ພາກພູມໃຈທີ່ຈະໄດ້ຮັບໃຊ້ປະຊາຊົນ

ດັ່ງນັ້ນ, ຈຶ່ງໄດ້ລົງເລິກດ້ວຍການສຶກສາ ຕ່ອງໂສ້ສິນຄ້າກະສິກຳ ແລະ ໄດ້ລົງສູ່ວົງການກະສິກຳດ້ວຍການເຮັດຟາມ ແລະ ເປີດບໍລິສັດກ່ຽວກັບກະສິກຳເຊັ່ນ: ເມືອງລາວຟູດ ຊຶ່ງເປັນການຊຸກຍູ້ຊາວກະສິກອນທຳການຜະລິດ ແລະ ໄດ້ສົ່ງເສີມຢູ່ນະຄອນຫຼວງວຽງຈັນ ແລະ ບັນດາແຂວງຕ່າງໆ, ການສົ່ງເສີມແມ່ນໄດ້ໃກ້ຊິດຕິດແທດກັບປະຊາຊົນຜູ້ເຮັດວຽກກ່ຽວກັບກະສິກຳ ແລະ ໄດ້ເຫັນບັນຫາດ້ວຍຕົນເອງ, ໄດ້ຮັບຟັງຫາງສຽງ ຄວາມຄິດເຫັນຂອງປະຊາຊົນ ຈຶ່ງເຮັດໃຫ້ມີຄວາມຄິດຢາກມີສ່ວນຮ່ວມໃນການແກ້ໄຂບັນຫາທີ່ຍັງຄົງຄ້າງໃນຕ່ອງໂສ້ສິນຄ້າກະສິກຳ ແລະ ຍັງໄດ້ເຮັດວຽກກ່ຽວກັບລັດ ແລະ ອົງການຕ່າງໆບໍ່ວ່າຈະເປັນອົງການຈັດຕັ້ງສາກົນ ເຫັນໄດ້ທາງດ້ານຕັ້ງໜ້າດ້ວຍດ້ານດີ ຊຶ່ງບັນຫາດັ່ງກ່າວຖ້າພ້ອມກັນແກ້ໄຂມັນອາດຈະດີຂຶ້ນ ສປປ ລາວ ແມ່ນມີທ່າແຮງດ້ານກະສິກຳມີຫຼາຍ ແລະ ອີກບັນຫາໜຶ່ງຂ້າພະເຈົ້າໄດ້ມີຄວາມພະຍາຍາມແກ້ໄຂບັນຫາໃຫ້ກັບຊາວກະສິກອນທົ່ວປະເທດທີ່ມີຄວາມເຫັນຄ້າຍຄືກັນເຊັ່ນ: ຕະຫຼາດຮອງຮັບ, ການເຂົ້າຫາແຫຼ່ງທຶນ ແລະ ດ້ານເຕັກນິກວິຊາການ. ດັ່ງນັ້ນ, ຂ້າພະເຈົ້າຈຶ່ງໄດ້ມີສ່ວນຮ່ວມໃນການພັດທະນາໃນດ້ານຕະຫຼາດຮອງຮັບສິນຄ້າ ແລະ ມີສ່ວນຮ່ວມໃນການພະຍາຍາມເຮັດວຽກປະສົມປະສານກັບທະນາຄານແຫ່ງ ສປປ ລາວ ແລະ ທະນາຄານທຸລະກິດຕ່າງໆ ເພື່ອຊອກຫາທາງອອກໃນການຊອກຫາແຫຼ່ງທຶນໃຫ້ຊາວກະສິກອນໃຫ້ສະດວກຂຶ້ນ ແລະ ເຫັນໄດ້ວ່າໄດ້ຮັບການຮ່ວມມືໃນແຕ່ລະພາກສ່ວນ ແລະ ເຫັນໄດ້ວ່າວຽກງານນັ້ນມີຄວາມຄືບໜ້າດ້ວຍດີ, ອີກວົງການໜຶ່ງທີ່ໄດ້ມີສ່ວນຮ່ວມເລື່ອງແຮງງານ, ການພັດທະນາສີມືແຮງງານ ແລະ ການຈັດຫາງານທັງພາຍໃນ ແລະ ຕ່າງປະເທດໂດຍໄດ້ເປີດບໍລິສັດໄອຈ໋ອບ (ບໍລິສັດຈັດຫາງານ) ຊຶ່ງໄດ້ເຮັດວຽກພາຍໃຕ້ການຊີ້ນຳຂອງ ກະຊວງແຮງງານ ແລະ ສະຫວັດດີການສັງຄົມ, ໃນໄລຍະຜ່ານມາກໍໄດ້ເອົາໃຈໃສ່ການສ້າງວຽກເຮັດວຽກງານທຳຢູ່ພາຍໃນ ແລະ ສົ່ງອອກຕ່າງປະເທດ ແລະ ເປັນສ່ວນໜຶ່ງໃນການລິເລີ່ມສົ່ງແຮງງານໄປເຮັດວຽກຢູ່ ສ ເກົາຫຼີ ໃນເບື່ອງຕົ້ນໄດ້ສົ່ງໄປເຮັດວຽກປະມານ 50 ກວ່າຄົນ ໃນການສົ່ງໄປຜົນດີມີຫຼາຍຢ່າງ ສັງຄົມ ສ ເກົາຫຼີ ຮູ້ຈັກຫຼາຍຂຶ້ນ ແລະ ສ ເກົາຫຼີ ປະທັບໃຈໃນແຮງງານລາວເຮັດໃຫ້ແຕ່ລະປີໂຕເລກທີ່ຮັບເອົາແຮງງານລາວໄປ ສ ເກົາຫຼີນັບມື້ເພີ່ມຂຶ້ນ. ມາຮອດປັດຈຸບັນມີຫຼາຍກວ່າ 10 ພັນຄົນ ແລະ ໃນອະນາຄົດກໍຈະເພີ່ມຂຶ້ນອີກ ຊຶ່ງຈຸດດັ່ງກ່າວແມ່ນໄດ້ສ້າງວຽກເຮັດງານທໍາ ແລະ ສ້າງຮັບລາຍໄດ້ໃຫ້ປະຊາຊົນລາວ ແລະ ກຸ່ມຄົນທີ່ສົ່ງໄປ ສ ເກົາຫຼີ ແມ່ນຊາວກະສິກອນທີ່ເຄີຍເຮັດຜ່ານມາຢູ່ແລ້ວສົ່ງໄປເຮັດກະສິກຳແບບໃໝ່, ປັດຈຸບັນເຂົາເຈົ້າໄດ້ເຕັກນິກກະສິກຳແບບໃໝ່ທີ່ຈະມາຜັນຂະຫຍາຍໃນ ສປປ ລາວ ເຮົາ. ນອກນັ້ນ, ກໍໄດ້ສ້າງລາຍຮັບສູງເຮັດໃຫ້ຊີວິດການເປັນຢູ່ໃນຄອບຄົວໃນດ້ານການພັດທະນາດີຂຶ້ນຫຼາຍ.