ພົນເອກ ຈັນສະໝອນ ຈັນຍາລາດເນັ້ນສນຫລເອົາໃຈໃສ່ຫຼາຍບັນຫາ

 ຄັ້ງທີ 3 ສະໄໝທີ IV ໃນວັນທີ 12 ກຸມພາຜ່ານມາ ທີ່ກະຊວງປ້ອງກັນປະເທດ ໂດຍມີປະທານ,ຮອງປະທານ, ຄະນະບໍລິຫານງານ ສນຫລ ແຂກຖືກເຊີນເຂົ້າຮ່ວມ.

ສະຫາຍ ພົນໂທ ແສງນວນ ໄຊຍະລາດ ໄດ້ກ່າວວ່າ: ກອງປະຊຸມຄັ້ງນີ້ໄດ້ສະຫຼຸບຕີລາຄາການຈັດຕັ້ງປະຕິບັດມະຕິກອງປະຊຸມສະໄໝສາມັນຄົບຄະນະບໍລິຫານງານ ຄັ້ງທີ 2 ສະໄໝທີ IV ປະຈຳປີ 2024 ແລະ ທິດທາງວຽກງານປີ 2025, ຮັບຟັງບົດລາຍງານຜົນສຳເລັດການຈັດຕັ້ງປະຕິບັດແຜນພັດທະນາຂອງນັກຮົບເກົ່າປະຈຳປີ 2024 ແລະ ທິດທາງແຜນພັດທະນານັກຮົກເກົ່າປີ 2025. ໃນໄລຍະໜຶ່ງປີຜ່ານມາ ສນຫລ ສາມາດຍາດໄດ້ຜົນງານໃນຫຼາຍດ້ານເປັນຕົ້ນໄດ້ສຸມໃສ່ເຮັດວຽກງານການເມືອງ-ນຳພາແນວຄິດ, ປຸກລະດົມຂົນຂວາຍ,ສຶກສາອົບຮົມນັກຮົບເກົ່າ, ປັບປຸງກົງຈັກການຈັດຕັ້ງສະຫະພັນນັກຮົບເກົ່າແຕ່ລະຂັ້ນໃຫ້ມີຄວາມເຂັ້ມແຂງ, ໜັກແໜ້ນ ສາມາດເຄື່ອນໄຫວເຮັດໜ້າທີ່ການເມືອງຂອງຕົນໄປຕາມທິດນຳ ຂອງມະຕິກົມການເມືອງສູນກາງພັກ, ພ້ອມດຽວກັນນັ້ນ, ກໍໄດ້ນຳພາກະກຽມ ແລະ ສຳເລັດກອງປະຊຸມໃຫຍ່ຂັ້ນຮາກຖານ, ຂັ້ນເມືອງ; ຂັ້ນແຂວງ ໃນນັ້ນແຂວງອັດຕະປືສຳເລັດແລ້ວ, ສ່ວນແຂວງອື່ນໆກຳລັງຂຸ້ນຂ້ຽວ ແລະ ຈະເປີດຂຶ້ນໃນມໍ່ໆນີ້,ທົ່ວປະເທດມີນັກຮົບເກົ່າທັງໝົດ 64,505 ສະຫາຍ ຍິງ 7,301 ສະຫາຍ ສົມທຽບໃສ່ປີຜ່ານມີຈໍານວນເພີ່ມຂຶ້ນ ຊຶ່ງນັກຮົບເກົ່າທັງໝົດນີ້ໄດ້ຮັບການເບິ່ງແຍງດູແລ,ໄດ້ຮັບການປະຕິບັດນະໂຍບາຍຈາກພັກ-ລັດ ແລະ ສັງຄົມໄດ້ເປັນຢ່າງດີ, ບັນດາຄອບຄົວນັກຮົບເກົ່າກໍໄດ້ຮັບການພັດທະນາດີຂຶ້ນໂດຍການປູກຝັງ, ລ້ຽງສັດ, ຄ້າຂາຍ ແລະ ອື່ນໆ.

