ເປີດນຳໃຊ້ອາຄານສຳນັກງານ ທະນາຄານພັດທະນາລາວ ເມືອງຕະໂອ້ຍ

10:23 09/07/2025

ໃນວັນທີ 8 ກໍລະກົດນີ້.ໄດ້ຈັດພິທີເປີດການນຳໃຊ້ອາຄານສຳນັກງານ ທະນາຄານພັດທະນາລາວ ໜ່ວຍບໍລິການເມືອງຕະໂອ້ຍ ແຂວງສາລະວັນຂຶ້ນ. ໃນພິທີ, ທ່ານ ຄຳລຽນ ສິມມະວົງ ຫົວໜ້າທະນາຄານພັດທະນາລາວ ສາຂາພາກໃຕ້ແຂວງ ຈຳປາສັກ ໄດ້ກ່າວວ່າ: ຈຸດປະສົງຂອງການເປີດໜ່ວຍບໍລິການເມືອງຕະໂອ້ຍ ກໍເພື່ອເປັນການຂະຫຍາຍພື້ນທີ່ຈຸດໃຫ້ການບໍລິການ ອຳນວຍຄວາມສະດວກໃຫ້ແກ່ລູກຄ້າທີ່ເຂົ້າມາໃຊ້ບໍລິການໃນໜ່ວຍບໍລິການທະນາຄານພັດທະນາລາວ.

ເປດນຳໃຊອາຄານສຳນກງານ ທະນາຄານພດທະນາລາວ ເມອງຕະໂອຍ - image 1

ອາຄານສຳນັກງານໃໝ່ແຫ່ງນີ້, ໃຊ້ເວລາກໍ່ສ້າງທັງໝົດ 11 ເດືອນ,ເລີ່ມແຕ່ເດືອນ 6/2024 ຫາ ເດືອນ 5/2025 ສຳເລັດ, ເປັນອາຄານທີ່ທັນສະໄໝ, ເປັນເອກະລັກສະເພາະຂອງ ທະນາຄານພັດທະນາລາວ ແລະ ຈະໄດ້ອຳນວຍຄວາມສະດວກໃນການໃຫ້ບໍລິການຮັບໃຊ້ບັນດາທ່ານ ຜູ້ປະກອບການ,ຫົວໜ່ວຍທຸລະກິດ, ບັນດາລູກຄ້າທັງພາຍໃນ ແລະຕ່າງປະເທດທີ່ເຂົ້າມາໃຊ້ບໍລິການໃຫ້ມີຄວາມປະທັບໃຈ.

ປັດຈຸບັນນີ້, ທະນາຄານພ້ອມແລ້ວ ທີ່ຈະອຳນວຍຄວາມສະດວກໃນການດຳເນີນທຸລະກຳທາງດ້ານການເງິນຂອງທ່ານດ້ວຍຄວາມທັນສະໄໝ, ສະດວກວ່ອງໄວ ແລະ ຫວັງວ່າຢ່າງຍິ່ງວ່າຈະມີໂອກາດຮັບໃຊ້ແລະ ໃຫ້ບໍລິການລູກຄ້າທຸກທ່ານ,ດ້ວຍຮ້ອຍຍິ້ມ ແລະ ຈິ່ງໃຈໃຫ້ສົມກັບຄຳຂັວນທີ່ວ່າ: “ມິດທີ່ດີຢູ່ຄຽງຂ້າງທ່ານການຮ່ວມທຶນແບບຍືນຍົງ”.

ທ່ານ ວຽງໄຊ ມະຫາທິລາດ ຮັກສາການຮອງເຈົ້າເມືອງຕະໂອ້ຍ ຜູ້ຊີ້ນໍາຂົງເຂດເສດຖະກິດໃນທົ່ວເມືອງ ໃຫ້ກຽດກົດປຸ່ມເປີດ ແລະ ພ້ອມທັງລັ່ນຄ້ອງ 9 ບາດ.

