 |
ໂອກາດນີ້ ສະຫາຍ ນາງ ແສງທອງ ລາທິພົງ ປະທານ ຄະນະກໍາມະການປົກຄອງ ຕາແສງ ຊຽງທອງ ໄດ້ລາຍງານວ່າ: ຕາແສງຊຽງທອງ ປະກອບມີຄະນະພັກ 09 ສະຫາຍ, ຍິງ 03 ສະຫາຍ, ຄະນະກຳມະການປົກຄອງຕາແສງ 08 ທ່ານ, ຍິງ 04 ທ່ານ, ມີປະທານຕາແສງ 01 ທ່ານ, ຮອງປະທານຕາແສງ 02 ທ່ານ, ມີຫົວໜ້າໜ່ວຍງານ 05 ທ່ານ, ມີພະນັກງານຜູ້ຊ່ວຍວຽກຂອງໜ່ວຍງານ 05 ທ່ານ, ຜ່ານການຈັດຕັ້ງປະຕິບັດໜ້າທີ່ ຕາມພາລະບົດບາດ ນັບແຕ່ໄດ້ຮັບການສ້າງຕັ້ງໃນເດືອນພຶດສະພາຜ່ານມາ ໄດ້ສໍາເລັດການແບ່ງຄວາມຮັບຜິດຊອບພາຍໃນ, ສໍາເລັດການເຜີຍແຜ່ບັນດານິຕິກຳ ໃຫ້ປະຊາຊົນບັນດາເຜົ່າໃນ 30 ບ້ານພາຍໃນຕາແສງ, ອອກແຈ້ງການ ຫາ ການຈັດຕັ້ງບ້ານ 30 ບ້ານພາຍໃນຕາແສງ ເພື່ອສະຫຼຸບລາຍງານວຽກງານຮອບດ້ານຂອງບ້ານເປັນແຕ່ລະໄລຍະ, ທັງພ້ອມກັນເຄື່ອນໄຫວຊຸກຍູ້ວຽກງານແຕ່ລະດ້ານຢ່າງແຂງແຮງ.
 |
ໂອກາດນີ້ ສະຫາຍ ພົນເອກ ວິໄລ ຫຼ້າຄຳຟອງ ໄດ້ມີຄໍາເຫັນໂອ້ລົມ ເນັ້ນໃຫ້ຄະນະກຳມະການຕາແສງ ຖືສຳຄັນໃນການຊຸກຍູ້ວຽກງານ ປກຊ-ປກສ ໃຫ້ມີຄວາມເຂັ້ມແຂງ, ບົນພື້ນຖານໃຫ້ປະຊາຊົນບັນດາເຜົ່າໄດ້ມີສ່ວນຮ່ວມຢ່າງຕັ້ງໜ້າ, ເພື່ອສະກັດກັ້ນບັນຫາການກໍ່ຄວາມບໍ່ສະຫງົບ, ບັນດາປະກົດການຫຍໍ້ທໍ້ທີ່ເກີດຂຶ້ນຈາກການມົ້ວສຸມສີ່ງເສບຕິດ, ສຸມໃສ່ສຶກສາອົບຮົມຊາວໜຸ່ມ ລູກ-ຫຼານ ຂອງປະຊາຊົນບັນດາເຜົ່າບໍ່ໃຫ້ໄປຫຍຸ້ງກ່ຽວກັບສີ່ງເສບຕິດ, ເພື່ອເຮັດໃຫ້ແຕ່ລະບ້ານມີຄວາມສະຫງົບຮອບດ້ານ, ຊຸກຍູ້ວຽກງານບໍລິການ-ການທ່ອງທ່ຽວ ໃຫ້ຫຼາກຫຼາຍ ເພື່ອດືງດູດນັກທ່ອງທ່ຽວ ນັກລົງທຶນເຂົ້າມາທ່ອງທ່ຽວ ແລະ ພັດທະນາຫຼວງພະບາງໃຫ້ຫຼາຍຂຶ້ນ.
ໂອກາດເຄື່ອນໄຫວຢ້ຽມຢາມຄັ້ງນີ້ ພົນເອກ ວິໄລ ຫຼ້າຄຳຟອງ ໄດ້ມອບຄອມພິວເຕີ ຈຳນວນ 15 ຊຸດ, ເຄື່ອງພີມເອກະສານ (ປິ່ນເຕີ) 5 ເຄື່ອງ ແລະ ລົດຈັກ 5 ຄັນ ໃຫ້ແກ່ 5 ຕາແສງ ຄື: ຕາແສງຊຽງທອງ, ຕາແສງເມືອງງາ, ຕາແສງເມືອງຂາຍ, ຕາແສງປາກເຊືອງ ແລະ ຕາແສງສັງຄະໂລກ ນະຄອນ ຫຼວງພະບາງ ເພື່ອຮັບໃຊ້ເຂົ້າໃນວຽກງານໃຫ້ມີປະສິດທິຜົນສູງຂຶ້ນ.
ຂ່າວ: ອາພຸດເດດ ບຸບຜາ, ພາບ: ທະນູສິນ ອິດທິພົນ
ຄໍາເຫັນ