 |
ທ່ານ ຄຳສະໄຫວ ວິລະກອນ ໄດ້ກ່າວເປີດພິທີວ່າ: ໂຄງການກໍ່ສ້າງເບຕົງ ເສີມເຫຼັກ ອ້ອມຂ້າງບ້ານເທສະບານເມືອງ ຕະໂອ້ຍ, ແມ່ນຄວາມຕັດສິນໃຈຂອງທົ່ວສັງຄົມ ຊາວເມືອງຕະໂອ້ຍ ມີຄວາມເປັນເອກະພາບກັນສ້າງດ້ວຍທຶນສົມທົບຈາກຫຼາຍພາກສ່ວນ, ຫຼາຍຂະແໜງການເພື່ອເປັນການປະກອບສ່ວນເຂົ້າໃນໂຄງການກໍ່ສ້າງເສັ້ນທາງເບຕົງດັ່ງກ່າວ, ໂດຍມີສ່ວນຮ່ວມຈາກ ພາກລັດ,ປະຊາຊົນ,ສັງຄົມ, ຜູ້ປະກອບການ, ນັກທຸລະກິດຕ່າງໆພາຍໃນເມືອງຕະໂອ້ຍ. ສະນັ້ນ,ຈຶ່ງຮຽກຮ້ອງມາຍັງພໍ່ແມ່ປະຊາຊົນ, ນັກທຸລະກິດເອກະຊົນທຸກພາກຕ້ອງໄດ້ເອົາໃຈໃສ່ບຸກບື່ນ, ສຸມທຸກກໍາລັງເຫືອແຮງຂອງຕົນໃຫ້ມີຜົນສໍາເລັດຕາມແຜນການທີ່ວາງໄວ້.
 |
ທ່ານ ວຽງໄຊ ມະຫາທິລາດ ຄະນະປະຈໍາພັກເມືອງ ຮອງປະທານຄະນະກໍາມະການປົກຄອງເມືອງ ຜູ້ຊີ້ນໍາວຽກງານເສດຖະກິດ ໄດ້ລາຍງານໃຫ້ຮູ້ວ່າ: ໂຄງການກໍ່ສ້າງເສັ້ນທາງເບຕົງເສີມເຫຼັກ ບ້ານເທດສະບານ ເມືອງຕະໂອ້ຍ ໄດ້ລົງມືດຳເນີນການກໍ່ສ້າງໃນທ້າຍເດືອນ 3 ປີ 2026 ແລະ ໄດ້ແຕ່ງຕັ້ງຄະນະຮັບຜິດຊອບໂຄງການດ້ານວິຊາການແມ່ນຫ້ອງການ ຍທຂ, ຫ້ອງວ່າການ ແລະ ຫ້ອງການ-ການເງິນເມືອງ ຮ່ວມກັບບັນດາຫ້ອງການອອ້ມຂ້າງເມືອງ ແລະ ປະຊາຊົນບ້ານເທສະບານ ລວມມູນຄ່າການກໍ່ສ້າງທັງໝົດ 1,420,000,000 ກີບ, (ເປັນທຶນສົມທົບລະຫວາງ ທຶນງົບປະມານຂອງເມືອງ (ລັດ) 30%, ທຶນຂອງປະຊາຊົນ70%.
(ຂ່າວ: ກິລິຍາ)
ຄໍາເຫັນ