ປີ 2023 ດ່ານສາກົນດາກຕະອອກ ເກັບລາຍຮັບໄດ້ລື່ນແຜນ 142,91%

09:58 29/02/2024

ທ່ານ ແສງເພັດ ວາດສະຫງ່າ ຮອງຫົວໜ້າຄຸ້ມຄອງດ່ານສາກົນດາກຕະອອກ ໄດ້ໃຫ້ສຳພາດຕໍ່ສື່ມວນຊົນໃນວັນທີ 27 ກຸມພາຜ່ານມາວ່າ: ດ່ານສາກົນດາກຕະອອກ ເມືອງດາກຈຶງ ແຂວງເຊກອງ ເປີດໃຫ້ບໍລິການເລີ່ມແຕ່ 7 ໂມງເຊົ້າ ຫາ 19 ໂມງ, ການບໍລິການ ດ້ວຍຄວາມວ່ອງໄວ ດ້ວຍລະບົບທີ່ທັນສະໄໝ, ຖືກຕ້ອງຕາມລະບຽບຫຼັກການ ທີ່ພັກ-ລັດ ວາງອອກຢ່າງເຂັ້ມງວດ. ໃນແຕ່ລະວັນມີລົດຂົນສົ່ງສິນຄ້າ ເຂົ້າ-ອອກ ສະເລ່ຍ 85-87 ຄັນຕໍ່ວັ. ໃນນີ້, ລົດຂົນສົ່ງແຮ່ບົກຊິດ ສະເລ່ຍ 80 ຄັນຕໍ່ວັນ, ລົດຂົນສົ່ງມັນຕົ້ນ ແລະ ແປ້ງມັນຕົ້ນ 2 ຄັນຕໍ່ວັນ, ລົດໂດຍສານ 5 ຄັນຕໍ່ວັນ. ໃນ 1 ປີຜ່ານມາ ສາມາດເກັບລາຍຮັບໄດ້ທັງໝົດ 21.862.135.600 ກີບ ເທົ່າກັບ 242,91% (ແຜນປີ2023 ແມ່ນ 9 ຕື້ກີບ), ລື່ນແຜນ 142,91%.
ທ່ານ ແສງເພັດ ວາດສະຫງ່າ ໃຫ້ຮູ້ວ່າ: ດ່ານສາກົນດາກຕະອອກ ສ້າງຕັ້ງໃນວັນທີ 13 ກໍລະກົດ 2021, ປະກອບມີ 4 ວຽກໃຫຍ່ຄື: ວຽກງານດ່ານພາສີ, ວຽກງານດ່ານຕຳຫລວດ (ຕມ), ວຽກງານບໍລິຫານດ່ານ ແລະ ວຽກງານກັກກັ້ນພືດ-ສັດ, ສະຕະວະແພດ, ອາຫານ ແລະ ຢາ, ໃນໄລຍະຜ່ານມາ ຄະນະຄຸ້ມຄອງດ່ານໄດ້ເອົາໃຈໃສ່ສຶກສາອົບຮົມວຽກງານການເມືອງແນວຄິດໃຫ້ແກ່ຖັນແຖວພະນັກງານເປັນບັນຫາສຳຄັນ, ໄດ້ນຳພາຊີ້ນຳຈັດຕັ້ງປະຕິບັດວຽກງານວິຊາສະເພາະແຕ່ລະຂະແໜງການ ໂດຍສະເພາະໄດ້ເອົາໃຈໃສ່ບໍລິການ, ຄຸ້ມຄອງ, ຕິດຕາມກວດກາ ອຳນວຍຄວາມສະດວກໃຫ້ແກ່ການນຳເຂົ້າ-ສົ່ງອອກ ແລະ ການຜ່ານແດນສິນຄ້າເຄື່ອງຂອງໃຫ້ວ່ອງໄວ ແລະ ຖືກຕ້ອງຕາມລະບຽບກົດໝາຍ, ຊຶ່ງໃນໄລຍະ 1 ປີຜ່ານມາ ມີພາຫະນະເຂົ້າ-ອອກທັງໝົດ 19.696 ຄັນ, ມີຄົນເຂົ້າ-ອອກເມືອງທັງຫມົດ 50.525 ຄົນ ຍິງ 5.448 ຄົນ, ອອກໃບຜ່ານແດນໃຫ້ປະຊາຊົນ ໄດ້ 698 ໃບ, ອັນທີ່ພົ້ນເດັ່ນ ສາມາດເກັບລາຍຮັບໄດ້ທັງໝົດ 21.862.135.600 ກີບ ເທົ່າກັບ 242,91% (ແຜນປີ 2023 ແມ່ນ 9 ຕື້ກີບ), ລື່ນແຜນ 142,91%. ໃນນີ້, ຮັບຈາກພາສີ 17 ຕື້ກວ່າກີບ, ຮັບຈາກອາກອນ 4 ຕື້ກວ່າກີບ, ຄຽງຄູ່ກັນນີ້ ພວກເຮົາໄດ້ເອົາໃຈໃສ່ການຄຸ້ມຄອງຄົນເຂົ້າ-ອອກເມືອງ ຢ່າງເຂັ້ມງວດ ດ້ວຍການກວດກາເອກະສານການເດີນທາງຢ່າງລະອຽດຊັດເຈນ ເພື່ອປ້ອງກັນບໍ່ໃຫ້ເກີດມີກຸ່ມຄົນບໍ່ດີສວຍໃຊ້ໂອກາດໃນລະຫວ່າງການເດີນທາງເຂົ້າ-ອອກເມືອງຢ່າງເດັດຂາດ.
ທ່ານ ແສງເພັດ ວາດສະຫງ່າ ໃຫ້ຮູ້ຕື່ມວ່າ: ສໍາລັບແຜນການປີ 2024 ຈະສູ້ຊົນເກັບລາຍຮັບໃຫ້ໄດ້ຕາມຄາດໝາຍທີ່ວາງໄວ້ (ແຜນປີ 77 ຕື້ກວ່າກີບ), ຈະສືບຕໍ່ຕິດຕາມກວດກາພາຫະນະ ເຂົ້າ-ອອກ, ຄົນເຂົ້າ-ອອກເມືອງ, ການນຳເຂົ້າ ແລະ ສົ່ງອອກສິນຄ້າ ແລະ ການບໍລິການອື່ນໆ ໃຫ້ເຂັ້ມງວດ.
(ຂ່າວ: ພຸດທະສອນ)

