ເພື່ອຮັບໃຊ້ເຂົ້າໃນວຽກການບໍລິຫານຈັດການສະໜາມກໍາຈັດຂີ້ເຫຍື້ອ (PS-CW03) ຂອງໂຄງການພັດທະນາຕົວເມືອງ ຕາມແລວທາງອະນຸພາກພື້ນແມ່ນໍ້າຂອງ 4 (GMS4) ໄດ້ຈັດຂຶ້ນໃນວັນທີ 19 ພະຈິກ ນີ້, ທີ່ຫ້ອງການ ຄຸ້ມຄອງສະໝາມກໍາຈັດຂີ້ເຫຍື້ຶອ ເມືອງປາກຊັນ.
ຕາງໜ້າກົມເຄຫາ ແລະ ຜັງເມືອງ ກະຊວງ ຍທຂ ມອບໂດຍທ່ານ ພູເງີນ ພົມມະຫາ ຫົວໜ້າຫ້ອງການປະສານງານໂຄງການ (PCU) ແລະ ຕາງໜ້າແຂວງຮັບໂດຍທ່ານ ວິໄຊ ພູມີ ຫົວໜ້າພະແນກ ໂຍທາທິການ ແລະ ຂົນສົ່ງ ແຂວງບໍລິຄຳໄຊ ແລະ ໄດ້ມອບຕໍ່ໃຫ້ ອພບຕ ນໍາໃຊ້, ຕາງໜ້າປະທານ ອພບຕ ປາກຊັນ ຮັບໂດຍ ທ່ານ ນາງ ເຄນໜັ້ນ ລໍມະນີ ຮອງປະທານຜູ້ປະຈໍາການອົງການພັດທະນາ ແລະ ບໍລິຫານຕົວເມືອງປາກຊັນ, ໂດຍມີບັນດາອົງການຈັດຕັ້ງ ແລະ ຂະແໜງການທີ່ກ່ຽວຂ້ອງທັງສູນກາງ ແລະ ທ້ອງຖິ່ນເຂົ້າຮ່ວມ.
ພາຫະນະທີ່ນໍາມາມອບໃນຄັ້ງນີ້, ພາຍໃຕ້ສັນຍາ GD03 (ທັງເມືອງປາກຊັນ ແຂວງບໍລິຄໍາໄຊ ແລະ ທ່າແຂກ ແຂວງຄໍາມ່ວນ). ສໍາລັບເມືອງປາກຊັນ ປະກອບມີ: ລົດບັນທຸກຂີ້ເຫຍື້ອແບບອັດແໜ້ນ 5 ໂຕນ 1 ຄັນ, ລົດບັນທຸກຂີ້ເຫຍື້ອແບບອັດແໜ້ນ 15 ໂຕນ 1 ຄັນ, ລົດເຄນ 1 ຄັນ, ລົດຍູ້ດິນ 20 ໂຕນ 1 ຄັນ ແລະ ລົດດູດນໍ້າເປື້ອນ 4 ໂຕນ 1 ຄັນ ລວມມູນຄ່າ 19 ຕື້ກວ່າກີບ.
ໂອກາດນີ້, ທ່ານ ວິໄຊ ພູມີ ໄດ້ກ່າວສະແດງຄວາມຂອບໃຈ ມາຍັງທະນາຄານພັດທະນາອາຊີ ແລະ ກະຊວງໂຍທາທິການ ແລະ ຂົນສົ່ງ ທີ່ໄດ້ໃຫ້ທຶນຊ່ວຍເຫຼືອ ແລະ ມີຄວາມພະຍາຍາມຊອກຫາແຫຼງທຶນມາຊ່ວຍພັດທະນາ ປັບປຸງພື້ນຖານໂຄງລ່າງສິ່ງແວດລ້ອມ ຂອງຕົວເມືອງປາກຊັນ ແລະ ຫວັງຢ່າງຍິ່ງວ່າ ທະນາຄານພັດທະນາອາຊີ ຈະສືບຕໍ່ໃຫ້ການຊ່ວຍເຫຼືອເມືອງປາກຊັນ ແລະ ຕົວເມືອງອື່ນໆ ພາຍໃນແຂວງບໍລິຄຳໄຊ ຕື່ມອີກ.
(ຂ່າວ: ຄຳແສນ)
ຄໍາເຫັນ