ສະຫະພັນກຳມະບານເຂດປົກຄອງຕົນເອງເຜົ່າຈ້ວງ ແລກປ່ຽນບົດຮຽນກັບ ສະຫະພັນກຳມະບານແຂວງວຽງຈັນ.

ທ່ານ ວໍຣະສອນ ສີອັກຄະສອນ ໄດ້ລາຍງານຫຍໍ້ສະພາບລວມຂອງແຂວງ ແລະ ສະພາບລວມຂອງສະຫະພັນກຳມະບານແຂວງ ພ້ອມທັງຍົກໃຫ້ເຫັນຜົນງານການເຄື່ອນໄຫວໃນໄລຍະຜ່ານມາ.

ທ່ານ ເວ ຢົງຊານ ໄດ້ຍົກໃຫ້ເຫັນສາຍພົວພັນຮ່ວມມືລະຫວ່າງສອງຊາດ ລາວ-ຈີນ ພ້ອມທັງລາຍງານຫຍໍ້ກ່ຽວກັບສະພາບການທີ່ກ່ຽວຂ້ອງຂອງສະຫະພັນກຳມະບານເຂດປົກຄອງຕົນເອງເຜົ່າຈ້ວງແຂວງກວາງຊີ.

ໃນໂອກາດພົບປະກັນຄັ້ງນີ້, ຍັງໄດ້ມີການແລກປ່ຽນບົດຮຽນເຊິ່ງກັນ ແລະ ກັນ ເປັນຕົ້ນ ແມ່ນເນື່ອງໃນໂອກາດຄົບຮອບ 65 ປີ ສາຍພົວພັນການທູດ ລາວ-ຈີນ ທີ່ຈະມາເຖິງ ທັງສອງສະຫະພັນຈະມີກິດຈະກຳຫຍັງແດ່ທີ່ສາມາດຈັດຮ່ວມກັນ; ພ້ອມນີ້ ຍັງມີຄວາມສົນໃຈບັນດາໂຄງປະກອບດ້ານອຸດສະຫະກຳທີ່ເປັນທ່າແຮງຂອງແຂວງວຽງຈັນ, ບັນດາກິດຈະກຳການເຄື່ອນໄຫວວຽກງານຂອງສະມາຊິກສະຫະພັນກຳມະບານແຂວງ ແລະ ມີມາດຕະການຫຍັງແດ່ໃນການປົກປ້ອງສິດຂອງກຳມະກອນຊາວຜູ້ອອກແຮງງານຄົນລາວ ແລະ ຊາວຕ່າງປະເທດ ທີ່ມາເຄື່ອໄຫວຢູ່ແຂວງວຽງຈັນ. ພ້ອມນີ້ ສະຫະພັນກຳມະບານແຂວງວຽງຈັນ ສົນໃນບັນດາວິທີການປະສານກັບບັນນັກລົງທຶນ, ເຈົ້າຂອງກິດຈະການ, ໂຮງງານຕ່າງໆ ໃນການສ້າງຕັ້ງຮາກຖານກຳມະບານຢູ່ພາຍໃນວິສາຫະກິດດັ່ງກ່າວ ເພື່ອສະດວກໃນການຄຸ້ມຄອງ. ຊຶ່ງແຕ່ລະບັນຫາທັງສອງຝ່າຍກໍ່ໄດ້ມີການສົນທະນາແລກປ່ຽນບົດຮຽນເຊິ່ງກັນ ແລະ ກັນ ຢ່າງກົງໄປກົງມາ ເພື່ອນຳມາເປັນບົດຮຽນໃນການປະຕິບັດໜ້າທີ່ວຽກງານຂອງຕົນໃນຕໍ່ໜ້າໃຫ້ດີຂຶ້ນ.

(ແຫຼ່ງຂ່າວ: ແຂວງວຽງຈັນ)