 |
ທ່ານ ຄໍາເພົ້າ ວັນນະວົງ ຫົວໜ້າກົມກວດກາ ກະຊວງ ວທ ກ່າວວ່າ: ວຽກງານການກວດກາ ແມ່ນພາລະບົດບາດຕົ້ນຕໍ ໃນການນໍາພາ-ຊີ້ນຳຂອງພັກ ແລະ ການຄຸ້ມຄອງຂອງລັດ ຍາມໃດກໍຖືວ່າວຽກງານກວດກາ ເປັນໜຶ່ງໃນພາລະບົດບາດ ແລະ ແບບແຜນການນຳພາຂອງພັກ ມະຕິກອງປະຊຸມໃຫຍ່ຄັ້ງທີ III ຂອງພັກ ໄດ້ກໍານົດວ່າ ບໍ່ມີການກວດກາ ກໍໝາຍຄວາມວ່າບໍ່ມີການນຳພາ ໂດຍປະຕິບັດຕາມພາລະບົດບາດ, ສິດໜ້າທີ່ ຂອງກົມກວດກາ ດັ່ງນັ້ນ, ທ່ານ ລັດຖະມົນຕີ ຈຶ່ງໄດ້ມີຂໍ້ຕົກລົງວ່າດ້ວຍ ການແຕ່ງຕັ້ງຄະນະກວດກາ, ລົງຕິດຕາມປະກົດການຫຍໍ້ທໍ້ ແລະ ການຂະຫຍາຍລະບົບຕາໜ່າງໂທລະໂຄ່ງທີ່ຢູ່ພະແນກ ແລະ ຫ້ອງການວັດທະນະທໍາແລະທ່ອງທ່ຽວ ນະຄອນຫຼວງວຽງຈັນ ສະບັບເລກທີ 851/ຖວທ, ລົງວັນທີ 19 ສິງຫາ 2024. ຜ່ານການລົງຊຸກຍູ້ ກວດກາ, ຕິດຕາມ ຢູ່ພະແນກວັດທະນະທໍາແລະທ່ອງທ່ຽວ ແລະ ຫ້ອງການ 9 ຕົວເມືອງ ນະຄອນຫຼວງວຽງຈັນ ໄດ້ສັງລວມດັ່ງນີ້ ປະກົດການຫຍໍ້ທໍ້ສະພາບລວມ ໂທລະສັບສາຍດ່ວນ ຂອງສະພາແຫ່ງຊາດ ມີຕໍ່ວຽກງານໃນໂຂງເຂດວັດທະນະທໍາແລະທ່ອງທ່ຽວ ນະຄອນຫຼວງວຽງຈັນດ້ານນິຕິກຳ: ການອອກອະນຸຍາດ ແລະ ການຄຸ້ມຄອງຕ່າງໆ ເຊັ່ນ: ປ້າຍ, ໂຮງແຮມ, ຮ້ານອາຫານ, ຮ້ານບັນເທີງ, ການປັ້ນຫຼໍ່,ການນຳເຂົ້າພະພຸດທະຮູບ ແລະ ອື່ນໆ.
ຈຸດປະສົງກອງປະຊຸມໃນເທື່ອນີ້, ເພື່ອເຜີຍແຜ່ຜົນຂອງການລົງຕິດຕາມ,ກວດກາ ທີ່ຄະນະທີມງານໄດ້ສັງລວມບັນຫາ ທີ່ຕິດພັນກັບບັນດາກົມທີ່ກ່ຽວຂ້ອງໃຫ້ຮັບຮູ້ ແລະ ພ້ອມກັນຊອກຫາວິທີແກ້ໄຂໃນຕໍ່ໜ້າ ດ້ວຍຄວາມເປັນເອກະພາບລວມກັນ ໂດຍສະເພາະຄວາມຮັບຜິດຊອບໃນການສ້າງນິຕິກຳ-ປັບປຸງ ຕ້ອງໃຫ້ຮັດກຸມໃນແຕ່ລະບັນຫາ ສາມາດນຳໃຊ້ໄດ້ຢ່າງມີປະສິດທິຜົນກອງປະຊຸມຄັ້ງນີ້ແມ່ນມີຄວາມໝາຍຄວາມສໍາຄັນ ຕໍ່ການເຄື່ອນໄຫວວຽກງານຕິດຕາມ-ກວດກາ. ຜູ້ເຂົ້າຮ່ວມໄດ້ພ້ອມກັນຄົ້ນຄ້ວາ ແລກປ່ຽນຄຳຄິດຄຳເຫັນ ແລະ ບົດຮຽນຊຶ່ງກັນແລະກັນ ດ້ວຍຄວາມຮັບຜິດຊອບຕໍ່ໜ້າທີ່ການເມືອງ ແລະ ມີບັນຍາກາດທີ່ສ້າງສັນ. ໃນເມື່ອເຫັນຈຸດອ່ອນ-ຂໍ້ຄົງຄ້າງ ແລະ ສາເຫດຂອງບັນຫາຕ່າງໆແລ້ວ ຕ້ອງໄດ້ຄົ້ນຄວ້າຊອກຫາທິດທາງ ແລະ ວິທີການແກ້ໄຂບັນຫາໃຫ້ຖືກຈຸດ ແທດເໝາະກັບສະພາບຕົວຈິງຂອງຂະແໜງການຕົນ ດ້ວຍຄວາມຮັບຜິດຊອບສູງ.
ຂ່າວ: ກະຊວງ ວທ
ຄໍາເຫັນ