ພູນຊັບຟາມາ ຈຳກັດ ເນັ້ນວາງສະແດງຜະລິດຕະພັນຢາບໍາລຸງແມ່ຫຼັງເກີດ ໂອກາດສະຫຼອງວັນສາທາລະນະສຸກ

ທ່ານ ສຸລິຍົມ ຈັນດາລາສານ ຜູ້ອຳນວຍການ ບໍລິສັດ ພູນຊັບຟາມາ ຈຳກັດ ໄດ້ໃຫ້ສໍາພາດຕໍ່ນັກຂ່າວໜັງສືພິມປະຊາຊົນວ່າ: ບໍລິສັດ ພູນຊັບຟາມາ ຈຳກັດ ເປັນໜຶ່ງບໍລິສັດນໍາເຂົ້າຢາ ແລະ ອຸປະກອນການແພດຈາກຕ່າງປະເທດ. ຕົນເອງມີຄວາມຮູ້ສຶກພາກພູມໃຈ ແລະ ຮູ້ສຶກດີໃຈຫຼາຍ ທີ່ໄດ້ເປັນສ່ວນໜຶ່ງເຂົ້າຮ່ວມວາງສະແດງຜະລິດຕະພັນຢາຂອງບໍລິສັດໃນຄັ້ງນີ້ ຊຶ່ງມີຫຼາກຫຼາຍຜະລິດຕະພັນທີ່ພົ້ນເດັ່ນ ແລະ ຫຼັກໆແມ່ນເນັ້ນຜະລິດຕະພັນບໍາລຸງແມ່ຍິງຫຼັງຄອດ (ຫຼັງເກີດລູກ) ຫຼື ເພີ່ມນໍ້ານົມແມ່ ເພື່ອໃຫ້ພຽງພໍໃນການລ້ຽງລູກ ໂດຍສະເພາະ ສປປ ລາວ ວຽກງານໃນຂົງເຂດສາທາລະນະສຸກແມ່ນໄດ້ສົ່ງເສີມການລ້ຽງລູກດ້ວຍນົມແມ່ ເພື່ອໃຫ້ລູກແຂງ ແຮງກໍສາມາດສ້າງສາຍສໍາພັນຕໍ່ແມ່ກັບລູກ ເມື່ອແມ່ໄດ້ຮັບຜະລິດຕະພັນຢາບໍາລຸງຫຼັງເກີດ ຈະມີຜົນດີຫຼາຍຢ່າງເຊັ່ນ: ເຮັດໃຫ້ນົມແມ່ມີຄຸນນະພາບ, ນົມແມ່ມາໄວຂຶ້ນ, ເຮັດໃຫ້ລູກແຂງແຮງແມ່ກໍແຂງແຮງໄປພ້ອມໆກັນ. ບັນຫາແມ່ຫຼັງເກີດຈະມີອາການ: ອາລົມບໍ່ດີ, ງຸດງິດ, ມີຄວາມຄຽດງ່າຍ. ສະນັ້ນ, ຫຼັງຈາກໄດ້ຮັບປະທານຜະລິດຕະພັນຢາບໍາລຸງແມ່ຫຼັງເກີດ ກໍຈະເຮັດໃຫ້ອາລົມຂອງແມ່ມີຄວາມຜ່ອນ ຄາຍບໍ່ງຸດງິດ, ບໍ່ຕຶງຄຽດ ແລະ ບໍ່ເຄັງຕຶງ ເຮັດໃຫ້ສຸຂະພາບແມ່ພື້ນຟູໄວຂຶ້ນ, ເຮັດໃຫ້ນໍ້ານົມສົ່ງໄປຫາລູກມີປະສິດທິພາບ ເມື່ອລູກແຂງແຮງແມ່ກໍແຂງແຮງໄປນໍາ.

ບໍລິສັດ ພູນຊັບຟາມາ ຈຳກັດ ໄດ້ເປີດມາເປັນເວລາ 10 ກວ່າປີແລ້ວ ເຮັດໃຫ້ມີການພັດທະ ນາ ແລະ ເຕີບໂຕຫຼາຍຂຶ້ນໃນຂະແໜງສາທາລະນະສຸກ ກໍຄືຂະແໜງການຢາຂອງພວກເຮົາ ໂດຍສະ ເພາະຢາກໍໄດ້ອັບເດດໂມເລກຸນໃໝ່ໆຂຶ້ນມາ ເພື່ອເຮັດໃຫ້ມີການແທດເໝາະກ່ຽວກັບປັບໂຕຂອງເຊື້ອພະຍາດ. ສະນັ້ນ, ຢາທຸກຊະນິດທີ່ນໍາເຂົ້າຈະເປັນຢາທີ່ມີຄຸນນະພາບທັນກັບການລະບາດຂອງພະຍາດຕ່າງໆຂອງໂລກ.

ທ່ານ ສຸລິຍົມ ຈັນດາລາສານ ຍັງໄດ້ຝາກເຖິງສັງຄົມ, ປະຊາຊົນຖ້າເຈັບເປັນທຸກຄັ້ງບໍ່ຄວນຊື້ຢາກິນເອງ, ຕ້ອງໄປຫາແພດໝໍ ເພື່ອຈະໄດ້ຮັບການປິ່ນປົວ, ການວິນິດໃສ, ເພື່ອໄດ້ຮັບການບົ່ງມະຕິທີ່ຖືກຕ້ອງ ແລະ ໄດ້ຮັບຢາທີ່ຖືກຕ້ອງຈຶ່ງຈະປອດໄພຕໍ່ສຸຂະພາບ ແລະ ຂໍຝາກເຖິງການນໍາສາທາ ລະນະສຸກ ສືບຕໍ່ໃຫ້ຄວາມສໍາຄັນເລື່ອງສຸຂະສຶກສາ ເພື່ອເຮັດໃຫ້ປະຊາຊົນໄດ້ຮັບຮູ້ຂໍ້ມູນຂ່າວສານການໃຊ້ຢາຢ່າງສົມເຫດສົມຜົນຫຼາຍຂຶ້ນ ເນື່ອງຈາກການຊື້ຢາກິນເອງບາງຄັ້ງຈະມີຄວາມສ່ຽງຕໍ່ສຸຂະພາບທີ່ອາດຈະເກີດຜົນຂ້າງຄຽງ, ອາດຈະຮ້າຍແຮງ ຫຼື ບໍ່ຮ້າຍແຮງ. ເນື່ອງໃນໂອກາດວັນທີ່ມີຄວາມໝາຍສໍາຄັນດັ່ງກ່າວ ທ່ານ ສຸລິຍົມ ຈັນດາລາສານ ຍັງໄດ້ອວຍພອນໃຊ້ອັນປະເສີດໃຫ້ການນໍາໃນຂົງເຂດສາທາລະນະສຸກ, ແພດໝໍທຸກທ່ານ ຈົ່ງມີແຕ່ຄວາມສຸກກາຍສະບາຍໃຈ, ມີສຸຂະພາບດີ ແລະ ແຂງແຮງຕະຫຼອດໄປ. ຖ້າທ່ານໃດສົນໃຈຊື້ຜະລິດຕະພັນຢາບໍາລຸງແມ່ຫຼັງເກີດ ສາມາດຊອກຊຶື້ໄດ້ຕາມຮ້ານຂາຍຢາທົ່ວໄປ ຫຼື ບໍລິສັດ ພູນຊັບຟາມາ ຈຳກັດ ຕັ້ງຢູ່ບ້ານໂນນຄໍ້ ເມືອງໄຊເສດຖາ ນະຄອນ ຫຼວງວຽງຈັນ.