ຜະລິດຕະພັນຫັດຖະກຳຈັກສານຫວາຍ-ໄມ້ປ່ອງ ບ້ານແບ່ງດ່ານ ເມືອງລະຄອນເພັງ ແຂວງສາລະວັນ, ເປັນອີກຜະລິດຕະພັນໜຶ່ງທີ່ເປັນການສືບທອດສີໄມ້ລາຍມືການຈັກສານແບບດັ່ງເດີມແຕ່ສະໄໝບູຮານ ຈົນເຖິງປັດຈຸບັນ ແຕ່ເຄື່ອງມືການຜະລິດໄດ້ມີການປະຍົກລະດັບຕາມຍຸກສະໄໝ, ວິທີການຈັກສານແມ່ນຍັງສືບທອດແບບດັ້ງເດີມ ແລະຮູບແບບຂອງການຜະລິດຫຼາກຫຼາຍຂຶ້ນກ່ວາເກົ່າ, ຜະລິດຕະພັນຫັດຖະກຳຈັກສານຫວາຍ-ໄມ້ປ່ອງ ບ້ານແບ່ງດ່ານ ໄດ້ຖືກຮັບຮອງອອກໃບອະນຸຍາດນຳໃຊ້ກາໝາຍ ໜຶ່ງເມືອງໜຶ່ງຜະລິດພັນແຫ່ງຊາດ ຂອງແຂວງສາລະວັນ ເລກທີ 0245/ກສຄ.ອຄ ໃນວັນທີ 6 ສິງຫາ 2020.
ທ່ານ ນາງ ລັດດາວັນ ໄຊຍະບູລີ ປະທານກຸ່ມຫັດຖະກຳ: ຈັກສານຫວາຍ-ໄມ້ປ່ອງ ບ້ານດັ່ງກ່າວ ໄດ້ເລົ່າວ່າ: ຜະລິດຕະພັນຈັກສານຫວາຍ-ໄມ້ປ່ອງທີ່ຜະລິດໄດ້ມີທັງໝົດ 7 ຊະນິດຄື: ກະໂຕກ, ກະຕ່າຂັນໝາກ, ຖ້ານໃສ່ຈອກ, ຂັນພາຂວັນ, ກະຕ່າ, ກ່ອງໃສ່ກະດາດ ແລະກ່ອງເກັບມ້ຽນອຸປະກອນການຂຽນຊຶ່ງມາຮອປັດຈຸບັນພາຍໃນກຸ່ມມີສະມາຊິກກຸ່ມທັງໝົດ 42 ຄອບຄົວ ຊຶ່ງໃນແຕ່ລະເດືອນສາມາດຂາຍສົ່ງພາຍໃນແຂວງ, ຕ່າງແຂວງ ແລະປະເທດໄທຈຳນວນໜຶ່ງ ສາມາດສ້າງລາຍຮັບເຂົ້າກຸ່ມໄດ້ 50- 60 ລ້ານກີບ/ເດືອນ, ລ້ວມາແບ່ງປັນໃຫ້ສະມາຊິກຕາມທ່າແຮງຂອງຄອບຄົວຜະລິດໄດ້ບໍ່ຫຼຸດຄອບຄົວລະ 1 ລ້ານກີບຂຶ້ນໄປ. ກຸ່ມພວກເຮົາໃນເມື່ອກ່ອນລູກຄ້າຍັງບໍ່ທັນຮັບຮູ້ຫຼາຍແມ່ນໄດ້ເລາະສົ່ງຂາຍໃຫ້ແມ່ຄ້າທົ່ວໄປພາຍໃນແຂວງ ແລະຕ່າງແຂວງ ແຕ່ມາຮອດປັດຈຸບັນມີລູກຄ້າຮັບຮູ້ຫຼາຍຂຶ້ນແມ່ນໄດ້ຜະລິດຕາມສັ່ງຂອງລູກຄ້າແລ້ວຈັດສົ່ງ ແລະຂາຍກັບທີ່ເປັນຈຳນວນຫຼາຍ, ຍອດການສັ່ງຈ່ອງປັດຈຸບັນເພີ່ມຂຶ້ນເລື້ອຍໆເຄື່ອງປ່າຂອງດົງ(ຫວາຍປ່າມີຈຳນວນຈຳກັດ) ເຄື່ອງມືການຜະລິດຍັງແບບດັ່ງເດີມ ເຮັດໃຫ້ການຜະລິດສົ່ງຕາມຍອດສັ່ງມີຄວາມຊັກຊ້າໄປໃນບາງລາຍການຜະລິດ, ສະຫຼຸບລວມແລ້ວຜະລິດຕະພັນຫັດຖະກຳຈັກສານຫວາຍ-ໄມ້ປ່ອງ ຍັງເປັນທີ່ຕ້ອງການຂອງຕະຫຼາດສູງ.
