ພັນລະຍາເລຂາທິການໃຫຍ່ພັກກອມມູນິດຫວຽດນາມ ຢ້ຽມຢາມແຂວງວຽງຈັນ

ຢູ່ ບ້ານໂພນໝີເມືອງວຽງຄໍາແຂວງວຽງຈັນຊຶ່ງຝ່າຍລາວຕິດຕາມຄະນະນໍາໂດຍ ສະຫາຍ ນາງ ອາລຸນີ ກົມມະສິດພັນລະຍາ ສະຫາຍ ສະເຫຼີມໄຊ ກົມມະສິດ ກຳມະການກົມການເມືອງສູນກາງພັກຮອງນາຍົກລັດຖະມົນຕີລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ພ້ອມດ້ວຍພະນັກງານທີ່ກ່ຽວຂ້ອງຂອງທັງສອງຝ່າຍ; ທີ່ຮ້ານຫັດຖະກໍາດັ່ງກ່າວ, ສະຫາຍ ນາງ ໂງ ເຟືອງ ລີ ແລະ ຄະນະ ໄດ້ຖືກຕ້ອນຮັບໂດຍ ສະຫາຍ ທອງສະຫວັນ ວົງສຳພັນ ຮອງເລຂາພັກແຂວງປະທານສະມາຄົມມິດຕະພາບ ລາວ-ຫວຽດນາມ ແຂວງວຽງຈັນ ພ້ອມດ້ວຍພະນັກງານທີ່ກ່ຽວຂ້ອງຂອງແຂວງວຽງຈັນ, ພ້ອມທັງໄດ້ຮັບຟັງການລາຍງານຫຍໍ້ ກ່ຽວກັບ ປະຫວັດຄວາມເປັນມາ ກໍຄືສະພາບການຂະຫຍາຍຕົວຂອງຮ້ານຫັດຖະກໍາດັ່ງກ່າວ ແລະ ໄດ້ຢ້ຽມຊົມການຜະລິດສິນຄ້າຕົວຈິງຕື່ມອີກ. ຫຼັງຈາກນັ້ນ, ຄະນະຜູ້ແທນຂອງພັນລະຍາເລຂາທິການໃຫຍ່ພັກກອມມູນິດຫວຽດນາມ ກໍໄດ້ເດີນທາງໄປຢ້ຽມຢາມເມືອງວັງວຽງແຂວງວຽງຈັນ ເພື່ອທ່ຽວຊົມທີວທັດທໍາມະຊາດຂອງຕົວເມືອງວັງວຽງ ຊຶ່ງຄະນະໄດ້ໄປຢ້ຽມຊົມຖໍ້ານາງຟ້າ ແລະ ໄດ້ຮັບປະທານອາຫານທ່ຽງທີ່ໂຮງແຮມ S Boutique VangVieng ກ່ອນຈະເດີນທາງກັບຄືນນະຄອນຫຼວງວຽງຈັນ.

ໃນຕອນຄໍ່າຂອງວັນດຽວກັນ, ສະຫາຍ ນາງ ໂງ ເຟືອງ ລີ ແລະ ຄະນະ ກໍໄດ້ເຂົ້າຮ່ວມງານລ້ຽງຕ້ອນຮັບ ທີ່ ພັດຕະຄານ ເຊນ ພິລາ, ຈັດໂດຍ ສະຫາຍ ນາງ ນາລີ ສີສຸລິດພັນລະຍາ ສະຫາຍ ທອງລຸນ ສີສຸລິດເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວປະທານປະເທດ ແຫ່ງ ສປປ ລາວ, ທັງເປັນປະທານກິດຕິມະສັກສະມາຄົມຫັດຖະກໍາລາວ ເພື່ອເປັນກຽດໃຫ້ແກ່ບັນດາແຂກກິດຕິມະສັກ, ນັກສໍາມະນາກອນ ແລະ ຄະນະຜູ້ແທນເຂົ້າຮ່ວມທັງໝົດ ໃນກອງປະຊຸມສໍາມະນາ ແຜ່ນແພພື້ນເມືອງອາຊຽນ ຄັ້ງທີ 9 ທີ່ ສປປ ລາວ ເປັນເຈົ້າພາບຈັດຂຶ້ນໃນລະຫວ່າງວັນທີ 4-6 ພະຈິກ 2024.