ກົມສ່ວຍສາອາກອນກະຊວງການເງິນ ສືບຕໍ່ຈັດກອງປະຊຸມເຜີຍແຜ່ດໍາລັດວ່າດ້ວຍການຄຸ້ມຄອງໃບເກັບເງິນ, ດໍາລັດວ່າດ້ວຍເລກປະຈໍາຕົວຜູ້ເສຍອາກອນ ແລະ ນິຕິກໍາທີ່ກ່ຽວຂ້ອງຂຶ້ນເມື່ອບໍ່ດົນມານີ້ ທີ່ນະຄອນຫຼວງວຽງຈັນ (ນວ) ໂດຍມີ ທ່ານນາງ ພວງສີ ເພົ້າລາວັນ ຮອງຫົວໜ້າພະແນກການເງິນ ນວ, ມີສ່ວຍສາອາກອນ ປະຈໍາ ນວ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານ ທໍາມະລົດ ຣາຊະພົນ ຮອງຫົວໜ້າກົມສ່ວຍສາອາກອນ ກະຊວງການເງິນ ກ່າວວ່າ: ການເຜີຍແຜ່ ຄັ້ງນີ້ ເພື່ອໃຫ້ພະນັກງານສ່ວຍສາອາກອນ 9 ເມືອງ, ຂະແໜງການກ່ຽວຂ້ອງພາຍໃນ ນວ ໄດ້ຮັບຮູ້, ເຂົ້າໃຈໃນການຈັດຕັ້ງປະຕິບັດບັນດານິຕິກໍາຕ່າງໆ ທັງເປັນການສົ່ງເສີມການດໍາເນີນທຸລະກິດຂອງຜູ້ປະກອບການໄດ້ຮັບຮູ້, ເຂົ້າໃຈການປະຕິບັດພັນທະອາກອນໃຫ້ຖືກຕ້ອງ, ຄົບຖ້ວນຕາມກົດໝາຍ. ສ່ວນໃບເກັບເງິນແມ່ນໜຶ່ງໃນປັດໄຈຕົ້ນຕໍ ແລະ ສໍາຄັນທີ່ເຮັດໜ້າທີ່ໃນການຢັ້ງຢືນການຊື້-ຂາຍສິນຄ້າ ແລະ ການບໍລິການ, ເປັນເອກະສານຫຼັກຖານໃນການລົງບັນຊີລາຍຮັບ, ລາຍຈ່າຍ, ການຫັກ, ການຂໍຄືນເງິນອາກອນຂອງບັນດາຫົວໜ່ວຍທຸລະກິດ.
ປັດຈຸບັນ, ລັດຖະບານແຫ່ງ ສປປ ລາວ ຊຸກຍູ້ ແລະ ສົ່ງເສີມໃຫ້ມີການນໍາໃຊ້ໃບເກັບເງິນເອເລັກໂຕຣນິກ ໃນບັນດາບໍລິສັດໃຫ້ນັບມື້ເພີ່ມຂຶ້ນ, ສ່ວນບັນດາຫ້າງຮ້ານ (ຮ້ານສະດວກຊື້) ກໍໃຫ້ນໍາໃຊ້ໃບເກັບເງິນທີ່ພິມອອກຈາກເຄື່ອງບັນທຶກການຂາຍສິນຄ້າ ແລະ ການບໍລິການ, ແຕ່ການນຳໃຊ້ດັ່ງກ່າວຕ້ອງຂໍອະນຸຍາດຈາກຂະແໜງ ສ່ວຍສາອາກອນເພື່ອໃຫ້ຖືກຕ້ອງ, ສອດຄ່ອງຕາມກົດໝາຍ ແລະ ລະບຽບການກຳນົດ, ຖ້າຫາກບໍລິສັດຫຼືຫ້າງຮ້ານໃດຫາກມີການນໍາໃຊ້ໃບເກັບເງິນເອເລັກໂຕຣນິກ ຫຼື ໃບເກັບເງິນທີ່ພິມອອກຈາກເຄື່ອງບັນທຶກການຂາຍສິນຄ້າ ແລະ ການບໍລິການໃນໄລຍະຜ່ານມາແລ້ວ ກໍໃຫ້ໄປຂໍການອະນຸຍາດ ແລະ ຮັບຮອງຈາກກົມສ່ວຍສາອາກອນ.
