ວຽກງານພັດທະນາຊັບພະຍາກອນມະນຸດ

ພັກຍາມໃດກໍເຫັນຄວາມສໍາຄັນໃນການພັດທະນາຊັບພະຍາກອນມະນຸດ

ພັກຍາມໃດກໍເຫັນຄວາມສໍາຄັນໃນການພັດທະນາຊັບພະຍາກອນມະນຸດ
ໂດຍ:ວັນໄຊ ຕະວິນຍານ ໂດຍປະຕິບັດຕາມແນວທາງການພັດທະນາການສຶກສາຂອງພັກໃນການພັດທະນາຊັບພະຍາກອນມະນຸດໃນແຕ່ລະໄລຍະ ແລະ ປະຕິບັດບົດບັນທຶກການມອບຮັບວຽກງານພັດທະນາຊັບພະຍາກອນມະນຸດ

 

ລະຫວ່າງຄະນະຈັດຕັ້ງສູນກາງພັກ ແລະ ກະຊວງສຶກສາທິການ ແລະ ກິລາ ໃນປີ 2013 ໃນການປັບປຸງຍຸດທະສາດການພັດທະນາຊັບພະຍາກອນມະນຸດ ຮອດປີ 2020 ໃຫ້ຖືກຕ້ອງ, ແທດເໝາະກັບສະພາບຄວາມເປັນຈິງ ແລະ ສອດຄ່ອງກັບໜ້າທີ່ການເມືອງໃນໄລຍະໃໝ່ ພ້ອມທັງຕິດພັນກັບແຜນພັດທະນາເສດ ຖະກິດ-ສັງຄົມແຫ່ງຊາດ ຊຶ່ງຈະເປັນນິຕິກໍາພື້ນຖານໃຫ້ແກ່ວຽກງານພັດທະນາຊັບພະຍາກອນມະນຸດ ໃຫ້ເປັນເອກະພາບກັນ ແລະ ໄປໃນທິດທາງດຽວກັນໃນຂອບເຂດທົ່ວປະເທດ ແຕ່ນີ້ຮອດປີ 2025ຄະນະກໍາມະການແຫ່ງຊາດເພື່ອການພັດທະນາຊັບພະຍາກອນມະນຸດທີ່ປະກອບມີ ບັນດາຂະແໜງການ ແລະ ອົງການປົກຄອງທ້ອງຖິ່ນ ແຂວງ/ນະຄອນຫຼວງ ຈຶ່ງໄດ້ສ້າງແຜນພັດທະນາຊັບພະຍາກອນມະນຸດແຫ່ງຊາດ 2016-2025 ໃຫ້ສອດຄ່ອງກັບສະພາບການພັດທະນາໃນໄລຍະໃໝ່ ໂດຍສຸມໃສ່ແກ້ໄຂການຂາດກໍາລັງແຮງງານທີ່ມີສີມື, ການເຄື່ອນຍ້າຍຂອງກໍາລັງແຮງງານໄປປະເທດໃກ້ຄຽງ, ຄວາມບໍ່ສົມດຸນໃນການພັດທະນາຊັບພະຍາກອນມະນຸດທາງດ້ານເພດ-ເຜົ່າ, ພູມສັນຖານ, ສະຖານະທາງດ້ານເສດຖະກິດ-ສັງຄົມ, ການລະບາດຂອງພະຍາດໃໝ່ທີ່ອາດຈະເກີດຂຶ້ນ. ແຜນຍຸດທະສາດໄດ້ຖືກຮັບຮອງ ແລະ ປະກາດໃຊ້ຢ່າງເປັນທາງການ ຕາມດໍາລັດຂອງນາຍົກລັດຖະມົນຕີ ສະບັບເລກທີ 95/ນຍ, ລົງວັນທີ 26 ເມສາ 2016 ຊຶ່ງໄດ້ກໍານົດວິໄສທັດຮອດປີ 2030 ແລະ ມີຈຸດປະສົງ ແລະ ຄາດໝາຍເພື່ອພັດທະນາຊັບພະຍາກອນມະນຸດໃຫ້ສອດຄ່ອງກັບໜ້າທີ່ການເມືອງໃນໄລຍະໃໝ່, ບັນລຸໄດ້ເປົ້າໝາຍການພັດທະນາ ແບບຍືນຍົງ ແລະ ສອດຄ່ອງກັບແຜນພັດທະນາເສດຖະກິດ-ສັງຄົມແຫ່ງຊາດ ຊຶ່ງປະກອບດ້ວຍຍຸດທະສາດ ແລະ ແຜນປະຕິບັດງານ 5 ປີ (2016-2020) ທີ່ກວມເອົາ 6 ຍຸດທະສາດຕົ້ນຕໍ ແລະ 3 ຍຸດທະສາດປິ່ນອ້ອມ ຄື:1. ດ້ານການເມືອງ-ແນວຄິດ; 2. ດ້ານການກໍ່ສ້າງ ແລະ ຄຸ້ມຄອງພະນັກງານ;3.