ຄໍາເຫັນ

ຂ່າວວັດທະນະທຳ-ສັງຄົມ

ສພຂ ລົງພົບປະຜູ້ມີສິດເລືອກຕັ້ງ ຢູ່ເມືອງຫຼວງນໍ້າທາ

26/05/2026 14:41

ໃນວັນທີ 25 ພຶດສະພາ 2026 ນີ້, ຄະນະສະມາຊິກສະພາປະຊາຊົນແຂວງ ປະຈໍາເມືອງຫຼວງນໍ້າທາເຊິ່ງນໍາໂດຍທ່ານ ບຸນຄົງ ພິມມະສອນ ກໍາມະການພັກແຂວງ, ເລຂາຄະນະບໍລິຫານງານພັກເມືອງ, ຫົວໜ້າ ຄະນະສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງຫຼວງນໍ້າທາ ພ້ອມຄະນະ ໄດ້ລົງພົບປະ ແລະ ຈັດຕັ້ງຜັນຂະຫຍາຍໂຄສະນາເຜີຍແຜ່ເນື້ອໃນຜົນສໍາເລັດ ກອງປະຊຸມຄັ້ງປະຖົມມະລືກ ຂອງສະພາແຫ່ງຊາດ ຊຸດທີ X ແລະ ສະພາປະຊາຊົນແຂວງ (ສພຂ) ຊຸດທີ V ຢູ່ບ້ານທົ່ງດີ ແລະ ບ້ານດອນສໍາພັນ. ການພົບປະເຜີຍແຜ່ໄດ້ຈັດຂຶ້ນຢູ່ຫ້ອງການ ບ້ານທົ່ງດີ ແລະ ບ້ານດອນສໍາພັນ ໂດຍມີອົງການຈັດຕັ້ງບ້ານ ແລະ ປະຊາຊົນ ເຂົ້າຮ່ວມຮັບຟັງ.

