ປີ 2023 ມູນຄ່າການແລກປ່ຽນສິນຄ້າຂອງຣັດເຊຍ ບັນລຸ 710,1 ຕື້ໂດລາ

15:08 09/04/2024

ຂ່າວສານຫວຽດນາມລາຍງານວ່າ: ຕາມຂໍ້ມູນຂອງກົມພາສີ ຣັດເຊຍ ໃຫ້ຮູ້ວ່າ, ມູນຄ່າການແລກປ່ຽນສິນຄ້າຂອງຣັດເຊຍໃນປີ 2023 ບັນລຸ 710,1 ຕື້ໂດລາ. ໃນນັ້ນ, 51% ແມ່ນບັນດາທະວີບອາຊີ, ບັນດາປະເທດເອີຣົບ 23%, ບັນດາປະເທດຕາເວັນອອກໄກ 11%, ປະເທດເພື່ອນບ້ານ 8%, ທະວີບອາເມຣິກາ 4% ແລະ ທະວີບອາຟຣິກາ 3%.
ຂ່າວລະບຸວ່າ: ຄູ່ການຄ້າອັນດັບໜຶ່ງຂອງ ຣັດເຊຍ ແມ່ນ ຈີນ ດ້ວຍມູນຄ່າການແລກປ່ຽນສິນຄ້າ 240,1 ຕື້ໂດລາ, ອິນເດຍ ເພີ່ມຂຶ້ນຈາກອັນດັບ 5 ມາເປັນອັນດັບ 2 ດ້ວຍຍອດມູນຄ່າ 64,9 ຕື້ໂດລາ (ເພີ່ມຂຶ້ນ 1,8 ເທົ່າ),ໃນນັ້ນ, ການສົ່ງອອກນ້ຳມັນຈາກ ຣັດເຊຍ ໄປສູ່ ອິນເດຍ ເພີ່ມຂຶ້ນສອງເທົ່າ, ຕວັກກີ ຢູ່ອັນດັບ 3 ດ້ວຍມູນຄ່າ 56,5 ຕື້ໂດລາ.ຖັດມາແມ່ນ ເບລາຣຸດຊີ ແລະ ກາຊັກສະຖານ, 5 ປະເທດນີ້ກວມເອົາ 60% ຂອງຍອດມູນຄ່າສິນຄ້າຂອງ ຣັດເຊຍ ໃນປີ 2023.
5 ຄູ່ຮ່ວມມືດ້ານການຄ້າອັນດັບຖັດມາຂອງ ຣັດເຊຍ ລວມມີ: ເຢຍລະມັນ, ສເກົາຫຼີ, ສະຫະລັດອາຣັບເອມີເຣດ (UAE), ບຣາຊິນ ແລະ ໂຮນລັງ

ຄໍາເຫັນ

ຂ່າວຕ່າງປະເທດ

ຈີນເລີ່ມປະຕິບັດດ່ານພາສີອິດສະຫຼະທົ່ວເກາະໄຫຫຼຳ

19/12/2025 09:04

ຂ່າສານຊີອາໄອລາຍງານວ່າ: ນັບແຕ່ວັນທີ 18 ທັນວາ 2025 ເປັນຕົ້ນໄປ, ຈີນເລີ່ມປະຕິບັດດ່ານພາສີອິດສະຫຼະທົ່ວເກາະໄຫຫຼຳຢ່າງເປັນທາງການ.