ມາໃນກາງເດືອນຕຸລາ 2023 ນີ້ ພະແນກຖວທ ແຂວງສາລະວັນ ຮ່ວມກັບກົມມໍລະດົກ ກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ລົງສຳຫຼວດ ແລະເກັບກຳຂໍ້ມູນ ຜະລິດຕະພັນຫັດຖະກຳ: ຈັກສານຫວາຍ-ໄມ້ປ່ອງ ບ້ານແບ່ງດ່ານ ເມືອງລະຄອນເພັງ ແຂວງສາລະວັນ ເພື່ອນຳສະເໜີຕາມຂັ້ນຕອນຄວາມເປັນໄດ້ ຈະໄດ້ປະກາດ ແລະຮັບຮອງເປັນເປັນມໍລະດົກແຫ່ງຊາດລະດັບທ້ອງຖິ່ນ ຂອງແຂວງສາລະວັນ ເພື່ອເປັນການອະນຸລັກ ແລະສົ່ງເສີມຜະລິດຕະພັນຫັດຖະກຳຈັກສານຫວາຍ-ໄມ້ປ່ອງ ທ້ອງຖິ່ນໃຫ້ມີຄວາມຢືນຍົງ, ໂດຍມີທ່ານ ຄຳໄພ ໄຊຍະເດດ ຮອງຫົວໜ້າພະແນກຖວທ ແຂວງ, ທ່ານ ພູເຮືອງ ສຸວັນນະລາດ, ຮອງຫົວໜ້າກົມມໍລະດົກ ກະຊວງຖວທ ພ້ອມດ້ວຍພະນັກງານວິຊາການທີ່ກ່ຽວຂ້ອງເຂົ້າຮ່ວມ.
ຜະລິດຕະພັນຫັດຖະກຳ ຈັກສານຫວາຍ-ໄມ້ປ່ອງ ບ້ານແບ່ງດ່ານ ເມືອງລະຄອນເພັງ ແມ່ນເປັນອີກຜະລິດຕະພັນ 1 ນອນໃນ 4 ຜະລິດຕະພັນທີ່ມີແຜນການເຄື່ອນໄຫວລົງສຳຫຼວດ ແລະເກັບກຳຂໍ້ມູນ ຂອງພະແນກຖວທ ແຂວງ ແລະກົມມໍລະດົກ ຖະຊວງ ຖວທ ລວມມີຄື: ປະເພດສິລະປະການສະແດງ ລຳສາລະວັນ, ຫັດຖະກຳຕໍ່າແຜ່ນແພ ຜ້າລາຍລູກໝາກປັດຂອງຊົນເຜົ່າກະຕູ ບ້ານຫ້ວຍຫູນ ເມືອງເລົ່າງາມ, ຫັດຖະກຳຈັກສານຫວາຍ-ໄມ້ປ່ອງ ບ້ານແບ່ງດ່ານ ເມືອງລະຄອນເພັງ ແລະຫັດຖະກຳຕໍ່າແຜ່ນແພ ຜ້າຕາ ບ້ານດິນດາກ ເມືອງຕຸ້ມລານ ທັງນີ້ກໍເພື່ອເປັນການສົ່ງເສີມຜະລິດຕະພັນຫັດຖະກຳ ການຈັກສານຫວາຍ-ໄມ້ປ່ອງ ທີ່ເປັນຜະລິດຕະພັນແບບຟື້ນບ້ານດັ້ງເດີມ ທີ່ຜະລິດຂຶ້ນມາດ້ວຍສີໄມລາຍມືຂອງປະຊາຊົນ, ສາມາດນຳໄປເປັນເຄື່ອງມື ແລະອຸປະກອນໄຊ້ໃນຊີວິດປະຈຳວັນໄດ້.