ເດັກນ້ອຍໃນວັນນີ້ ຄືອະນາຄົດຂອງຊາດໃນວັນໜ້າ (ເນື່ອງໃນໂອກາດວັນເດັກນ້ອຍສາກົນວັນທີ 1 ມິຖຸນາ)

26/05/2026 14:28

ວັນທີ 1 ມິຖຸນາ ຂອງທຸກໆປີແມ່ນວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ. ວັນ ເດັກນ້ອຍສາກົນ ແມ່ນເຫດການໜຶ່ງທີ່ມີຄວາມໝາຍ-ສໍາຄັນຕໍ່ເດັກ ເພື່ອແນໃສ່ຊຸກຍູ້ສົ່ງເສີມ, ພັດທະ ນາ ແລະ ປົກປ້ອງເດັກໃນທົ່ວໂລກ ຍ້ອນເຫັນໄດ້ຄວາມສໍາຄັນຂອງເດັກ ທີ່ເປັນອະນາຄົດຂອງຊາດ, ເປັນເມັດພືດ, ເປັນໜໍ່ແໜງທຶນຮອນແຫ່ງຊີວິດໃນມື້ນີ້ ເພືຶ່ອກາຍເປັນອານາຄົດອັນແຈ່ມໃສຂອງປະ ເທດຊາດໃນມືື້ໜ້າ. ດັ່ງນັ້ນ, ພັກ-ລັດຖະບານ ກໍຄືບັນດາປະຊາຊາດໃນທົ່ວໂລກ ຍາມໃດກໍເຫັນໄດ້ຄວາມສໍາຄັນຕໍ່ວັນດັ່ງກ່າວ. ສະນັ້ນ, ຈຶ່ງໄດ້ສະເຫຼີມສະຫຼອງວັນເດັກສາກົນຕາມເງືຶ່ອນໄຂ ແລະ ສະ ພາບຕົວຈິງຂອງປະເທດຕົນໃນທຸກໆປີ.

ອົບຮົມການນໍາໃຊ້ຖານຂໍ້ມູນຄຸ້ມຄອງຄໍາຮ້ອງຂໍຄວາມເປັນທໍາ

26/05/2026 14:25

ກອງປະຊຸມຝຶກອົບຮົມການນໍາໃຊ້ຖານຂໍ້ມູນໃນການຄຸ້ມຄອງຄໍາຮ້ອງຂໍຄວາມເປັນທໍາຂອງຄະນະປະຈໍາສະພາແຫ່ງຊາດ (ຄປຈສພຊ) ໄດ້ຈັດຂຶ້ນລະຫວ່າງວັນທີ 23-24 ພຶດສະພານີ້ ທີ່ເມືອງແກ້ວອຸດົມ ແຂວງວຽງຈັນ ໂດຍການເປັນປະທານຂອງທ່ານ ນາງ ທຸມມາລີ ວົງພະຈັນ ກໍາມະການສູນກາງພັກ ປະທານກໍາມາທິການກົດໝາຍ ແລະ ຍຸຕິທໍາ (ກໝຍທ) ຊຶ່ງມີບັນດາທ່ານຮອງປະທານ ກໝຍທ; ຫົວໜ້າ-ຮອງຫົວໜ້າກົມ, ເລຂານຸການການນໍາຂັ້ນສູງ, ຄະນະພະແນກ ແລະ ພະນັກງານທີ່ກ່ຽວຂ້ອງພາຍໃນ ສພຊ; ຫົວໜ້າ-ຮອງຫົວໜ້າຫ້ອງວ່າການ ແລະ ພະນັກງານທີ່ກ່ຽວຂ້ອງຂອງສະພາປະຊາຊົນຈາກ 2 ແຂວງ ຄື: ຫຼວງພະບາງ ແລະ ຄໍາມ່ວນ; ຕາງໜ້າມູນນິທິເວສມິນສເຕີ ເພື່ອປະຊາທິປະໄຕ (Westminster Foundation for Democracy -WFD) ແລະ ທີມງານຄູຝຶກຈາກບໍລິສັດ ມັນຕິມີເດຍ ແອນເທັກໂນໂລຊີໂຊລູຊັນ ຈໍາກັດ (MTS) ເຂົ້າຮ່ວມຫຼາຍກວ່າ 60 ທ່ານ.

