ທ່ານ ສຸກສະເໝີ ແສນກັນຍາ ຮອງຫົວໜ້າພະແນກ ຮສສ ແຂວງ ກ່າວວ່າ: ໃນໄລຍະ 6 ເດືອນຜ່ານມາ, ໄດ້ເອົາໃຈໃສ່ຝຶກ ແລະ ພັດທະນາສີມືແຮງງານທັງໝົດ 151 ຄົນ ຍິງ 87 ຄົນ, ອອກໃບຢັ້ງຢືນສີມືແຮງງານໄດ້ທັງໝົດ 91 ຄົນ ທຽບໃສ່ແຜນປະຕິບັດໄດ້ 91%, ໄດ້ຮັບໂກຕ້າແຮງງານຈາກກົມຈັດຫາງານອະນຸມັດ 15 ຫົວໜ່ວຍ ທັງໝົດ 348 ຄົນ, ສົ່ງເສີມການຈັດຫາວຽກເຮັດງານທຳ ໃຫ້ແຮງງານທີ່ຕ້ອງການມີວຽກເຮັດງານທໍາໃຫ້ເຂົ້າສູ່ຕະຫຼາດແຮງງານໄດ້ 2,585 ຄົນ, ທຽບໃສ່ແຜນການປີ 800 ຄົນ, ຂຶ້ນທະບຽນ ແລະ ຕໍ່ບັດອະນຸຍາດເຮັດວຽກໃຫ້ແຮງງານຕ່າງປະເທດ ທີ່ມາອອກແຮງງານຢູ່ແຂວງ ໄດ້ 542 ຄົນ ຍິງ 79 ຄົນ ມີ 13 ສັນຊາດ, ສົ່ງເສີມມາດຕະຖານແຮງງານເພື່ອປົກປ້ອງສິດ ແລະ ຜົນປະໂຫຍດຂອງຜູ້ອອກແຮງງານ ແລະ ຜູ້ໃຊ້ແຮງງານຕາມກົດໝາຍ ແລະ ລະບຽບການ, ໄດ້ໂຄສະນາເຜີຍແຜ່ກົດໝາຍ ວ່າດ້ວຍແຮງງານ ແລະ ລົງຕິດຕາມ-ກວດກາບັນດາຫົວໜ່ວຍແຮງງານໃຫ້ປະຕິບັດກົດໝາຍແຮງງານໄດ້ 34 ຄັ້ງ, ມີແຮງງານທັງໝົດ 2,976, ໃນນັ້ນມີແຮງງານລາວ 2,267 ຄົນ, ທຽບໃສ່ແຜນການປະຕິບັດໄດ້ 34 %, ໄດ້ຊຸກຍູ້ໃຫ້ຜູ້ອອກແຮງງານຮັບການກວດສຸຂະພາບແຮງງານໄດ້ 3 ຫົວໜ່ວຍ, ມີແຮງງານໄດ້ຮັບການກວດກາສຸຂະ ພາບ 4,183 ຄົນ, ປະຕິບັດນະໂຍບາຍຕໍ່ຜູ້ມີຜົນງານ ແລະ ຄຸນງາມຄວາມດີ ໃນພາລະກິດປະຕິວັດຊາດປະຊາທິປະໄຕ ແລະ ປັບປຸງລະບົບສະຫວັດດີການສັງຄົມໃຫ້ກຸ່ມຄົນດ້ອຍໂອກາດ ໃຫ້ສາມາດເຂົ້າເຖິງການບໍລິການທີ່ມີປະສິດທິພາບດີຂຶ້ນ, ປະຕິບັດນະໂຍບາຍຕໍ່ຜູ້ທີ່ມີຜົນງານ ແລະ ຄຸນງາມຄວາມດີ ໃນພາລະກິດປະຕິວັດຊາດປະຊາທິປະໄຕ ຕາມດໍາລັດ 57/ລບ ໄດ້ທັງໝົດ 2,277 ທ່ານ, ລື່ນແຜນການ 2,127 ທ່ານເປັນເງິນ 39 ຕື້ກວ່າກີບ, ໃນນີ້ມີນະໂຍບາຍອຸດໜູນເທື່ອດຽວຕໍ່ຜູ້ເສຍສະຫຼະຊີວິດຈໍານວນ 282 ທ່ານ, ເປັນເງິນ 5 ຕື້ກວ່າກີບ ແລະ ນະໂຍບາຍອຸດໜູນເທື່ອດຽວຜູ້ຍັງມີຊີວິດ 1,945 ທ່ານ ເປັນເງິນຈໍານວນ 33 ຕື້ກວ່າກີບ, ໄດ້ກວດກາບັນຊີເປົ້າໝາຍໃໝ່ທີ່ຈະຮັບນະໂຍບາຍໃນໄລຍະທີ 2 ແຕ່ປີ 1955-1960 ທັງໝົດ 255 ທ່ານ. ຂ່າວ: ທິດປະສົງ
ທາງຫຼວງແຫ່ງຊາດເລກ 13 ໃຕ້ເຂດເມືອງໄຊທານີ ຫາເມືອງປາກງື່ມ ກຳລັງຂຸ້ນຂ້ຽວປູຢາງຂົ້ວ
ອີງຕາມຂໍ້ມູນທີ່ລັດວິສະຫາກິດກໍ່ສ້າງທາງເລກ 8 ໃຫ້ຮູ້ວ່າ: ໂຄງການປັບປຸງເສັ້ນທາງຫຼວງແຫ່ງຊາດເລກທີ 13 ໃຕ້ ມາຮອດປັດຈຸບັນ, ທາງໂຄງການຜູ້ຮັບເໝົາກໍ່ສ້າງ ກໍຄື ລັດວິສະຫະກິດກໍ່ສ້າງທາງເລກ 8 ກຳລັງຂຸ້ນຂ້ຽວລົງຢາງຂົ້ວ (ອັສຟານຊັ້ນ 1) ນັບແຕ່ກິໂລແມັດທີ 24 ຫາກິໂລແມັດທີ 28 ແລະ ອີກຈຸດໄລຍະທາງແຕ່ກິໂລແມັດທີ 28 ເມືອງໄຊທານີ ຫາກິໂລແມັດທີ 50.2 ເມືອງປາກງື່ມ ນະຄອນຫຼວງວຽງຈັນ
ຄໍາເຫັນ