ໃນການກວດມະເຮັງເຕົ້ານົມ. ໂດຍແມ່ຍິງທີ່ຈ່າຍເງິນຄ່າກວດດ້ວຍ AIມີທ່າອ່ຽງກວດພົບມະເຮັງໄດ້ຢ່າງຊັດເຈນຂຶ້ນ 21%.
ຂ່າວລະບຸວ່າ: DeepHealth, ບໍລິສັດAIຂອງRadNetຜູ້ຊ່ຽວຊານດ້ານລັງສີວິທະຍາຂອງສະຫະລັດ ອາເມຣິກາ ໄດ້ນໍາສະເໜີຜົນການສຶກສາໃນກອງປະຊຸມປະຈໍາປີຂອງສະມາຄົມລັງສີວິທະຍາ ແຫ່ງອາເມຣິກາເໜືອ (RSNA) ໂດຍການສຶກສາດັ່ງກ່າວກ່ຽວຂ້ອງກັບຜູ້ຍິງທີ່ໄດ້ກວດມະເຮັງເຕົ້ານົມໃນໄລຍະ 12 ເດືອນ ຈຳນວນ 747,604 ຄົນ.
ອັດຕາການກວດພົບມະເຮັງໂດຍລວມຂອງຜູ້ເຂົ້າຮ່ວມໂຄງການແມ່ນສູງກວ່າຜູ້ທີ່ບໍ່ໄດ້ເຂົ້າຮ່ວມໂຄງການເຖິງ 43%, ໂດຍຜູ້ຍິງບາງສ່ວນເລືອກໃຊ້ຊັອຟແວ AIທີ່ໄດ້ຮັບການອະນຸມັດຈາກອົງການອາຫານ ແລະຢາຂອງສະຫະລັດ ອາເມຣິກາ ໃນການກວດ ເພື່ອເປັນ "ດວງຕາຄູ່ທີສອງ" ທີ່ຊ່ວຍໃຫ້ ນັກລັງສີວິທະຍາ ລະບຸຄວາມຜິດປົກກະຕິໃນການກວດສອບມະເຮັງເຕົ້ານົມ.
ບົດລາຍງານລະບຸວ່າ: 22% ຂອງການກວດພົບມະເຮັງທີ່ເພີ່ມຂຶ້ນ ແມ່ນຍ້ອນຄົນເຈັບທີ່ມີຄວາມສ່ຽງສູງມີທ່າອ່ຽງທີ່ຈະເຂົ້າຮ່ວມໂຄງການນີ້ຕັ້ງແຕ່ເລີ່ມຕົ້ນ. ແຕ່ການວິເຄາະໄດ້ສະຫຼຸບວ່າ 21% ທີ່ຍັງເຫຼືອແມ່ນເປັນຜົນຈາກການໃຊ້AIໃນການເພີ່ມອັດຕາຜົນບວກທີ່ແທ້ຈິງ (recall rate)ຂອງການຈຳລອງຮູບພາບເພີ່ມເຕີມ.
ນັກຄົ້ນຄວ້າກ່າວຕື່ມວ່າ: ໃນປັດຈຸບັນກຳລັງພະຍາຍາມວັດແທກປະໂຫຍດຂອງAIໃນບົດບາດນີ້ໃຫ້ດີຍິ່ງຂຶ້ນ ໂດຍຜ່ານການທົດລອງສຸ່ມແບບມີກຸ່ມຄວບຄຸມ.
ຄໍາເຫັນ