ເມືອງເຊບັ້ງໄຟ ຊຶ່ງໃນການລົງເຄື່ອນໄຫວເຮັດວຽກໃນຄັ້ງນີ້ ແມ່ນໄດ້ພົບປະກັບກຸ່ມຜະລິດເຂົ້າເປັນສິນຄ້າຂອງສອງເມືອງດັ່ງກ່າວ.
ສໍາລັບຢູ່ເມືອງຫີນບູນ ຊຶ່ງກຸ່ມຜະລິດເຂົ້າເປັນສິນຄ້າບ້ານດອນດູ່ແມ່ນໜຶ່ງໃນຈໍານວນ 3 ກຸ່ມຂອງເມືອງ ແລະ ແມ່ນ 3 ກຸ່ມໃນຈໍານວນ 13 ກຸ່ມທີ່ນອນໃນ 3 ເມືອງເປົ້່າໝາຍຂອງແຂວງຄື: ເມືອງຫີນບູນມີ 3 ກຸ່ມ, ເມືອງເຊບັ້ງໄຟມີ 7 ກຸ່ມ. ໃນນັ້ນ, ມີກຸ່ມຜະລິດ ແນວພັນເຂົ້າລຸ້ນ 3 ເປັນສິນຄ້າມີ 2 ກຸ່ມ , ກຸ່ມຜະລິດເຂົ້າເປັນສິນຄ້າມີ 5 ກຸ່ມ ແລະ ເມືອງໜອງບົກມີ 3 ກຸ່ມຜະລິດແນວພັນເຂົ້າລຸ້ນ 3 ທີ່ໄດ້ຂຽນແຜນສະເໜີຂໍທຶນຈາກ ໂຄງການສົ່ງເສີມລະບົບຕ່ອງໂສ້ຜະລິດກະສິກໍາເປັນສິນຄ້າທີ່ເປັນມິດຕໍ່ສິ່ງແວດລ້ອມ (ຄສກສ) ເພື່ອມາຊື້ກົນຈັກມີບ້ານໜອງດົງ, ບ້ານວັງຫົວປາ (ລົດໄຖຄູໂບຕ່າ) ແລະ ບ້ານ ດອນດູ່ ຊື້ປັດໃຈການຜະລິດ (ຊື້ປຸ໋ຍ), ພ້ອມນັ້ນແຕ່ລະກຸ່ມແມ່ນໄດ້ປະກອບສ່ວນທຶນສົມທົບ 10%.
ໃນການເຄື່ອນໄຫວຊຸກຍູ້ຄັ້ງນີ້, ໄດ້ຮັບຟັງການລາຍງານຫຍໍ້ຈາກ ທ່ານ ບຸນກອງ ລິດທິເດດ ຕາງໜ້າກຸ່ມຜະລິດເຂົ້າເປັນສິນຄ້າບ້ານດອນດູ່ ຊຶ່ງທ່ານໄດ້ກ່າວວ່າ: ກຸ່ມປູກເຂົ້າເປັນສິນຄ້າບ້ານ ດອນດູ່ ມີເນື້ອທີ່ການຜະລິດເຂົ້ານາປີ ແລະ ນາແຊງ 53.48 ເຮັກຕາ, ສະມັດຕະພາບສະເລ່ຍນາປີ 3,5 ໂຕນ/ເຮັກຕາ, ນາແຊງ 4,5 ໂຕນ/ເຮັກຕາ, ແນວພັນທີ່ໃຊ້ສ່ວນຫຼາຍແມ່ນ ເຊບັ້ງໄຟ 4, ທ່າດອກຄໍາ 8 ແລະ ຫອມທ່າດອກຄໍາ 11. ກຸ່ມໄດ້ຂາຍເຂົ້າເປືອກລະດູນາແຊງ 11.69 ໂຕນ ລວມເປັນເງິນ 73 ລ້ານກີບ. ມາຮອດປັ້ດຈຸບັນ ຊາວກະສິກອນທີ່ເປັນສະມາຊິກໃນກຸ່ມແມ່ນໄດ້ລົງມືປັກດໍາເຂົ້ານາແຊງເປັນສ່ວນຫຼາຍແລ້ວ .
