ຄະນະປະຈຳພັກ ຮອງຫົວໜ້າ ສມປຊກໍາມະການຄະນະບໍລິຫານງານສູນກາງຊາວໜຸ່ມ ປປ ລາວ ເລຂາຄະນະບໍລິຫານງານຊາວໜຸ່ມ ສມປຊ, ເປັນກຽດເຂົ້າຮ່ວມຂອງສະຫາຍ ພູວົງ ອຸ່ນຄຳແສນ ກຳມະການສູນກາງພັກ ເລຂາພັກຫົວໜ້າສມປຊ, ສະຫາຍ ມອນໄຊ ລາວມົວຊົ່ງ ກໍາມະການສໍາຮອງສູນກາງພັກ ເລຂາຄະນະບໍລິຫານງານສູນກາງຊາວໜຸ່ມ ປປ ລາວ ແລະການນຳພັກ-ລັດ, ອະດີດການນຳຊາວໜຸ່ມ, ບັນດາອົງການຈັດຕັ້ງມະຫາຊົນເຂົ້າຮ່ວມ.
ກອງປະຊຸມຄັ້ງນີ້,ມີຜູ້ເຂົ້າຮ່ວມທັງໝົດ 197 ສະຫາຍ, ຍິງ 89 ສະຫາຍ. ໃນນີ້, ມີຜູ້ແທນສົມບູນ 111 ສະຫາຍ,ຍິງ53ສະຫາຍ.ຜູ້ແທນກອງປະຊຸມ ໄດ້ພ້ອມກັນຄົ້ນຄວ້າປະກອບຄໍາເຫັນດ້ວຍບັນຍາກາດຟົດຟື້ນ ແລະກົງໄປກົງມາ, ເຮັດໃຫ້ກອງປະຊຸມສໍາເລັດຕາມຈຸດປະສົງທີ່ວາງໄວ້.
ກອງປະຊຸມໄດ້ພ້ອມກັນຄົົ້ນຄວ້າແລະຮັບຮອງເອົາບົດລາຍງານການເມືອງທີ່ສະເໜີໂດຍສະຫາຍ ສົມສີ ຈັນຕະພົມ ຮອງເລຂາຄະນະບໍລິຫານງານຊາວໜຸ່ມ ສມປຊ.ເນື້ອໃນລາຍງານການເມືອງໄດ້ຕີລາຄາສູງຜົນງານໃນການຈັດຕັ້ງປະຕິບັດມະຕິກອງປະຊຸມໃຫຍ່ຄະນະບໍລິຫານງານຊາວໜຸ່ມ ຄັ້ງທີ IV. ໃນນັ້ນ, ໄດ້ຕີລາຄາດ້ານດີ,ດ້ານອ່ອນ,ສາເຫດແລະບົດຮຽນການເຄື່ອນໄຫວຽກກງານຜ່ານມາດັ່ງນີ້:
ໜຶ່ງ, ຄະນະຊາວໜຸ່ມໄດ້ເອົາໃຈໃສ່ວຽກງານສຶກສາອົບຮົມການເມືອງແນວຄິດໃຫ້ແກ່ສະມາຊິກຊາວໜຸ່ມ ທົ່ວສະຖາບັນ, ອັນໄດ້ເຮັດໃຫ້ສະມາຊິກຊາວໜຸ່ມ ຍາມໃດກໍເປັນກໍາລັງປະຈັນບານໃນການຈັດຕັ້ງປະຕິບັດໜ້າທີ່ຂອງ ສມປຊ,ມີຄວາມຈົງຮັກພັກດີຕໍ່ພັກ, ມີຄວາມກະຕືລືລົ້ນສະແຫວງຫາຄວາມກ້າວໜ້າ, ດຸໝັ້ນສຶກສາຮໍ່າຮຽນ, ປະກອບສ່ວນຢ່າງຕັ້ງໜ້າເຂົ້າໃນພາລະກິດປົກປັກຮັກສາແລະສ້າງສາປະເທດຊາດກໍຄືພັດທະນາສະຖາບັນ, ມີຫຼັກໝັ້ນການເມືອງທີ່ໜັກແໜ້ນ, ເຊື່ອໝັ້ນຕໍ່ການນໍາພາຂອງພັກ, ມີສະຕິຕໍ່ການຈັດຕັ້ງ, ເຄົາລົບຕໍ່ລະບຽບກົດໝາຍຂອງລັດ.