ຄະນະກໍາມະການປົກປ້ອງສັງຄົມຂັ້ນສູນກາງ ຈັດກອງປະຊຸມປະຈໍາປີ 2025

26/05/2026 14:24

ກອງປະຊຸມປະຈໍາປີ 2025 ຂອງຄະນະກໍາມະການ ເພື່ອການປົກປ້ອງສັງຄົມ ຂັ້ນສູນກາງ ໄດ້ຈັດຂຶ້ນໃນວັນທີ 25 ພຶດສະພາ ນີ້ ທີ່ກະຊວງແຮງງານ ແລະ ສະຫວັດດີການສັງຄົມ ພາຍໃຕ້ການເປັນປະທານຂອງ ທ່ານ ໂພໄຊ ໄຊຍະສອນ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ປະທານຄະນະກໍາມະການປົກປ້ອງສັງຄົມຂັ້ນສູນກາງ, ມີຮອງລັດຖະມົນຕີ, ຮອງປະທານຄະນະກໍາມະການ, ຄະນະກໍາມະການປົກປ້ອງສັງຄົມຂັ້ນສູນກາງ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ກະກຽມເປັນເຈົ້າພາບຈັດກອງປະຊຸມທົບທວນສົນທິສັນຍາວ່າດ້ວຍການເກືອດຫ້າມລະເບີດລູກຫວ່ານ ຮອບວຽນທີ 3

26/05/2026 14:22

ໃນວັນທີ 25 ພຶດສະພານີ້, ກອງປະຊຸມຄັ້ງປະຖົມມະລືກຂອງຄະນະກໍາມະການຊີ້ນໍາລະດັບຊາດ ແລະ ອະນຸກຳມະການກະກຽມເປັນເຈົ້າພາບຈັດກອງປະຊຸມທົບທວນສົນທິສັນຍາວ່າດ້ວຍການເກືອດຫ້າມລະເບີດລູກຫວ່ານ ຮອບວຽນທີ 3 (CCM) ໄດ້ເປີດຂຶ້ນທີ່ໂຮງແຮມສຸພັດຕາ ນະຄອນຫຼວງວຽງຈັນ. ພາຍໃຕ້ການເປັນປະທານຂອງທ່ານ ທອງສະຫວັນ ພົມວິຫານ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ໃນນາມປະທານຄະນະຊີ້ນໍາການເປັນປະທານຂອງ ສປປ ລາວແລະ ມີການເຂົ້າຮ່ວມຢ່າງພ້ອມພຽງຂອງຄະນະນຳຈາກບັນດາກະຊວງ, ຂະແໜງການ, ອົງການຈັດ ຕັ້ງມະຫາຊົນ, ມະຫາວິທະຍາໄລແຫ່ງຊາດ ແລະ ອົງການປົກຄອງນະຄອນຫຼວງວຽງຈັນ ແລະ ແຂວງຫຼວງພະບາງ ແລະ ບັນດາເມືອງອ້ອມຂ້າງນະຄອນຫຼວງທີ່ໄດ້ຮັບການແຕ່ງຕັ້ງຢູ່ໃນຄະນະກໍາມະການ ແລະ ອະນຸກຳມະການ ຕາມຂໍ້ຕົກລົງວ່າດ້ວຍການແຕ່ງຕັ້ງຄະນະກຳມະການຊີ້ນໍາລະດັບຊາດ ແລະ ຄະນະຮັບຜິດຊອບອະນຸກໍາມະການຕ່າງໆ ເພື່ອກະກຽມການເປັນປະທານ ແລະ ເປັນເຈົ້າພາບຈັດກອງປະຊຸມທົບທວນສົນທິສັນຍາວ່າດ້ວຍການເກືອດຫ້າມລະເບີດລູກຫວ່ານ ຮອບວຽນທີ 3.

