 |
ພິທີດັັ່ງກ່າວ ຮ່ວມລົງນາມໂດຍ ທ່ານ ໄພເລີດ ພົນບູລົມ ຫົວໜ້າຫ້ອງການຄະນະປະຕິຮູບລັດວິສາຫະກິດ, ທ່ານ ນາງ ແພງສີ ແພງເມືອງ ຫົວໜ້າສຳນັກງານ ຄະນະກຳມະການຄຸ້ມຄອງຫຼັກຊັບ, ທ່ານ ສຽວສະຫວາດ ທີລະກຸນຜູ້ອຳນວຍການໃຫຍ່ ຕະຫຼາດຫຼັກຊັບລາວ, ທ່ານ ນາງ ວິໄລທອງ ທຳມະວົງສາ ຜູ້ອໍານວຍການ ບໍລິສັດຫຼັກຊັບ ແອລດີບີ ຈຳກັດຜູ້ດຽວ, ທ່ານ ນາງ ເພັດສະໄໝ ໄຊຍະມຸງຄຸນຮັກສາການຜູ້ອໍານວຍການ ບໍລິສັດຫຼັກຊັບ ທຄຕລ-ກທ ຈຳກັດ, ທ່ານ ຫວາງ ເວີຍຜູ້ອໍານວຍການ ບໍລິສັດຫຼັກຊັບ ລາວ-ຈີນ ມະຫາຊົນ, ທ່ານ ສົມພົບ ສັກພັນພະນົມຜູ້ອຳນວຍການ ບໍລິສັດຫຼັກຊັບ ເອພີເອັມລາວ ຈຳກັດ. ເປັນກຽດເຂົ້າຮ່ວມເປັນສັກຂີພະຍານໂດຍ ທ່ານ ກິແກ້ວ ຈັນທະບູຣີ ຮອງຫົວໜ້າຫ້ອງວ່າການສູນກາງພັກ ທັງເປັນຮອງຫົວໜ້າຄະນະປະຕິຮູບລັດວິສາຫະກິດ, ທ່ານ ສຸລິສັກ ທຳນຸວົງ ຮອງຜູ້ວ່າການ ທະນາຄານແຫ່ງ ສປປ ລາວ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ໃນການເຊັນ MOU ຄັ້ງນີີ້ ແມ່ນເພື່ອເປັນການຍົກລະດັບ ແລະ ສືບຕໍ່ຂອບເຂດການຮ່ວມມື ຈາກບົດບັນທຶກການຮ່ວມມືສອງຝ່າຍ (MOU) ສະບັບລົງວັນທີ 29 ພຶດສະພາ 2025 ຊຶ່ງການຮ່ວມມືໃນຮອບໃໝ່ນີີ້ ໄດ້ຂະຫຍາຍມາເປັນການຮ່ວມມືສາມຝ່າຍຢ່າງເຕັມຮູບແບບ ເພືີ່ອໃຫ້ສອດຄ່ອງກັບການມອບ-ໂອນວຽກງານຄຸ້ມຄອງວິສາຫະກິດລັດລົງທຶນມາຂຶ້ນກັບ ຫ້ອງການຄະນະປະຕິຮູບລັດວິສາຫະກິດ (ຄປລກ) ໂດຍກົງຕາມແຜນປະຕິຮູບຂອງລັດຖະບານ ໂດຍມີສໍານັກງານຄະນະກໍາມະການຄຸ້ມຄອງຫຼັກຊັບ (ສຄຄຊ) ເຂົ້າມາເປັນຝ່າຍທີສາມໃນ MOU ສະບັບໃໝ່ນີີ້ ຖືເປັນທິດທາງອັນສໍາຄັນໃນການເຊືີ່ອມຕໍ່ລະຫວ່າງ ພາກສ່ວນກໍານົດນະໂຍບາຍປະຕິຮູບ (ຄະນະປະຕິຮູບລັດວິສາຫະກິດ ຕາງໜ້າໂດຍຫ້ອງການ ຄປລກ), ພາກສ່ວນຄຸ້ມຄອງກົດລະບຽບຕະຫຼາດທຶນ (ສຄຄຊ) ແລະ ພາກສ່ວນປະຕິບັດງານຕົວຈິງ (ກຸ່ມບໍລິສັດຫຼັກຊັບ).