(ຂ່າວ-ພາບ: ໂສພາ ສໍພະໄຊ)
ທ່ານ ນາງ ລັດດາວັນ ໄຊຍະບູລີ ປະທານກຸ່ມຫັດຖະກຳ: ຈັກສານຫວາຍ-ໄມ້ປ່ອງ ບ້ານດັ່ງກ່າວ ໄດ້ເລົ່າວ່າ: ຜະລິດຕະພັນຈັກສານຫວາຍ-ໄມ້ປ່ອງທີ່ຜະລິດໄດ້ມີທັງໝົດ 7 ຊະນິດຄື: ກະໂຕກ, ກະຕ່າຂັນໝາກ, ຖ້ານໃສ່ຈອກ, ຂັນພາຂວັນ, ກະຕ່າ, ກ່ອງໃສ່ກະດາດ ແລະກ່ອງເກັບມ້ຽນອຸປະກອນການຂຽນຊຶ່ງມາຮອປັດຈຸບັນພາຍໃນກຸ່ມມີສະມາຊິກກຸ່ມທັງໝົດ 42 ຄອບຄົວ ຊຶ່ງໃນແຕ່ລະເດືອນສາມາດຂາຍສົ່ງພາຍໃນແຂວງ, ຕ່າງແຂວງ ແລະປະເທດໄທຈຳນວນໜຶ່ງ ສາມາດສ້າງລາຍຮັບເຂົ້າກຸ່ມໄດ້ 50- 60 ລ້ານກີບ/ເດືອນ, ລ້ວມາແບ່ງປັນໃຫ້ສະມາຊິກຕາມທ່າແຮງຂອງຄອບຄົວຜະລິດໄດ້ບໍ່ຫຼຸດຄອບຄົວລະ 1 ລ້ານກີບຂຶ້ນໄປ. ກຸ່ມພວກເຮົາໃນເມື່ອກ່ອນລູກຄ້າຍັງບໍ່ທັນຮັບຮູ້ຫຼາຍແມ່ນໄດ້ເລາະສົ່ງຂາຍໃຫ້ແມ່ຄ້າທົ່ວໄປພາຍໃນແຂວງ ແລະຕ່າງແຂວງ ແຕ່ມາຮອດປັດຈຸບັນມີລູກຄ້າຮັບຮູ້ຫຼາຍຂຶ້ນແມ່ນໄດ້ຜະລິດຕາມສັ່ງຂອງລູກຄ້າແລ້ວຈັດສົ່ງ ແລະຂາຍກັບທີ່ເປັນຈຳນວນຫຼາຍ, ຍອດການສັ່ງຈ່ອງປັດຈຸບັນເພີ່ມຂຶ້ນເລື້ອຍໆເຄື່ອງປ່າຂອງດົງ(ຫວາຍປ່າມີຈຳນວນຈຳກັດ) ເຄື່ອງມືການຜະລິດຍັງແບບດັ່ງເດີມ ເຮັດໃຫ້ການຜະລິດສົ່ງຕາມຍອດສັ່ງມີຄວາມຊັກຊ້າໄປໃນບາງລາຍການຜະລິດ, ສະຫຼຸບລວມແລ້ວຜະລິດຕະພັນຫັດຖະກຳຈັກສານຫວາຍ-ໄມ້ປ່ອງ ຍັງເປັນທີ່ຕ້ອງການຂອງຕະຫຼາດສູງ.