ສໍາມະນາບົດບາດ-ໜ້າທີ່ຂອງສະພາແຫ່ງຊາດໃຫ້ແກ່ ສສຊ ຊຸດທີ X

26/05/2026 14:20

ສໍາມະນາ ກ່ຽວກັບບົດບາດ ແລະ ໜ້າທີ່ຂອງສະພາແຫ່ງຊາດ ໃຫ້ແກ່ສະມາຊິກສະພາແຫ່ງຊາດ(ສສຊ) ຊຸດທີ X ຂຶ້ນໃນວັນທີ 25 ພຶດສະພານີ້ ທີ່ນະຄອນຫລວວຽງຈັນ, ໂດຍການເປັນປະທານຂອງ ທ່ານ ນາງ ສູນທອນ ໄຊຍະຈັກ ຄະນະເລຂາທິການສູນກາງພັກ ຮອງປະທານຄະນະປະຈໍາສະພາແຫ່ງຊາດ, ມີຮອງປະທານຄະນະປະຈໍາສະພາແຫ່ງຊາດ, ກໍາມະການຄະນະປະຈໍາສະພາແຫ່ງຊາດ, ບັນດາສະມາຊິກສະພາແຫ່ງຊາດ ຊຸດທີ X, ອະດີດສະມາຊິກສະພາແຫ່ງຊາດຊຸດທີ IX, ບັນດາຮອງປະທານກໍາມາທິການ, ຮອງຫົວໜ້າຫ້ອງວ່າການສະພາແຫ່ງຊາດ, ຫົວໜ້າຫ້ອງວ່າການສະພາປະຊາຊົນຂັ້ນແຂວງ ແລະ ພາກສ່ວນກ່ຽວຂ້ອງເຂົ້າຮ່ວມ.

ທາບທາມຄໍາເຫັນຕໍ່ຮ່າງດໍາລັດ ວ່າດ້ວຍການເຄື່ອນໄຫວວຽກງານສື່ມວນຊົນ ຢູ່ ສປປ ລາວ (ສະບັບປັບປຸງ) ສໍາລັບຂັ້ນສູນກາງ

26/05/2026 14:19

ໃນວັນທີ 25 ພຶດສະພານີ້ ທີ່ສູນການຮ່ວມມືສາກົນ ແລະ ການຝຶກອົບຮົມ (ICTC), ນະຄອນຫຼວງວຽງຈັນ, ກະຊວງການຕ່າງປະເທດ ໄດ້ຈັດກອງປະຊຸມທາບທາມຄໍາເຫັນຕໍ່ຮ່າງດໍາລັດ ວ່າດ້ວຍການເຄື່ອນໄຫວວຽກງານສື່ມວນຊົນ ຢູ່ ສປປ ລາວ ຂອງສື່ມວນຊົນ, ສໍານັກງານຜູ້ຕາງໜ້າ ແລະ ອົງການຈັດຕັ້ງຕ່າງປະເທດ ສໍາລັບຂັ້ນສູນກາງພາຍໃຕ້ການເປັນປະທານຂອງ ທ່ານ ພົງສະຫວັນ ສີສຸລາດ ຮອງລັດຖະມົນຕີກະຊວງການຕ່າງປະເທດ, ໂດຍມີບັນດາຜູ້ຕາງໜ້າຈາກກະຊວງ, ອົງການອ້ອມຂ້າງສູນກາງ ແລະ ພະນັກງານທີ່ກ່ຽວຂ້ອງ ເຂົ້າຮ່ວມຢ່າງພ້ອມພຽງ.