ດ້ານການສຶກສາ;4. ດ້ານສຸຂະພາບ ແລະ ພະລານາໄມ; 5. ດ້ານແຮງງານແລະ 6. ດ້ານວັດທະນະທໍາ; ພ້ອມນີ້ ຍັງມີຍຸດທະສາດອື່ນໆ ທີ່ປິ່ນອ້ອມ ປະກອບ ມີ: ການປົກປ້ອງປະຊາກອນຈາກຄວາມສ່ຽງ ການປ່ຽນແປງຂອງດິນຟ້າອາກາດ ແລະ ໄພພິບັດ; ສົ່ງເສີມຄວາມສະເໝີພາບບົດບາດຍິງ-ຊາຍ; ແລະ ສົ່ງເສີມການຮ່ວມມືການພັດທະນາຊັບພະຍາກອນມະນຸດກັບພາກພື້ນ ແລະ ສາກົນ. ຄະນະກໍາມະການແຫ່ງຊາດເພື່ອການພັດທະນາຊັບພະຍາກອນມະນຸດ ແຕ່ລະຂະແໜງການຂັ້ນສູນກາງ ແລະ ທ້ອງຖິ່ນໄດ້ຈັດຕັ້ງເຜີຍແຜ່ຍຸດທະສາດ ແລະ ຜັນຂະຫຍາຍແຜນຍຸດທະສາດດັ່ງກ່າວມາເປັນແຜນປະຕິບັດງານຂອງຂະແໜງການຕົນ. ມາຮອດປັດຈຸບັນ, ການຜັນຂະຫຍາຍເປັນຍຸດທະສາດ ແລະ ແຜນປະຕິບັດງານ ຂອງຂັ້ນກະຊວງ/ອົງ-ການ ສໍາເລັດແລ້ວ 19 ພາກສ່ວນ ໃນ 27 ພາກສ່ວນ, ຂັ້ນແຂວງ/ນະຄອນຫຼວງ ສໍາເລັດ 16 ພາກສ່ວນ ໃນ 18 ແຂວງ/ນະຄອນຫຼວງ. ພ້ອມກັນນີ້, ກໍໄດ້ຈັດກອງປະຊຸມສະຫຼຸບຖອດຖອນບົດຮຽນສະໄໝສາມັນປະຈໍາປີ, ມີການລາຍງານປະຈໍາ3 ເດືອນ,6 ເດືອນ ແລະ ປະເມີນການຈັດຕັ້ງປະຕິບັດຍຸດທະສາດເປັນປົກກະຕິ. ອີງໃສ່ຜົນການປະເມີນກາງສະໄໝ (2016-2020) ໃນ 9 ເປົ້າໝາຍລວມມີ 5 ເປົ້າໝາຍ ປະຕິບັດໄດ້ຕາມຄາດໝາຍ ເຊັ່ນ: ການເພີ່ມດັດສະນີຊັບສິນມະນຸດປະຕິບັດໄດ້ 72,8 (ເປົ້າໝາຍແມ່ນ 66), ການຫຼຸດອັດຕາການເສຍຊີວິດ ຂອງເດັກເກີດໃໝ່(ຕໍ່ 1,000 ຄົນ) ຫຼຸດເຫຼືອ 13 ຄົນ (ເປົ້າໝາຍແມ່ນ 26 ຄົນ); ເພີ່ມອັດຕາການລອດເຫຼືອຊັ້ນປະຖົມສຶກສາປະຕິບັດໄດ້ 96,4% (ເປົ້າໝາຍແມນ 90%); ອັດຕາສ່ວນການເສຍຊີວິດຂອງແມ່ເກີດລູກ ປະຕິບັດໄດ້ 99 ຄົນ (ເປົ້າໝາຍແມ່ນ 200 ຄົນ) ແລະ ຮັບປະກັນໃຫ້ພົນລະເມືອງລາວທຸກຄົນມີການສຶກສາຈົບຊັ້ນມັດທະຍົມສຶກສາຕອນຕົ້ນ ປະຕິບັດສໍາເລັດໂດຍພື້ນຖານ; ມີ 4 ເປົ້າໝາຍ ທີ່ມີຄວາມຄືບໜ້າເຊັ່ນ: ຫຼຸດອັດຕາຂອງເດັກທີ່ມີຄວາມສູງ ຕໍ່າກວ່າເກນອາຍຸ ປະຕິບັດໄດ້ 32,8% (ເປົ້າໝາຍ 28%); ເພີ່ມການເຂົ້າຮຽນລວມຊັ້ນມັດທະຍົມສຶກສາ ປະຕິບັດໄດ້ 59,8% (ເປົ້າໝາຍແມ່ນ 80%); ເພີ່ມອັດຕາການຮູ້ໜັງສືຂອງຊາວໜຸ່ມ ປະຕິບັດໄດ້ 86,3% (ເປົ້າໝາຍແມ່ນ 99%)ແລະ ເພີ່ມການສັກຢາປ້ອງກັນພະຍາດໝາກແດງ ແກ່ເດັກນ້ອຍ ປະຕິບັດໄດ້ 52% (ເປົ້າໝາຍແມ່ນ 95%).