ມາໃນກາງເດືອນຕຸລາ 2023 ນີ້ ພະແນກຖວທ ແຂວງສາລະວັນ ຮ່ວມກັບກົມມໍລະດົກ ກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ລົງສຳຫຼວດ ແລະເກັບກຳຂໍ້ມູນ ຜະລິດຕະພັນຫັດຖະກຳ: ຈັກສານຫວາຍ-ໄມ້ປ່ອງ ບ້ານແບ່ງດ່ານ ເມືອງລະຄອນເພັງ ແຂວງສາລະວັນ ເພື່ອນຳສະເໜີຕາມຂັ້ນຕອນຄວາມເປັນໄດ້ ຈະໄດ້ປະກາດ ແລະຮັບຮອງເປັນເປັນມໍລະດົກແຫ່ງຊາດລະດັບທ້ອງຖິ່ນ ຂອງແຂວງສາລະວັນ ເພື່ອເປັນການອະນຸລັກ ແລະສົ່ງເສີມຜະລິດຕະພັນຫັດຖະກຳຈັກສານຫວາຍ-ໄມ້ປ່ອງ ທ້ອງຖິ່ນໃຫ້ມີຄວາມຢືນຍົງ, ໂດຍມີທ່ານ ຄຳໄພ ໄຊຍະເດດ ຮອງຫົວໜ້າພະແນກຖວທ ແຂວງ, ທ່ານ ພູເຮືອງ ສຸວັນນະລາດ, ຮອງຫົວໜ້າກົມມໍລະດົກ ກະຊວງຖວທ ພ້ອມດ້ວຍພະນັກງານວິຊາການທີ່ກ່ຽວຂ້ອງເຂົ້າຮ່ວມ.
ຜະລິດຕະພັນຫັດຖະກຳ ຈັກສານຫວາຍ-ໄມ້ປ່ອງ ບ້ານແບ່ງດ່ານ ເມືອງລະຄອນເພັງ ແມ່ນເປັນອີກຜະລິດຕະພັນ 1 ນອນໃນ 4 ຜະລິດຕະພັນທີ່ມີແຜນການເຄື່ອນໄຫວລົງສຳຫຼວດ ແລະເກັບກຳຂໍ້ມູນ ຂອງພະແນກຖວທ ແຂວງ ແລະກົມມໍລະດົກ ຖະຊວງ ຖວທ ລວມມີຄື: ປະເພດສິລະປະການສະແດງ ລຳສາລະວັນ, ຫັດຖະກຳຕໍ່າແຜ່ນແພ ຜ້າລາຍລູກໝາກປັດຂອງຊົນເຜົ່າກະຕູ ບ້ານຫ້ວຍຫູນ ເມືອງເລົ່າງາມ, ຫັດຖະກຳຈັກສານຫວາຍ-ໄມ້ປ່ອງ ບ້ານແບ່ງດ່ານ ເມືອງລະຄອນເພັງ ແລະຫັດຖະກຳຕໍ່າແຜ່ນແພ ຜ້າຕາ ບ້ານດິນດາກ ເມືອງຕຸ້ມລານ ທັງນີ້ກໍເພື່ອເປັນການສົ່ງເສີມຜະລິດຕະພັນຫັດຖະກຳ ການຈັກສານຫວາຍ-ໄມ້ປ່ອງ ທີ່ເປັນຜະລິດຕະພັນແບບຟື້ນບ້ານດັ້ງເດີມ ທີ່ຜະລິດຂຶ້ນມາດ້ວຍສີໄມລາຍມືຂອງປະຊາຊົນ, ສາມາດນຳໄປເປັນເຄື່ອງມື ແລະອຸປະກອນໄຊ້ໃນຊີວິດປະຈຳວັນໄດ້.
(ຂ່າວ-ພາບ: ໂສພາ ສໍພະໄຊ)
ຄໍາເຫັນ