 |
ທ່ານ ໄມສິງ ຈັນບຸດດີ ປະທານສະມາຄົມວິຈິດສິນລາວໄດ້ກ່າວວ່າ: ຜົນງານສິລະປະການສ້າງສັນທີ່ນໍາມາສະແດງໃນຄັ້ງນີ້ ສິລະປິນລາວມີຈໍານວນ 50 ກວ່າຜົນງານ ແລະ ສິລະປິນ ສ ເກົາຫຼີ ມີຈໍານວນ 200 ກວ່າຜົນງານ ທີ່ມີຫຼາຍເຕັກນິກ ແລະ ຫຼາກຫຼາຍສີສັນຊຶ່ງສະແດງອອກວິຖີຊີວິດ, ຄວາມງາມຂອງທຳມະຊາດ ແລະ ສິລະປະວັດທະນະທຳຮີດຄອງປະເພນີຂອງສອງປະເທດ ລາວ - ສ ເກົາຫຼີ, ເພື່ອເສີມສ້າງຄວາມສາມັກຄີໄມຕີມິດຕະພາບ ແລະ ຊ່ວຍເຫຼືອ ຊຶ່ງກັນ ແລະ ກັນ ໃນປັດຈຸບັນ ກໍຄືອະນາຄົດນັບມື້ໃຫ້ແໜ້ນແຟ້ນຍິ່ງຂຶ້ນ.
 |
ທ່ານ ໄມສິງ ຈັນບຸດດີ ກ່າວຕື່ມວ່າ: ນັບແຕ່ປີ 2015 ເປັນຕົ້ນມາເຖິງປັດຈຸບັນໄດ້ມີການແລກປ່ຽນກັບສະມາຄົມສີລະປິນ ສ ເກົາຫຼີ ຫຼາຍຄະນະໄດ້ມີການເຄື່ອນໄຫວໄປມາຫາສູ່ຢ້ຽມຢາມກັນ ແລະ ຈັດກອງປະຊຸມແລກປ່ຽນທາງດ້ານວິຊາການ, ຈັດງານ ເວີກຊັອບ (workshop)ແລະ ວາງສະແດງຜົນງານໃນແຕ່ລະປີ ຂຶ້ນຢູ່ທີ່ສະຖາບັນວິຈິດສິນແຫ່ງຊາດ ສປປ ລາວ ຊຶ່ງມີວັດຖຸປະສົງເພື່ອການສົ່ງເສີມການຮ່ວມມືແລກປ່ຽນ ຮຽນຮູ້ທາງດ້ານສີລະປະວັດທະນະທຳ ແລະ ວິຈິດສິນໃຫ້ແກ່ການສຶກສາ ແລະ ສິນລະປິນທັງສອງປະເທດ ເພື່ອສະແດງຜົນງານສິລະປະສ້າງສັນອອກສູ່ສັງຄົມໄດ້ຊົມ ແລະ ເພື່ອຕອບສະໜອງ ແລະ ປະກອບສ່ວນໃຫ້ແກ່ການທ່ອງທ່ຽວລາວ ປີ 2026.
ຂ່າວ-ພາບ: ບຸນອູ້ມ
ຄໍາເຫັນ