ຜົນການຈັດຕັ້ງປະຕິບັດແຕ່ລະຍຸດທະສາດຂອງພັກ ນັບແຕ່ 2016 ຮອດປັດຈຸບັນ ແມ່ນມີຜົນສໍາເລັດເປັນຢ່າງດີ ເຊັ່ນ:ເພີ່ມທະວີວຽກງານການເມືອງ-ແນວຄິດ ເພື່ອເຮັດໃຫ້ທົ່ວປວງຊົນເຊື່ອໝັ້ນອຸດົມການສັງຄົມນິຍົມ ໄດ້ຫັນເອົາເນື້ອໃນທິດສະດີການເມືອງ, ວິຊາການເມືອງເຂົ້າໃນຫຼັກສູດການສຶກສາແຫ່ງຊາດທຸກຊັ້ນທຸກສາຍ. ຈໍານວນ ພະນັກງານ ທີ່ໄດ້ຮັບການຝຶກອົບຮົມທິດສະດີການເມືອງ-ການປົກຄອງເພີ່ມຂຶ້ນ ຈາກ 2,665 ຄົນ ໃນ ສົກ 2018/19 ເປັນ 3,580 ຄົນ ໃນປີ 2024; ພ້ອມດຽວກັນນີ້,ຍັງໄດ້ຮ່ວມມືການພັດທະນາຊັບພະຍາກອນມະນຸດກັບພາກພື້ນ ແລະ ສາກົນໃນການສົ່ງເສີມ ແລະ ສ້າງໂອກາດໃຫ້ນັກສຶກສາໄປຮຽນຕໍ່ໃນລະດັບຕ່າງໆ ຢູ່ຕ່າງປະເທດ ຊຶ່ງນັບແຕ່ປີ 2016-2023ໂຕເລກນັກສຶກສາທີ່ໄປຮຽນຕໍ່ຕ່າງປະເທດລະດັບປະລິນຍາເອກ 819 ຄົນຍິງ 211 ຄົນ, ປະລິນຍາໂທ 6,585 ຄົນຍິງ 2,435 ຄົນ, ປະລິນຍາຕີ 12,598 ຄົນຍິງ 5,819 ຄົນ, ພ້ອມທັງສ້າງເງື່ອນໄຂໃຫ້ແກ່ແຮງງານລາວຈໍານວນໜຶ່ງ ສາມາດໄປເຮັດວຽກຢູ່ຕ່າງປະເທດໃນອາຊີບທີ່ ມີຄວາມຕ້ອງການ.ຄົ້ນຄວ້າ ແລະ ສ້າງເອກະສານ ກ່ຽວກັບ ວຽກງານໂຄສະນາອົບຮົມການເມືອງ-ແນວຄິດໃຫ້ທົ່ວສັງຄົມ; ມີການປັບປຸງຫຼັກສູດທິດສະດີການເມືອງ ແລະ ຈັດຕັ້ງ ບໍາລຸງທິດສະດີການເມືອງຂັ້ນສູງ, ຂັ້ນກາງ, ຂັ້ນຕົ້ນ ຕາມລະບອບຮ່ໍາຮຽນທິດສະດີການເມືອງ. ກໍ່ສ້າງ ແລະ ຄຸ້ມຄອງພະນັກງານ-ລັດຖະກອນ ໃຫ້ມີປະສິດທິພາບ ແລະ ປະສິດທິຜົນພະນັກງານ-ລັດຖະກອນສ່ວນຫຼາຍໄດ້ຮັບການຍົກລະດັບດ້ານວິຊາສະເພາະ ແລະ ລະດັບການສຶກສາສູງຂຶ້ນ ລວມທັງໄດ້ຜ່ານລະດັບທິດສະດີການເມືອງ-ການປົກຄອງ, ຫຼັກສູດການຝຶກອົບຮົມກ່ຽວກັບການບໍລິຫານຄຸ້ມຄອງລັດ, ຄວາມຮູ້ດ້ານອື່ນໆ ເຊັ່ນ: ຄວາມຮູ້ພາສາຕ່າງປະເທດໃດໜຶ່ງ, ຮູ້ນໍາໃຊ້ລະບົບໄອຊີທີ ເຂົ້າໃນການປະຕິບັດວຽກງານຫຼາຍຂຶ້ນ; ບັນດານິຕິກໍາສໍາຄັນກ່ຽວກັບວຽກງານຄຸ້ມຄອງພະນັກງານ-ລັດຖະກອນຫຼາຍສະບັບໄດ້ຮັບການປັບປຸງ ແລະ ສ້າງໃໝ່; ການປະຕິບັດນະໂຍບາຍພະນັກງານ-ລັດຖະກອນ ໄດ້ຮັບການປັບປຸງເປັນຕົ້ນ: ມູນຄ່າດັດສະນີເງິນເດືອນພື້ນ-ຖານ, ອຸດໜູນຄ່າຄອງຊີບ ແລະ ເງິນເດືອນຂັ້ນຕໍ່າ ກໍໄດ້ມີການເພີ່ມຂຶ້ນ.