(ພາບ-ຂ່າວ ອ່ອນໃຈ ໄຊຍະແຮດ)

ຄໍາເຫັນ

ຂ່າວວັດທະນະທຳ-ສັງຄົມ

ຮັບຮອງວັດສີມຸງຄຸນໄຊຍະຣາມ ບ້ານນາບວມເປັນມໍລະດົກທ້ອງຖິ່ນ

09/07/2025 16:10

ພິທີປະກາດຮັບຮອງເອົາວັດສີມຸງຄຸນໄຊຍະຣາມ ບ້ານນາບວມ ເມືອງພຽງ ແຂວງໄຊຍະບູລີເປັນມໍລະດົກທາງດ້ານວັດທະນະທຳລະດັບທ້ອງຖິ່ນຂັ້ນແຂວງໄດ້ຈັດຂຶ້ນໃນວັນທີ 8 ກໍລະກົດຜ່ານມາ ຢູ່ທີ່ວັດດັ່ງກ່າວໂດຍການເຂົ້າຮ່ວມຂອງທ່ານ ດວງຕາ ໄຊວຸດ ຮອງເລຂາພັກແຂວງ ຜູ້ຊີ້ນຳວຽກງານການເມືອງແນວຄິດ ວຽກງານພັກພະນັກງານແຂວງ, ມີທ່ານ ບຸດສະກອນ ອິນທະລັງສີ ເລຂາຄະນະບໍລິຫານງານພັກເມືອງ, ມີແຂກຖືກເຊີນ, ພ້ອມດ້ວຍປະຊົນບັນດາເຜົ່າພາຍໃນບ້ານເຂົ້າຮ່ວມ.

ນໍ້າຖ້ວມບ້ານເລົ່າຫຼວງເມືອງຫິນບູນ

09/07/2025 16:07

ເນື່ອງຈາກຝົນຕົກຕິດຕໍ່ກັນຫຼາຍຊົ່ວເຮັດໃຫ້ເກີດມີນໍ້າຖ້ວມຫຼາຍຈຸດຂອງເມືອງຫິນບູນແຂວງຄໍາມ່ວນ ໂດຍສະເພາະແມ່ນເຂດບ້ານເລົ່າຫຼວງນໍ້າໄດ້ຖ້ວມເຮືອນປະຊາຊົນ, ເສັ້ນທາງ13 ໃຕ້ນໍ້າໄດ້ຂຶ້ນສູງປະມານ 1 ແມັດ, ຍາວ 2,000 ແມັດ, ເຮັດໃຫ້ການສັນຈອນຕັດຂາດເປັນເວລາ 3 ຊົ່ວໂມງແຕ່ 6 ໂມງເຊົ້າຂອງວັນທີ 9 ກໍລະກົດ 2025.ປັດຈຸບັນສະພາບນໍ້າຖ້ວມໄດ້ເຂົ້າສູ່ປົກກະຕິແລ້ວ.

ຮຽບຮຽງເນື້ອໃນບາງມາດຕາຂອງກົດໝາຍສານປະຊາຊົນ

09/07/2025 16:05

(ສພຊ) - ເພື່ອພ້ອມກັນຄົ້ນຄວ້າ, ພິຈາລະນາບັນດາຄໍາເຫັນຂອງສະມາຊິກສະພາແຫ່ງຊາດ ທີ່ປະກອບຄໍາເຫັນກວມເອົາຊື່, ໂຄງປະກອບ ແລະ ເນື້ອໃນກົດໝາຍວ່າດ້ວຍການປັບປຸງບາງມາດຕາຂອງກົດໝາຍວ່າດ້ວຍສານປະຊາຊົນ; ໃນວັນທີ 8 ກໍລະກົດ ນີ້ທີ່ເມືອງວັງວຽງ ແຂວງວຽງຈັນ ໄດ້ມີກອງປະຊຸມຮຽບຮຽງເນື້ອໃນກົດໝາຍວ່າດ້ວຍການປັບປຸງບາງມາດຕາຂອງກົດໝາຍວ່າດ້ວຍສານປະຊາຊົນ ໂດຍການເປັນປະທານຂອງທ່ານ ນາງ ສູນທອນ ໄຊຍະຈັກ ຮອງປະທານສະພາແຫ່ງຊາດ; ເຂົ້າຮ່ວມມີທ່ານ ນາງ ທຸມມາລີ ວົງພະຈັນ ປະທານກຳມາທິການຍຸຕິທຳ, ຮອງປະທານສານປະຊາຊົນສູງສຸດ, ຮອງປະທານກຳມາທິການກົດໝາຍ, ຮອງລັດຖະມົນຕີກະຊວງຍຸຕິທຳ, ຮອງຫົວໜ້າຫ້ອງວ່າການສຳນັກງານປະທານປະເທດ, ຮອງຫົວໜ້າຫ້ອງວ່າການສຳນັກງານນາຍົກລັດຖະມົນຕີ, ຄະນະກົມ, ຄະນະພະແນກ ພ້ອມດ້ວຍພະນັກງານທີ່ກ່ຽວຂ້ອງ.

