ພິທີເປີດງານສັບປະດາແລກປ່ຽນວັດທະນະທຳສາກົນ ເຫິ້ເປີ່ຍ

ເປັນແຂວງທີ່ມີປະຫວັດອັນຍາວນານ ແລະ ອຸດົມໄປດ້ວຍວັດທະນະທຳທີ່ເກົ່າແກ່ ຂອງຈີນ, ວັນທີ 11 ຜ່ານມານີ້ ໄດ້ເປີດງານສັບປະດາວັດທະນະທຳສາກົນຂອງແຂວງເຫີ້ເປີ່ຍ ຈັດຂຶ້ນທີ່ສວນສາທລະນະໂຊ່ວກ່າງ ເມືອງຊີ່ຈິງຊານ ນະຄອນຫຼອງປັກກິ່ງ ສປຈີນ. ຈັດໂດຍພະແນກປະຊາສຳພັນຂອງຄະນະກຳມະການສູນກາງພັກຄອມມຸນິດຈີນ ແຫ່ງ ແຂວງເຫິ້ເປີ່ຍຮ່ວມກັບສູນປະຊາສຳພັນແລະການແລກປ່ຽນຕ່າງປະເທດ ແຫ່ງ ເຫິ້ເປີ່ຍ.

ໃຫ້ກຽດເຂົ້າຮ່ວມເປີດງານຂອງທ່ານ ເຈ່ຍເວີ້ຍ (Jia Wei) ຮອງຜູ້ອຳນວຍການພະແນກປະຊາສຳພັນ ຄະນະພັກຄອມມຸນິດຈີນ ປະຈຳແຂວງເຫິ້ເປີ່ຍ ຜູ້ອຳນວຍການສຳນັກຂ່າວສານຂອງລັດທະບານປະຊາຊົນແຂວງເຫິ້ເປີ່ຍ, ທ່ານ ຫັ້ນເຈ່ຍ (Han Jia) ຮອງຫົວຜູ້ອຳນວຍການ ຂ່າວສານຊິນຮວາ ສາຂາເຫິ້ເປີ່ຍ ພ້ອມດ້ວຍແຂກທີ່ກ່ຽວຂ້ອງ ແລະ ສື່ມວນຊົນທັງພາຍໃນ ແລະ ຕ່າງປະເທດເຂົ້າຮ່ວມ.

ການຈັດງານດັ່ງກ່າວແມ່ນແນໃສ່ການເຜີຍແຜ່ວັດທະນະທໍາຂອງແຂວງດັ່ງກ່າວເຊັ່ນ; ສະແດງການດີດພິນພີພາຄູ່ກັບກູ້ເຈິ່ງ,ເປົ່າຂຸ່ຍຄູ່ກັບແຊັກໂຊໂຟນ,ບົດຟ້ອນຂອງວັດທະນະທຳເຫິ້ເປີ່ຍຈາກນັກສຶກສາຕ່າງຊາດ ແລະ ເຕັ້ນເຊີດສິງໂຕເຊິ່ງເປັນວັດທະນະທຳບູຮານອັນເກົ່າແກ່ຂອງຂອງຈີນ, ນອກນີ້ມີງານວາງສະແດງສິນຄ້າເພື່ອຈຳໜ່າຍເຊັ່ນ; ເຄື່ອງປັ້ນດິນເຜົາຂອງຊົນເຜົ່າຕ່າງໆ,ຜະລິດຕະພັນຂອງທະນາຄານ ແລະ ເຄື່ອງອື່ນໆ ພາຍໃນງານດັ່ງກ່າວຍັງມີນະວັດຕະກຳເຕັກໂນໂລຊີສະໄໝໃໝ່ທີ່ນຳມາສະແດງຄື;ໂທລະສັບ,ກ້ອງຖ່າຍຮູບ ແລະ ຫຸ່ນຍົນທີ່ທັນສະໃໝ ເຮັດໃຫ້ຜູ້ຊົມຈັບອົກຈັບໃຈກັບສິນຄ້າໃນງານດັ່ງກ່າວ.

ພາບ,ຂ່າວ: ໄມຕຣີ