 |
ໃນ 5 ທ່າແຮງບົ່ມຊ້ອນປາຍແຫຼມບົນພື້ນຖານທີ່ຕັ້ງພູມສາດອັນເປັນເອກະລັກຂອງແຂວງທີ່ມີຊາຍແດນຕິດຈອດກັບ 3 ປະເທດເພື່ອນມິດຍຸດທະສາດສປ ຈີນ, ສສ ຫວຽດນາມ, ມີຊົນເຜົ່າຫຼາກຫຼາຍເຖິງ 15 ຊົນເຜົ່າ, ມີບັນດາຕົ້ນຊາທຳມະຊາດອາຍຸເກີນ 400 ປີ ແລະ ຊັບພະຍາກອນທຳມະຊາດອຸດົມສົມບູນ. ຄະນະບໍລິຫານງານພັກແຂວງໄດ້ກຳນົດ 5 ທ່າແຮງບົ່ມຊ້ອນປາຍແຫຼມໃນການພັດທະນາໄລຍະ 2026-2030 ດັ່ງນີ້:ທ່າແຮງທີ 1: ການປູກພືດ ແລະ ຕົ້ນໄມ້ອຸດສາຫະກຳ ໄດ້ສຸມໃສ່ພັດທະນາການປູກຝັງພືດ ແລະ ຕົ້ນໄມ້ອຸດສາຫະກຳ ທີ່ເປັນເສດຖະກິດຫຼັກຂອງແຂວງເປັນສິນຄ້າສົ່ງອອກ ໂດຍສະເພາະ ຊາ, ຢາງພາລາ, ໝາກແໜ່ງ, ກາເຟ, ອ້ອຍ, ສາລີ, ໝາກກ້ວຍ. ຄຽງຄູ່ກັບການສ້າງໂຮງງານປຸງແຕ່ງເພື່ອຍົກມູນຄ່າສິນຄ້າຂຶ້ນເປັນຜະລິດຕະພັນສຳເລັດຮູບ; ທ່າແຮງທີ 2 ການລ້ຽງສັດໃຫຍ່ (ງົວ-ຄວາຍ) ເປັນສິນຄ້າຍາດແຍ່ງເອົາຄວາມໄດ້ປຽບຂອງທົ່ງຫຍ້າພູສູງ, ພູມອາກາດເຢັນທີ່ເໝາະສົມກັບການລ້ຽງງົວ, ຄວາຍ ແລະ ດ້ວຍທີ່ຕັ້ງທີ່ມີທ່າແຮງມີຊາຍແດນຕິດກັບ ສສ ຫວຽດນາມ ແລະ ສປ ຈີນຈຶ່ງກຳນົດການລ້ຽງສັດໃຫຍ່ (ງົວ-ຄວາຍ) ໃຫ້ກາຍເປັນສິນຄ້າສົ່ງອອກໄປສູ່ ສປ ຈີນ ແລະ ສສ ຫວຽດນາມ; ທ່າແຮງທີ 3 ການບໍລິການທາງຜ່ານແຂວງມີແລວເສັ້ນທາງສາຍຕັ້ງ ແລະ ສາຍຂວາງ ຈຶ່ງກຳນົດໃຫ້ມີທ່າແຮງຕໍ່ການພັດທະນາຈຸດພັກລົດ, ການບໍລິການດ້ານຕ່າງໆ ຕາມສາຍທາງແລວສາຍຕັ້ງຈາກດ່ານສາກົນລານຕຸ້ຍ ຜ່ານເມືອງຍອດອູ, ເມືອງບຸນເໜືອ, ເມືອງສຳພັນ, ເມືອງຂວາ ຫາໜອງຂຽວ ແຂວງຫຼວງພະບາງ ແລະ ແລວສາຍຂວາງອອກຈາກປະເທດໄທຜ່ານແຂວງບໍ່ແກ້ວ ຫາແຂວງຫຼວງນ້ຳທາ ຜ່ານແຂວງອຸດົມໄຊ ຜ່ານເມືອງບຸນໃຕ້, ເມືອງສຳພັນ, ເມືອງຂວາ, ເມືອງໃໝ່ ແລ້ວອອກສູ່ ສສ ຫວຽດນາມ ຊຶ່ງເຫັນວ່າເປັນທ່າແຮງໃນການພັດທະນາການບໍລິການທາງຜ່ານຂອງແຂວງ;ທ່າແຮງທີ 4 ການສ້າງເຂດເສດຖະກິດພິເສດຕາມທ່າແຮງທີ່ຕັ້ງ ຈຶ່ງໄດ້ກຳນົດການສ້າງເຂດເສດຖະກິດພິເສດຢູ່ດ່ານສາກົນລານຕຸ້ຍ, ດ່ານສາກົນປາງຫົກ ແລະ ຊາຍແດນ 3 ແຈປະເທດ ລາວ-ຈີນ-ຫວຽດນາມ;ທ່າແຮງທີ 5 ການທ່ອງທ່ຽວສຸມໃສ່ພັດທະນາທ່ອງທ່ຽວທາງດ້ານທຳມະຊາດ, ວັດທະນະທຳ ແລະ ປະຫວັດສາດ ໂດຍສະເພາະຕົ້ນຊາມໍຣະດົກ 400 ປີ, ພູແດນດິນ, ຮີດຄອງປະເພນີ 15 ຊົນເຜົ່າ ຕິດພັນກັບການເຊື່ອມໂຍງເສັ້ນທາງທ່ອງທ່ຽວກັບ ສປ ຈີນ, ສສ ຫວຽດນາມ ແລະ ເສັ້ນທາງລົດໄຟລາວ-ຈີນ.
 |
ໜຶ່ງໃນຄາດໝາຍໃຫຍ່ດ້ານເສດຖະກິດຊຶ່ງໄດ້ຊຸກຍູ້ເສດຖະກິດຂອງແຂວງໃຫ້ຂະຫຍາຍຕົວໃນລະດັບສະເລ່ຍ 5.5%/ປີ ຂຶ້ນໄປຢ່າງມີຄຸນນະພາບ, ຊຸກຍູ້ສ້າງມູນຄ່າ GDP ໃຫ້ບັນລຸ 56,510 ຕື້ກີບ, GDP ຕໍ່ຫົວຄົນຢ່າງໜ້ອຍ 3,021 ໂດລາ ໃນປີ 2030;ໂຄງປະກອບເສດຖະກິດໃນປີ 2030ໃນນັ້ນຂະແໜງກະສິກຳ-ປ່າໄມ້ ໃຫ້ບັນລຸ 5,513 ຕື້ກີບ ຄິດເປັນ 39.89% ຂອງ GDP, ຂະຫຍາຍສະເລ່ຍ 4.23%/ປີ, ຂະແໜງອຸດສາຫະກຳ: ໃຫ້ບັນລຸ 3,218 ຕື້ກີບ ຄິດເປັນ 23.29% ຂອງ GDP, ຂະຫຍາຍສະເລ່ຍ 6.02%/ປີ, ຂະແໜງບໍລິການ: ໃຫ້ບັນລຸ 4,908 ຕື້ກີບ ຄິດເປັນ 35.52% ຂອງ GDP, ຂະຫຍາຍສະເລ່ຍ 7.44%/ປີ, ຂະແໜງພາສີ-ອາກອນ: ໃຫ້ບັນລຸ 180 ຕື້ກີບ ຄິດເປັນ 1.3% ຂອງ GDP, ຂະຫຍາຍສະເລ່ຍ 6.78%/ປີ.
 |
ຄາດໝາຍການລົງທຶນລວມ: ໃນ 5 ປີ (2026-2030) ຄາດວ່າຈະດຶງດູດການລົງທຶນຈາກທຸກແຫຼ່ງທຶນປະມານ 5,943 ຕື້ກີບ ເທົ່າກັບ 11.91% ຂອງ GDP, ໃນນັ້ນ: PIP 477.61 ຕື້ກີບ (8.04%), ODA 252.67 ຕື້ກີບ (4.25%), FDI 3,191.11 ຕື້ກີບ (53.69%), ທຶນທະນາຄານ 1,565.17 ຕື້ກີບ (26.34%) ແລະ ທຶນອື່ນໆ 456.53 ຕື້ກີບ (7.68%).
ຄໍາເຫັນ