ສອງ, ກົງຈັກການຈັດຕັ້ງຊາວໜຸ່ມໄດ້ຮັບການປັບປຸງຕາມທິດກະທັດຮັດ, ມີປະສິດທິຜົນ, ສະມາຊິກຊາວໜຸ່ມໄດ້ຮັບການພັດທະນາຂຶ້ນຢ່າງບໍ່ຢຸດຢັ້ງ. ອົງການຈັດຕັ້ງຊາວໜຸ່ມ ໄດ້ກາຍເປັນບ່ອນສ້າງບຸກຄະລະກອນໃຫ້ແກ່ພັກ, ສະມາຊິກຊາວໜຸ່ມໄດ້ຮັບການກໍ່ສ້າງໂດຍຜ່ານຂະບວນການຊາວໜຸ່ມ ແລະຄັດເລືອກເອົາຜູ້ທີ່ມີຄວາມຫ້າວຫັນ, ດີເດັ່ນເພື່ອເຂົ້າຮຽນສະໜັບສະໜູນໄດ້52 ສະຫາຍ, ຍິງ 29 ສະຫາຍ; ຮຽນກົດລະບຽບພັກ 71 ສະຫາຍ, ຍິງ 34 ສະຫາຍ;ເຂົ້າເປັນສະມາຊິກພັກສໍາຮອງ 80 ສະຫາຍ, ຍິງ 38 ສະຫາຍ; ເຂົ້າເປັນສະມາຊິກພັກສົມບູນ 75 ສະຫາຍ, ຍິງ 33 ສະຫາຍ. ສະມາຊິກຊາວໜຸ່ມໄດ້ຮັບການບັນຈຸ, ສັບຊ້ອນ, ມອບຄວາມຮັບຜິດຊອບໃຫ້ດຳລົງຕຳແໜ່ງຂັ້ນຕ່າງໆເຊັ່ນ: ວິຊາການ ເປັນຮອງຫົວໜ້າພະແນກ 23 ສະຫາຍ, ຍິງ 13 ສະຫາຍ; ຮອງຫົວໜ້າພະແນກ ເປັນຫົວໜ້າພະແນກ 9 ສະຫາຍ, ຍິງ 1 ສະຫາຍ; ຫົວໜ້າພະແນກ ເປັນຮອງຫົວໜ້າກົມ 3 ສະຫາຍ, ຍິງ 1 ສະຫາຍ; ຫົວໜ້າກົມເປັນຮອງຫົວໜ້າ ສມປຊ 1 ສະຫາຍ.
ສາມ, ສະມາຊິກຊາວໜຸ່ມສາມາດເສີມຂະຫຍາຍໄດ້ບົດບາດປະຈັນບານໃນການປະຕິບັດວຽກງານການຮຽນ-ການສອນ ໂດຍໄດ້ຂຶ້ນຫ້ອງສອນ ໃນລະບົບຮຽນຕ່າງໆ ດ້ວຍຄວາມເປັນເຈົ້າການ, ສາມາດປະຕິບັດຊົ່ວໂມງສອນ, ເປັນກຳມະການສອບເສັງໄດ້ທັງໝົດ 17.319 ຊົ່ວໂມງ, ແນະນໍາບົດປ້ອງກັນຈົບຊັ້ນ ສໍາເລັດ 260 ຫົວຂໍ້; ປະກອບສ່ວນຂຽນປື້ມຕໍາລາຮຽນໄດ້ຈໍານວນ 20 ວິຊາ.ການຄົ້ນຄວ້າວິທະຍາສາດ, ເປັນເສນາທິການໃຫ້ແກ່ຄະນະພັກ, ຄະນະນໍາສະຖາບັນ ການຄົ້ນຄວ້າວິທະຍາສາດ ຢູ່ພາຍໃນສະຖາບັນ ສຳເລັດຈຳນວນ 80 ຫົວຂໍ້, ຂຽນບົດຄົ້ນຄວ້າລົງວາລະສານ ຈຳນວນ 117ບົດ.