ຫັນເປັນທັນສະໄໝເທົ່ານັ້ນການຄຸ້ມຄອງລາຍຮັບຈຶ່ງມີປະສິດທິພາບ

09/07/2025 14:35

ທ່ານ ວຽງສາລີ ອິນທະພົມ ຫົວໜ້າພະແນກການເງິນ ນະຄອນຫຼວງວຽງຈັນ (ນວ) ໄດ້ຊີ້ແຈງຕໍ່ຄໍາຊັກຖາມແຕ່ລະໜ້າວຽກ ຂອງ ສສຊ ແລະ ສສ ນວ ໃນກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນນະຄອນຫຼວງວຽງຈັນ ຊຸດທີ II ທີ່ຫ້ອງວ່າການປົກຄອງ ນວ ຄື: ການຄຸ້ມຄອງລາຍຮັບງົບປະມານຍັງພົບຄວາມຫຍຸ້ງຍາກ ເປັນຕົ້ນ: ຖານລາຍຮັບງົບປະມານທີ່ເປັນພື້ນຖານຍັງບໍ່ມີໂຕເລກທີ່ຊັດເຈນ,

ອົງການປົກຄອງແຂວງຈຳປາສັກ ດຳເນີນກອງປະຊຸມເປີດກວ້າງ ຄັ້ງທີ I ປະຈໍາປີ 2025

09/07/2025 14:32

ອົງການປົກຄອງແຂວງຈຳປາສັກ ໄດ້ຈັດກອງປະຊຸມເປີດກວ້າງ ຄັ້ງທີ Iປະຈຳປີ 2025 ຂຶ້ນໃນວັນທີ 9 ກໍລະກົດນີ້ທີ່ຫ້ອງວ່າການແຂວງ, ພາຍໃຕ້ການເປັນປະທານຂອງ ທ່ານ ອາລຸນໄຊ ສູນນະລາດ ເຈົ້າແຂວງຈຳປາສັກ, ມີຮອງເຈົ້າແຂວງ, ຫົວໜ້າພະແນກການ-ກົມກອງອ້ອມຂ້າງແຂວງ, ອົງການທຽບເທົ່າຂັ້ນແຂວງ, ວ່າການເຈົ້ານະຄອນປາກເຊ ແລະ ວ່າການເຈົ້າເມືອງ 9 ເມືອງເຂົ້າຮ່ວມ.

ມອບ-ຮັບໂຄງການກໍ່ສ້າງເສັ້ນທາງ ເຂົ້າພື້ນທີ່ທໍາການຜະລິດ ບ້ານ ນາຕາກ

09/07/2025 14:30

ໃນວັນທີ 9 ກໍລະກົດນີ້, ເມືອງໄຊຍະບູລີ ແຂວງໄຊຍະບູລີ ໄດ້ຈັດພິທີມອບ-ຮັບໂຄງການກໍ່ສ້າງເສັ້ນທາງ ເຂົ້າເຖີງພື້ນທີ່ທໍາການຜະລິດ ບ້ານນາຕາກ ເມືອງໄຊຍະບູລີ ຂອງໂຄງການຊົນລະກະເສດ ແລະ ການຜະລິດເປັນສິນຄ້າຂະໜາດນ້ອຍ (ຊກຂ) ຂຶ້ນທີ່ຫ້ອງປະຊຸມບ້ານນາຕາກ ໂດຍການເຂົ້າຮ່ວມ ຂອງທ່ານ ຈັນເພັງ ອູ່ທອງຄໍາ ຮັກສາການເຈົ້າເມືອງ, ມີພາກສ່ວນກ່ຽວຂ້ອງເຂົ້າຮ່ວມ.