ຈີນ ແລະ ອາຊຽນປະຕິບັດຕາມຄຳໝັ້ນສັນຍາຂອງຕົນພາຍໃນສັນຍາປາຣີດ້ວຍພຶດຕິກຳຕົວຈິງ

19/12/2025 09:02

ປີນີ້ເປັນປີຄົບຮອບ 10 ປີຂອງການເຊັນສັນຍາປາຣີວ່າດ້ວຍການປ່ຽນແປງຂອງດິນຟ້າອາກາດ (2015-2025), ສ່ວນການຄຸ້ມຄອງດິນຟ້າອາກາດກຳລັງຢືນຢູ່ໃນທາງສີ່ແຍກແຫ່ງປະຫວັດສາດ. ດ້ານໜຶ່ງແມ່ນຍ້ອນສະພາບຂ້ຽວຂາດທີ່ການເພີ່ມຂຶ້ນຂອງອຸນຫະພູມທົ່ວໂລກໄດ້ແຕະຕ້ອງເສັ້ນຕ້ອງຫ້າມແດງລະດັບ1,5 ອົງສາ ຫຼາຍຄັ້ງ ແລະ ເກີດສະພາບອາກາດຮຸນແຮງເລື້ອຍໆ; ອີກດ້ານໜຶ່ງແມ່ນຍ້ອນສະພາບຄວາມຫຍຸ້ງຍາກດ້ານການບໍລິຫານທີ່ລັດທິຝ່າຍດຽວເງີຍໜ້າຂຶ້ນ ແລະ ບາງປະເທດບໍ່ສາມາດປະຕິບັດຕາມຄຳໝັ້ນສັນຍາຂອງຕົນຢ່າງທັນການ. ແຕ່ຈີນ ແລະ ບັນດາປະເທດສະມາຊິກອາຊຽນໄດ້ໃຫ້ຄຳຕອບຂອງບັນຫາດັ່ງກ່າວດ້ວຍພຶດຕິກຳຕົວຈິງແບບສີຂຽວ ຄື: ໃນການຮັບມືກັບການປ່ຽນແປງຂອງດິນຟ້າອາກາດທີ່ກ່ຽວຂ້ອງກັບຊາຕາກຳຂອງມວນມະນຸດ, ມີແຕ່ຢຶດໝັ້ນລັດທິຫຼາຍຝ່າຍ ແລະ ລົງເລິກການຮ່ວມມືຕົວຈິງ ຈຶ່ງຈະສາມາດເຮັດໃຫ້ຄຳໝັ້ນສັນຍາໃນສັນຍາປາຣີກາຍເປັນການເຄື່ອນໄຫວຕົວຈິງເພື່ອປົກປ້ອງໂລກ.

ເສດຖະກິດຈີນ ໄດ້ຮັກສາສະພາບຄວາມໝັ້ນທ່ຽງ ທ່າອ່ຽງກ້າວໄປໜ້າ ແລະ ຄວາມໝັ້ນໜຽວ

13/12/2025 10:07

ຂ່າວສານຊີອາໄອລາຍງານວ່າ: ໃນວັນທີ 8 ທັນວາ ຜ່ານມາ, ໂຕເລກສະຖິຕິທີ່ເຜີຍແຜ່ໂດຍລັດຖະບານຈີນສະແດງເຫັນວ່າ, ໃນ 11 ເດືອນຂອງປີ 2025, ຍອດມູນຄ່ານຳເຂົ້າ-ສົ່ງອອກສິນຄ້າປະເພດຈັບຕ້ອງໄດ້ຂອງຈີນມີເຖິງ 41,210 ຕື້ຢວນ, ເພີ່ມຂຶ້ນ 3.6% ເມື່ອທຽບໃສ່ໄລຍະດຽວກັນຂອງປີ 2024. ໃນນັ້ນ, ຍອດມູນຄ່າ ນຳເຂົ້າ-ສົ່ງອອກສິນຄ້າປະເພດຈັບຕ້ອງຂອງເດືອນພະຈິກໄດ້ເພີ່ມຂຶ້ນ 4.1% ເມື່ອທຽບໃສ່ໄລຍະດຽວກັນຂອງປີ 2024 ຊຶ່ງໄດ້ຮັກສາການເຕີບໂຕເປັນເວລາ 10 ເດືອນລຽນຕິດ ເມື່ອທຽບໃສ່ໄລຍະດຽວກັນຂອງປີ 2024. ນັກວິເຄາະຊີ້ໃຫ້ເຫັນວ່າ, ໂຄງປະກອບການຄ້າກັບຕ່າງປະເທດຂອງຈີນໄດ້ປັບປຸງດີຂຶ້ນເລື້ອຍໆ, ປ່ອຍພະລັງຂັບເຄື່ອນໃໝ່ຢ່າງຕໍ່ເນື່ອງ, ສະແດງໃຫ້ເຫັນເຖິງຄວາມໝັ້ນໜຽວທີ່ເຂັ້ມແຂງ.