ໂອກາດນີ້, ຜູ້ເຂົ້າຮ່ວມໄດ້ຮັບຟັງການເຜີຍແຜ່ດຳລັດ ວ່າດ້ວຍການຄຸ້ມຄອງໃບເກັບເງິນສະບັບເລກທີ 297/ລບ, ລົງວັນທີ 20 ສິງຫາ 2022 ຊຶ່ງໃບເກັບເງິນດັ່ງກ່າວມີບົດບາດສໍາຄັນໃນການຄຸ້ມຄອງ, ຕິດຕາມການເກັບຄ່າທຳນຽມ ແລະ ຄ່າບໍລິການເຂົ້າງົບປະມານ ແລະ ຢັ້ງຢືນລາຍຮັບ, ລາຍຈ່າຍທີ່ຕິດພັນກັບຮ່ວງເງິນບໍລິ ຫານ ເພື່ອຮັບປະກັນຜົນປະໂຫຍດຂອງພາກລັດ ແລະ ຫົວໜ່ວຍທຸລະກິດ, ໃບເກັບເງິນຈະເປັນຕົວຢັ້ງຢືນຄວາມເປັນຈິງຂອງການຊື້-ຂາຍສິນຄ້າ ແລະ ການບໍລິການ ແລະ ການຄຸ້ມຄອງເກັບລາຍຮັບເຂົ້າແຫ່ງລັດໃຫ້ຖືກຕ້ອງ, ຄົບຖ້ວນຕາມກົດໝາຍ ແລະ ດຳລັດວ່າດ້ວຍເລກປະຈຳຕົວຜູ້ເສຍອາກອນ ສະບັບເລກທີ 213/ລບ, ລົງວັນທີ 2 ມິຖຸນາ 2023 ກໍແມ່ນເລກລະຫັດທີ່ອອກໃຫ້ແກ່ບຸກຄົນ, ນິຕິບຸກຄົນ ແລະ ການຈັດຕັ້ງຜູ້ທີ່ມີພັນທະເສຍອາກອນຢູ່ໃນດິນແດນ ສປປ ລາວ ຊຶ່ງເປົ້າໝາຍຜູ້ທີ່ຈະຕ້ອງມີເລກປະຈາຕົວຜູ້ເສຍອາກອນ ແມ່ນພົນລະເມືອງລາວ, ຄົນຕ່າງດ້າວ, ຄົນບໍ່ມີສັນຊາດ, ຄົນຕ່າງປະເທດ, ນິຕິບຸກຄົນ ແລະ ການຈັດຕັ້ງທີ່ດຳເນີນທຸລະກິດ ຫຼື ເຄື່ອນໄຫວ ອື່ນໆທີ່ມີລາຍໄດ້ ຊຶ່ງມີພັນທະຕ້ອງເສຍອາກອນ. ພ້ອມນັ້ນຍັງໄດ້ຮັບຟັງການນໍາສະເໜີຄຳສັ່ງ ສະບັບເລກທີ 2804/ກງ, ລົງວັນທີ 15 ກັນຍາ 2023 ແລະ ນິຕິກຳຕ່າງໆກ່ຽວຂ້ອງຈໍານວນໜຶ່ງ.
ຂ່າວ: ກະຊວງການເງິນ
ທ່ານ ທໍາມະລົດ ຣາຊະພົນ ຮອງຫົວໜ້າກົມສ່ວຍສາອາກອນ ກະຊວງການເງິນ ກ່າວວ່າ: ການເຜີຍແຜ່ ຄັ້ງນີ້ ເພື່ອໃຫ້ພະນັກງານສ່ວຍສາອາກອນ 9 ເມືອງ, ຂະແໜງການກ່ຽວຂ້ອງພາຍໃນ ນວ ໄດ້ຮັບຮູ້, ເຂົ້າໃຈໃນການຈັດຕັ້ງປະຕິບັດບັນດານິຕິກໍາຕ່າງໆ ທັງເປັນການສົ່ງເສີມການດໍາເນີນທຸລະກິດຂອງຜູ້ປະກອບການໄດ້ຮັບຮູ້, ເຂົ້າໃຈການປະຕິບັດພັນທະອາກອນໃຫ້ຖືກຕ້ອງ, ຄົບຖ້ວນຕາມກົດໝາຍ. ສ່ວນໃບເກັບເງິນແມ່ນໜຶ່ງໃນປັດໄຈຕົ້ນຕໍ ແລະ ສໍາຄັນທີ່ເຮັດໜ້າທີ່ໃນການຢັ້ງຢືນການຊື້-ຂາຍສິນຄ້າ ແລະ ການບໍລິການ, ເປັນເອກະສານຫຼັກຖານໃນການລົງບັນຊີລາຍຮັບ, ລາຍຈ່າຍ, ການຫັກ, ການຂໍຄືນເງິນອາກອນຂອງບັນດາຫົວໜ່ວຍທຸລະກິດ.
