ຜົນການສຳຫຼວດ ຊາວ ສ ເກົາຫຼີ ນອນຫຼັບຫຼຸດລົງ - ຫຼັບຍາກເພີ່ມຂຶ້ນ

14:05 05/08/2025

ຂ່າວຕ່າງປະເທດລາຍງານ ໃນວັນທີ 3 ສິງຫາ ຜ່ານມາວ່າ: ຫ້ອງການສະຖິຕິຂອງ ສ ເກົາຫຼີ ໄດ້ເປີດເຜີຍຜົນຂອງການສໍາຫຼວດລ້າສຸດ ຊຶ່ງພົບວ່າໄລຍະເວລາການນອນຫຼັບຂອງຊາວ ສ ເກົາຫຼີ ຫຼຸດລົງເປັນຄັ້ງທໍາອິດໃນປີ 2024. ໂດຍໄລຍະເວລາການນອນຫຼັບສະເລ່ຍປະຈຳວັນຂອງຜູ້ທີ່ມີອາຍຸ 10 ປີຂຶ້ນໄປ ຢູ່ທີ່ 8 ຊົ່ວໂມງ 4 ນາທີ ໃນປີຜ່ານມາ ຊຶ່ງຫຼຸດລົງຈາກ 8 ຊົ່ວໂມງ 12 ນາທີໃນປີ 2019 ແລະ ຫຼຸດລົງຄັ້ງທໍາອິດນັບຕັ້ງແຕ່ເລີ່ມເກັບກໍາຂໍ້ມູນທຸກໆ 5 ປີໃນ 1999.

ຂ່າວລາຍງານວ່າ: ຜົນການສຳຫຼວດສະມາຊິກປະມານ 25,000 ຄົນ ຈາກ 12,750 ຄົວເຮືອນ ພົບວ່າ, ອັດຕາສ່ວນຂອງຜູ້ທີ່ມີບັນຫາການນອນຫຼັບຍາກເພີ່ມຂຶ້ນເປັນ 11.9% ຂອງປະຊາກອນທັງໝົດໃນປີ 2024. ໂດຍອັດຕາສ່ວນດັ່ງກ່າວເພີ່ມຂຶ້ນສູງສຸດໃນກຸ່ມຜູ້ທີ່ມີອາຍຸ 60 ປີຂຶ້ນໄປ (19.6%), ຕາມມາດ້ວຍຜູ້ທີ່ມີອາຍຸ 50-59 ປີ (11.1%) ແລະ ຜູ້ທີ່ມີອາຍຸ 40-49 ປີ (8.2%).

ດ້ານຈຳນວນຊົ່ວໂມງເຮັດວຽກສະເລ່ຍຕໍ່ວັນໃນມື້ທຳມະດາຂອງພະນັກງານອາຍຸ 15 ປີຂຶ້ນໄປແມ່ນ 6 ຊົ່ວໂມງ 8 ນາທີ ໃນປີ 2024, ຫຼຸດລົງຈາກ 6 ຊົ່ວໂມງ 23 ນາທີ ໃນປີ 2019. ໂດຍໃນມື້ທຳມະດາ, ພະນັກງານຊາຍເຮັດວຽກສະເລ່ຍ 6 ຊົ່ວໂມງ 36 ນາທີ, ສ່ວນພະນັກງານຍິງ ເຮັດວຽກ ສະເລ່ຍ 5 ຊົ່ວໂມງ 32 ນາທີ.

ທັງນີ້, ສ ເກົາຫຼີ ໄດ້ເລີ່ມໃຊ້ລະບົບອາທິດໜຶ່ງເຮັດວຽກ 52 ຊົ່ວໂມງ ໃນປີ 2018, ໂດຍລະບົບດັ່ງກ່າວຈຳກັດຈຳນວນຊົ່ວໂມງການເຮັດວຽກປົກກະຕິ ຢູ່ທີ່ 40 ຊົ່ວໂມງ ບວກກັບຊົ່ວໂມງເຮັດວຽກລ່ວງເວລາອີກ 12 ຊົ່ວໂມງ.

