ກອງປະຊຸມສະຫຼູບວຽກງານກວດກາທົ່ວແຂວງສະຫວັນນະເຂດ ປະຈໍາປີ 2023 ແລະ ວາງທິດທາວແຜນການປີ 2024 ໄດ້ຈັດຂຶ້ນເມື່ອບໍ່ດົນມານີ້, ຢູ່ທີ່ຫ້ອງປະຊຸມຂອງຫ້ອງວ່າການປົກຄອງແຂວງ, ໃຫ້ກຽດເປັນປະທານໂດຍສະຫາຍ ບຸນໂຈມ ອຸບົນປະເສີດ ກໍາມະການສູນກາງພັກ ເລຂາພັກແຂວງ ເຈົ້າແຂວງສະຫວັນນະເຂດ, ທ່ານ ວັນໄຊ ຊົ່ງຊາຢູ ກໍາມະການຄະນະພັກ ຮອງປະທານຄະນະກວດກາສູນກາງພັກ ຮອງປະທານອົງການກວດກາແຫ່ງລັດ ຮອງຫົວໜ້າອົງການຕ້ານການສໍ້າລາດບັງຫຼວງຂັ້ນສູນກາງ, ມີແຂກທີ່ຖືກເຊີນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ໃນໂອກາດນີ້, ສະຫາຍ ນາງ ກິ່ນນາລອນ ວົງຄໍາໂສພາ ຮອງປະທານກວດກາແຂວງ ກໍໄດ້ຂຶ້ນຜ່ານບົດສະຫຼູບການຕີລາຄາການເຄື່ອນໄຫວວຽກງານກວດກາປະຈໍາປີ 2023 ແລະ ທິດທາງແຜນການ 2024. ຊຶ່ງທົ່ວແຂວງມີສະມາຊິກພັກທັງໝົດ 33.837 ສະຫາຍ ຍິງ 9.949 ສະຫາຍ. ໃນນີ້, ສະມາຊິກພັກສໍາຮອງ 2.076 ສະຫາຍ; ສະມາຊິກພັກທີ່ມີເງື່ອນໄຂສາມາດຈັດແບ່ງປະເພດແຂງມີ 27.085 ສະຫາຍ, ປະເພດກາງ 3.287 ສະຫາຍ, ປະເພດອ່ອນ 44 ສະຫາຍ, ບໍ່ໄດ້ຈັດປະເພດມີ 3.417 ສະຫາຍ. ເງິນສະຕິພັກທົ່ວແຂວງ ທີ່ເກັບໄດ້ໃນປີ 2023 ຈໍານວນ 926 ລ້ານກວ່າກີບ, ມອບໃຫ້ຈັດຕັ້ງແຂວງ 117 ລ້ານກວ່າກີບ, ຍັງຄ້າງມອບ 123 ລ້ານກວ່າກີບ. ສໍາລັບການປະຕິບັດວິໄນພາຍໃນພັກ ໄລຍະຜ່ານມາສາມາດປະຕິບັດວິໄນຕໍ່ສະມາຊິກພັກລວມທັງໝົດ 69 ສະຫາຍ ຍິງ 12 ສະຫາຍ. ໃນນີ້ ປະຕິບັດຂັ້ນກ່າວເຕືອນ 13 ສະຫາຍ, ຂັ້ນຕິຕຽນ 15 ສະຫາຍ, ໂຈະຮ່ວມຊີວິດພັກ 28 ສະຫາຍ, ລຶບຊື່ອອກຈາກພັກ 17 ສະຫາຍ, ປົດຕໍາແໜ່ງພາຍໃນພັກ 1 ສະຫາຍ ການປະຕິບັດວິໄນຄະນະພັກ-ສະມາຊິກພັກນີ້ ແມ່ນໄດ້ຈັດຕັ້ງປະຕິບັດໂດຍອີງໃສ່ກົດລະບຽບຂອງພັກເປັນຕົ້ນຕໍໃນການຄົ້ນຄວ້າພິຈາລະນາຕົວຈິງ.
ຈາກນັ້ນ, ພາຍໃນກອງປະຊຸມກໍໄດ້ມີການລາຍງານພ້ອມທັງປະກອບຄໍາເຫັນໃສ່ການຕິດຕາມກວດກາການຈັດຕັ້ງປະຕິບັດວຽກງານກວດກາພັກ, ການເກັບກໍາສະຖິຕິພັກ ແລະ ແຈ້ງການຕ່າງໆຢູ່ນະຄອນໄກສອນພົມວິຫານ; ແກ້ໄຂປະກົດການຫຍໍ້ທໍ້ຕ່າງໆກ່ຽວກັບການລັກລອບຄ້າຂາຍບໍ່ຖືກກົດໝາຍລຽບຕາມຊາຍແດນຢູ່ເມືອງເຊໂປນ; ລາຍງານການຕິດຕາມກວດກາແກ້ໄຂການຄຸ້ມຄອງ ແລະ ປັບປຸງໂຮງງານປຸງແຕ່່ງໄມ້ຢູ່ເມືອງທ່າປາງທອງ; ຕິດຕາມກວດກາຄົ້ນຄວ້າການແກ້ໄຂຄໍາຮ້ອງ-ຄໍາສະເໜີ ຂໍ້ຂັດແຍ່ງກ່ຽວກັບທີ່ດິນຢູ່ເມືອງໄຊບູລີ ແລະ ອື່ນໆ.
