ຮອງເຈົ້າເມືອງ ເມືອງເງິນ ຜູ້ຊີ້ນຳເສດຖະກິດຂັ້ນເມືອງ, ມີພະນັກງານຈາກຫ້ອງການອຸດສາຫະກຳ ແລະ ການຄ້າ, ນັກທຸລະກິດ ຜູ້ປະກອບການເກັບຊື້ພຶດກະສິກຳ-ເຄື່ອງປ່າຂອງດົງ ພາຍໃນເມືອງເຂົ້າຮ່ວມ.
ກອງປະຊຸມ ໄດ້ຮັບຟັງການຜ່ານແຈ້ງການຂອງກົມທະບຽນວິສາຫະກິດວ່າດ້ວຍການໃຫ້ວິສາຫະກິດປ່ຽນແປງເນື້ອໃນທະບຽນວິສາຫະກິດ ແລະ ຍຸບເລີກວິສາຫະກິດ ສະບັບເລກທີ 0428/ກທວ,ລົງວັນທີ 24 ຕຸລາ 2024, ຮັບຟັງການລາຍງານຫຍໍ້ກ່ຽວກັບການຄຸ້ມຄອງຫົວໜ່ວຍທຸລະກິດເກັບຊື້-ຂາຍ ຜົນຜະລິດກະສິກຳ-ເຄື່ອງປ່າຂອງດົງ ຢູ່ພາຍໃນເມືອງເງິນໃນໄລຍະຜ່ານມາ, ຮັບຟັງການລາຍງານຫຍໍ້ກ່ຽວກັບການຈັດຕັ້ງປະຕິບັດການບໍລິການຕໍ່ກັບນັກທຸລະກິດ, ຜູ້ປະກອບການເກັບຊື້ຜົນຜະລິດກະສິກຳ ກໍຄືການບໍລິການຜ່ານ (ໜ່ວຍບໍລິການປະຕູດຽວ), ການລາຍງານການອອກໃບອະນຸຍາດດຳເນີນກິດຈະການກະສິກໍາ ແລະ ປ່າໄມ້ ຕໍ່ຜູ້ເກັບຊື້ຜົນຜະລິດກະສິກຳ ຢູ່ພາຍໃນເມືອງ, ການອອກໃບອະນຸຍາດປຸກສ້າງ ແລະ ການຄຸ້ມຄອງລະບົບສາງເກັບຊື້ຜົນຜະລິດກະສິກຳ, ການຄຸ້ມຄອງການຈາລະຈອນລົດຂົນສົ່ງສິນຄ້າ ຂອງທຸລະກິດ, ຜູ້ປະກອບການທັງພາຍໃນ ແລະ ຕ່າງປະເທດ, ການຄຸ້ມຄອງທາງດ້ານສິ່ງແວດລ້ອມ ຂອງທຸລະກິດ, ຜູ້ປະກອບການເກັບຊື້ຜົນຜະລິດກະສິກໍາ. ຈາກນັ້ນ, ພາກສ່ວນຕ່າງໆ ທີ່ເຂົ້າຮ່ວມກໍໄດ້ປະກອບຄຳຄິດເຫັນ ຢ່າງກົງໄປກົງມາ ເພື່ອຊອກໃຫ້ເຫັນຈຸດຄົງຄ້າງ ແລະ ພ້ອມກັນຊອກຫາວິທີແກ້ໄຂໃນຕໍ່ໜ້າ.
(ຂ່າວ: ອິນແປງ ແຫວນຄຳ)
ຄໍາເຫັນ