ສີ່, ຂະບວນການຊາວໜຸ່ມ 4 ບຸກໄດ້ຮັບການຈັດຕັ້ງປະຕິບັດຢ່າງຕໍ່ເນື່ອງປະກອບສ່ວນໃນການກໍ່ສ້າງສະມາຊິກຊາວໜຸ່ມ,ໄລຍະແຕ່ປີ 2020-2023ຮັບຮອງບັນດາຮາກຖານຊາວໜຸ່ມທີ່ໄດ້ຮັບການປະເມີນເປັນຮາກຖານ 4 ບຸກ ຈໍານວນ 51 ເທື່ອຮາກຖານ; ສາມາດຮັບຮອງເປັນສະມາຊິກ 4 ບຸກໄດ້ 1.537 ສະຫາຍ, ຍິງ 568 ສະຫາຍ. ໃນນັ້ນ, ປະເພດແຂງ1.440 ສະຫາຍ, ຍິງ 546 ສະຫາຍ, ປະເພດກາງ 94 ສະຫາຍ, ຍິງ 23 ສະຫາຍ.
ຈາກຜົນງານການປະກອບສ່ວນດັ່ງກ່າວ, ເຮັດໃຫ້ສະມາຊິກຊາວໜຸ່ມ ໄດ້ຮັບການຍ້ອງຍໍ ຂັ້ນຕ່າງໆ ຈາກລັດຖະບານຄື: ໄດ້ຮັບຫຼຽນໄຊແຮງງານ ຊັ້ນ II ຈໍານວນ 1 ສະຫາຍ, ຊັ້ນ III ຈໍານວນ 2 ສະຫາຍ; ຫຼຽນກາແຮງງານ ຈຳນວນ 2 ສະຫາຍ, ຍິງ 2 ສະຫາຍ; ໃບຍ້ອງຍໍລັດຖະບານ ຈຳນວນ 13 ສະຫາຍ, ຍິງ 2 ສະຫາຍ, ຫຼຽນກາລະນຶກ 65 ປີ ຈາກສູນກາງຊາວໜຸ່ມປະຊາຊົນປະຕິວັດລາວ ຈຳນວນ 114 ສະຫາຍ, ຍິງ 53 ສະຫາຍ, ຍ້ອງຍໍຈາກສະຖາບັນການເມືອງແຫ່ງຊາດ ໂຮ່ຈິມິນ ສສ ຫວຽດນາມ ປະເພດຫຼຽນກາມິດຕະພາບຈຳນວນ 4 ສະຫາຍ, ຍິງ 2 ສະຫາຍ; ສະມາຊິກຊາວໜຸ່ມໄດ້ຍ້ອງຍໍອາຈານສອນດີ-ສອນເກັ່ງປະເພດ I ຈຳນວນ35 ສະຫາຍ, ຍິງ 5 ສະຫາຍ; ປະເພດ II ຈຳນວນ 11 ສະຫາຍ, ຍິງ 4ສະຫາຍແລະປະເພດ III ຈຳນວນ25 ສະຫາຍ, ຍິງ 7 ສະຫາຍ.ນັກສຶກສາຮຽນເກັ່ງ-ມີວິໄນດີ: ປະເພດ I ຈຳນວນ43 ສະຫາຍ, ຍິງ13ສະຫາຍ; ປະເພດ II ຈຳນວນ 147ສະຫາຍ, ຍິງ41ສະຫາຍແລະປະເພດ III ຈຳນວນ129ສະຫາຍ, ຍິງ46 ສະຫາຍ.
