 |
ທ່ານ ພັທ ນາງ ຄຳກອງ ເພັດຊົມພູ ຫົວໜ້າພະແນກໂຄສະນາ ຫ້ອງການກວດກາ ແລະ ຄວບຄຸມຢາເສບຕິດ ໄດ້ໃຫ້ຄວາມຮູ້ກ່ຽວກັບປະເພດຂອງຢາເສບຕິດ, ຜົນຮ້າຍ ແລະ ຄວາມອັນຕະລາຍຂອງມັນ. ພ້ອມດຽວກັນນີ້, ທ່ານ ພັທ ສຸວັນເຄັນ ສີບຸນເຮືອງ ຮອງພະແນກໂຄສະນາ ແລະ ຄວບຄຸມຢາເສບຕິດ ໄດ້ນໍາສະເໜີ ບາງມາດຕາຂອງກົດໝາຍ, ນິຕິກໍາທີ່ກ່ຽວຂ້ອງກັບຢາເສບຕິດ ແລະ ສາຍພາບວີດີໂອ-ລະຄອນສັ້ນໃຫ້ຜູ້ເຂົ້າຮ່ວມໄດ້ຮັບຊົມ ເພື່ອໃຫ້ຮັບຮູ້ເຖິງໄພອັນຕະລາຍທີ່ເກີດຂຶ້ນໃນສັງຄົມປັດຈຸບັນ ຊຶ່ງສາເຫດຫຼັກແມ່ນເກີດຈາກຢາເສບຕິດ.
ການລົງໂຄສະນາຄັ້ງນີ້, ເພື່ອເປັນການສ້າງຄວາມຮັບຮູ້ໃຫ້ພະນັກງານ, ຕຳຫຼວດ, ຄູ-ອາຈານ ແລະ ນັກຮຽນໄດ້ຮັບຮູ້ ແລະ ຊ່ວຍກັນການສະກັດກັ້ນ ແລະ ຕ້ານບໍ່ໃຫ້ບຸກຄົນໃນສັງຄົມເຂົ້າໄປພົວພັນຢ່າງເດັດຂາດ, ເນື່ອງຈາກວ່າຢາເສບຕິດ ເປັນສານເຄມີກະຕຸ້ນຊະນິດໜຶ່ງທີ່ກົດໝາຍເກືອດຫ້າມ, ຫ້າມຜະລິດ ຫຼື ຈໍາໜ່າຍຢ່າງເດັດຂາດ ຖ້າຫາກບຸກຄົນໃດໄປພົວພັນ, ມົ້ວສຸມ, ຄ້າຂາຍ ກໍຈະໄດ້ຮັບໂທດຕາມລະບຽບກົດໝາຍ. ນອກນີ້, ຢາເສບຕິດຍັງເປັນສາເຫດຕົ້ນຕໍຂອງການເກີດປະກົດການຫຍໍ້ທໍ້ຕ່າງໆ ເປັນຕົ້ນແມ່ນການປຸ້ນຈີ້-ຊິງຊັບ, ຂ້າເຈົ້າເອົາຂອງ, ອາລະວາດຕີກັນ, ລັກຊັບ ແລະ ອື່ນໆ ຊຶ່ງເຫດການດັ່ງກ່າວໄດ້ສ້າງຄວາມເສຍຫາຍທາງດ້ານຊັບສິນ ແລະ ຮ້າຍແຮງໄປກວ່ານັ້ນອາດນໍາໄປສູ່ການເສຍຊີວິດ ເຮັດໃຫ້ສັງຄົມບໍ່ມີຄວາມສະຫງົບ-ປອດໄພ ແລະ ບໍ່ເປັນລະບຽບຮຽບຮ້ອຍນໍາອີກ.
ຕອນທ້າຍພິທີ, ທ່ານ ພັທ ດາລິນ ສຸດາຈັນ ໄດ້ເນັ້ນໜັກໃຫ້ບັນດາຜູ້ເຂົ້າຮ່ວມ ຈົ່ງພ້ອມກັນນຳເອົາເນື້ອໃນຈິດໃຈດັ່ງກ່າວໄປຜັນຂະຫາຍຕໍ່ໃຫ້ທົ່ວສັງຄົມ ເວົ້າລວມ ເວົ້າສະເພາະ ກໍຄືປະຊາຊົນຊາວແຂວງສາລະວັນໄດ້ຮັບຮູ້ ແລະ ເຂົ້າໃຈເຖິງຜົນຮ້າຍ ແລະ ໄພອັນຕະລາຍຂອງຢາເສບຕິດ. ຂ່າວ-ພາບ: ສຸວັນ
ຄໍາເຫັນ