ເປີດບໍລິສັດ ດີໂກລາວ ຈໍາກັດຜູ້ດຽວ ຈໍາໜ່າຍ ແລະ ບໍລິການຫຼັງການຂາຍລົດຈັກໄຟຟ້າ

ໃນພິທີ, ທ່ານ ໄພວັນ ສີພັນດອນ ຜູ້ອໍານວຍການບໍລິສັດ ດີໂກລາວ ຈໍາກັດຜູ້ດຽວ ໄດ້ກ່າວລາຍງານວ່າ: ການເປີດບໍລິສັດຄັ້ງນີ້, ເພື່ອເປັນການຕອບສະໜອງ ແຜນພັດທະນາເສດຖະກິດສັງຄົມ ຂອງແຂວງບໍລິຄໍາໄຊ, ກໍຄືແຜນນະໂຍບາຍຂອງລັດຖະບານ ແລະ ອົງການຈັດຕັ້ງຕ່າງໆ ທີ່ກຽ່ວຂ້ອງ, ໃຫ້ຄວາມສໍາຄັນໃນການສົ່ງເສີມພະລັງງານສະອາດ, ເພື່ອຫຼຸດຜ່ອນມົນລະພິດທາງອາກາດ, ປະຍັດພະລັງງານ ແລະ ຍົກສູງຄຸນນະພາບການເປັນຢູຂອງປະຊາຊົນ, ຫຼຸດຜ່ອນການໃຊ້ຈ່າຍແບບຟຸມເຟືອຍ. ດັ່ງນັ້ນ, ບໍລິສັດ ດີໂກລາວ ຈຶ່ງໄດ້ນໍາເຂົ້າ ແລະ ເປັນຕົວແທນຈໍາໜ່າຍລົດຈັກໄຟຟ້າ, ຫຍີ້ຫໍ້ດີໂກພຽງຜູ້ດຽວໃນ ສປປ ລາວ, ລົດຈັກໄຟຟ້າຫຍີ້ຫໍ້ດີໂກ, ເປັນລົດຈັກໄຟຟ້າທີ່ຜະລິດຈາກໂຮງງານ ທີ່ມີສີ້ນສ່ວນເອເລັກໂທນິກ, ທີ່ໄດ້ມາດຕະຖານສາກົນ, ທີ່ມີຄວາມປອດໄພສູງ ແລະ ເໝາະສົມກັບທຸກເພດທຸກໄວ, ລົດໄຟຟ້າທີ່ນໍາເຂົ້າມາຈໍາໜ່າຍ, ບໍ່ພຽງແຕ່ເປັນມິດກັບສິ່ງແວດລ້ອມເທົ່ານັ້ນ, ແຕ່ຍັງຫຼຸດຜ່ອນຄ່າໃຊ້ຈ່າຍພະລັງງານ, ເພາະວາອີງໃສ່ນະວັດຕະກໍາ ປະສິດທິພາບ, ຂອງເຕັກໂນໂລຢີທີ່ທັນສະໃໝຢ່າງໝັ້ນໃຈ ແລະ ເໝາະສົມກັບການນໍາໃຊ້ປະຈໍາວັນ ແບບມືອາຊີບ ແລະ ມິຄວາມປະຢັດ, ການນໍາເຂົ້າໃນຮອບທີ່ 1 ມີຈໍານວນ 48 ຄັນ ມີ 8 ລຸ່ນຄື: ໂຊເຟຍ, ລູເຊໂນ່, ຮັນນ່າ, ຊູບເບີເອ, ວີໂກ່, ຈີ-ຟາຍ, ດັບໂບ່ເອ, ຊູຊູ.

(ແຫຼ່ງຂ່າວ: ແຂວງບໍລິຄໍາໄຊ)