ປັດຈຸບັນ, ລັດຖະບານແຫ່ງ ສປປ ລາວ ຊຸກຍູ້ ແລະ ສົ່ງເສີມໃຫ້ມີການນໍາໃຊ້ໃບເກັບເງິນເອເລັກໂຕຣນິກ ໃນບັນດາບໍລິສັດໃຫ້ນັບມື້ເພີ່ມຂຶ້ນ, ສ່ວນບັນດາຫ້າງຮ້ານ (ຮ້ານສະດວກຊື້) ກໍໃຫ້ນໍາໃຊ້ໃບເກັບເງິນທີ່ພິມອອກຈາກເຄື່ອງບັນທຶກການຂາຍສິນຄ້າ ແລະ ການບໍລິການ, ແຕ່ການນຳໃຊ້ດັ່ງກ່າວຕ້ອງຂໍອະນຸຍາດຈາກຂະແໜງ ສ່ວຍສາອາກອນເພື່ອໃຫ້ຖືກຕ້ອງ, ສອດຄ່ອງຕາມກົດໝາຍ ແລະ ລະບຽບການກຳນົດ, ຖ້າຫາກບໍລິສັດຫຼືຫ້າງຮ້ານໃດຫາກມີການນໍາໃຊ້ໃບເກັບເງິນເອເລັກໂຕຣນິກ ຫຼື ໃບເກັບເງິນທີ່ພິມອອກຈາກເຄື່ອງບັນທຶກການຂາຍສິນຄ້າ ແລະ ການບໍລິການໃນໄລຍະຜ່ານມາແລ້ວ ກໍໃຫ້ໄປຂໍການອະນຸຍາດ ແລະ ຮັບຮອງຈາກກົມສ່ວຍສາອາກອນ.
ໂອກາດນີ້, ຜູ້ເຂົ້າຮ່ວມໄດ້ຮັບຟັງການເຜີຍແຜ່ດຳລັດ ວ່າດ້ວຍການຄຸ້ມຄອງໃບເກັບເງິນສະບັບເລກທີ 297/ລບ, ລົງວັນທີ 20 ສິງຫາ 2022 ຊຶ່ງໃບເກັບເງິນດັ່ງກ່າວມີບົດບາດສໍາຄັນໃນການຄຸ້ມຄອງ, ຕິດຕາມການເກັບຄ່າທຳນຽມ ແລະ ຄ່າບໍລິການເຂົ້າງົບປະມານ ແລະ ຢັ້ງຢືນລາຍຮັບ, ລາຍຈ່າຍທີ່ຕິດພັນກັບຮ່ວງເງິນບໍລິ ຫານ ເພື່ອຮັບປະກັນຜົນປະໂຫຍດຂອງພາກລັດ ແລະ ຫົວໜ່ວຍທຸລະກິດ, ໃບເກັບເງິນຈະເປັນຕົວຢັ້ງຢືນຄວາມເປັນຈິງຂອງການຊື້-ຂາຍສິນຄ້າ ແລະ ການບໍລິການ ແລະ ການຄຸ້ມຄອງເກັບລາຍຮັບເຂົ້າແຫ່ງລັດໃຫ້ຖືກຕ້ອງ, ຄົບຖ້ວນຕາມກົດໝາຍ ແລະ ດຳລັດວ່າດ້ວຍເລກປະຈຳຕົວຜູ້ເສຍອາກອນ ສະບັບເລກທີ 213/ລບ, ລົງວັນທີ 2 ມິຖຸນາ 2023 ກໍແມ່ນເລກລະຫັດທີ່ອອກໃຫ້ແກ່ບຸກຄົນ, ນິຕິບຸກຄົນ ແລະ ການຈັດຕັ້ງຜູ້ທີ່ມີພັນທະເສຍອາກອນຢູ່ໃນດິນແດນ ສປປ ລາວ ຊຶ່ງເປົ້າໝາຍຜູ້ທີ່ຈະຕ້ອງມີເລກປະຈາຕົວຜູ້ເສຍອາກອນ ແມ່ນພົນລະເມືອງລາວ, ຄົນຕ່າງດ້າວ, ຄົນບໍ່ມີສັນຊາດ, ຄົນຕ່າງປະເທດ, ນິຕິບຸກຄົນ ແລະ ການຈັດຕັ້ງທີ່ດຳເນີນທຸລະກິດ ຫຼື ເຄື່ອນໄຫວ ອື່ນໆທີ່ມີລາຍໄດ້ ຊຶ່ງມີພັນທະຕ້ອງເສຍອາກອນ. ພ້ອມນັ້ນຍັງໄດ້ຮັບຟັງການນໍາສະເໜີຄຳສັ່ງ ສະບັບເລກທີ 2804/ກງ, ລົງວັນທີ 15 ກັນຍາ 2023 ແລະ ນິຕິກຳຕ່າງໆກ່ຽວຂ້ອງຈໍານວນໜຶ່ງ.
ຂ່າວ: ກະຊວງການເງິນ
ຄໍາເຫັນ