂົ້າຮ່ວມກອງປະຊຸມຍັງມີທ່ານ ຟ້າມມິນຈິງ ນາຍົກລັດຖະມົນຕີ.

ລາຄານ້ຳມັນ ໃນກຳປູເຈຍຍັງສືບຕໍ່ເພີ່ມຂຶ້ນ

18/03/2026 10:49

ຂ່າວຕ່າງປະເທດລາຍງານ ໃນວັນທີ 17 ມີນາ ຜ່ານມາວ່າ: ກະຊວງການຄ້າຂອງກຳປູເຈຍໄດ້ເປີດເຜີຍວ່າ, ລາຄານໍ້າມັນເຊື້ອໄຟຂາຍຍ່ອຍໃນກຳປູເຈຍຈະສືບຕໍ່ເພີ່ມຂຶ້ນຕັ້ງແຕ່ວັນທີ 17-19 ມີນາ ນີ້ ເນື່ອງຈາກສະຖານະການຄວາມຂັດແຍ້ງທີ່ເພີ່ມຂຶ້ນໃນຕາເວັນອອກກາງ. ໂດຍລາຄານໍ້າມັນແອັດຊັງທຳມະດາ ຈະຢູ່ທີ່ 5,500 ຣຽວຕໍ່ລິດ, ເພີ່ມຂຶ້ນ 5.7% ຈາກ 5,200 ຣຽວ ໃນໄລຍະ 3 ມື້ກ່ອນ.

ເພີ່ມເຕີມ