ກອງປະຊຸມໄດ້ເປັນເອກະພາບສູງຮັບຮອງເອົາຄາດໝາຍສູ້ຊົນ,ທິດທາງແຜນການເຄື່ອນໄຫວວຽກງານຊາວໜຸ່ມ ປີ 2025-2029ດັ່ງນີ້:
1). ເອົາໃຈໃສ່ຈັດຕັ້ງປະຕິບັດຢ່າງສະເໝີຕົນສະເໝີປາຍ ໃນການສຶກສາອົບຮົມການເມືອງ-ແນວຄິດ, ປູກຈິດສຳນຶກທີ່ດີ ແລະກ້າວໜ້າ ໃຫ້ແກ່ສະມາຊິກຊາວໜຸ່ມເຊື່ອມຊຶມກຳແໜ້ນ, ມີທັດສະນະຫຼັກໝັ້ນການເມືອງໜັກແໜ້ນ ໂດຍຜ່ານຂະບວນການຊາວໜຸ່ມ ດ້ວຍຮູບແບບ“ເພື່ອນຊ່ວຍເພື່ອນ”, ການສ້າງຕົວແບບຊາວໜຸ່ມ, ຮາກຖານຕົວແບບ ໃຫ້ເປັນຮູບປະທໍາ.
2). ເພີ່ມທະວີຄວາມສາມັກຄີເປັນເອກະພາບ ພາຍໃນຄະນະບໍລິຫານງານຊາວໜຸ່ມ, ສະມາຊິກຊາວໜຸ່ມ, ນໍາພາເຄື່ອນໄຫວຖືກຕ້ອງຕາມລະບຽບຫຼັກການທີ່ວາງອອກ; ດໍາເນີນຊີວິດການເມືອງຮັບປະກັນໃຫ້ໄດ້ 3 ລັກສະນະຄື: ລັກສະນະນໍາພາ, ລັກສະນະສຶກສາອົບຮົມ ແລະລັກສະນະຕໍ່ສູ້ ຢ່າງແຂງແຮງ;ເສຍເງິນສະຕິເປັນປົກກະຕິ ແນໃສ່ປັບປຸງການຈັດຕັ້ງຊາວໜຸ່ມແຕ່ລະຂັ້ນໃຫ້ມີຄວາມເຂັ້ມແຂງ, ໜັກແໜ້ນ; ປຸກລະດົມໃຫ້ສະມາຊິກຊາວໜຸ່ມ ທີ່ຮອດເກນອາຍຸ ໃຫ້ສືບຕໍ່ປະກອບສ່ວນເຂົ້າໃນວຽກງານຊາວໜຸ່ມຂອງສະຖາບັນ ໃນໄລຍະເວລາໃດໜຶ່ງຕື່ມອີກ ເພື່ອເອົາໃຈໃສ່ວຽກງານຕິດຕາມການເຄື່ອນໄຫວ, ຊ່ວຍເຫຼືອກໍ່ສ້າງມະຫາຊົນ.