(ຂ່າວ: ສະຫວັນ)
ໃນໂອກາດນີ້, ສະຫາຍ ນາງ ກິ່ນນາລອນ ວົງຄໍາໂສພາ ຮອງປະທານກວດກາແຂວງ ກໍໄດ້ຂຶ້ນຜ່ານບົດສະຫຼູບການຕີລາຄາການເຄື່ອນໄຫວວຽກງານກວດກາປະຈໍາປີ 2023 ແລະ ທິດທາງແຜນການ 2024. ຊຶ່ງທົ່ວແຂວງມີສະມາຊິກພັກທັງໝົດ 33.837 ສະຫາຍ ຍິງ 9.949 ສະຫາຍ. ໃນນີ້, ສະມາຊິກພັກສໍາຮອງ 2.076 ສະຫາຍ; ສະມາຊິກພັກທີ່ມີເງື່ອນໄຂສາມາດຈັດແບ່ງປະເພດແຂງມີ 27.085 ສະຫາຍ, ປະເພດກາງ 3.287 ສະຫາຍ, ປະເພດອ່ອນ 44 ສະຫາຍ, ບໍ່ໄດ້ຈັດປະເພດມີ 3.417 ສະຫາຍ. ເງິນສະຕິພັກທົ່ວແຂວງ ທີ່ເກັບໄດ້ໃນປີ 2023 ຈໍານວນ 926 ລ້ານກວ່າກີບ, ມອບໃຫ້ຈັດຕັ້ງແຂວງ 117 ລ້ານກວ່າກີບ, ຍັງຄ້າງມອບ 123 ລ້ານກວ່າກີບ. ສໍາລັບການປະຕິບັດວິໄນພາຍໃນພັກ ໄລຍະຜ່ານມາສາມາດປະຕິບັດວິໄນຕໍ່ສະມາຊິກພັກລວມທັງໝົດ 69 ສະຫາຍ ຍິງ 12 ສະຫາຍ. ໃນນີ້ ປະຕິບັດຂັ້ນກ່າວເຕືອນ 13 ສະຫາຍ, ຂັ້ນຕິຕຽນ 15 ສະຫາຍ, ໂຈະຮ່ວມຊີວິດພັກ 28 ສະຫາຍ, ລຶບຊື່ອອກຈາກພັກ 17 ສະຫາຍ, ປົດຕໍາແໜ່ງພາຍໃນພັກ 1 ສະຫາຍ ການປະຕິບັດວິໄນຄະນະພັກ-ສະມາຊິກພັກນີ້ ແມ່ນໄດ້ຈັດຕັ້ງປະຕິບັດໂດຍອີງໃສ່ກົດລະບຽບຂອງພັກເປັນຕົ້ນຕໍໃນການຄົ້ນຄວ້າພິຈາລະນາຕົວຈິງ.
ຈາກນັ້ນ, ພາຍໃນກອງປະຊຸມກໍໄດ້ມີການລາຍງານພ້ອມທັງປະກອບຄໍາເຫັນໃສ່ການຕິດຕາມກວດກາການຈັດຕັ້ງປະຕິບັດວຽກງານກວດກາພັກ, ການເກັບກໍາສະຖິຕິພັກ ແລະ ແຈ້ງການຕ່າງໆຢູ່ນະຄອນໄກສອນພົມວິຫານ; ແກ້ໄຂປະກົດການຫຍໍ້ທໍ້ຕ່າງໆກ່ຽວກັບການລັກລອບຄ້າຂາຍບໍ່ຖືກກົດໝາຍລຽບຕາມຊາຍແດນຢູ່ເມືອງເຊໂປນ; ລາຍງານການຕິດຕາມກວດກາແກ້ໄຂການຄຸ້ມຄອງ ແລະ ປັບປຸງໂຮງງານປຸງແຕ່່ງໄມ້ຢູ່ເມືອງທ່າປາງທອງ; ຕິດຕາມກວດກາຄົ້ນຄວ້າການແກ້ໄຂຄໍາຮ້ອງ-ຄໍາສະເໜີ ຂໍ້ຂັດແຍ່ງກ່ຽວກັບທີ່ດິນຢູ່ເມືອງໄຊບູລີ ແລະ ອື່ນໆ.
(ຂ່າວ: ສະຫວັນ)
ຄໍາເຫັນ