ຄໍາເຫັນ

ຂ່າວຕ່າງປະເທດ

ເຢຍລະມັນ ອາດຈະເປັນປະເທດສູນເສຍຜົນປະໂຫຍດຫຼາຍອັນດັບໜຶ່ງຂອງສະຫະພາບເອີຣົບ

05/08/2025 14:07

ຂ່າວສານຊີອາໄອລາຍງານ ຫວ່າງມໍ່ໆມານີ້ວ່າ: ທ່ານ ເຊີເກ ບັສໂກ ຮອງສາສະດາຈານດ້ານເສດຖະສາດ ມະຫາວິທະຍາໄລບາເຊໂລນາ ປະເທດແອັດສະປາຍ ກ່າວວ່າ: ສະຫະພາບເອີຣົບຈະໄດ້ຮັບຜົນປະໂຫຍດໜ້ອຍທີ່ສຸດໃນສັນຍາການຄ້າສະບັບໃໝ່ລະຫວ່າງສະຫະພາບເອີຣົບ ກັບ ສະຫະລັດ ອາເມຣິກາ, ສ່ວນເຢຍລະມັນອາດຈະເປັນປະເທດສູນເສຍຜົນປະໂຫຍດຫຼາຍອັນດັບໜຶ່ງຂອງສະຫະພາບເອີຣົບ.

ໂຕໂຍຕ້າ ເພີ່ມກຳລັງການຜະລິດລົດທົ່ວໂລກ

05/08/2025 14:04

ຂ່າວຕ່າງປະເທດລາຍງານ ໃນວັນທີ 3 ສິງຫາ ຜ່ານມາວ່າ: ບໍລິສັດ ໂຕໂຍຕ້າ ມໍເຕີ ໄດ້ປັບປຸງແຜນເພີ່ມກຳລັງການຜະລິດລົດທົ່ວໂລກ ສຳລັບປີ 2025 ຂຶ້ນເປັນປະມານ 10 ລ້ານຄັນ ຊຶ່ງຖືເປັນຄັ້ງທໍາອິດໃນຮອບ 2 ປີທີ່ໂຕໂຍຕ້າຜະລິດລົດລື່ນກາຍ 10 ລ້ານຄັນ.

ຟີລິບປິນ ມີແຜນຈະໂຈະການນຳເຂົ້າເຂົ້າເປັນການຊົ່ວຄາວ

05/08/2025 14:02

ຂ່າວຕ່າງປະເທດລາຍງານໃນວັນທີ 4 ສິງຫາ ຜ່ານມາວ່າ: ລັດຖະບານຟີລິບປິນອາດຈະພິຈາລະນາຢຸດຕິການນຳເຂົ້າເຂົ້າເປັນການຊົ່ວຄາວ ເພື່ອປົກປ້ອງຊາວກະສິກອນພາຍໃນປະເທດ. ໂດຍກະຊວງກະສິກຳໄດ້ສະເໜີແຜນການດັ່ງກ່າວ ແລະ ຮຽກຮ້ອງໃຫ້ເພີ່ມອັດຕາພາສີນຳເຂົ້າເຂົ້າ, ແຕ່ຍັງບໍ່ທັນໄດ້ກຳນົດເວລາ ແລະ ເງື່ອນໄຂ.

6 ເດືອນຕົ້ນປີນີ້ ລາຍຮັບຈາກການຈໍາໜ່າຍຂອງວິສາຫະກິດຈີນເຕີບໂຕຢ່າງໝັ້ນທ່ຽງ

05/08/2025 14:01

ຂ່າວສານຊີອາໄອລາຍງານ ໃນວັນທີ 4 ສິງຫາ ຜ່ານມາວ່າ: ອີງຕາມໂຕເລກຂໍ້ມູນຫຼ້າສຸດທີ່ອົງການສ່ວຍສາອາກອນແຫ່ງຊາດຈີນເປີດເຜີຍໃຫ້ຮູ້ວ່າ: 6 ເດືອນຕົ້ນປີນີ້, ລາຍຮັບຈາກການຈໍາໜ່າຍຂອງວິສາຫະກິດໃນທົ່ວປະເທດຈີນໄດ້ຮັກສາຈັງຫວະການເຕີບໂຕຢ່າງໝັ້ນທ່ຽງ, ຂະນະທີ່ການພັດທະນາອຸດສາຫະກໍາການຜະລິດຂອງຈີນໄດ້ຮັບການຍົກລະດັບໃຫ້ມີຄຸນນະພາບສູງຂຶ້ນບົນພື້ນຖານຄວາມໝັ້ນທ່ຽງ.