ການພັດທະນາຄວາມຮູ້ພື້ນຖານດ້ານການສຶກສາ ແລະ ທັກສະວິຊາຊີບຄວາມຮູ້ພື້ນຖານດ້ານການສຶກສາ ແລະ ທັກສະວິຊາຊີບ ຂອງນັກຮຽນ-ນັກສຶກສາ ໄດ້ຮັບການປັບປຸງຢ່າງຕໍ່ເນື່ອງ, ຕາໜ່າງການສຶກສານັບແຕ່ການສຶກສາກ່ອນໄວຮຽນ ຮອດລະດັບມະຫາວິທະຍາໄລໄດ້ຮັບການພັດທະນາ ແລະ ຂະຫຍາຍຕົວ ຢ່າງກວ້າງຂວາງ ປະຊາຊົນບັນດາເຜົ່າມີໂອກາດເຂົ້າເຖິງການສຶກສາຢ່າງເທົ່າທຽມ. ປັດຈຸບັນ, ທຸກແຂວງໄດ້ສໍາເລັດການປະກາດຈົບການສຶກສາຊັ້ນມັດທະຍົມສຶກສາຕອນຕົ້ນບໍາລຸງ ໂດຍພື້ນຖານ; ບາງດ້ານທີ່ພົ້ນເດັ່ນຄື:ການຂະຫຍາຍຫ້ອງຮຽນອະນຸບານ ເດັກ 3-5 ປີ ມີຈໍານວນເພີ່ມຂຶ້ນ ຈາກປີ 2016 ຈໍານວນ 2,214 ແຫ່ງ ເປັນ 2,592 ແຫ່ງ ໃນປີ 2023 ພ້ອມທັງຂະຫຍາຍການສ້າງຫ້ອງຮຽນກຸ່ມພັດທະນາເດັກໃນຊຸມຊົນ ແລະ ບັນຈຸຜູ້ດູແລເດັກໃນຂອບເຂດທົ່ວປະເທດ; ສ້າງຖານຂໍ້ມູນການຮຽນຮູ້ໃໝ່ທີ່ເອີ້ນວ່າ “ຄັງປັນຍາລາວ” ແລະ ພັດທະນາສື່ການສອນຮູບແບບດີຈີຕອນ ເພື່ອຮັບໃຊ້ໃນການຝຶກອົບຮົມຄູ, ຜູ້ຮຽນ ແລະ ອອກລາຍການໂທລະພາບຊ່ອງສຶກສາ ແລະ ກິລາ ເພື່ອເຮັດໃຫ້ການສຶກສາໃຫ້ເຂົ້າເຖິງຜ່ານຫຼາຍຊ່ອງທາງ. ນອກຈາກນັ້ນກໍໄດ້ປັບປຸງຫຼັກສູດໃນສາຍອາຊີວະສຶກສາໄດ້ຈໍານວນ 173 ຫຼັກສູດ, ໃນສາຍການສຶກສາຊັ້ນສູງໄດ້ມີການພັດທະນາຫຼັກສູດຂຶ້ນໃໝ່ຈໍານວນ 26 ຫຼັກສູດ ທາງດ້ານສາຍວິທະຍາສາດທໍາມະຊາດ (STEM) ແລະ ວິທະຍາສາດສັງຄົມ (NON- STEM) ໃນລະດັບຊັ້ນສູງ/ອານຸປະລິນຍາ ແລະ ປະລິຍາຕີ ເພື່ອສົ່ງເສີມນັກຮຽນໃຫ້ມີທັກສະທີ່ສອດຄ່ອງ ກັບຄວາມຕ້ອງການໃນເງື່ອນໄຂໃໝ່ ແລະ ມີການສົ່ງເສີມສາຂາວິຊາຮຽນທີ່ເປັນບຸລິມະສິດຂອງລັດຖະບານ ດ້ວຍການໃຫ້ທຶນການສຶກສາ.ຄົ້ນຄວ້າສ້າງກົນໄກຄະນະວິຊາການຂັ້ນສູນກາງ,ແຂວງ/ນະຄອນຫຼວງ ເພື່ອໃຫ້ມີຂໍ້ມູນດັດສົມໃນການກໍ່ສ້າງຊັບພະຍາກອນມະນຸດ ໂດຍສະເພາະກະແສການເຂົ້າຮຽນຂອງນັກຮຽນ-ນັກສຶກສາ ທັງພາຍໃນ ແລະ ຕ່າງປະເທດ ໃຫ້ສອດຄ່ອງກັບທ່າອ່ຽງຄວາມຕ້ອງການຊົມໃຊ້ ແລະ ການພັດທະນາເສດຖະກິດ-ສັງຄົມ; ມີການສົ່ງເສີມ ແລະ ການນໍາໃຊ້ຜົນການຄົ້ນຄວ້າວິທະຍາສາດ, ນະວັດຕະກໍາ ແລະ ການບໍລິການດ້ານ ວິຊາການຫຼາຍຂຶ້ນ.