3). ປຸກລະດົມ, ຊຸກຍູ້ຊາວໜຸ່ມ ປະກອບສ່ວນຢ່າງຕັ້ງໜ້າເຂົ້າໃນການຈັດຕັ້ງປະຕິບັດຫຼັກສູດການຮຽນ-ການສອນຢ່າງແຂງແຮງ, ສ້າງໃຫ້ຄູ-ອາຈານ, ນັກສຶກສາໜຸ່ມ ສາມາດກຳແໜ້ນພື້ນຖານທິດສະດີມາກ-ເລນິນ, ແນວຄິດໄກສອນ ພົມວິຫານ, ແນວທາງ ຂອງພັກ-ນະໂຍບາຍຂອງລັດ,ຊຸກຍູ້ຂະບວນການແຂ່ງຂັນສອນດີ-ສອນເກັ່ງ, ນັກຮຽນເກັ່ງ-ມີວິໄນດີ, ເຮັດສຳເລັດເໜ້າທີ່ການສຶກສາຮໍ່າຮຽນ, ສາມາດນຳໃຊ້ຄວາມຮູ້, ເພີ່ມຄວາມສາມາດ ເມື່ອຈົບໄປແລ້ວ ເຂົ້າສູ່ວຽກງານຕົວຈິງຢູ່ກົມກອງທ້ອງຖິ່ນຕົນຢ່າງປະດິດສ້າງ, ມີປະສິດທິຜົນສູງຂຶ້ນກວ່າເກົ່າ.ຊຸກຍູ້, ສົ່ງເສີມເຂົ້າໃນການຄົ້ນຄວ້າວິທະຍາສາດ ເປັນຕົ້ນແມ່ນການເຂົ້າຮ່ວມຂຽນປຶ້ມຕໍາລາ, ປຶ້ມແບບຮຽນ, ຂຽນບົດລົງວາລະສານ, ເຂົ້າຮ່ວມໂຄງການຄົ້ນຄວ້າວິທະຍາສາດລະດັບຊາດ, ລະດັບສະຖາບັນ, ຄົ້ນຄວ້າບົດຮຽນການພັດທະນຊາວໜຸ່ມໃຫ້ໄດ້ 2 ຫົວຂໍ້ໃຫຍ່, ຖາມ-ຕອບວິທະຍາສາດ ໃຫ້ໄດ້ 3 ຄັ້ງ.ເພີ່ມທະວີຄວາມເປັນເຈົ້າການຂອງສະມາຊິກຊາວໜຸ່ມ ປະກອບສ່ວນຢ່າງຕັ້ງໜ້າໃນການເຄື່ອນໄຫວວຽກງານບໍລິຫານ, ບໍລິການຮັບໃຊ້ການຮຽນ-ການສອນ, ການຄົ້ນຄວ້າວິທະຍາສາດ, ເບິ່ງແຍງຊີວິດການເປັນຢູ່ຂອງພະນັກງານ, ນັກສຶກສາ; ເປັນເສນາທິການໃຫ້ແກ່ຄະນະພັກ, ຄະນະນຳສະຖາບັນ ໃນການເຄື່ອນໄຫວເຮັດໜ້າທີ່ວຽກງານພັກ, ພະນັກງານ.
4). ສືບຕໍ່ຊຸກຍູ້ຂະບວນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ຂອງຊາວໜຸ່ມ ໃຫ້ມີຄວາມຟົດຟື້ນແຂງແຮງກວ່າເກົ່າ, ສ້າງຕົວແບບທາງດ້ານການປະຕິບັດໜ້າທີ່ວິຊາສະເພາະ, ສ້າງເສດຖະກິດ, ແກ້ໄຂຊີວິດການເປັນຢູ່,ຊອກໄດ້ບຸກຄົນດີເດັ່ນ ກາຍເປັນຕົວແບບໃນຖັນແຖວຊາວໜຸ່ມ.
5). ສ້າງໄດ້ບາດກ້າວບຸກທະລຸໃນການພັດທະນາຊາວໜຸ່ມທັງ 3 ດ້ານຄື: ບຸກທະລຸດ້ານການເມືອງ-ແນວຄິດ, ບຸກທະລຸດ້ານວິຊາສະເພາະ ແລະບຸກທະລຸດ້ານພາສາຕ່າງປະເທດ ໂດຍເອົາໃຈໃສ່ການຝຶກອົບຮົມໄລຍະສັ້ນ, ບໍາລຸງຄືນໃໝ່ເປັນຕົ້ນຕໍ, ບໍາລຸງຍົກລະດັບດ້ານວຽກວິຊາສະເພາະ, ທັກສະໃນການສິດສອນ, ການຄົ້ນຄວ້າວິທະຍາສາດ; ບໍາລຸງຍົກລະດັບຄວາມຮູ້ດ້ານຂະບວນການ ແລະການຈັດຕັ້ງຂະບວນການຊາວໜຸ່ມ ໃຫ້ແກ່ບັນດາຮາກຖານຊາວໜຸ່ມ.
