ບໃຫ້ຄະນະນຳກຳມະບານຂອງລັດວິສາຫະກິດ ແລະ ຫົວໜ່ວຍແຮງງານພາຍໃນນະຄອນຫຼວງວຽງຈັນ ຊຶ່ງຜູ້ເຂົ້າຮ່ວມຈະໄດ້ຮັບຮູ້ ທັດສະນະຂອງພັກ-ລັດຕໍ່ອົງການຈັດຕັ້ງກຳມະບານ, ຄວາມຮູ້ພື້ນຖານກ່ຽວກັບວຽກງານກຳມະບານ, ວຽກງານຂະບວນການ, ການຂະຫຍາຍການຈັດຕັ້ງ ແລະ ສະມາຊິກກຳມະບານ, ວຽກງານປົກປ້ອງແຮງງານ ແລະ ວຽກງານກວດກາກຳມະບານ. ພ້ອມທັງແລກປ່ຽນບົດຮຽນຈາກທິດສະດີ ແລະ ພຶດຕິກຳຕົວຈິງ ເພື່ອເຫັນໄດ້ບົດຮຽນຕົວຈິງ, ສິ່ງທ້າທາຍຕໍ່ກັບການເຄື່ອນໄຫວວຽກງານກຳມະບານໃນໄລຍະຜ່ານມາ ເພື່ອພ້ອມກັນຍົກສູງພາລະບົດບາດ, ສິດ ແລະ ໜ້າທີ່ຂອງສະຫະພັນກຳມະບານ ເຮັດໃຫ້ການເຄື່ອນໄຫວວຽກງານກຳມະບານມີຄວາມໜັກແໜ້ນເຂັ້ມແຂງຂຶ້ນໄປເລື້ອຍໆ.
ໂອກາດນີ້, ທ່ານ ວິໄລ ວົງຂະເສີມ ໄດ້ຮຽກຮ້ອງໃຫ້ສຳມະນາກອນທີ່ເຂົ້າຮ່ວມຝຶກອົບຮົມ ຈົ່ງພ້ອມກັນເອົາ ໃຈໃສ່ຍົກສູງຄວາມຮັບຜິດຊອບໃນການຮ່ຳຮຽນເອົາຄວາມຮູ້ຈາກວິທະຍາກອນ ພ້ອມທັງແລກປ່ຽນບົດຮຽນດ້ານທິດສະດີ ກໍຄືພຶດຕິກຳຕົວຈິງໃນການເຄື່ອນໄຫວວຽກງານແຕ່ລະຂົງເຂດ ເພື່ອເຮັດໃຫ້ການເຄື່ອນໄຫວວຽກງານກຳມະບານມີຄວາມສະດວກ, ໜັກແໜ້ນ ແລະ ເປັນຕົວແທນແຫ່ງການປົກປ້ອງສິດ ຜົນປະໂຫຍດອັນຊອບທຳຂອງສະມາຊິກກຳ ມະບານ, ກຳມະກອນ ແລະ ຜູ້ອອກແຮງງານໃຫ້ນັບມື້ດີຂຶ້ນໄປເລື້ອຍໆ.
ຂໍ້ມູນ-ພາບ: ສື່ກໍາມະບານລາວ
ຄໍາເຫັນ