ແລະ ມີຄວາມສວຍງາມ ໂດຍສະເພາະໄດ້ເນັ້ນໃສ່ເປັນເອກະລັກຂອງຊົນເຜົ່າແລນແຕນ,ໄດ້ນຳມາວາງສະແດງ ແລະ ຂາຍ ໃນງານມະຫະກຳສີມືຫັດຖະກຳລາວຄັ້ງທີ 23 ປະຈຳປີ 2024, ເປັນຄັ້ງທີ 2 ຊຶ່ງໃນແຕ່ລະຄັ້ງໄດ້ສ້າງຄວາມສົນໃຈໃຫ້ກັບຜູ້ເຂົ້າມາທ່ຽວໃນງານໄດ້ເປັນຢ່າງດີ.
ທ່ານ ນາງ ພອນທິດາ ເຕີນມະນີ ເຈົ້າຂອງຮ້ານ ຫັດຖະກຳພອນທິດາ ເຕີນມະນີ ບ້ານນໍ້າດີ ແຂວງຫຼວງນໍ້າທາໄດ້ໃຫ້ສຳພາດຕໍ່ນັກຂ່າວວ່າ:ໃນເບື້ອງຕົ້ນກ່ອນຈະມາເປັນຮ້ານຫັດຖະກຳພອນທິດາ ເຕີນມະນີຂ້າພະເຈົ້າແມ່ນມີອາຊິບໃນການເຮັດໄຮ່,ເຮັດນາ,ພາຍຫຼັງສຳເລັດການເຮັດນາ ແລະ ໄດ້ມາເຮັດວຽກເສີມໃນວຽກງານການປັກແຊ່ວເຄື່ອງຊົນເຜົ່າເພື່ອໄວ້ຂາຍໃຫ້ແກ່ກັບບັນດານັກທ່ອງທ່ຽວທີ່ມາທ່ອງທ່ຽວຢູ່ພາຍໃນບ້ານ,ໃນ3-4ປີຜ່ານມາຕົນເອງໄດ້ເຮັດດ້ວຍສີໄມ້ລາຍມືຂອງຕົນເອງທີ່ເນັ້ນໃສ່ເປັນເອກະລັກຂອງຊົນເຜົ່າແລນແຕນ,ປັດຈຸບັນໄດ້ຜະລິດແຜ່ນຮອງຈອກ,ຮອງຈານ,ຜ້າພັນຄໍ,ສາຍແຂນ,ຖົງຜ້າ,ເສື້ອ ແລະ ອື່ນໆຊຶ່ງທຸກຜະລິດຕະພັນ ນອກຈາກເຮັດດ້ວຍຕົນເອງແລ້ວ,ໃນນັ້ນຍັງໄດ້ສົ່ງເສີມໃຫ້ປະຊາຊົນບັນດາບ້ານຕ່າງໆເຮັດຕື່ມອີກ,ປັດຈຸປັນແມ່ນໄດ້ວາງຂາຍຢູ່ຮ້ານຫັດຖະກຳ ພອນທິດາ ເຕີນມະນີ ບ້ານນໍ້າດີ ແຂວງຫຼວງນໍ້າທາ. ໃນນັ້ນ,ຍັງໄດ້ຂາຍທາງອອນລາຍຕື່ມອີກ, ລູກຄ້າສ່ວນຫຼາຍແມ່ນເປັນຄົນລາວ,ສຳລັບສິນຄ້າແຜ່ນຮອງຈອກມີ ລາຄາ 25,000ກີບ,ກະເປົາ 150,000ກີບ,ເສື້ອ 750,000 ກີບ,ໃນຂະນະດຽວກັນແຜນໃນຕໍ່ໜ້າ ແມ່ນຢາກສົ່ງອອກໄປຂາຍຕ່າງປະເທດແຕ່ປັດຈຸບັນແມ່ນຍັງຕ້ອງການຜູ້ໃຫ້ການຮ່ວມມືໃນການຕິດຕໍ່ພົວພັນໃນການຂະຫຍາຍອອກຂາຍຕ່າງປະເທດ. ສະນັ້ນ,ຖ້າຫາກມີພາກສ່ວນໃດຢາກເຂົ້າໄປຮ່ວມມື ແລະ ໃຫ້ການຊຸກຍູ້ສົ່ງເສີມກໍສາມາດເຂົ້າໄປຕິດຕໍ່ພົວພັນໄດ້ທີ່ຮ້ານຫັດຖະກຳພອນທິດາ ເຕີນມະນີ.
ທ່ານ ນາງ ພອນທິດາ ເຕີນມະນີໃຫ້ຮູ້ຕື່ມວ່າ:ການມາເຂົ້າຮ່ວມວາງຂາຍສິນຄ້າໃນງານມະຫະກຳ ສີມືຫັດຖະກຳລາວປີນີ້ ແມ່ນເປັນຄັ້ງທີ 2 ຊຶ່ງການມາເຂົ້າຮ່ວມໃນຄັ້ງທີ່ຜ່ານມາກໍເຫັນວ່າໄດ້ຮັບການຕອບຮັບຈາກບັນດານັກທ່ອງທ່ຽວທີ່ເຂົ້າມາທ່ຽວໃນງານໄດ້ເປັນຢ່າງດີ. ສະນັ້ນ,ເຊື່ອແນວ່າຖ້າຫາກຄົນລາວຫາກຫັນມາຊົມໃຊ້ຜະລິດຕະພັນພາຍໃນໃຫ້ຫຼາຍຂຶ້ນຊຶ່ງຈະເປັນການກະຕຸກຊຸກຍູ້,ສົ່ງເສີມໃຫ້ຄົນລາວມີຫົວຄິດປະດິດສ້າງນັບມື້ນັບມີຫຼາຍຜະລິດຕະພັນທີ່ຫຼາກຫຼາຍອອກມາໃຫ້ສັງຄົມໄດ້ຊົມໃຊ້ ແລະ ທັງເປັນການຊ່ວຍເຮັດໃຫ້ປະຊາຊົນລາວບັນດາເຜົ່າໄດ້ມີວຽກເຮັດງານທຳທີ່ໝັ້ນຄົງ ແລະ ເຮັດໃຫ້ຜະລິດຕະພັນພາຍໃນມີຄວາມເຂັ້ມແຂງ ແລະ ຂະຫຍາຍຕົວຂຶ້ນເລື້ອຍໆ.
(ຂ່າວ-ພາບ:ສຳນານ)
ຄໍາເຫັນ