ຫວຽດນາມ ຈັດກອງປະຊຸມຄະນະຊີ້ນໍາການພັດທະນາຂະແໜງອຸດສາຫະກຳເຄິ່ງຊັກນຳໄຟຟ້າ

05/08/2025 14:01

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 4 ສິງຫາ ຜ່ານມານີ້, ທ່ານ ຟ້າມມິງຈິງ ນາຍົກ ລັດຖະມົນຕີ ຫວຽດນາມ ຫົວໜ້າຄະນະຊີ້ນຳແຫ່ງຊາດກ່ຽວກັບການພັດທະນາຂະແໜງອຸດສາຫະກຳເຄິ່ງຊັກນຳໄຟຟ້າ ໄດ້ເປັນປະທານກອງປະຊຸມຄັ້ງທີ 2 ຂອງຄະນະຊີ້ນຳ. ກອງປະຊຸມດັ່ງກ່າວຈັດຂຶ້ນແບບເຊິ່ງໜ້າຢູ່ສຳນັກງານລັດຖະບານ ທີ່ ນະຄອນຫຼວງຮ່າໂນ້ຍ ແລະ ເຊື່ອມຕໍ່ທາງໄກກັບແຂວງ, ນະຄອນ ແລະ ບັນດາມະຫາວິທະຍາໄລ, ສະຖາບັນ, ເຂດອຸດສາຫະກຳເຕັກໂນໂລຊີສູງຈຳນວນໜຶ່ງ.

ນູແວນເຊລັງ ວາງແຜນເກັບຄ່າທຳນຽມສະຖານທີ່ທ່ອງທ່ຽວທີ່ນິຍົມ

04/08/2025 13:14

ຂ່າວຕ່າງປະເທດລາຍງານໃນວັນທີ 2 ສິງຫາ ຜ່ານມາວ່າ: ນູແວນເຊລັງ (ນິວຊີແລນ) ກຽມເກັບຄ່າທຳນຽມຈາກນັກທ່ອງທ່ຽວຕ່າງປະເທດສູງເຖິງ 40 ໂດລານິວຊີແລນ (24 ໂດລາ) ສຳລັບການເຂົ້າຊົມສະຖານທີ່ທ່ອງທ່ຽວທີ່ມີຊື່ສຽງເຊັ່ນ: Milford Track ແລະ Mount Cook ເພື່ອສະໜັບສະໜູນການເຕີບໂຕທາງດ້ານເສດຖະກິດຂອງປະເທດ.

ຄອງຊູແອັດ ສ້າງລາຍຮັບໄດ້ 153 ຕື້ໂດລາ

04/08/2025 13:11

ຂ່າວຕ່າງປະເທດລາຍງານວ່າ: ໃນທ້າຍເດືອນກໍລະກົດ ຜ່ານມາ, ທ່ານໂອຊາມາ ຣາບີ ປະທານອົງການຄອງຊູແອັດ ຂອງເອຢິບ ໄດ້ເປີດເຜີຍວ່າ, ຄອງຊູແອັດ ສ້າງລາຍຮັບໄດ້ 153 ຕື້ໂດລາ ແລະອຳນວຍຄວາມສະດວກໃຫ້ແກ່ການຂົນສົ່ງຂອງເຮືອປະມານ 1.1 ລ້ານລຳ ນັບຕັ້ງແຕ່ຄອງຊູແອັດເປັນຂອງຊາດ ໃນປີ 1956 ຈົນເຖິງປັດຈຸບັນ.