ສໍາລັບ ທິດທາງແຜນການໃນຕໍ່ໜ້າ ພັກຈະຊີ້ນໍາ ຈັດຕັ້ງປະຕິບັດຍຸດທະສາດການພັດທະນາຊັບພະຍາກອນມະນຸດ ແຫ່ງຊາດ ຮອດປີ 2025 ແລະ ວິໄສທັດຮອດປີ 2030 ໃນໄລຍະເວລາທີ່ຍັງເຫຼືອ ໃຫ້ໄດ້ຮັບຜົນດີ ຕາມລະດັບຄາດໝາຍ; ຝຶກອົບຮົມສ້າງຂີດຄວາມສາມາດ ໃຫ້ຄະນະກໍາມະການພັດທະນາຊັບພະຍາກອນມະນຸດ ຂັ້ນສູນກາງ ແລະ ທ້ອງຖິ່ນ; ສ້າງຄວາມເຂັ້ມແຂງ ໃຫ້ແກ່ກົນໄກປະສານງານ ຂອດການສ້າງຊັບພະຍາກອນມະນຸດ ແລະ ຄວາມຕ້ອງການນໍາໃຊ້ຊັບພະຍາກອນມະນຸດ ໃຫ້ສອດຄ່ອງ; ຄົ້ນຄວ້າ ແລະ ທົບທວນຄືນ ໂຄງປະກອບກົງຈັກ ແລະ ບຸກຄະລາກອນ, ໜ້າທີ່ພາລະບົດບາດ ຂອງຄະນະກໍາມາທິການລະດັບຊາດ, ຄະນະກໍາມະການລະດັບສູນກາງ ແລະ ແຂວງ/ນະຄອນຫຼວງ ແລະ ກົນໄກຈັດຕັ້ງປະຕິບັດ ໃຫ້ເປັນລະບົບຄົບຊຸດ.ປະເມີນການຈັດຕັ້ງປະຕິບັດຍຸດທະສາດ ການພັດທະນາຊັບພະຍາກອນມະນຸດແຫ່ງຊາດ ຮອດປີ 2025 ໄລຍະ 10 ປີ (2016-2025),ພ້ອມທັງກໍານົດຂະບວນການ ໃນການປຶກສາຫາລື, ຄົ້ນຄວ້າ ແລະ ສ້າງຍຸດທະສາດ ພັດທະນາຊັບພະຍາກອນມະນຸດແຫ່ງຊາດ ສໍາລັບໄລຍະ 10 ປີຕໍ່ໜ້າ (2026-2035) ແນໃສ່ສ້າງຊັບພະຍາກອນມະນຸດໃຫ້ມີຄຸນນະພາບ ສາມາດຕອບສະໜອງຄວາມຕ້ອງການໃນການພັດທະນາໃນເງື່ອນໄຂໃໝ່ຢ່າງມີຈຸດສຸມ ແລະ ຍືນຍົງ. ໂດຍສຸມໃສ່ສ້າງໃຫ້ຊັບພະຍາກອນມະນຸດ ໃຫ້ໄດ້ຮັບການສຶກສາທີ່ມີຄຸນນະພາບຢ່າງທົ່ວເຖິງ ແລະ ສາມາດນໍາໃຊ້ເຕັກໂນໂລຊີເຂົ້າໃນການສຶກສາ ແລະ ການພັດທະນາຕົນເອງ, ມີໂພຊະນາການທີ່ດີ ແລະ ມີສຸຂະພາບແຂງແຮງ, ໄດ້ຮັບການພັດທະນາທັກສະ ແລະ ສີມືແຮງງານທີ່ສອດຄ່ອງກັບຄວາມຕ້ອງການ ຂອງການພັດທະນາເສດຖະກິດ-ສັງຄົມໃນໄລຍະໃໝ່, ລວມທັງເສດຖະກິດດີຈີຕອນ, ພະນັກງານ-ລັດຖະກອນ ສາມາດເຮັດວຽກຢ່າງມີປະສິດທິພາບ ແລະ ປະສິດທິຜົນສູງ, ມີຄຸນສົມບັດສິນທໍາປະຕິວັດທີ່ຖືກຕ້ອງ, ມີນ້ໍາໃຈຮັກຊາດ ແລະ ຮັກວັດທະນະທໍາອັນດີງາມຂອງຊາດ. ນອກຈາກນັ້ນ ຊັບພະຍາກອນມະນຸດໃນໄລຍະໃໝ່ ຕ້ອງສາມາດຮັບມືກັບການປ່ຽນແປງດິນຟ້າອາກາດ ແລະ ພະຍາດລະບາດຕ່າງໆ, ຄໍານຶງເຖິງຄວາມສະເໝີພາບ ແລະ ບົດບາດຍິງ-ຊາຍ ແລະ ມີຄວາມສາມາດຮ່ວມມືກັບພາກພື້ນ ແລະ ສາກົນ.

ຄໍາເຫັນ

ຂ່າວວັດທະນະທຳ-ສັງຄົມ

ຈະສະໜອງລູກປາ 65 ລ້ານໂຕ ໃນວັນປ່ອຍປາ ແລະ ສັດນໍ້າແຫ່ງຊາດ

ຈະສະໜອງລູກປາ 65 ລ້ານໂຕ ໃນວັນປ່ອຍປາ ແລະ ສັດນໍ້າແຫ່ງຊາດ

ກົມລ້ຽງສັດ ແລະ ການປະມົງ ໄດ້ເປັນເຈົ້າການປະສານສົມທົບກັບຂະແໜງລ້ຽງສັດ-ການປະມົງ ນະຄອນຫຼວງວຽງຈັນ, ບັນດາແຂວງໃນຂອບເຂດທົ່ວປະເທດ ແລະ ອົງການຈັດຕັ້ງສາກົນຕ່າງໆທີ່ກ່ຽວຂ້ອງ ກະກຽມປ່ອຍປາພ້ອມກັນຢ່າງເປັນຂະບວນການຟົດຟື້ນ, ໃນຂະນະດຽວກັນຈະຜະລິດ, ສະໜອງ ລູກປາ ໃຫ້ແກ່ວັນປ່ອຍປາ ແລະ ສັດນໍ້າແຫ່ງຊາດ ໃຫ້ໄດ້ 65 ລ້ານໂຕ.
ອອປສ ປາຖະກະຖາ ມູນເຊື້ອວັນສຳຄັນຕ່າງໆຂອງຊາດ-ຂອງພັກ

