 |
ເຂົ້າຮ່ວມຮັບຟັງ ມີ ທ່ານ ທິນນະກອນ ກອງຄໍາ ຮອງເລຂາພັກ ປະທານຄະນະກໍາມະການປົກຄອງເມືອງສີສັດຕະນາກ ຮັບຜິດຊອບຊີ້ນໍາໜ່ວຍປ່ອນບັດ ບ້ານວັດນາກ ແລະ ໜ່ວຍປ່ອນບັດວິທະຍາຄານປ້ອງກັນຊາດ ໄກສອນ ພົມວິຫານ, ໂຮງຮຽນເລົ່າຮົບສື່ສານ, ສູນສ້ອມແປງລາວ-ຈີນ ແລະ ສູນສ້ອມແປງລົດເຮືອ, ທ່ານ ສິດປະເສີດ ອຸເທນທະປັນຍາ ຮອງເລຂາພັກ ປະທານກວດກາພັກ-ລັດ ຮັບຜິດຊອບຊີ້ນໍາໜ່ວຍປ່ອນບັດບ້ານດອນກອຍ, ໜ່ວຍເຄື່ອນທີ່ ແລະ ໜ່ວຍປ່ອນບັດເຄື່ອນທີ່ກົມໃຫຍ່ພາລາ ປກສ ໂຮງໝໍ 5 ເມສາ ພ້ອມດ້ວຍຄະນະ,ອຳນາດການປົກຄອງບ້ານ ແລະ ປະຊາຊົນຈໍານວນ 8 ບ້ານ ຄື: ບ້ານບຶງຂະຫຍອງ, ບ້ານພະໂພ, ບ້ານພະໄຊ, ບ້ານທາດຂາວ, ບ້ານໂພນສະຫວັນເໜືອ, ບ້ານໂພນສະຫວັນໃຕ້, ບ້ານໂສກປ່າຫຼວງ, ສະພານທອງໃຕ້.
ການລົງພົບປະຄັ້ງນີ້ ໜ່ວຍທີ 1 ມີຈໍານວນ 5 ທ່ານ ຊຶ່ງນຳພາໂດຍ ທ່ານ ອາດສະພັງທອງ ສີພັນດອນ (ນໍ້າເບີ 2) ເຈົ້າຄອງ ນວ, ທ່ານ ນາງ ດາລານີ ພົມມະວົງສາ (ນໍ້າເບີ 7) ຮອງລັດຖະມົນຕີກະຊວງວັດທະນະທຳ ແລະ ການທ່ອງທ່ຽວ, ທ່ານ ສາລະພິດ ສູນວໍລະວົງ (ນໍ້າເບີ 12) ຫົວໜ້າພະແນກແຮງງານ ແລະ ສະຫວັດດີການສັງຄົມ ນວ, ທ່ານ ທະນົງສິດ ເມືອງຈັນ (ນໍ້າເບີ 13) ຫົວໜ້າພະແນກເຕັກໂນໂລຊີ ແລະ ການສື່ສານ ນວ ແລະ ທ່ານ ນາງ ກັນທິນາ ປ້ານອິນຫວນ (ນໍ້າເບີ 17) ຫົວໜ້າກົມຕິດຕາມກວດກາວຽກງານຍຸຕິທຳ ກຳມາທິການຍຸຕິທຳສະພາແຫ່ງຊາດ ຮອງປະທານສະຫະພັນແມ່ຍິງສະພາແຫ່ງຊາດ.
 |
ໂອກາດນີ້, ບັນດາຜູ້ສະໝັກໄດ້ຜັດປ່ຽນກັນສະເໜີປະຫວັດການເຄື່ອນໄຫວຂອງຕົນ ແລະ ວິໄສທັດການພັດທະນາປະເທດຊາດເວົ້າລວມ, ເວົ້າສະເພາະ ນວ ໂດຍເນັ້ນໃສ່ການເປັນຕົວແທນແຫ່ງສິດ ແລະ ຜົນປະໂຫຍດຂອງປະຊາຊົນຢ່າງແທ້ຈິງ ພ້ອມກັນນັ້ນຍັງໄດ້ຮຽກຮ້ອງໃຫ້ຜູ້ມີສິດເລືອກຕັ້ງໄປໃຊ້ສິດປ່ອນບັດໃນວັນທີ 22 ກຸມພາ 2026 ນີ້ຢ່າງພ້ອມພຽງ, ເລືອກເອົາຕົວແທນທີ່ມີຄຸນສົມບັດ, ຄວາມຮູ້, ຄວາມສາມາດ ເພື່ອເຂົ້າໄປເຮັດໜ້າທີ່ໃນສະພາແຫ່ງຊາດ.
(ຂ່າວ: ແສງຈັນ)
ຄໍາເຫັນ