ໂອກາດນີ້, ສະຫາຍ ພົນເອກ ຈັນສະໝອນ ຈັນຍາລາດ ຍັງໄດ້ໂອ້ລົມຕໍ່ຄະນະພັກ,ຄະນະບໍລິຫານງານສນຫລກ່ອນອື່ນສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດພົ້ນເດັ່ນໃນໄລຍະຜ່ານມາພ້ອມທັງເນັ້ນໜັກໃຫ້ຄະນະພັກ, ຄະນະນໍາແຕ່ລະຂັ້ນເອົາໃຈໃສ່ຄົ້ນຄວ້າຮູບແບບໂຄສະນາ-ສຶກສາອົບຮົບການເມືອງແນວຄິດ ຕໍ່ສະມາຊິກນັກຮົບເກົ່າໃຫ້ແທດເໝາະ ແລະ ສອດຄ່ອງແຕ່ລະເປົ້າໝາຍ ໃນແຕ່ລະໄລຍະເພື່ອໃຫ້ເຂົາເຈົ້າກໍາໄດ້ ແລະ ເຂົ້າຮ່ວມການຈັດຕັ້ງປະຕິບັດຕົວຈິງ ໂດຍຖືເອົາ 3 ວັນປະຫວັດສາດສຳຄັນຂອງຊາດ, ການດຳເນີນກອງປະຊຸມໃຫຍ່ 3 ຂັ້ນຂອງພັກໃນປີ 2025 ນີ້ເປັນການໂຄສະນາປຸກລະດົມນັກຮົບເກົ່າ ກໍຄືປະຊາຊົນລາວບັນດາເຜົ່າໃຫ້ເລິກເຊິ່ງ, ກວ້າງຂວາງ; ສນຫລ ຕ້ອງໄດ້ເພີ່ມທະວີເອົາໃຈໃສ່, ແກ້ໄຂບັນດາຂໍ້ຄົງຄ້າງໃນປີຜ່ານມາໃນຂັ້ນຮາກຖານພັກ ເພື່ອຂົນຂວາຍປຸກລະດົມປະຊາຊົນເຮັດວຽກງານຮາກຖານຊ່ວຍຄະນະພັກຂັ້ນເທິງ; ປັບປຸງເນື້ອໃນ ແລະ ຮູບແບບເຄື່ອນໄຫວນຳພາເຮັດແນວໃດ ໃຫ້ສອດຄ່ອງກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່ ເພື່ອຍົກສູງບົດບາດ ແລະ ໜ້າທີ່ຂອງສະຫະພັນນັກຮົບເກົ່າ; ເອົາໃຈໃສ່ປະສານສົມທົບແໜ້ນກັບ ບັນດາກະຊວງ, ອົງການຂັ້ນສູນກາງກໍຄືຄະນະພັກອົງການປົກຄອງທ້ອງຖິ່ນ ເພື່ອເຮັດໜ້າທີ່ໃນການຄຸ້ມຄອງ, ເບິ່ງແຍງດູແລ ແລະ ປະຕິບັດນະໂຍບາຍ ຕໍ່ສະມາຊິກນັກຮົບເກົ່າ; ເອົາໃຈໃສ່ໃນການກະກຽມ ແລະ ຈັດຕັ້ງດຳເນີນກອງປະຊຸມໃຫຍ່ 3 ຂັ້ນຂອງພັກໃຫ້ມີເນື້ອໃນເລິກເຊິ່ງ, ສອດຄ່ອງ, ຮັບປະກັນເລືອກໄດ້ບຸກຄະລາກອນຜູ້ທີ່ມີມາດຖານເງື່ອນໄຂຖືກຕ້ອງ, ມີຄວາມຮູ້-ຄວາມສາມາດໃນການນໍາພາ-ຊີ້ນຳວຽກງານ; ຍູ້ຂະບວນການແຂ່ງຂັນຂອງສະຫະພັນນັກຮົບເກົ່າ ຕິດພັນກັບຂະບວນການຮັກຊາດ ແລະ ພັດທະນາໃຫ້ເຂົ້າສູ່ລວງເລິກ ຕ້ອງສຸມໃສ່ພ້ອມກັນປະຕິບັດຂໍ້ແຂ່ງຂັນຂອງນັກຮົບເກົ່າໃຫ້ແຂງແຮງ ແລະ ເປັນຂະບວນຟົດຟື້ນ; ເອົາໃຈໃສ່ບຳລຸງ, ຍົກລະດັບ, ກໍ່ສ້າງພະນັກງານ ແລະ ປັບປຸງບູລະນະການຈັດຕັ້ງໃຫ້ມີຄວາມເຂັ້ມແຂງ ປະກອບມີພະນັກງານ-ລັດຖະກອນຜູ້ທີ່ມີຄວາມຮູ້, ຄວາມສາມາດ, ມີຄວາມຮັບຜິດຊອບສູງ ແລະ ເຮັດສຳເລັດໜ້າທີ່ວຽກງານທີ່ໄດ້ຮັບມອບໝາຍ; ເພີ່ມທະວີວຽກງານກໍ່ສ້າງຄະນະພັກ, ໜ່ວຍພັກ ແລະ ສະມາຊິກພັກໃຫ້ມີຄວາມປອດໃສ ເຂັ້ມແຂງ ແລະ ໜັກແໜ້ນ; ເອົາໃຈໃສ່ເສີມຂະຫຍາຍສາຍພົວພັນຮ່ວມມືທີ່ເປັນມູນເຊື້ອກັບສະມາຄົມນັກຮົບເກົ່າຫວຽດນາມ ແລະ ບັນດາປະເທດເພື່ອນມິດ ພາກພື້ນ ແລະ ສາກົນ ບົນພື້ນຖານແນວທາງການຕ່າງປະເທດຂອງພັກ-ລັດ ເພື່ອຍົກສູງບົດບາດຂອງນັກຮົບເກົ່າລາວໃນເວທີພາກພື້ນ ແລະ ສາກົນໃຫ້ສູງຂຶ້ນ, ທັງຮັບປະກັນນຳຜົນປະໂຫຍດຕົວຈິງໃນການພັດທະນາວຽກງານຂອງນັກຮົບເກົ່າໃຫ້ມີບາດກ້າວຫັນປ່ຽນດີຂຶ້ນ.

ຂ່າວ-ພາບ: ບຸນຕອມ