ອົງການໄອຍະການປະຊາຊົນ ຝຶກອົບຮົມວຽກງານພິທີການ

25/05/2026 14:57

ອົງການໄອຍະການປະຊາຊົນ ແລະ ອົງການໄອຍະການທະຫານ ໄດ້ຈັດຝຶກອົບຮົມວຽກງານພິທີການ ຂຶ້ນໃນວັນທີ 25 ພຶດສະພາ ນີ້ ທີ່ອົງການໄອຍະການປະຊາຊົນສູງສຸດ, ໂດຍການເປັນປະທານກ່າວເປີດຂອງທ່ານ ນາງ ແສງສຸດາ ສີປະເສີດ ຮັກສາການຫົວໜ້າສະຖາບັນຄົ້ນຄວ້າ ແລະ ຝຶກອົບຮົມໄອຍະການ ຊຶ່ງມີຄະນະກົມ, ຄະນະພະແນກອົງການໄອຍະການປະຊາຊົນເຂດ 4 ເຂດເຂົ້າຮ່ວມ.

ສປປ ລາວ ສົ່ງເສີມການພັດທະນາທີ່ສົ່ງຜົນບວກຕໍ່ທຳມະຊາດ

25/05/2026 14:56

ກະຊວງກະສິກຳ ແລະ ສິ່ງແວດລ້ອມ ໄດ້ຈັດກອງປະຊຸມລະດັບສູງກ່ຽວກັບການລົງທຶນທີ່ສົ່ງຜົນບວກ ຕໍ່ທຳມະຊາດ ໂດຍນໍາໃຊ້ລຳດັບມາດຕະການຫຼຸດຜ່ອນຜົນກະທົບຕໍ່ຊີວະນາໆພັນເພື່ອບັນລຸຜົນໄດ້ຮັບການທົດແທນ ຊີວະນາໆພັນ ເທົ່າເດີມ ຫຼື ການເພີ່ມຊີວະນາໆພັນ ໄດ້ຈັດຂຶ້ນໃນວັນທີ 22 ພຶດສະພາຜ່ານມານີ້ ທີ່ນະຄອນຫຼວງ ວຽງຈັນ, ໂດຍການເປັນປະທານຂອງທ່ານ ລິນຄໍາ ດວງສະຫວັນ ລັດຖະມົນຕີກະຊວງກະສິກຳ ແລະ ສິ່ງແວດລ້ອມ ຊຶ່ງມີພາກສ່ວນທີ່ກ່ຽວຂ້ອງເຂົ້າຮ່ວມ

ປະກາດແຕ່ງຕັ້ງຂັ້ນນໍາພາ-ບັນຊາ ແລະ ຍົກລະດັບພະແນກຊາຍແດນ ເປັນຫ້ອງທະຫານຊາຍແດນ ທະຫານແຂວງໄຊຍະບູລີ

25/05/2026 14:54

ໃນວັນທີ 22 ພຶດສະພາຜ່ານມາ, ທີ່ສະໂມສອນ ກອງບັນຊາການທະຫານແຂວງໄຊຍະບູລີ ໄດ້ປະກາດການແຕ່ງຕັ້ງຮອງກອງບັນຊາການທະຫານແຂວງ, ຫົວໜ້າຫ້ອງ, ຮອງຫ້ອງ ແລະ ຍົກລະດັບພະແນກຊາຍແດນເປັນຫ້ອງທະຫານຊາຍແດນ ທະຫານແຂວງໄຊຍະບູລີ, ໂດຍການເປັນປະທານຂອງສະຫາຍ ພົນຕີ ແສງມະນີວອນ ຄໍາມະນີ ກໍາມະການຄະນະປະຈໍາພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ການເມືອງກອງທັບ, ມີສະຫາຍ ດວງຕາ ໄຊວຸດ ຮອງເລຂາພັກແຂວງ, ມີຄະນະພັກ-ຄະນະບັນຊາ ກົມກອງອ້ອມຂ້າງເຂົ້າຮ່ວມ.

ເພີ່ມເຕີມ