ຫ້ອງການ ຍທຂ ເມືອງສີສັດຕະນາກ ພັດທະນາພື້ນຖານໂຄງລ່າງຄົມມະນາຄົມ ຢ່າງຕັ້ງໜ້າ

09/07/2025 13:55

ຫ້ອງການໂຍທາທິການ ແລະ ຂົນສົ່ງເມືອງສີສັດຕະນາ ນະຄອກຫຼວງວຽງຈັນ ເອົາໃຈໃສ່ວຽກງານພັດທະນາພື້ນຖານໂຄງລ່າງ ດ້ານຄົມມະນາຄົມ ຢ່າງຕັ້ງໜ້າ, ຮັບປະກັນໃຫ້ໄດ້ມາດຕະຖານ, ທົນທານ, ເຊື່ອມຈອດ, ໂລ່ງລ່ຽນ, ການສັນຈອນສະດວກວ່ອງໄວ, ແນໃສ່ໃຫ້ການພັດທະນາຕົວເມືອງ ແລະ ເທດສະບານຂອງເມືອງສີສັດຕະນາກໃຫ້ໄປຕາມນະໂຍບາຍ 6 ສ.

ກະສິກຳ ແລະ ປ່າໄມ້ ນວ ສຸມໃສ່ພື້ນທີ່ສະໜອງຊົນລະປະທານ

09/07/2025 13:52

ທ່ານ ແສງອາລຸນ ສຸລິຍະວົງ ຫົວໜ້າພະແນກກະສິກໍາ ແລະ ປ່າໄມ້ ນະຄອນຫຼວງວຽງຈັນ (ນວ) ໄດ້ລາຍງານຕໍ່ກອງປະຊຸມສະໄໝສາມັນ ເທື່ອ 9 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ II ໃນວັນທີ 8 ກໍລະກົດນີ້ ພາຍໃຕ້ການເປັນປະທານຂອງທ່ານ ອານຸພາບ ຕຸນາລົມ ປະທານສະພາປະຊາຊົນນະຄອນຫຼວງວຽງຈັນ ວ່າ:

ບຸນເຂົ້າພັນສາບຸນປະເພນີທີ່ມີຄວາມໝາຍສຳຄັນຂອງຊາວພຸດ

09/07/2025 13:50

ເມື່ອຮອດມື້ຂຶ້ນ 15 ຄໍ່າ ເດືອນ 8 ລາວ ຂອງທຸກໆປີ ແມ່ນບຸນເຂົ້າພັນສາ ເປັນໜຶ່ງງານບຸນປະເພນີ ທີ່ມີຄວາມໝາຍ-ຄວາມສຳຄັນ ທາງສາສະໜາຂອງຊາວພຸດ ທັງເປັນບຸນທີ່ຢູ່ໃນຮີດ 12 ຄອງ 14 ປະເພນີລາວ ທີ່ຊາວພຸດເຄີຍສືບທອດປະຕິບັດກັນມາຮອດປັດຈຸບັນ. ປີນີ້ຍັງກົງກັບວັນພະຫັດ ທີ 10 ກໍລະກົດ 2025.

ປະຊາຊົນບ້ານນາດອນຄູນ ໄດ້ຮັບຜົນກະທົບໄພພິບັດນ້ຳຖ້ວມ

09/07/2025 10:26

ໃນວັນທີ 6 ກໍລະກົດຜ່ານມານີ້, ຄະນະຮັບຜິດຊອບກຸ່ມກອກຫວານ ນະຄອນ ຫຼວງພະບາງ ແຂວງຫຼວງພະບາງ ໄດ້ລົງກວດກາຕົວຈິງ ຜົນກະທົບໄພພິບັດນ້ຳຖ້ວມ ຢູ່ບ້ານນາດອນຄູນ ທີ່ຖືກກະທົບຈາກໄພນ້ຳຖ້ວມ ນຳໂດຍ ທ່ານ ພັນໂທ ບຸນຄົງ ອຳພອນ ຮອງຫົວໜ້າກອງບັນຊາການປ້ອງກັນຄວາມສະຫງົບ ນະຄອນ ຫຼວງພະບາງ ຮອງຫົວໜ້າກຸ່ມພັດທະນາກອກຫວານ.

ເພີ່ມເຕີມ