6). ເພີ່ມທະວີເປີດກວ້າງການຮ່ວມມື ກັບຄະນະຊາວໜຸ່ມ ທັງພາຍໃນ ແລະຕ່າງປະເທດ ເປັນຕົ້ນແມ່ນການເສີມຂະຫຍາຍການຮ່ວມມືກັບຄະນະຊາວໜຸ່ມ ໂຮ່ຈິມິນ ສະຖາບັນການເມືອງແຫ່ງຊາດຊາດໂຮ່ຈິມິນ, ເຂົ້າຮ່ວມໂຄງການຮ່ວມມື ກັບບັນດາອົງການຈັດຕັ້ງສາກົນ ເພື່ອຍົກສູງຂີດຄວາມສາມາດໃນການສິດສອນ, ການຄົ້ນຄວ້າວິທະຍາສາດ, ວຽກງານຂະບວນການຊາວໜຸ່ມ ຂອງສະມາຊິກຊາວໜຸ່ມສະຖາບັນ; ສຶກສາຄວາມເປັນໄປໄດ້ໃນການສ້າງຊາວໜຸ່ມແຮກສ່ຽວກັບ ຄະນະຊາວໜຸ່ມກະຊວງ, ອົງການ ເພື່ອແນໃສ່ແລກປ່ຽນບົດຮຽນການເຄື່ອນໄຫວຊາວໜຸ່ມ, ຮ່ວມກັນຄົ້ນຄວ້າວິທະຍາສາດ.
7). ເອົາໃຈໃສ່ຄົ້ນຄວ້າ, ກຳນົດແຜນການເຄື່ອນໄຫວຢ່າງເປັນປົກກະຕິ, ສົມທົບກັບພາກສ່ວນທີ່ກ່ຽວຂ້ອງ ຂຶ້ນແຜນງົບປະມານ ຂອງແຕ່ລະໂຄງການເຄື່ອນໄຫວໃນແຕ່ລະປີໃຫ້ທັນກັບເວລາ ທີ່ຂັ້ນເທິງກຳນົດ; ສືບຕໍ່ສູ້ຊົນສ້າງລາຍຮັບ, ສ້າງກອງທຶນທີ່ມີຄວາມຍືນຍົງເພື່ອໝູນໃຊ້ເຂົ້າໃນການສົ່ງເສີມວຽກງານຊາວໜຸ່ມ. ພ້ອມທັງຕິດຕາມ, ກວດກາຄຸ້ມຄອງລາຍຮັບ-ລາຍຈ່າຍ ເປັນປົກກະຕິ, ຖືກຕ້ອງຕາມລະບຽບການເງິນວາງອອກ, ຮັບປະກັນຄວາມໂປ່ງໃສ ແລະກວດສອບໄດ້.
8). ສຸມໃສ່ຢ່າງແຂງແຮງໃນການປັບປຸງກົງຈັກການຈັດຕັ້ງ ຄະນະກວດກາຄະນະບໍລິຫານງານຊາວໜຸ່ມຂັ້ນສະຖາບັນ ແລະຂັ້ນຮາກຖານ ໃຫ້ຮັບປະກັນລັກສະນະຄົບຖ້ວນ, ກະທັດຮັດ ແລະມີຄວາມເຂັ້ມແຂງ, ເຮັດໜ້າທີ່ພາລະບົດບາດໃຫ້ມີຄຸນນະພາບສູງກາຍເປັນເສນາທິການເຂັ້ມແຂງ ຂອງຄະນະພັກ, ຄະນະຊາວໜຸ່ມແຕ່ລະຂັ້ນ ແລະຖັນແຖວຊາວໜຸ່ມ.
ຜູ້ແທນກອງປະຊຸມເຫັນດີເປັນເອກະພາບກັບບົດສໍາຫຼວດການນໍາພາຂອງຄະນະບໍລິຫານງານຊາວໜຸ່ມ ສມປຊ ສະໄໝທີ IV ຊຶ່ງໄດ້ເປັນບົດຮຽນອັນສໍາຄັນໃຫ້ ຄະນະບໍລິຫານງານຊາວໜຸ່ມ ສມປຊ ຊຸດທີ Vໃນການຈັດຕັ້ງນໍາພາວຽກງານຊາວໜຸ່ມ.