ສໍາລັບພາກບ່າຍຂອງວັນດຽວກັນ, ທ່ານ ເດດສັກດາ ມະນີຄໍາ ພ້ອມຄະນະ ໄດ້ລົງຊຸກຍູ້ກຸ່ມຜະລິດເຂົ້າເປັນສິນຄ້າ ແລະ ກຸ່ມຜະລິດແນວພັນເຂົ້າລຸ້ນ 3 ເປັນສິນຄ້າຢູ່ບ້ານຫາດຄໍາຮຽງ ເມືອງເຊບັ້ງໄຟ ຊຶ່ງຕາງໜ້າແຕລະກຸ່ມຜະລິດໄດ້ລາຍງານໃຫ້ຮູ້ວ່າ: ກຸ່ມຜະລິດເຂົ້າເປັນສິນຄ້າ ບ້ານຫາດຄໍາຮຽງມີສະມາຊິກທັງໝົດ 25 ຄອບຄົວ, ມີເນື້ອທີ່ການຜະລິດລະດູຝົນ 37.40 ເຮັກຕາ, ລະດູແລ້ງ 33.40 ເຮັກຕາ ແລະ ມີ 1 ກຸ່ມເພື່ອມາຊື້ພາຫະນະ-ກົນຈັກກະສິກໍາ (ລົດໄຖຄູໂບຕ້າ L95) ມາເປັນຊັບສິນໃຊ້ລວມກຸ່ມ, ແຕ່ລະກຸ່ມໄດ້ປະກອບສ່ວນທຶນສົມທົບ 10% ຕາມເງື່ອນໄຂຂອງທຶນ ຢ່າງຄົບຖ້ວນ
ສ່ວນກຸ່ມຜະລິດແນວພັນເຂົ້າລຸ້ນ 3 ເປັນສິນຄ້າ ບ້ານຫາດຄໍາຮຽງ ມີສະມາຊິກທັງໝົດ 25 ຄອບຄົວ ເນື້ອທີ່ການຜະລິດລະດູຝົນ 34 ເຮັກຕາ, ລະດູແລ້ງ 32.30 ເຮັກຕາ.
ການລົງຕິດຕາມຊຸກຍູ້ກຸ່ມການຜະລິດແຕ່ລະກຸ່ມແມ່ນໄດ້ມີການແລກປ່ຽນຄໍາຄິດເຫັນເຊິ່ງກັນ ແລະ ກັນເພື່ອຊອກໃຫ້ເຫັນຂໍ້ສະດວກ, ຂໍ້ຫຍຸ້ງຍາກພາຍຫຼັງທີ່ໄດ້ຈັດຕັ້ງປະຕິບັດໂຄງການຜ່ານມາ ແລະ ບົດຮຽນທີ່ຖອດຖອນໄດ້ເພື່ອພ້ອມກັນຊອກຫາວິທີການແກ້ໄຂຮ່ວມກັນໃນຕໍ່ໜ້າ.
ທ່ານ ເດດສັກດາ ມະນີຄໍາ ໄດ້ຮຽກຮ້ອງໃຫ້ແຕ່ລະກຸ່ມການຜະລິດຈົ່ງໄດ້ຍົກສູງຄວາມຮັບຜິດຊອບໃນການນໍາໃຊ້ແຫຼ່ງທຶນໃຫ້ເກີດປະໂຫຍດສູງສຸດ ແລະ ຄຸ້ມຄ່າໂດຍມີການຫັນໄປປູກພືດຊະນິດອື່ນໆທີ່ຕະຫຼາດມີຄວາມຕ້ອງການເພີ່ມຕື່ມນອກຈາກການຜະລິດເຂົ້າ ແລະ ແນວພັນເຂົ້າເປັນສິນຄ້າທັງນີ້ເພື່ອເປັນການສ້າງລາຍຮັບ ແລະ ແກ້ໄຂຊີວິດເປັນຢູ່ຂອງຊາວກະສິກອນໃຫ້ດີຂຶ້ນ ພ້ອມນັ້ນກໍເປັນການຊ່ວຍຫຼຸດຜ່ອນການນໍາເຂົ້າສິນຄ້າຈາກຕ່າງປະເທດອີກດ້ວຍ. ຈາກນັ້ນ, ຍັງໄດ້ລົງຕິດຕາມເບິ່ງລະບົບຄອງຊົນລະປະທານ ແລະ ພື້ນທີ່ການຜະລິດຂອງຊາວກະສິກອນຢູ່ບ້ານດົງຍາງ, ບ້ານຊຽງຫວາງທ່າ ແລະ ບ້ານສອງເໝືອງ ເມືອງໜອງບົກຕື່ມອີກ.
(ຂ່າວ-ພາບ: ແດງສະຫວັດ ແສນພານິດ)
ຄໍາເຫັນ