ແລະ ພັດທະນາ 5 ປີ 2016-2020 ແລະ ວາງທິດທາງແຜນການຮອດປີ 2025 ພາຍໃຕ້ການເປັນປະທານຂອງທ່ານ ຂັນຕີ ສີລະວົງສາ ຮອງເຈົ້າແຂວງເຊກອງ, ທ່ານ ສາກົນ ພອນປະເສີດ ຫົວໜ້າພະແນກແຜນການ ແລະ ການລົງທຶນແຂວງ, ມີຮອງຫົວໜ້າພະແນກ, ຫົວໜ້າ-ຮອງຫົວໜ້າຂະແໜງ, ພະນັກງານວິຊາການເຂົ້າຮ່ວມ.
ທ່ານ ຄໍາປະກອນ ອຸເທນທະປັນຍາ ຮອງຫົວໜ້າພະແນກ ພຜທ ແຂວງ ໄດ້ຍົກໃຫ້ເຫັນຜົນສໍາເລັດການຈັດຕັ້ງປະຕິບັດຂະບວນການແຂ່ງຂັນຮັກຊາດ ແລະ ພັດທະນາໄລຍະປີ 2016-2020 ພາຍໃຕ້ຄໍາຂວັນທີ່ວ່າ: “ປະຕິບັດດີ, ມີວິໄນ, ທັນສະໄໝ, ໃສ່ໃຈການພັດະທະນາ“ ແລະ ວາງທິດທາງແຜນການຮອດປີ 2025 ເພື່ອປຸກລະດົມພະນັກງານ-ລັດຖະກອນ, ສະມາຊິກພັກໃນຄວາມຮັບຜິດຊອບຂອງຕົນ, ເຊີດຊູມູນເຊື້ອຮັກຊາດ, ນໍ້າໃຈດຸໝັ່ນ, ອົດທົນ, ມີຫົວຄິດປະດິດສ້າງ ເສີມຂະຫຍາຍສິດເປັນເຈົ້າ, ແຂ່ງຂັນປະຕິບັດສອງໜ້າທີ່ຍຸດະສາດ ຄື: ປົກປັກຮັກສາ ແລະ ສ້າງສາພັດທະນາປະເທດຊາດ, ສູ້ຊົນປະຕິບັດຄາດໝາຍທີ່ພັກ ແລະ ລັດວາງອອກໃນແຕ່ລະໄລຍະ ເປັນຕົ້ນແມ່ນມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມໃຫ່ຍ ຄັ້ງທີ x ຂອງອົງຄະນະພັກແຂວງ, ແຜນພັດທະນາເສດຖະກິດ-ສັງຄົມ 5 ປີ (2021-2025) ຕິດພັນກັບວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ, ຍູ້ແຮງຂະບວນການຜະລິດເປັນສິນຄ້າ ແລະ ຊຸກຍູ້ຕິດຕາມໂຄງການ ການລົງທຶນຂອງລັດ, ເອກະຊົນພາຍໃນ ແລະ ຕ່າງປະເທດ ໃຫ້ມີຜົນສໍາເລັດຕາມແຜນການທີ່ກຳນົດໄວ້.
ໃນໂອກາດນີ້, ທ່ານ ຂັນຕີ ສີລະວົງສາ ໄດ້ມີຄໍາເຫັນວ່າ: ການສະຫຼຸບຕີລາຄາການປະຕິບັດຂະບວນການແຂ່ງຂັນຮັກຊາດ-ພັດທະນາ ໃນຄັ້ງນີ້, ແມ່ນເປັນການປະເມີນຄືນຜົນສຳເລັດດ້ານດີ ຂອງການເຄື່ອນໄຫວວຽກງານໃນໄລຍະຜ່ານມາ ແລະ ດ້ານອ່ອນ-ຂໍ້ຄົງຄ້າງ ເພື່ອຫາແນວທາງໃນການແກ້ໄຂ ໂດຍສະເພາະແມ່ນການວາງແຜນການເຄື່ອນໄຫວວຽກງານຂອງຕົນໃນຕໍ່ໜ້າໃຫ້ຖືກຕ້ອງ ເພື່ອສ້າງຄວາມເຂັ້ມແຂງໃຫ້ຂະແໜງການຕົນ, ພ້ອມທັງ ເປັນການປຸກລະດົມພະນັກງານ, ສະມາຊິກພັກພ້ອມກັນອອກແຮງປະຕິບັດມະຕິ-ຄໍາສັ່ງຕ່າງໆທີ່ພັກ-ລັດວາງອອກໃນແຕ່ລະໄລຍະໃຫ້ປະກົດຜົນເປັນຈິງ.
ສະນັ້ນ, ຄະນະພັກ-ຄະນະນໍາພະແນກ ຕ້ອງເປັນເຈົ້າການຈັດຕັ້ງຜັນຂະຫຍາຍເນື້ອໃນຂໍ້ແຂ່ງຂັນ “ ຮັກຊາດ ແລະ ພັດທະນາ ” ເປັນອັນລະອຽດຕາມພາລະບົດບາດ, ຂອບເຂດຄວາມຮັບຜິດຊອບຂອງຕົນ, ໂດຍມີການແບ່ງຄວາມຮັບຜິດຊອບໃຫ້ຖືກຄົນ ທັງນີ້ ກໍເພື່ອເຮັດໃຫ້ການເຄື່ອນໄຫວປະຕິບັດໜ້າທີ່ວຽກງານມີການພັດທະນາ, ຫັນປ່ຽນໃໝ່ຢ່າງແຂງແຮງ, ເລິກເຊິ່ງ ແລະ ຮອບດ້ານ.
(ແຫຼ່ງຂ່າວ: ແຂວງເຊກອງ)
ຄໍາເຫັນ