ຜູ້ແທນກອງປະຊຸມໄດ້ພ້ອມກັນໃຊ້ສິດຂອງຕົນປ່ອນບັດເລືອກຕັ້ງເອົາຄະນະບໍລິຫານງານຊາວໜຸ່ມ ສມປຊ ສະໄໝທີ V ບົນພື້ນຖານຫຼັກການລວມສູນປະຊາທິປະໄຕ ທັງຖືກຕ້ອງສອດຄ່ອງກັບມາດຖານເງື່ອນໄຂທີ່ກໍານົດໄວ້ ຊຶ່ງມີຜູ້ຮັບສະໝັກເລືອກຕັ້ງທັງໝົດ 11 ສະຫາຍ, ຍິງ 6 ສະຫາຍ ແລະເລືອກໄດ້ຄະນະບໍລິຫານງານຊາວໜຸ່ມ ສມປຊ ຊຸດທີVປະກອບມີ9 ສະຫາຍ, ຍິງ 4 ສະຫາຍ; ກອງປະຊຸມຄັ້ງປະຖົມມະລຶກໄດ້ເປັນເອກະສັນເລືອກເອົາເລຂາ, ຮອງເລຂາ ແລະ ຄະນະຊາວໜຸ່ມ ສມປຊ ສະໄໝທີ V ໄດ້ດັ່ງນີ້: 1. ສະຫາຍນາງ ດາວອນ ບຸດທະນຸວົງ ເປັນເລຂາ, 2. ສະຫາຍ ຄໍາໝັ້ນ ພົມມະຈັນ ແລະ ສະຫາຍ ນາງ ລຸນນີ ໄໝທະວີເພັດ ເປັນຮອງເລຂາ.ເລືອກຕັ້ງເອົາຄະນະກວດກາດັ່ງນີ້:1). ສະຫາຍຄໍາໝັ້ນ ພົມມະຈັນເປັນປະທານ, 2). ສະຫາຍພູນສຸກ ສິດທິແສງ ເປັນຮອງ.
ກອງປະຊຸມໃຫຍ່ ຄະນະບໍລິຫານງານຊາວໜຸ່ມ ສມປຊ ຄັ້ງທີV ໄດ້ຮັບຟັງການໂອ້ລົມ ແລະ ໃຫ້ທິດເຍືອງທາງຈາກສະຫາຍ ມອນໄຊ ລາວມົວຊົ່ງ ກຳມະການສຳຮອງສູນກາງພັກ, ເລຂາຄະນະບໍລິຫານງານສູນກາງຊາວໜຸ່ມ ປປ ລາວຊຶ່ງການໂອ້ລົມຂອງສະຫາຍສຸດທີ່ມີເນື້ອໃນ, ມີຄວາມໝາຍສຳຄັນຄົບຖ້ວນເລິກເຊິ່ງ ພວກເຮົາຖືຄຳໂອ້ລົມດັ່ງກ່າວເປັນຄຳສັ່ງ, ເປັນເຂັມທິດເຍືອງທາງ ແລະເປັນການມອບໝາຍຂອງພັກ,ຂອງລັດໃຫ້ຄະນະບໍລິຫານງານຊາວໜຸ່ມ ກໍຄືຜູ້ແທນກອງປະຊຸມນຳໄປຄົ້ນຄວ້າເຊື່ອມຊຶມ ຈັດຕັ້ງປະຕິບັດຜັນຂະຫຍາຍໃຫ້ເກີດໝາກຜົນຕົວຈິງ ແລະນຳເອົາຜົນປະໂຫຍດສູງສຸດມາໃຫ້ ສມປຊ ພວກເຮົາ.
ກອງປະຊຸມໄດ້ປິດລົງດ້ວຍຜົນສໍາເລັດອັນຈົບງາມ ໃນຕອນເຊົ້າຂອງວັນດຽວກັນ.
ຄໍາເຫັນ