 |
ການລົງເຄື່ອນໄຫວຄັ້ງນີ້, ເພື່ອຮັບປະກັນໃຫ້ການໂຄສະນາຫາສຽງ ແລະ ການແນະນໍາຕົວຂອງຜູ້ສະໝັກ ໃຫ້ມີຄວາມທົ່ວເຖິງ ແລະ ເລິກເຊິ່ງໃນທຸກຂົງເຂດ, ຄະນະຜູ້ສະໝັກໄດ້ມີການແບ່ງຈຸລົງພົບປະພະນັກງານຫຼັກແຫຼ່ງ ແລະ ປະຊາຊົນໃນແຕ່ລະຈຸດຢ່າງໃກ້ຊິດ. ພ້ອມດຽວກັນນັ້ນ, ໃນພິທີຍັງໄດ້ມີການຜ່ານຊີວະປະຫວັດຫຍໍ້ ແລະ ຜົນງານການເຄື່ອນໄຫວ ຂອງຄະນະຜູ້ສະໝັກທຸກທ່ານ (ລວມທັງກຸ່ມ ທີ່ເຄື່ອນໄຫວຢູ່ຈຸດອື່ນ) ຢ່າງລະອຽດເພື່ອໃຫ້ຜູ້ມີສິດເລືອກຕັ້ງໄດ້ຮັບຂໍ້ມູນຢ່າງຮອບດ້ານ, ໄດ້ແລກປ່ຽນຄໍາຄິດຄໍາເຫັນ ແລະ ສົມທຽບມາດຕະຖານຂອງຜູ້ສະໝັກແຕ່ລະທ່ານຢ່າງຖີ່ຖ້ວນ ແລະ ມີປະຊາທິປະໄຕ. ການພົບປະຄັ້ງນີ້, ຖືເປັນບາດກ້າວສໍາຄັນ ເພື່ອແນໃສ່ໃຫ້ພະນັກງານ, ນາຍ ແລະ ພົນທະຫານ ກໍຄືພໍ່ແມ່ປະຊາຊົນ ສາມາດຕັດສິນໃຈປ່ອນບັດຄັດເລືອກເອົາຕົວແທນທີ່ມີຄວາມຮູ້, ຄວາມສາມາດ, ມີຄຸນສົມບັດສິນທຳປະຕິວັດ ແລະ ຮັກຊາດ ຮັກປະຊາຊົນຢ່າງແທ້ຈິງ ເຂົ້າໄປເຮັດໜ້າທີ່ເປັນ ກະບອກສຽງ ປົກປ້ອງສິດ ແລະ ຜົນປະໂຫຍດ ຂອງປະຊາຊົນ ຢູ່ໃນສະພາແຫ່ງຊາດ ແລະ ສະພາປະຊາຊົນແຂວງ ໃຫ້ມີຄວາມເຂັ້ມແຂງ ແລະ ສັກສິດກວ່າເກົ່າ ແນໃສ່ເຮັດໃຫ້ການປ່ອນບັດເລືອກຕັ້ງມີປະສິດທິຜົນ ແລະ ເຂັ້ມງວດຕາມລະບຽບກົດໜາຍ.
ສໍາລັບຜູ້ລົງສະໝັກຮັບເລືອກຕັ້ງ ສສຊ ຊຸດທີ X ເຂດ 1 ນະຄອນຫຼວງວຽງຈັນ ມີທັງໝົດ 25 ສະຫາຍ ຍິງ 7 ສະຫາຍ ເລືອກເອົາ 19 ສະຫາຍ.
(ຂ່າວ: ໄຊສະຫວາດ)
ຄໍາເຫັນ