MOU ໃນຄັ້ງນີີ້ ມີຈຸດປະສົງເພືີ່ອເປັນການສ້າງຄວາມເຂັ້ມແຂງໃຫ້ເເກ່ບັນດາວິສາຫະກິດລັດລົງທຶນ “ລັດວິສາຫະກິດ” ໃນວຽກງານການປະເມີນມູນຄ່າຮຸ້ນ ໃຫ້ກັບບັນດາລັດວິສາຫະກິດ ທີີ່ມີຈຸດປະສົງໃນການປັບປຸງໂຄງສ້າງ ຫຼື ຊອກຫາຄູ່ຮ່ວມຍຸດທະສາດ ລວມທັງວຽກງານການຈັດບຸລິມະສິດໃຫ້ແກ່ບັນດາລັດວິສາຫະກິດທີີ່ມີເງືີ່ອນໄຂ ແລະ ຄວາມພ້ອມ, ປັບປຸງ ແລະ ຊຸກຍູ້ສົ່ງເສີມໃຫ້ແກ່ບັນດາລັດວິສາຫະກິດທີີ່ຄຸ້ມຄອງໂດຍ ຫ້ອງການ ຄປລກ ເພືີ່ອໃຫ້ສາມາດເຂົ້າຈົດທະບຽນໃນຕະຫຼາດຫຼັກຊັບລາວ ຊຶ່ງການຮ່ວມມືໃນຄັ້ງນີີ້ ຈະເປັນການຊ່ວຍໃຫ້ຄະນະປະຕິຮູບລັດວິສາຫະກິດ ໃນການກໍານົດນະໂຍບາຍ ແລະ ລະບຽບການຕ່າງໆ ທີີ່ຕິດພັນກັບການດໍາເນີນທຸລະກິດຂອງວິສາຫະກິດລັດ ລົງທຶນ ແລະ ເປັນການປັບປຸງວິສາຫະກິດລັດລົງທຶນຢ່າງຮອບດ້ານ.
ທິດທາງແຜນການຮ່ວມມືກັນໃນຕໍ່ໜ້າແມ່ນຈະສືບຕໍ່ວຽກງານທີີ່ໄດ້ຈັດຕັ້ງປະຕິບັດໃນໄລຍະທີີ່ຜ່ານມາ ໂດຍອີງຕາມເນືີ້ອໃນຂອບເຂດການຮ່ວມມືກັນໃນບົດບັນທຶກ MOU ເປັນຕົ້ນແມ່ນ: ເປັນທີີ່ປຶກສາດ້ານການເງິນໃຫ້ແກ່ລັດວິສາຫະກິດ ເພືີ່ອກຽມພ້ອມໃນການເຂົ້າຈົດທະບຽນໃນຕະຫຼາດຫຼັກຊັບລາວ, ການປະເມີນມູນຄ່າຮຸ້ນ ແລະ ສ້າງຄວາມເຂັ້ມແຂງໃຫ້ຖານະການເງິນ ເພືີ່ອໃຊ້ເປັນບ່ອນອີງພືີ້ນຖານໃນການປັບປຸງໂຄງສ້າງລັດວິສາຫະກິດ ລວມທັງແກ່ຄະນະປະຕິຮູບລັດວິສາຫະກິດ ແລະ ຫ້ອງການ ຄປລກ ໂດຍຜ່ານການຝຶກອົບຮົມແບບເຈາະລຶກ ເພືີ່ອເປັນການສືບຕໍ່ ແລະ ຍົກລະດັບການຮ່ວມມືໃຫ້ມີຄວາມເລິກເຊິ່ງກວ່າເກົ່າ, ທັງສາມຝ່າຍຈຶ່ງໄດ້ຕົກລົງເຫັນດີຮ່ວມກັນສ້າງຂອບການຮ່ວມມືສາມຝ່າຍນີ້ຂຶ້ນ ຊຶ່ງມີກໍານົດໄລຍະເວລາການຮ່ວມມື 3 ປີ (2026-2029).
ຄາດໝາຍຂອງຜົນທີີ່ໄດ້ຮັບໃນການຮ່ວມມືເພືີ່ອຮັບປະກັນໃຫ້ລັດວິສາຫະກິດມີຄວາມເຂັ້ມແຂງ, ຍົກລະດັບການບໍລິຫານຈັດການໃຫ້ມີປະສິດທິພາບ, ມີຄວາມໂປ່ງໃສ, ມີຄວາມເປັນມືອາຊີບ ແລະ ຍົກສູງຂີດຄວາມສາມາດໃນການແຂ່ງຂັນ. ເປົ້າໝາຍສູງສຸດຄືການກະກຽມຄວາມພ້ອມໃຫ້ແກ່ບັນດາລັດວິສາຫະກິດໃຫ້ສາມາດເຂົ້າເຖິງແຫຼ່ງທຶນ ແລະ ພັດທະນາຕົນເອງໃຫ້ກາຍເປັນອົງກອນທີີ່ເຂັ້ມແຂງ, ພ້ອມທີີ່ຈະເປັນກໍາລັງແຮງຫຼັກໃນການຂັບເຄືີ່ອນເສດຖະກິດຂອງຊາດ.
(ຂ່າວ: ຕຸໄລເພັດ)
ຄໍາເຫັນ