ຍ້ອນຫຍັງດິສນີບໍ່ສາມາດເບິ່ງຂ້າມຕະຫຼາດຈີນ

05/12/2025 09:56

ຫວ່າງມໍ່ໆມານີ້, ມູນຄ່າຂາຍປີ້ເຂົ້າຊົມຮູບເງົາເລື່ອງ“ ‌Zootopia 2” ຢູ່ແຜ່ນດິນໃຫຍ່ຈີນບັນລຸຫຼາຍກວ່າ 2 ຕື້ຢວນຊຶ່ງບໍ່ພຽງແຕ່ໄດ້ສ້າງສະຖິຕິມູນຄ່າຂາຍປີ້ເຂົ້າຊົມຮູບເງົາກາຕູນທີ່ນຳເຂົ້າຈາກຕ່າງປະເທດໃນປະຫວັດສາດຮູບເງົາຈີນໃໝ່ເທົ່ານັ້ນ, ຍິ່ງໄດ້ລື່ນກາຍຕະຫຼາດອາເມຣິກາເໜືອແລ້ວກາຍເປັນຕະຫຼາດທີ່ໄດ້ຂາຍປີ້ເຂົ້າຊົມຫຼາຍທີ່ສຸດໃນໂລກອີກດ້ວຍ. ກ່ອນຈະໄດ້ສາຍຮູບເງົາເລື່ອງນີ້, ຜູ້ບໍລິໂພກຈີນກໍໄດ້ພົບເຫັນຊັບສິນທາງປັນຍາ (IP)ນີ້ໃນຊີວິດປະຈຳວັນເລື້ອຍໆເຊັ່ນ: ຈອກກາເຟ Luckin ທີ່ໄດ້ແຕ້ມໂປສເຕີຮູບເງົາໃສ່, ເສື້ອເຊີດທີ່ມີຮູບກາຕູນຮູບເງົາຂອງ UNIQLO, ກ່ອງສຸ່ມຂອງ POP MART ແລະ ອື່ນໆ. ຈາກມູນຄ່າຂາຍປີ້ເຂົ້າຊົມຮູບເງົາເຖິງຜະລິດຕະພັນຕ່າງໆຮ່ວມມືກັບຍີ່ຫໍ້ຕ່າງໆ ໄດ້ພິສູດໃຫ້ເຫັນເຖິງຖານະທີ່ທົດແທນບໍ່ໄດ້ຂອງຕະຫຼາດຈີນໃນຍຸດທະສາດທົ່ວໂລກຂອງບໍລິສັດດິສນີ.

ໄຫ່ໜານພ້ອມຮັບນັກລົງທຶນຕ່າງປະເທດ

27/11/2025 09:29

ເມື່ອວັນທີ24ພະຈິກຜ່ານມານີ້ທີ່ເມືອງໄຫ່ໂຄ່ ແຂວງໄຫ່ໜານໄດ້ຈັດພິທີຖະແຫຼງການກ່ຽວກັບການເປີດໂອກາດໃຫ້ນັກລົງທຶນມາລົງທຶນທີ່ ແຂວງໄຫ່ໜານ

AI ສາມາດຊຸກຍູ້ເສດຖະກິດອົສຕຣາລີໄດ້ເຖິງ 151 ຕື້ໂດລາ

24/11/2025 11:57

ຂ່າວຕ່າງປະເທດລາຍງານ ຫວ່າງມໍ່ໆມານີ້: ບົດລາຍງານຈາກສະພາວິທະຍາສາດ ແລະ ວິສະວະກຳທາງເຕັກໂນໂລຊີຂອງອົສຕຣາລີເປີດເຜີຍວ່າ, ການນຳໃຊ້ປະໂຫຍດຈາກປັນຍາປະດິດ (AI) ສາມາດຊ່ວຍຊຸກຍູ້ເສດຖະກິດອົສຕຣາລີໄດ້ເຖິງ151 ຕື້ໂດລາ ໃນທົດສະວັດຕໍ່ໄປ.

ກຳປູເຈຍ ສົ່ງອອກເຄື່ອງນຸ່ງຫົ່ມ ເກີບ ແລະ ສິນຄ່າເດີນທາງ ມູນຄ່າ 13.6 ຕື້ໂດລາ

24/11/2025 11:54

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ກະຊວງການຄ້າຂອງກຳປູເຈຍໄດ້ປະກາດວ່າ, ກຳປູເຈຍໄດ້ສົ່ງອອກເຄື່ອງນຸ່ງຫົ່ມ, ແຜ່ນແພ, ເກີບ ແລະ ສິນຄ້າດ້ານການເດີນທາງ ມູນຄ່າ 13.6 ຕື້ໂດລາ ໃນໄລຍະ 10 ເດືອນທຳອິດຂອງປີ 2025 (ມັງກອນ-ຕຸລາ), ເພີ່ມຂຶ້ນ 20% ເມື່ອທຽບກັບໄລຍະດຽວກັນຂອງປີກາຍ.

