ການລົງເຄື່ອນໄຫວຄັ້ງນີ້, ເພື່ອລົງຕິດຕາມ, ກວດກາ, ຊຸກຍູ້ການບໍລິການຂອງບັນດາຫົວໜ່ວຍທຸລະກິດການທ່ອງທ່ຽວ, ໂດຍສະເພາະ ຮ້ານອາຫານ, ທີ່ພັກແຮມ, ເພື່ອແນະນຳໃຫ້ມີການປັບປຸງ ຄຸນນະພາບການບໍລິການ ເພື່ອດືງດູດແຂກມາຊົມໃຊ້ບໍລິການໃຫ້ຫຼາຍຂຶ້ນພາຍໃນເທດສະບານເມືອງບຸນເໜືອ ແລະ ເປັນບ່ອນອີງໃຫ້ແກ່ການຈັດຕັ້ງປະຕິບັດບັນດາໜ້າວຽກໃຫ້ຖືກຕ້ອງຕາມພາລະບົດບາດ, ຕາມໜ້າວຽກຕົວຈີງ ແລະ ເພື່ອເປັນບ່ອນອີງໃນການລົງຕິດຕາມ, ກວດກາ ແລະ ຊຸກຍູ້ ໃຫ້ບັນດາຫົວໜ່ວຍຜູ້ປະກອບການທຸລະກິດການທ່ອງທ່ຽວພາຍໃນແຂວງ ໃຫ້ເຂົ້າສູ່ລະບຽບການທີ່ກ່ຽວຂ້ອງຂອງ ສປປ ລາວ, ພ້ອມນີ້ ກໍເພື່ອຈັດຕັ້ງຜັນຂະຫຍາຍ ຕາມເນື້ອໃນ ທິດທາງແຜນການຂອງພະແນກ ຖວທ ແຂວງໃຫ້ປະກົດຜົນເປັນຈິງ ລວມທັງ ເປັນການປັບປຸງ, ຍົກລະດັບການບໍລິການທາງດ້ານ ໂຮງແຮມ, ເຮືອນພັກ, ຮ້ານອາຫານ, ຮ້ານບັນເທີງ ແລະ ຮ້ານກິນດື່ມ ຢູ່ພາຍໃນເທດສະບານແຂວງຜົ້ງສາລີ ໃຫ້ມີປະສິດທິພາບ ແລະ ເປັນລະບຽບ, ມີຄວາມສະອາດ, ປອດໄພ, ວ່ອງໄວ, ຮັກສາໄດ້ຄວາມສະຫງົບ ແລະ ຖືກຕ້ອງຕາມມາດຖານ ແລະ ເງື່ອນໄຂຂອງການບໍລິການ ໂດຍແນ່ໃສ່ໃນການຮັບປະກັບໃຫ້ແກ່ ນັກທ່ອງທ່ຽວ ທັງພາຍໃນ ແລະ ຕ່າງປະເທດ ທີ່ຈະເດີນທາງເຂົ້າມາທ່ອງທ່ຽວ ແລະ ພັກເຊົ່າຢູ່ພາຍໃນແຂວງຜົ້ງສາລີ.
( ພາບ-ຂ່າວ: ແສງຄໍາ ສາລີວັນ )
ຄໍາເຫັນ