ອອປສ ປາຖະກະຖາ ມູນເຊື້ອວັນສຳຄັນຕ່າງໆຂອງຊາດ-ຂອງພັກ

ວັນທີ 11 ກໍລະກົດ​ນີ້ ຢູ່ທີ່ຫ້ອງປະຊຸມ ອົງການໄອຍະການປະຊາຊົນສູງສຸດ (ອອປສ) ໄດ້ຈັດກອງປະຊຸມປາຖະກະຖາວັນສໍາຄັນຕ່າງໆຂອງຊາດ-ຂອງພັກຄື: ເຊື່ອມຊຶມມະຕິກອງປະຊຸມຄົບຄະນະ ຄັ້ງທີ 10 ສະໄໝ XI ຂອງຄະນະບໍລິຫານງານສູນກາງພັກ, ມູນເຊື້ອ ວັນສ້າງຕັ້ງແນວລາວສ້າງຊາດ ຄົບຮອບ 75 ປີ, ວັນເກີດປະທານ ສຸພານຸວົງ ຄົບຮອບ 116 ປີ (13 ກໍລະກົດ 1909 – 13 ກໍລະກົດ 2025) ແລະ ວັນເຊັນສົນທິສັນຍາມິດຕະພາບ-ການຮ່ວມມື ລາວ-ຫວຽດນາມ ຄົບຮອບ 48 ປີ (18 ກໍລະກົດ 1977 - 18 ກໍລະກົດ 2025) ແລະ ວັນສ້າງຕັ້ງສາຍພົວພັນການທູດລາວ - ຫວຽດນາມ ຄົບຮອບ 63 ປີ, ໃຫ້ກຽດປາຖະກະຖາໂດຍສະຫາຍ ໄຊຊະນະ ໂຄດພູທອນ ກຳມະການສູນກາງພັກ ເລຂາຄະນະບໍລິຫານງານພັກ ຫົວໜ້າອົງການໄອຍະການປະຊາຊົນສູງສຸດ, ມີບັນດາຄະນະພັກ, ຄະນະໜ່ວຍພັກ, ຄະນະກົມ, ຫ້ອງການ, ສະຖາບັນຄົ້ນຄວ້າ ແລະ ຝຶກອົບຮົມໄອຍະການ ພ້ອມດ້ວຍພະນັກງານຫຼັກແຫຼ່ງ ເຂົ້າຮ່ວມ.
ເຈົ້າຄອງນະຄອນຫຼວງວຽງຈັນຕ້ອນຮັບຄະນະຝຶກອົບຮົບສຳລັບພະນັກງານໜຸ່ມ

ເຈົ້າຄອງນະຄອນຫຼວງວຽງຈັນຕ້ອນຮັບຄະນະຝຶກອົບຮົບສຳລັບພະນັກງານໜຸ່ມ

ໃນຕອນບ່າຍ ວັນທີ 10 ກໍລະກົດ ນີ້ ທີ່ສໍານັກງານປົກຄອງນະຄອນຫຼວງວຽງຈັນ, ສະຫາຍ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງ ຄະນະຊຸດຝຶກອົບຮົມຫົວຂໍ້ສະເພາະສຳລັບພະນັກງານການນໍາໜຸ່ມ ບັນດາແຂວງທີ່ມີຊາຍແດນຕິດຈອດ ລາວ-ຫວຽດນາມ-ກໍາປູເຈຍ ຄັ້ງທີ 3 ທີ່ ສປປ ລາວ ເປັນເຈົ້າພາບຈັດ ລະຫວ່າງ ວັນທີ 7-15 ກໍລະກົດ 2025.
ສະພາຮັບຮອງການປັບລາຄາຊົມໃຊ້ນ້ຳປະປາ

ສະພາຮັບຮອງການປັບລາຄາຊົມໃຊ້ນ້ຳປະປາ

ກອງປະຊຸມ ສະໄໝສາມັນ ເທື່ອທີ 9 ຂອງສະພາປະຊາຊົນນະຄອນຫຼວງວຽງຈັນຊຸດທີ II ໃນວັນທີ 9 ກໍລະກົດຜ່ານມານີ້ ທີ່ສໍານັກງານປົກຄອງ ນວ, ພາຍໃຕ້ການເປັນປະທານຂອງທ່ານ ອານຸພາບ ຕຸນາລົມ ປະທານສະພາປະຊາຊົນນະຄອນຫຼວງວຽງຈັນ.
ປະທານ ສຸພານຸວົງ ກັບວຽກງານແນວໂຮມ