COP30ຮັບຮອງເອົາສັນຍາການເຄື່ອນໄຫວດ້ານດິນຟ້າອາກາດສະບັບໃໝ່

24/11/2025 11:50

ຂ່າວສານຊີອາໄອລາຍງານ ຫວ່າງບໍ່ດົນມານີ້ວ່າ: ກອງປະຊຸມພາຄີຂອບສົນທິສັນຍາວ່າດ້ວຍການປ່ຽນແປງຂອງດິນຟ້າອາກາດອົງການສະຫະປະຊາຊາດ ຄັ້ງທີ 30 (COP30) ໄດ້ສໍາເລັດລົງໃນວັນທີ 22 ພະຈິກ ຜ່ານມາຢູ່ນະຄອນເບເລມ ພາກເໜືອຂອງປະເທດບຣາຊິນ. ກອງປະຊຸມໄດ້ຮັບຮອງເອົາສັນຍາໂດຍລວມກ່ຽວກັບການເຄື່ອນໄຫວດ້ານດິນຟ້າອາກາດສະບັບໃໝ່ ຄື: "ການລະດົມທົ່ວໂລກ: ສາມັກຄີ ແລະ ປະສານງານກັນເພື່ອຮັບມືກັບສິ່ງທ້າທາຍຈາກການປ່ຽນແປງຂອງດິນຟ້າອາກາດ", ໂດຍຮຽກຮ້ອງໃຫ້ບັນດາປະເທດຮັບມືກັບການປ່ຽນແປງຂອງດິນຟ້າອາກາດຢ່າງເປັນເຈົ້າການ ແລະ ເລັ່ງການເຄື່ອນໄຫວດ້ານດິນຟ້າອາກາດທີ່ກ່ຽວຂ້ອງ.

ການສົ່ງອອກຂອງ ສ ເກົາຫຼີ ເພີ່ມຂຶ້ນ 8.2% ໃນ 20 ມື້ທຳອິດຂອງເດືອນພະຈິກ

24/11/2025 11:47

ຂ່າວຕ່າງປະເທດລາຍງານ ໃນທ້າຍອາທິດຜ່ານມາວ່າ: ຫ້ອງການພາສີຂອງ ສ ເກົາຫຼີໄດ້ປະກາດ ວ່າ, ການສົ່ງອອກຂອງ ສ ເກົາຫຼີ ໃນລະຫວ່າງວັນທີ 1-20 ພະຈິກ ເພີ່ມຂຶ້ນ 8.2% ເມື່ອທຽບກັບປີກ່ອນເປັນ 38.5 ຕື້ໂດລາ ທຽບກັບ 35.6 ຕື້ໂດລາໃນໄລຍະດຽວກັນຂອງປີກາຍ, ໂດຍໄດ້ຮັບແຮງຂັບເຄື່ອນຈາກຄວາມຕ້ອງການsemiconductorແລະ ລົດຍົນທີ່ເຂັ້ມແຂງ.

ຫວຽດນາມ ລະດົມທຸກແຫຼ່ງກຳລັງເພື່ອແກ້ໄຂຜົນຮ້າຍຢ້ອນຫຼັງຈາກພາຍຸ

24/11/2025 11:39

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 23 ພະຈິກ ຜ່ານມາ, ທ່ານ ຟ້າມມິງຈິງນາຍົກລັດຖະມົນຕີ ຫວຽດນາມ ໄດ້ຈັດກອງປະຊຸມທາງໄກຈາກ ສອາຟຣິກາໃຕ້, ເຊື່ອມຕໍ່ຫ້ອງວ່າການລັດຖະບານກັບບັນດາທ້ອງຖິ່ນ ເພື່ອປຶກສາຫາລືມາດຕະການແກ້ໄຂຢ່າງຮີບດ່ວນ ແລະ ແກ້ໄຂຜົນຮ້າຍຢ້ອນຫຼັງຈາກໄພທຳມະຊາດ. ກອງປະຊຸມໄດ້ເຊື່ອມຕໍ່ທາງໄກກັບແຂວງແຄ໊ງຮວ່າ, ຢາລາຍ, ດັກລັກ, ເລິມດົ່ງ ແລະ ໄຕນິງ.

ເພີ່ມເຕີມ