 |
ທ່ານ ເຫຼັກໄຫຼ ສີວິໄລ ກ່າວວ່າ: ໃນແຕ່ລະປີ, ອຸບັດເຫດທາງບົກໄດ້ສ້າງຄວາມສູນເສຍຢ່າງມະຫາສານຕໍ່ຊີວິດ, ຊັບສິນ ແລະ ຊັບພະຍາກອນມະນຸດຂອງຊາດລາວເຮົາ. ຜ່ານການເກັບກຳຂໍ້ມູນ, ສາເຫດຕົ້ນຕໍທີ່ພາໃຫ້ເກີດຄວາມສູນເສຍແມ່ນມາຈາກການດື່ມສິ່ງມຶນເມົາແລ້ວຂັບຂີ່, ຂັບລົດໄວເກີນເຂດກຳນົດ.
ການຈັດງານໃນຄັ້ງນີ້, ຈຶ່ງມີຈຸດປະສົງສໍາຄັນຄື:
1. ເພື່ອຈັດຕັ້ງຜັນຂະຫຍາຍຍຸດທະສາດແຫ່ງຊາດດ້ານຄວາມປອດໄພທາງຫຼວງໃນໄລຍະປີ 2021-2030 ເພື່ອເຮັດໃຫ້ອັດຕາຜູ້ບາດເຈັບສາຫັດ ແລະ ເສຍຊີວິດຫຼຸດລົງ 50% ໃນປີ 2030;
2. ເພື່ອເປັນການກະຕຸກຊຸກຍູ້ໃຫ້ທຸກພາກສ່ວນມີສ່ວນຮ່ວມໃນການປ້ອງກັນ, ແກ້ໄຂ ວຽກງານຄວາມປອດໄພຕາມທາງຫຼວງໃຫ້ຜູ້ຂັບຂີ່ມີສະຕິຕື່ນຕົວ ເອົາໃຈໃສ່ຈັດຕັ້ງປະຕິບັດກົດລະບຽບຈະລາຈອນທາງບົກ, ຂັບຂີ່ລົດໃຫ້ມີຄວາມປອດໄພ ເປັນລະບຽບຮຽບຮ້ອຍ, ຫຼຸດຜ່ອນອຸບັດເຫດຕາມທາງຫຼວງ;
3. ປູກຈິດສຳນຶກ: ໃຫ້ທົ່ວສັງຄົມຮັບຮູ້ວ່າ "ຄວາມປອດໄພເລີ່ມຕົ້ນທີ່ຕົວເຮົາເອງ";
4. ປ່ຽນພຶດຕິກຳ: ໃຫ້ການ "ເມົາບໍ່ຂັບ" ກາຍເປັນວັດທະນະທຳໃໝ່ໃນການໃຊ້ລົດໃຊ້ຖະໜົນ;
5. ຫຼຸດຜ່ອນອຸບັດເຫດ: ເພື່ອໃຫ້ທຸກຄອບຄົວໄດ້ຢູ່ຮ່ວມກັນຢ່າງມີຄວາມສຸກ ແລະ ບໍ່ຕ້ອງມີໃຜສູນເສຍຄົນຮັກຍ້ອນຄວາມປະໝາດ.
 |
ການຈັດງານໃນຄັ້ງນີ້, ເພື່ອຢັ້ງຢືນເຖິງຄວາມເປັນຫ່ວງເປັນໃຍ, ຄວາມເອົາໃຈໃສ່ ແລະ ຄວາມຮັບຜິດຊອບຂອງລັດຖະບານ ກໍຄື ບັນດາແຂວງຕໍ່ວຽກງານຄວາມປອດໄພທາງຫຼວງ ທັງເປັນການຈັດຕັ້ງປະຕິບັດກົດໝາຍວ່າດ້ວຍການຈະລາຈອນທາງບົກ, ຍຸດທະສາດແຫ່ງຊາດດ້ານຄວາມປອດໄພທາງຫຼວງ ແລະ ມະຕິຂອງອົງການສະຫະປະຊາຊາດ ກ່ຽວກັບການປັບປຸງຄວາມປອດໄພທາງຫຼວງໃນທົ່ວໂລກ.
ຂ່າວ: ເສດຖະກິດການຄ້າ
ຄໍາເຫັນ