ແຂວງໄຊຍະບູລີ ໄດ້ຈັດພິທີເປີດຕະຫຼາດນັດຂຶ້ນ ໂດຍເປັນກຽດເຂົ້າຮ່ວມຂອງທ່ານ ຄຳສີ ແພງສະຫວັນ ປະທານແນວລາວສ້າງຊາດແຂວງ.
ໃນພິທີດັ່ງກ່າວ, ທ່ານ ຄຳພັນ ພັນທະວົງ ຮອງເຈົ້າເມືອງບໍ່ແຕນ ຄະນະຮັບຜິດຊອບການຈັດງານບຸນ ໄດ້ລາຍງານການຈັດງານວາງສະແດງ ແລະ ຂາຍສິນຄ້າວ່າ: ເພື່ອເປັນການສ້າງບັນຍາກາດ ແລະ ປະກອບສ່ວນເຂົ້າໃນງານເທດສະການງານບຸນປັ້ນເຂົ້າຈີ່ໃຫຍ່ໃຫ້ເປັນຂະບວນຟົດຟື້ນ, ທັງເປັນການປຸກລະດົມການສ້າງຜະລິດຕະພັກສິນຄ້າພູມປັນຍາທີ່ເປັນເອກະລັກຂອງທ້ອງຖິ່ນ. ຕິດພັນຕິດພັນກັບການດຳລົງຊີວິດຂອງປະຊາຊົນເພື່ອກ້າວໄປເປັນສິນຄ້າໜຶ່ງເມືອງ ໜຶ່ງຜະລິດຕະພັນ ແລະ ເປັນບ້ອນແລກປ່ຽນຊື້-ຂາຍສິນຄ້າຂອງຜູ້ປະກອບການ ແລະ ປະຊາຊົນຊັ້ນຄົ້ນຕ່າງໆທີ່ມາທ່ຽວຊົມງານເທດສະການບຸນປັ້ນເຂົ້າຈີ່ໃຫຍ່ຂອງເມືອງບໍ່ແຕນ. ຊຶ່ງງານດັ່ງກ່າວ ໄດ້ຈັດຂຶ້ນເປັນປີທີ 10 ແລ້ວ ຊຶ່ງມີຫຼາກຫຼາຍກິດຈະກຳທີ່ຈັດສະແດງໃນງານເຊັ້ນ: ຮູບຈຳລອງເຂົ້າຈີ່ໃຫຍ່, ການແຫ່ກອ້ນກຳລັງຂອງແຕ່ລະບ້ານ, ການປະກວດທິດາເຂົ້າຈີ່, ການສະແດງສິລະປະວັນນະຄະດີ,ການແຂ່ງຂັນກິລາພື້ນເມືອງ, ກິລາຊວນຫົວ ແລະ ການສະແດງກາງແຈ້ງຂອງນ້ອງນັກຮຽນ. ງານດັ່ງກ່າວ ຈະມີການຄົບງັນຕະຫຼອດ 5 ວັນ 4 ຄືນ, ໃນພິທີອັນມີຄວາມໝາຍນີ້ໄດ້ຮ່ວມກັນເປີດເປີດຕະຫຼາດນັດຢ່າງເປັນທາງການ.
(ຂ່າວ-ພາບ:ສາຍຄຳ ບຸນຍາວົງ)
ຄໍາເຫັນ