ເສດຖະກິດດີຈີຕອນມາເລເຊຍ ມີທ່າກ້າວເຕີບໂຕຢ່າງວ່ອງໄວ

04/08/2025 11:55

ຂ່າວຕ່າງປະເທດລາຍງານ ໃນທ້າຍອາທິດ ຜ່ານມາວ່າ: ກະຊວງດີຈີຕອນ ມາເລເຊຍ ປະກາດວ່າ, ເສດຖະກິດດີຈີຕອນຂອງມາເລເຊຍມີທ່າອ່ຽງເຕີບໂຕ, ໂດຍໄດ້ຮັບຄວາມສົນໃຈຢ່າງຫຼວງຫຼາຍຈາກນັກລົງທຶນຈີນພາຍຫຼັງການຢ້ຽມຢາມຂັ້ນສູງທີ່ປະສົບຜົນສຳເລັດຫວ່າງບໍ່ດົນມານີ້.

ການສົ່ງອອກ - ນຳເຂົ້າສິນຄ້າ ຂອງຫວຽດນາມ ເພີ່ມຂຶ້ນກວ່າ 16%

04/08/2025 11:53

ວິທະຍຸກະຈາຍສຽງຫວຽດນາມລາຍງານວ່າ: ຕາມໂຕເລກສະຖິຕິໃນເບື້ອງຕົ້ນຂອງກົມພາສີ ກະຊວງການເງິນ ຫວຽດນາມ, ຍອດມູນຄ່າການສົ່ງອອກ - ນໍາເຂົ້າສິນຄ້າ ຂອງ ຫວຽດນາມ ໃນໄຕມາດທີ 1 ເດືອນກໍລະກົດ 2025 (ແຕ່ວັນທີ 1 – 15 ກໍລະກົດ), ບັນລຸ 38.21 ຕື້ກວ່າໂດລາ. ໝາກຜົນດັ່ງກ່າວໄດ້ຍົກຍອດມູນຄ່າສົ່ງອອກ - ນໍາເຂົ້າຂອງ ຫວຽດນາມ ນັບແຕ່ຕົ້ນປີຮອດວັນທີ 15 ກໍລະກົດ ບັນລຸ 470.63 ຕື້ໂດລາ, ເພີ່ມຂຶ້ນ 16.2% ເມື່ອທຽບໃສ່ໄລຍະດຽວກັນຂອງປີ 2024. ໃນນັ້ນ, ຍອດມູນຄ່າສົ່ງອອກຂອງວິສາຫະກິດມີເງິນລົງທຶນຈາກຕ່າງປະເທດ (FDI) ບັນລຸ 329 ຕື້ກວ່າໂດລາ.

ປົກປັກຮັກສາ ເມືອງບູຮານທີ່ມີຄວາມຊົງຈຳ ຫ່າງຈາກນະຄອນຫຼວງປັກກິ່ງໄປທາງທິດຕາເວັນຕົກສ່ຽງໃຕ້ ປະມານ 300 ກິໂລແມັດ ມີເມືອງບູຮານແຫ່ງໜຶ່ງຄືເມືອງເຈີ້ງຕິ້ງ ແຂວງເຫີເປີຍຈີນ.

04/08/2025 11:45

ເມືອງບູຮານທີ່ມີປະຫວັດຄວາມເປັນມາ 1,600 ກວ່າປີໄດ້ຈົ່ງກຸ່ມສະຖາປັດຕະຍະກຳບູຮານທີ່ສືບທອດມາເປັນ 9 ລາຊະວົງ ໄວ້ຢ່າງລຽນຕິດກັນແບບບໍ່ຄ່ອຍເຫັນໃນປະຫວັດສາດນັ້ນໃຫ້ແກ່ເຈີ້ງຕິ້ງ. ປັດຈຸບັນ, ເມືອງເຈີ້ງຕິ້ງ ມີສະຖາປັດຕະຍະກຳບູຮານນັບຕັ້ງແຕ່ສະໄໝລາຊະວົງສຸຍ ແລະ ລາຊະວົງຖັງ 38 ແຫ່ງ, ມີຫົວໜ່ວຍອະນຸລັກວັດຖຸບູຮານສຳຄັນລະດັບຊາດເຖິງ 10 ແຫ່ງ. ຊຸມປີຜ່ານມານີ້, ເມືອງບູຮານທີ່ມີຄວາມຊົງຈຳແຫ່ງນີ້ໄດ້ດຶງດູດນັກທ່ອງທ່ຽວໄປທ່ຽວຊົມເປັນຈຳນວນຫຼວງຫຼາຍ.

ເພີ່ມເຕີມ