ປະທານ ສຸພານຸວົງ ກັບວຽກງານແນວໂຮມ

ປະທານ ສຸພານຸວົງ ແມ່ນໜຶ່ງໃນບັນດາຜູ້ນໍາຮຸ່ນທໍາອິດຂອງພັກ ແລະ ລັດເຮົາ ທີ່ໄດ້ລິເລີ່ມນໍາພາຂະບວນການຕໍ່ສູ້ກູ້ຊາດ ໂດຍເລີ່ມຈາກການເຕົ້າໂຮມ ກໍ່ສ້າງ ແລະ ຂະຫຍາຍກໍາລັງປະຕິວັດໃຫ້ນັບມື້ເຕີບໃຫຍ່ເຂັ້ມແຂງຂຶ້ນເລື້ອຍໆ.ເພິ່ນໄດ້ຮ່ວມເຄື່ອນໄຫວກັບບັນດາທ່ານຜູ້ນໍາ ເຄື່ອນໄຫວນໍາພາການຕໍ່ສູ້ຂອງປະຊາຊົນລາວ ດ້ວຍຄວາມທໍລະຫົດອົດທົນ,ບໍ່ທໍ້ຖອຍຕໍ່ຄວາມລໍາບາກ ແລະ ຕໍ່ການທົດສອບທີ່ສ່ຽງໄພແຕ່ປະການໃດ.ອັນໄດ້ເຮັດໃຫ້ເພິ່ນສາມາດສ້າງໄດ້ຜົນງານອັນຍິ່ງໃຫຍ່ ແລະ ມີຄຸນງາມຄວາມດີຢ່າງຫຼວງ ຫຼາຍ.ເວົ້າລວມແມ່ນການປະກອບສ່ວນເຂົ້າໃນການນໍາພາຂອງພັກ,ແນວລາວສ້າງຊາດ, ໃນໄຊຊະນະຂອງພາລະກິດຕໍ່ສູ້ປ່ອຍຊາດໃນເມື່ອກ່ອນກໍຄືການນໍາພາຂອງພັກ,ລັດໃນຊຸມຕົ້ນປີຂອງພາລະກິດປ່ຽນແປງໃໝ່ຂອງປະເທດເຮົາ.
ທາບທາມຄໍາເຫັນໃສ່ປື້ມຄູ່ມືການຂຽນຄໍາຖະແຫຼງຄະດີອາຍາ

ທາບທາມຄໍາເຫັນໃສ່ປື້ມຄູ່ມືການຂຽນຄໍາຖະແຫຼງຄະດີອາຍາ

ເມື່ອບໍ່ດົນມານີ້, ທີ່ແຂວງ ອຸດົມໄຊ ໄດ້ເປີດກອງປະຊຸມທາບທາມປະກອບຄໍາເຫັນໃສ່ປື້ມຄູ່ມືການຂຽນຄໍາຖະແຫຼງຄະດີອາຍາ, ການນຳໃຊ້ ແລະ ການຕິດຕາມກວດກາການນຳໃຊ້ 7 ມາດຕະການສະກັດກັ້ນ ແລະ ທິດທາງຂອງການປັບປຸງ ກົດໝາຍວ່າດ້ວຍການດໍາເນີນຄະດີອາຍາ ຂອງອົງການໄອຍະການປະຊາຊົນສູງສຸດຂຶ້ນ ໂດຍພາຍໃຕ້ການເປັນປະທານຂອງ ທ່ານ ບົວລີ ເພັດມີໄຊ ຄະນະບໍລິຫານງານພັກ, ຫົວໜ້າກົມຕິດຕາມກວດກາຄ້າຍຄຸມຂັງ-ດັດສ້າງ ອົງການໄອຍະການປະຊາຊົນສູງສຸດ, ມີຫົວໜ້າຫ້ອງການ, ບັນດາຫົວໜ້າກົມ, ຮອງຫົວໜ້າກົມ, ຫົວໜ້າສະຖາບັນຄົ້ນຄວ້າ ແລະ ຝຶກອົບຮົມໄອຍະການ, ຜູ້ຕາງໜ້າຈາກອົງການໄອຍະການປະຊາຊົນ ພາກເໜືອ, ສານປະຊາຊົນພາກເໜືອ, ອົງການໄອຍະການປະຊາຊົນແຂວງ, ສະພາທະນາຍຄວາມ 7 ແຂວງພາກເໜືອ ພ້ອມດ້ວຍພະນັກງານພາກສ່ວນທີ່ກ່ຽວຂ້ອງເຂົ້າຮ່ວມ.
ບໍລິສັດ ເຂື່ອນໄຟຟ້ານໍ້າງຽບ 2 ຈັດກິດຈະກໍາ “ຫ້ອງຮຽນສີຂຽວ ແມ່ນໍ້າຂອງແມ່ນໍ້າລ້ານຊ້າງ”

ບໍລິສັດ ເຂື່ອນໄຟຟ້ານໍ້າງຽບ 2 ຈັດກິດຈະກໍາ “ຫ້ອງຮຽນສີຂຽວ ແມ່ນໍ້າຂອງແມ່ນໍ້າລ້ານຊ້າງ”

ເມື່ອບໍ່ດົນຜ່ານມາ, ເຂື່ອນໄຟຟ້ານໍ້າງຽບ 2 ໄດ້ຈັດກິດຈະກໍາ “ຫ້ອງຮຽນສີຂຽວ ແມ່ນໍ້າຂອງ ແມ່ນໍ້າລ້ານຊ້າງ” ເພື່ອສະເຫຼີມສະຫຼອງການດຳເນີນງານຄົບຮອບ 10 ປີ, ຊຶ່ງມີອາຈານ, ນັກສຶກສາ ຈາກມະຫາວິທະຍາໄລແຫ່ງຊາດ, ອໍານາດການປົກຄອງທ້ອງຖິ່ນ, ຕະຫຼອດຮອດປະຊາຊົນເຂົ້າຮ່ວມ ບໍລິສັດ ເຂື່ອນໄຟຟ້ານໍ້າງຽບ 2 ເປັນໂຄງການໄຟຟ້າ BOOT ແຫ່ງທີ 2 ຂອງກຸ່ມບໍລິສັດ CCCG ບໍລິສັດ CWE, ກໍາລັງຕິດຕັ້ງ 180 MW, ເລີ່ມດໍາເນີນງານໃນປີ 2015, ມາຮອດປັດຈຸບັນ ຄົບຮອບ 10 ປີ, ຜະລິດໄຟຟ້າໄດ້ຫຼາຍກວ່າ 42 ລ້ານkwh, ສາມາດສະໜອງໄຟຟ້າໃຫ້ທ້ອງຖິ່ນໄດ້ 780,000 ກວ່າຄົນ, ປະກອບສ່ວນສໍາຄັນເຂົ້າໃນການພັດທະນາໄຟຟ້າສາຍສົ່ງພາກເໜືອຂອງລາວ. ປີ 2022 ໄດ້ຮັບຫຼຽນໄຊແຮງງານຊັ້ນ 2 ຂອງລັດຖະບານ.
ອຸທຸມພອນ ຈັດກິດຈະກໍາປ່ອຍປາ ແລະ ຍ່າງເພື່ອສຸຂະພາບສະຫຼອງວັນສ້າງຕັ້ງກິລາລາວ

ອຸທຸມພອນ ຈັດກິດຈະກໍາປ່ອຍປາ ແລະ ຍ່າງເພື່ອສຸຂະພາບສະຫຼອງວັນສ້າງຕັ້ງກິລາລາວ

ໃນຕອນເຊົ້າວັນທີ 10 ກໍລະກົດນີ້, ເມືອງອຸທຸມພອນ ແຂວງສະຫວັນນະເຂດ ໄດ້ຈັດກິດຈະກໍາປ່ອຍປາ ແລະ ຍ່າງເພື່ອສຸຂະພາບ ຂຶ້ນເພື່ອສະເຫຼີມສະຫຼອງວັນສ້າງຕັ້ງກິລາລາວ, ວັນປ່ອຍປາ ແລະ ອານຸລັກສັດນໍ້າ,ໂດຍການເຂົ້າຮ່ວມຂອງທ່ານ ທອງໃສ ໄຊຍະວົງຄໍາດີ ເລຂາຄະນະບໍລິຫານງານພັກເມືອງ.
ກອງພັນໃຫຍ່ 202 ປາຖະກະຖາສອງວັນປະຫວັດສາດ

ກອງພັນໃຫຍ່ 202 ປາຖະກະຖາສອງວັນປະຫວັດສາດ

ວັນທີ 10 ກໍລະກົດນີ້ ຢູ່ທີ່ສະໂມສອນ ກອງພັນໃຫຍ່ 202 ກອງພົນທີ 2 ໄດ້ຈັດພິທີປາຖະກະຖາວັນຄ້າຍວັນເກີດຂອງທ່ານ ປະທານ ສຸພານຸວົງ ຄົບຮອບ 116 ປີ (13 ກໍລະກົດ 1909 - 13 ກໍລະກົດ 2025) ແລະ ວັນເຊັນສົນທິສັນຍາມິດຕະພາບ-ການຮ່ວມມື ຄົບຮອບ 48 ປີ (18/7/1977-18/7/2025) ແລະ ວັນສ້າງຕັ້ງສາຍພົວພັນການທູດລາວ-ຫວຽດນາມ ຄົບຮອບ 63 ປີ (5/9/1962-5/9/2025) ໂດຍການເປັນປະທານຂອງ ສະຫາຍ ພັນໂທ ສົມໝາຍ ດອນພະຈັນ ຫົວໜ້າການເມືອງກອງພັນໃຫຍ່ 202.
ຈຳປາສັກ ປ່ອຍປາຄືນສູ່ທຳມະຊາດ ແມ່ນໍ້າເຊໂດນ.

ຈຳປາສັກ ປ່ອຍປາຄືນສູ່ທຳມະຊາດ ແມ່ນໍ້າເຊໂດນ.

ເນື່ອງໃນວັນປ່ອຍປາແຫ່ງຊາດທີ 13 ກໍລະກົດທີ່ຈະໝູນວຽນມາຮອດອີກວາລະໜື່ງ ໃນວັນທີ 10 ກໍລະກົດນີ້, ພະແນກກະສີກຳ ແລະ ປ່າໄມ້ແຂວງຈຳປາສັກ ຮ່ວມກັບ ນະຄອນປາກເຊ ຈັດພີທີປ່ອຍປາຂຶ້ນ ທີ່ທ່າວັດຫຼວງນະຄອນປາກເຊ ໂດຍການເຂົ້າຮ່ວມຂອງ ທ່ານ ອາລຸນໄຊ ສູນນະລາດ ເຈົ້າແຂວງຈຳປາສັກ, ພະຈານໃຫຍ່ ມະຫາ ສຸວັນ ຈັນທະຣາດ ປະທານ ອພສ ແຂວງ, ມີພາກສ່ວນກ່ຽວຂ້ອງ ພ້ອມດ້ວຍພໍ່ແມ່ປະຊາຊົນເຂົ້າຮ່ວມເປັນຈຳນວນຫຼວງຫຼາຍ
ເພີ່ມເຕີມ